رواية قمر الفصل الرابع عشر 14 بقلم فاطمة عبدالعزيز

الصبح بدري قام راح لحنان ..

مصطفى حكالها ع الا حصل 

حنان:أمر ربنا ي مصطفى

مصطفى بعصبيه من هدوءها:اي ي حنان مالك مستسلمه كدا اي 

حنان:انا لو عملت اي الموضوع مش هيتحل و هفضل ف السجن 

مصطفى:لي كدا لي الطاقه السلبيه دي انتي الا كنتي بتقولي اي مشكله و ليها حل 

حنان:انا مصدقتش كلام اختي صفيه لما قالتلي انتي رميتي نفسك ف حفره مليانه تعابين

مصطفى:لا متقوليش كدا انا هفضل جنبك 

حنان:خلاص ي مصطفى بالله عليك انا تعبت اووي 

مصطفى: بصي تتطلعي بس مقابل حازم 

حنان بعدم فهم:ازاي مش فاهمه

مصطفى:بصي احلام هانم قالتلي لو خرجتك هتقتل حازم بس انا و انتي مع بعض هنفضل مع بعض و نعوض حازم و نجيب ولد تاني برضوا و..

قاطعته: مصطفى بالله عليك تسكت انا مش هقتل ابني علشان انا اعيش بحريه و اخرج من السجن 

مصطفى:و انا مش هينفع اسيبك كدا 

حنان:طلقني ي مصطفى طلقني و حب ابني و انا متاكده انك هتحبه زاي ما بتحبني

مصطفى بصدمه:لا مستحيل انتي بتتكلمي ف اي مستحيل اسيبك هنا 

حنان:لا سبني 

مصطفى:انا بحبك و انتي بتحبيني و لازم اقف جنبك احنا سند لبعض 

حنان نطقت الكلمه الا هتندم عليها العمر كله و بسببها خسرت كتير اووي :

و انا مش بحبك كل دا علشان بس فلوسك ي مصطفى انا بس بعمل كدا علشان فلوسك 

مصطفى مصدوم مش عارف يعمل اي هيا بتتكلم بجد ولا بتقول كدا علشان يمشي لا هيا كدابه هيا بتحبني انا و بس كل يوم ابص ف عنيها ملاينه حب مش كدب و خداع لا لا 

مصطفى:لا ي حنان مضيعيش حبك انا بحبك و انتي كمان بتحبيني صح 

حنان نطقت برضوا الكلمه التانيه الا ضيعت كل الا ف ايديها:لا ي مصطفى انا بكرهك بكرهك ي مصطفى حتي حازم بكره و مش بحبه علشان منه تعرف اني كنت باخد حبوب منع الحمل علشان مخلفش منك دخلت البيت علشان فلوسك علشان ابقي هانم و اشغل الخدامين عندي مش  

مصطفى بصدمه من كلامه إلا مش عارف يستوعبه أو مش عايز لأنه هيبقي صدمه كبيرة اووي منها من اقرب الناس ليه 

:لا انتي بتحبيني و بتحبي ابنك علشان هو مني 

حنان:لا لا انا مش عايزه اشوفك تاني ةنا بكرهك و بكرة احلام و بكره ليلي و بكرة حازم لانه منك و بكرهكم كلكم امشي ي مصطفى مش عايزه اشوف وشك هنا تاني امشي ابعد عني

فضلت تقول بكرهكم كلكم لحد ما اغمي عليها و جابلها الدكتور و كانت عندها انهيار عصبي كانت تصحي من النوم تفضل تقول للكل بكرهكم كلكم كلكم بكرهكم و يدوها حقنه تنام فضلت شهر ع الحال دا اتحكم عليها ب 10 سنين سجن ..

بقت كويسه نوعا ما و راحت السجن الا هتقدي فيه

 دخلت سجنها و نحت ع الأرض و فضلت تعيط كتير اووي حزن ألم وجع شوق لابنها الا لسه مشبعتش منه …

مصطفى مع كلام احلام و ليلي فعلا صدق ان حنان بتكره و انها كانت بتعمل كدا علشان الفلوس ..

كره حازم لانه منها و بدل الحب الا كان ف قلبه انقلب بكره و حقد احلام اخدت حازم يقعد معاها علشان ليلي و مصطفى يبقوا براحتهم ف الفيلا 

كان ف وحده غريبه مش طايق ليلي و لا طايق حد حتي حازم 

صفيه اشتغلت ف الڤيلا زاي ما هيا مع صبحي جوزها 

حازم فضل يكبر يوم و يوم  ف كره ليلي و كره أبوة بس الا كان حنين عليه صفيه و الا كان بيعشقها ….

مر 10 سنين و حنان خرجت من السجن دورت ع ابنها كتير 

كل يوم بتلاقي احلام معاه خايفه تروح تقولها عايز اشوف ابني تطلبلها البوليس تاني بتهمه الخطف ولا اي تهمه …

كل يوم تشوفه كان برئ بس باين عليه الوحده ف يوم كانت احلام تعبانه مقدرتش تروح ف مصطفى اطر أنه يروح مع حازم النادي ..

حنان جات لمح حازم من بعيد زاي كل يوم بس لقت معاه مصطفى فرحت جدا هتقابل حبيبها و ابنها ف نفس اليوم

راحت عندهم مصطفى بصلها اووي اخيرا جيه اليوم الا اشوفك ف ي حنان اخيرا ..

بالرغم من كلامها و كلام أمه و ليلي لكن لسه ف حب بمجرد ما شفها كل الحقد و الكرة دا اتحول لحببص لملامحها البهتانه و وشها الحزين و الكسرة الا ف عينيها بس شاف حب و شوق ف عينيها …

بس شيطانه جاله و فكرة بكل الكلام الا قالته و كمان كلام احلام و ليلي و الا حصل من 10 سنين فاتوا كلو اتجمع قدامه و قالها بغضب و كره:انتي ؟انتي عايزه اي؟هااا؟عايزه اي؟عايزه فلوس؟و لا عايزه تكذبي عليا تاني ؟و لا يمكن عايزه تشوفي ابنك الا بتكرهي

حنان:انا ف اي ي مصطفى مالك 

مصطفى:مالي انتي عايزه مني اي ي شيخه عايزه اي مني انتي مش كفاكي الا عملتيه فيا انتي شيطانه 

حنان:لا بجد ف اي انا حنان ي مصطفى حبيتك 

مصطفى ضحك:حببتي لا والله انا حببتي تبقي ليلي مش انتي كنتي مجرد خدامه مش اكتر ع فكره انا بشفق ع ابنك مش اكتر و هو اصلا مش قاعد معايا دا عن احلام ف شقتها علشان مش هقدر اشوفه ..مش هقدر اشوف اي حاجه منك مش هقدر اشم رحتك فيه مش هقدر اشوف اي حاجه كانت فيكي فيه انا بكرهك ي حنان

حنان مصدومه مين دا اكيد عمره مايكون مصطفى حبيتها:انتا بتكلمني كدا لي انا حبيبتك انا قولتلك خالي بالك من ابننا و انتا لازم

مصطفى قاطعها:لا انا موعدكيش بحاجه و بعدين هو مع احلام 

حنان:انا عملت اي لكل دا انا عمري ما عملتلك حاجه وحشه لي تعمل معايا كدا 

مصطفى: أنتي كسرتي قلبي 

حنان:هما قالولك اني سرقت 

مصطفى:مفيش حد قالي انا مش بمشي ورا كلام حد

حنان:ايوا صح 

مصطفى:انتي بجد مش عارفه انتي قولي اي و انتي عملتي اي يوم ما جتلك تاني يوم ف السجن

حكالها ع الا قالته كله 

حنان بصدمه:انا كان عندي انهيار عصبي و قولت اي كلام و خلاص مش عارفه انا قولت اي و لا فاكرة حاجه و لو فاكرة مكنتش جيت صدقني انا قولت الكلام دا من انهياري و مقصدش

حازم كان شايف الموقف دا كله و مش فاهم حاجه و لا عارف حنان اخدت بالها منه 

نخت ع الأرض و بصت لحازم و باسته ف خدوده و ف كل حته ف وشه و حضنته كتير اووي 

حازم: بعد اذن حضرتك انا عايز اروح العب بابا مين دي 

مصطفى:سبيه ي حنان

حنان:انا هاخده بالله عليك 

مصطفى:حازم روح العب ي حبيبي 

حنان:ابوس ايدك هشتغل خدامه عندكم تاني بس ابقي جنبه

مصطفى:اختك جنبه 

حنان:صفيه 

مصطفى:انتي ليكي اخت تانيه ع العموم ارتاحي انتي مش هتخشي الڤيلا دي تاني و يلا بقي ي حنان باي يلا ي حازم 

حنان كل يوم تروح لمصطفى كان هو إلا بيجي بحازم النادي 

احلام خفت و هو برضوا بيجي مع حازم اي السبب ميعرفش يمكن علشان حنان؟لالا لا و الف لا هترجع تاني توجع قلبك لا و الف لا كمان لا لا لا …

حنان كانت كل يوم بتنام عن واحده ست عندها شقة ف  بيت قديم بتفضل معاها  …

الست:يبنتي هتفضلي كدا لحد امتا طول الصبح برا و بليل تفضلي تعيطي.

حنان من بين دموعها:انا اسفه ي حجه 

الست:ي بنتي انا عايزه راحتك بصي ابني جاي من بريطانيا الاسبوع الجاي و هيجيب شقه هنا ف مصر نقعد فيها 

حنان:اه طيب ممكن تسبيلي الشقه  دي اعيش فيها و الله هفضل ف شغلي و كمان هشتغل حاجه كمان و هدفع الايجار بتاعها بس والله مليش مكان غير هنا .

الست:يبت هو انا بقولك كدا علشان تقولي اسفه و معرفش اي انا بقولك علشان تيجي تعيشي معانا ي حنان

حنان:و ابنك و مراته و عياله كل دا هيبقي كتير اوي 

الست:ي بنتي انتي كامل حكتله عندك كتير و بصراحه بقي ولا اقولك يلا الاسبوع الجاي كامل هيجي هنا و يقولك الا هو عاوز يقوله 

اسبوع عدي و كامل جيه و طلب الجواز من حنان و وافقت علشان ظروفها و الست مامته كانت فرحانه اوي وهي كانت مشجعه كامل علشان يعمل كدا …حنان  مبقتش بتروح تشوف حازم .

خلفت ولد زاي القمر و كان اسمه مازن كانت أغلب الوقت بتانديه بحازم 

احلام ماتت و حازم راح الڤيلا و عاش مع ليلي ع أنها ام جديده ليه ليلي جابت مروه 

مصطفى عرف أن حنان اتجوزت و خلفت 

و دا جننه اكتر 

حنان قررت تروح عند حازم تشوفه لانه وحشها و اخدت مازن معاها توريه لحازم و تعرفه أن دا اخوه 

راحت النادي كان حازم و مروه بيلعبو مع بعض 

راحت جنبهم و بتتكلم معاهم مصطفى جيه

مصطفى:انتي بتعملي اي هنا

حنان: مصطفى خليني اشوف  ابني ي مصطفى وحشني اووي و 

قاطعها:حنان روحي شوفي انتي رايحه فين 

حنان:طيب مش هاجي هنا تاني بس اعرفه اني أمه أمه حنان 

مصطفى:قسماً بالله لو حازم عرف ف يوم من الأيام أن انتي أمه ليدفع التمن الا ع ايدك دا ماشي يلا روحي شوفي جوزك ..اه و احب اقولك بعد موت حماتك جوزك كمان هيموت و هتعيشي فقيره زاي ما كنتي 

حنان:كنت عالم الغيوب

مصطفى:لا و انتي الصادقه هقتله 

حنان خافت بس قالت كله بيدي الله 

فعلا مصطفى قتل كامل كان ليها معاش بتاع كامل هو دا كان مصدر دخلهم الوحيد ….

باك ….

قمر مسحت دموعها:و لي سكتي ع حقك

حنان من بين دموعها:خفت فعلا اخسر مازن و لحد انهارده خايفه اخسره خايفه حازم يعرف لما نفذ وعده أنه هيقتل كامل و قتله فعلا خفت ي قمر خفت جدا اشتريت شقه تانيه و قعدت فيها مازن كبر و دخل كليه حقوق الا كان بيحلم بيها و جينا الشقه دي 

قمر:مش هتقولي لحازم برضوا 

حنان شاورت برأسها بلا:لا 

قمر:انا هقوله مصطفى بقي ضعيف و لو فعلا راجل يعمل حاجه لمازن مش هيقدر 

حنان:لا لا لا ي قمر مش هفرط ف ابني 

قمر:انتي متعرفش حازم بيحس بإيه 

حنان:حازم وسط اخته مروه و ليلي و مصطفى

قمر:انتي فعلا مصدقه الا بتقوليه ليلي الا دخلتك السجن و لا مصطفى الا قتل جوزك انتي لي مستسلمه 

حنان:اتهديت ي قمر اتهديت 

قمر: انا هفضل جنبك و هنعدي الازمه دي إنشاءالله نعزل من هنا 

حنان:يبنتي انا مش هقدر 

قمر:انا هقول لمازن انهارده و هو إلا يحدد إذا كان نقول لأخوه ولا لا تمام ي ماما 

حنان: بلاش 

قمر:لا لازم ي ماما 

حنان:ي بنتي 

بعد منهدات كتير قمر هيا الا فازت انتظرت الليل يجي بسرعه علشان تقول لجوزها أن ليه اخ  

اتغدو و هيا مشت هيا و مازن ..

قمر:حبيبي 

مازن:عيونه

قمر:عايزه اقولك ع حاجه 

مازن ابتسم و قعد جنبها:قولي 

قمر بلعت رقها:عارف مين أم حازم المكاوي 

مازن بتفكر:انتي بجد لقتيها

قمر:ايوا 

مازن:كنت عارف ان مفيش حد هينفع ف الموضوع دا غيرك انتي و بس 

قمر:تعرف مين أم حازم 

مازن:لا والله مين 

قمر:حنان محمد درويش

مازن مش مستوعب هو سمع الاسم صح ولا لا:مين يعني 

قمر:حنان محمد درويش

مازن هنا استوعب أمه هيا اي ؟:نعم امي 

قمر شاورت برأسها اه:اه 

مازن اخد نفس و سابه ع مراحل و بص لقمر:قمر لو سمحتي بلاش هزار ف الموضوع دا بالذات 

قمر مقدره صدمته دي:حببي والله انا اسفه بس انتا لازم تتقبل الموضوع 

مازن:اووف عليكي ي قمر لو سمحتي ……ولا اقولك لي انا رايح لماما 

قمر بتشده علشان حازم موجود بس هو اقوي منها 

شد منها نفسه و جري ع شقه حنان 

و قمر وراه بتحاول توقفه 

دخل كان حنان و حازم قاعدين مع بعض بيتفرجو ع التلفزيون و اتفاجو بدخول مازن كدا ..

مازن بعصبية:فعلا الكلام الا بتقوله قمر صح ؟؟؟

فعلا الشخص دا اخويا (شاور ع حازم)

حازم:اي ي مازن ف اي و اخوك مين دا انا اقعد كدا اكيد انتا تعبان من ضغط الشغل .(بص لقمر )قمر اي الا انتي قولتيه؟

حنان:بس بس 

مازن:انا عايز افهم حاجه واحده بس انتي فعلا ام حازم ولا قمر بتهزر

حنان:اااااا……..ايوا 

حازم و مازن انصدمو جدا بصو لبعض 

حازم:اي حضرتك امي 

مازن:دا اخويا 

حنان:ايوا ي حازم انا امك و ايوا ي مازن هو اخوك و انتا ي حازم مازن اخوك

مازن بصدمه:ازاي 

حنان:هقولكم …

حكتلهم حكايتها كلها إلا حكتها لقمر

حازم:و حضرتك بقي سبتيني طول السنين دي علشان مازن علشان متخسريش مازن 

حنان:يبني قدر موقفي 

مازن مشي و راح لشقته و قمر راحت وراه 

حازم:اقدر طيب لي مش عايزه تقوليلي 

حنان:يبني بالله عليكي 

قاطعها حازم:لا لا لا انا مش ابنك متقوليش ابني لاني انا فعلا لو ابنك مكنتيش تعملي فيا كدا بقولك قد اي انا بحس اني وحيد و نفسي ف امي ترجع ابص القيها جنبي جنبي و كانت اكتر واحده جنبي لي عملتي فيا كدا كنتي بعتيني عنك بس تصدقي كان نفسي لما اعرف امي و اشوفها اترمي ف حضنها 

حنان:و انا موجوده يبني تعالي ف حضني

حازم ضحك بوجع:مش هقدر احضن الست الا خدعتني و كسر قلبي و باعتني 

حنان:يبني انا

قاطعها حازم و زعق:انا مش ابنك 

حنان:اعذرني و راجع كلامي ف دماغك و صدقني هتعذرني 

حازم:انا مش هفكر فيكي اصلا كفايه كنت اتمنا اني لما القيكي هفرح بس طلع اكبر وجع 

حنان:يبني والنبي 

حازم:اخر مره هقولك انا مش ابنك انا مش ابنك انا همشي و خالي مازن جنبك الا انتي بعتيني علشانه. بعدتي عندي علشانه. كسرتي قلبي علشانه. حرمتني من الحنان علشانه.الا خالتيني جنب واحده تحسسني بالوحده و الذل علشانه.

عن اذنك 

حازم دخل اوضته لم هدومه كلها ف شنطته و مشا رغم أن حنان بتحاول توقفه بس جري بسرعه من قدامها خرج دماغه هتنفجر راح للدسكو و فضل يشرب للصبح 

حنان قعدت ف اوضته و فضلت تعيط للصبح 

مازن نايم فضل يعيط زاي الطفل و قمر بتحاول تهديه و حست بالذنب و لو مقالتش مكنش دا حصل

مازن خرج الصبح شغله من غير ما يطمن ع حنان و يصبح عليها و بيوس أيدها كان أول يوم ميعملش كدا اول يوم ف حياته كلها ..

قمر بعد ما مشي راحت لحنان كانت نايمه ف اوضة حازم و حاضنه التيشيرت بتاعه 

قمر صحتها بس مكنتش بتصحي خالص جابت ميه ترش ع وشها برضوا مش بتصحي اتصلت بمازن بس كان قافل فونه 

اتصلت ع حازم اكتر من مره و رد بعد مرات كتير 

حازم بصوت نعسان:اي مين 

قمر:حازم مامتك مبتردش عليا خالص و تنا قلقانه عليها اووي بالله عليك تيجي نوديها المستشفى

حازم قام مفزوع بس قعد تاني:ف مازن خاليه يوديها 

قمر:مازن تلفونه مقفول والله حازم دي والدتك و ممكن لاقدر الله تروح منك قبل 

قاطعها حازم بقفل السكه و جري بسرعه لبس اول حاجه قدامه و نزل جري .

ووصل حاول يقومها بس مش بتقوم شالها و و اخدها للمستشفى..

مازن خلص الاجتماع الا كان عنده و فتح فونه كانت قمر رانه عليه اتصل عليها يشوف عايزه اي 

مازن:ف حاجه ولا ي قمر خير

قمر:ماما ي مازن

مازن:مامتك مالها 

قمر:مامتك انتا ي مازن ف المستشفى

مازن:اي لي ف اي انطقي 

قمر:معرفش تعالي بسرعه 

مازن:مسافة السكه ..

ماخدش ربع ساعه و كان واصل المستشفى

مازن:ف اي ي قمر 

قمر:معرفش والله بصحيها مش بتصحي حاولت افوقها بميه بس برضوا اتصلت بيك كانت فونه مقفول و اتصلت بحازم هو إلا جابها المستشفى

مازن بص لحازم:شكرا 

حازم بصله:ع اي 

مازن:انك جبت امي المستشفى

حازم:مش هيا كمان امي ولا اي 

مازن اخد نفس و طلعه مره واحده 

و وقف ساكت 

بعد نص ساعة الدكتور طلع 

الكل جري عليه 

مازن:خير ي دكتور

الدكتور:ضغطها كان عالي بجانب الانهيار الا كان عندها بس بلاش زعل هيا مش هتستحمل زعل تاني انتو كان ممكن تخسروها انهارده عن اذنكم و بلاش زعل بجد بلاش زعل

مازن:طيب لو سمحتي ممكن ندخلها 

الدكتور:مش دلوقتي لأنها نايمه 

مازن:تمام 

حازم قعد و اتفاجاء بمازن الا وقف قصاده 

مازن:علشان خاطر الا جوا دي بلاش زعل 

حازم ابتسم:باذن الله

مازن رجع مكانه لي ميعذرش أمه هيا خافت عليه خايفه تخسره وهو ف ثواني كدا يبعد عنها لو كان صبح عليها انهارده كان اي الا هيحصل يعني هيا كانت مغمي عليها 

بس برضوا الا انا عملته دا غلط دي ولدتك و اعذرها لما كانت مهتمه بحازم دا ابنها و بقالها قد اي ماشفتهوش كان لازم تحسسه ان لي أهل

 ساعه عدت 

و الدكتور سمحلهم بالدخول ليها لما فاقت علشان يطمنو عليها 

حنان:انا اسفه ي حازم و اناو مازن دا غلطي من الاول 

مازن باس أيدها:انسي ي ام …..حازم 

حازم باس أيدها:و لا يهمك ي ماما 

حنان: سامحوني انا غلط ف حقكم 

مازن:انتي مغلطيش ف حقي ي امي حازم الا اتظلم و لازم نعوضه 

قمر:فعلا ي مازن لازم نعوض حازم عن كل الا حصل دا 

حازم:انا مش عايز عوض انا عايز بس….. ماما الف سلامه عليكي أنا همشي 

حنان مسكت أيده:لا ي حازم

حازم:لا لازم انا مش هقدر اعيش معاكم 

مازن:لي مش كنت بتحلم بدأ انك تعيش وسط عيله و تلاقي مامتك 

حازم:ربنا عايز كدا ي مازن عن اذنكم 

حنان:حازم لو مشيت هموت نفسي 

حازم:لا لا لا متقوليش كدا هرجع بس لازم اظبط اموري الاول لاني متلخبط عن اذنكم

حنان:الحق اخوك ي مازن

مازن:سبيه لازم يحدد هو عايز اي 

………..

مروه بتخرج مع اصحابها كل يوم ..

و برضوا الشخص بيراقبهم 

مروه:انا لازم اعرف مين دا 

رحمه:اهدي كدا هنعرف بعدين مش هسيبك ترحيلو دا ممكن حرامي 

مروه:حرامي انا عايزه يسرقني 

عليا:بجد والله 

مروه:مش هفضل كدا 

عليا: يبقي تهدي و هو هيجي ف يوم من الايام 

###و اليوم دا جيه اهوو ي عليا 

انصدمو من الا شافه هو مستحيل دا هو بجد