رواية أولاد عمي الفصل الثامن عشر 18 بقلم منة وائل
 |
| رواية أولاد عمي الفصل الثامن عشر 18 بقلم منة وائل |
رواية أولاد عمي الفصل الثامن عشر 18 بقلم منة وائل
معاذ :كده كل حاجه جاهزه مش فاصل غير بس اني اصلي وانزل
ترن ترن
معاذ :ودي عاوزه اي دي، مش هرد
ترن ترن
معاذ :وبعدين بقا اما اشوفها عاوزه اي، الو ايوا يا ساره
ساره برعب :الو الو يا معاذ الحقني العربيه وقفت في مكان غريب اوي بعيد عن بيتنا وفي أصوات غريبه اوي بعيد عن بيتنا وفي أصوات غريبه اوي مش عارفه اعمل اي
معاذ :طب وانتي اي اللي نزلك بدري
ساره :معرفش بقا انا لبست وجهزت حاجتي وعماله الف بقالي ساعه في نفس المكان ومش عارفه اعمل اي وخايفه اوي
معاذ :طيب طيب ماتخافيش مسافه السكه
ساره :عاااااااا
معاذ بخوف :ساره ساره، الو الو يالهوي انا هروحلها بسرعه
……………..في الأسفل
فاطمه :صباح الخير ياعمي
عبد الرحمن :صباح الخير يابنتي اي اللي مصحيكي بدري كده
فاطمه :مفيش ياعمي صحيت اصلي الفجر واقري قراءن و اودع معاذ عشان مسافر كمان شويه
عبد الرحمن بتذكر :اه اه صح كان قايلي، طب وده هيجي خطوبه اخواته ازاي
فاطمه :هو قال انه هيتصرف ويوم الخطوبه هينزل
عبد الرحمن :ماشي، شوفتي العروسه امبارح يا فاطمه كانت قمر ازاي
فاطمه بفرح:ايوا يا عمي قمر ماشاء الله بس انا عاوزه اسأل حاجه يا عمي وانجرحت أسألك امبارح
عبد الرحمن :خير يابنتي
فاطمه :هو الشقه اللي هما عايشين فيها دي مش دي بردو شقه معتز…..
عبد الرحمن باإرتباك :اه… اه يا بنتي هي بس انا خلتهم نقلوا في الشقه دي عشان بردو مانبقاش قلقانين عليهم وكده يعني يبقوا تحت عنينا وكده
فاطمه بتفهم :اه فهمت يا عمي جذاك الله كل خير
عبد الرحمن :بقولك يا فاطمه
فاطمه :ايوا يا عمي
عبد الرحمن :ماتعرفيش لسه اي حاجه عن ناديه وعيالها
فاطمه:لا والله ياعمي انا بحاول على قد ما اقدر اعرف هما فين من كل ناحيه كان الأرض انشقت وبلاعتهم
عبد الرحمن :يا حول الله يارب، انا كمان هحاول على قد ما اقدر اني اعرف مكانهم
فاطمه :معاذ في أي يابني
نظر لها معاذ وهو يجري بهروله ويقول:مفيش حاجه يا ماما
فاطمه :طب استنا طيب بتجري ليه
معاذ :في مشكله حصلت ولازم الحقها مع السلامه هكلمك في التليفون
فاطمه :مع السلامه، لا إله إلا الله الواد لسه مفتح عينه تجيلوا المصايب فجاءه كده
عبد الرحمن :ربنا بيجيب الشدائد لكل بني آدم على حسب مقدرته وانتي ابنك قدها ربنا معاك يا معاذ يا بني
بقلمي منه وائل
❣️❣️❣️❣️❣️❣️❣️❣️
في منزل رعد
شروق وهي على سجاده صلاواتها وتبكي :اللهم وفقني وانصرني على اعدائي اللهم ان كان لي حق فلا تضيعه اللهم احميني انا وامي يالله اللهم ارحم اخي واغفر له وسامحه وخفف عنه ضمه القبر يالله
ناديه :شروق يا شروق
شروق :ايوا يا ماما
ناديه :صحي اخوكي يا بنتي عشان يلحق الدرس
شروق :حا.. امير؟، أمير عند اللي احسن من الكل يا ماما
ناديه ببكاء:معلش يابنتي نسيت اصل اصل امير لسه ما مشيش امير زارني في المنام يابنتي
شروق بلهفه:وقالك اي يا ماما
ناديه :طلب مني اني اسامحه وازوره كتير وقالي حقنا هيرجع يا ماما
شروق باطمئنان :ربنا يرحمك ياامير، يلا يا ماما قومي البسي هنروح لأمير
ناديه :بجد ماشي يلا
بقلمي منه وائل
❣️❣️❣️❣️❣️❣️❣️❣️
عند ساره
ساره:اااااه رجلي الله يخربيت ده كيس، ياربي كل التعويره دي بسبب زحلقه من كيس ومعاذ هيجي يشمت فيا يالهوي، وبعدين اي المكان ده بس ياربي يارتني ما مشيت وكنت استنته يجي لازم أكابر انا لازم اشربي بقا يا ساره خالي دماغك الناشفه تنفعك الجو تلج اوي مش منقين الا اسكندريه ويسلموا فيها البضاعه ده اي الهم ده
بلطجي :طلعي اللي معاكي يا بت
ساره بفزع:عاااااااااااااا، انت اي انت يا حيوان
بلطجي :طلعي يابت اللي معاكي وبلاش غلط
ساره :لا أنسى. انا اصلا تايهه ورجلي متعوره ولا هعرف أجرى منك ولا غيره
البلطجي باءستغراب :يعني اي انتي مش معاكي حاجه
ساره :خالص نفضني
البلطجي بخيبه امل :طب وانتي اي اللي مقعدك هنا
ساره :الله منا قولتلك تايهه يابني ورجلي اتعورت حتى بص اتعورت اهي وقاعده لا بيا ولا عليا ومش عارفه اعمل اي
البلطجي :صعبتي عليا اتخري اقعد جنبك
ساره :استريح يا خويا المشوار اصلا متعب، انت منين يا… اسمك اي صح
البلطجي :اسمي فؤاد محسوبك فؤاد عسلاجه
ساره بضحك:هههههههه فؤاد اي عسلاجه يابني هو ده اسم
البلطجي :لا يا ست للكل ما هو ده الشهره، لاكن انا اصلا اسمي فؤاد حسن سليمان الشهير بفؤاد عسلاجه منين، انا من حته كده اسمها المريوطية تسمعي عنها
ساره :يخربيتك المريوطية طب وانت اي اللي جابك هنا
البلطجي :والله جيت اقلب عيشي هنا العيال نايمه من غير اكل
ساره :ههه وانت لما تقطع المشوار ده كله عشان تاكل العيال هتلاقي ده هنا المكان كله ظباط ولواءات
البلطجي :أحيه يااما ا
انتي بتتكلمي جد
ساره :جد الجد كمان معاك الرائد ساره رضوان
البلطجي :ده فين دي
ساره:انا
البلطجي:يا نهار اسود ومنيل انا انا اسف يا باشا
ساره :ياعم اقعد ياعم وانت شايفني مرفعاك اترزع احنا بناخد وندى مع بعض قولي بقا انت مااشتغلتش قبل كده
البلطجي:لا اشتغلت اكيد يا ست الكل كنت ميكانيكي موتسيكلات بس ولاد الحرام ولاد عمي حرقولي الورشه وبلف على شغل مش بلاقي فاتجهت للسرقه
ساره وهي تلوي شفتاها:وياريت نافع فيها طب خد دول روح كل العيال معاك تليفون
البلطجي:ايوا بس اللي هو القديم ده حتى مش راضي ينباع بس اهو بينفع
ساره :خد رقمي وهات رقمك وانا هشغلك ماتقلقش بي لما ارجع من الشغل
البلطجي:بجد ياست الكل مش عارف اقولك اي هاتي راسك ابوسها
ساره :بس اي ماتغتصبني احسن يلا اتكل على الله بدل العيال ما يفطوس مع السلامه
البلطجي :ربنا يخليكي ياست الكل ربنا يفرح قلبك ويوفقك يا اميره يا بنت الامره
ساره :خلاص انت هتشحت يلا مع السلامه يا فؤش
معاذ :مين فؤش ده أن شاء الله
ساره باءبتسامه:ده فؤش الحرامي اللي كان مثبتني
معاذ:نعم يا اختي مثبتك وسبتي يمشي
ساره :لا ما هو مااخدش حاجه غصب عني انا اللي ادتهوله وبعدين ده غلبان وخالته بهدله فكرني لما نرجع اشوفه شغلانه
معاذ بغضب :ياشيخه.. ياشيخه اقول فيكي اي بس منك لله
ساره :انت بتدعي عليا
معاذ :لا لسمح الله، ده انا لو طولت اخنقك باءيدايا دي مش هتاخر اوعي كده من وشي
ساره :انت…. انت ازاي بتكلمني كده
معاذ:يا شيخه بقا بلا هم جيت جري خوفت عليكي واتمرمط وحتى امي ما سلمتش عليها وماصلتش وكل ده عشان اجي الاقي سيادتك متصاحبه على الحرامي لا وممشياه مرضى كمان يا شيخه حسبي الله
ساره :حسبي الله فيك انت ماتتكلمش معايا كده غلطي اني استغثت بيك اصلا
معاذ :يا شيخه بقا اقعدي على جنب ماتستغثيش بيا تاني ياست انتي
ساره بصوت عالي :طيب، يلا مش هنمشي
معاذ وهو ينظر لها بغضب ثم يقوم بالقرب لها
ساره برعب :اي في أي
معاذ:انتي عاوزه اي
ساره:هنمشي امتا
معاذ :مستنين ميرفت وفارس جاين في الطريق
ساره :طيب
معاذ وهو ممسك بالهاتف :ياربي حتى المكان مفيهوش اشاره يعني استغفر الله العظيم
فارس :هاالو جايز
معاذ :مش طالبه هبل على الصبح انت كمان
فارس :في أي بس اهدي ياعم في أي مش كده ده السفريه هتبقا فل
معاذ :بلا فل بلا طين يلا بينا وبعدين اي اللي انت لابسه انت كمان ده لابسلي شورت طالعين ناخد تان احنا استغفر الله العظيم يارب
فارس: في أي يا موزه مالك مش كده خليك ايزي انا قولت اكيد هموت من الحر فلبسته يعني، الا صحيح فين البلطجيه اللي طلعوا على ساره
معاذ وهو ينظر لساره بسخريه :هههه اسألها
ساره :يلا يا فارس يلا
ميرفت :تعالي ده انتي شكلك حكايتك حكايه
بقلمي منه وائل
❣️❣️❣️❣️❣️❣️❣️❣️
في قصر العرباوي
رعد :صباح الخير يا جدي
عبد الرحمن :صباح الخير يا حبيبي بقولك صحيح اقعد كده عشان عاوز اعرف منك كام حاجه عن الشغل
رعد:اه طبعا اتفضل يا جدو
عبد الرحمن :عملت اي في مناقصه عاصم الصافطي
رعد:يااا يا جدو انت لسه فاكر دي الناقصه دي من زمان احنا دلوقتي شراكه احنا وعاصم
عبد الرحمن :نعم انت ازاي تعمل حاجه زي كده
رعد:عادي يا جدو يعني ما بابا عارف وبعدين ماله عاصم مش ده كان ابن صاحبك زمان
عبد الرحمن :اديك قولت زمان، زمان غير دلوقتي، دلوقتي النفوس اتغيرت لو حصل اي حاجه للشركه يا رعد انا بحملك المسؤليه
رعد :طب واي الجديد منا طول عمري بتحمل المسؤليه حتى لو مش انا اللي غلطان اتكلم في غير كده يا جدو الموضوع مش مستاهل عاصم الصافطي من أحسن رجال الأعمال اللي تقدر تقول السوق كله بيعمله الف حساب
عبد الرحمن :اما نشوف
نادر :صباح الخير يا جدي
عبد الرحمن :صباح النور يا نادر اي يا حبيبي كلمت عمك يحيي
نادر :اه الحمدلله و وافق وقالي انه نازل النهارده
عبد الرحمن وهو ينظر لمشيره :طب هو وافق عرفتوا العروسه موافقه والا لا ها يا مشيره اي رايك في الواد نادر ده
مشيره بخجل :ها…. اللي تشوفوا يا جدو
عبد الرحمن :ايوا يعني بردو رايك اي
مشيره بخجل:الله بقا يا جدو ماتكسفتيش عن اءذنكم
عبد الرحمن :هههههههه شوف البت وشها بقا طماطم خالص
نادر :ههههههه، هروح اجيب حاجتي ونمشي ها
رعد :تمم
…………..
نادر :مشيره مشيره
مشيره وهي تنظر للاسفل:نعم يا نادر
نادر وهو ممسك بذقنها:تؤتؤ ماتبسيش ابدا لتحت كدا انتي تبصي لفوق كدا وفي عينيا
مشيره:ها
نادر :ب ح ب ك
مشيره:انا… انا هطلع بقا
نادر :استنى بس يعني ما رضتيش عليا خلاص هنبقا لبعض يا روح يا نادر
مشيره بخجل شديد :ها اصل اصل
نادر :ههههههه خلاص يا طماطم وشك هينفجر روحي يا قلبي بس اول ما تبقى مراتي مش هحلك????
مشيره :عن اءذنك
نادر :ههههههههههههه
رعد :نااااااااادر
نادر بفزع :يالهوي ده انا هقطع الخلف بسببه
رعد :ناادر
نادر :خلاص خلاص جاي امي كانت بتتوحم على بط فرنساوي عشان يطلع صوته كده
بقلمي منه وائل
❣️❣️❣️❣️❣️❣️❣️❣️
في المقابر
ناديه:اول ليله ما تبيتش في حضني يا قلب ماما، كدا تسيب ماما دا انا قولت انت اللي هتشيلني لما اموت، عامل اي يا حبيبي شوفت انا خلتهم يعملولك لمبه عشان ماتبقاش في الضلمه لوحدك وعارف كمان اول ما ربنا يفرجها هطلع اعملك عمره، بص عملتلك القرص اللي بتحبها اهي والبتاع اللي بتحبه ده ياقلبي شوفتك في المنام كنت عارفه انك جاي تصبرني يا حبيبي ما تخافش عليا انا مش لوحدي اختك معايا قريب اوي يا حبيبي هتنام وترتاح لما حقنا هيرجع
شروق :وحشتني ياغلس انت مش عارفه مين اللي هيغلس عليا غيرك بس عارف كنت بحب رخمتك دي، كنت شقى بس شقاوتك حلوه شوفت جبتلك اي الورد اللي بتحب ريحته الياسمين والله وقفت على ايد الراجل عشان يظبطوا، المهم ماتخافش يا حبيبي انا كل يوم هكون عندك، مانا في ناس اهي وزعي الحاجه
ناديه :اه حاضر يابنتي
ترن ترن
شروق :الو ايوا يا مستر عاصم، لازم ادخل القصر ليه اي ازاي بس الظرف ما وصلهاش اه تمم طب وانا هدخله ازاي ده تمم تمم نتقابل ونشوف الموضوع ده سلام
بقلمي منه وائل
❣️❣️❣️❣️❣️❣️❣️❣️
في الطريق
فارس :هههههههههه لا انا مش مصدق هي عملت كده
معاذ:يابني دي واحده سايكو
فارس :ايوا بس هي عملت كده ليه
معاذ :اهو جنان بقا، ده ابوها قالها استنى معاذ هيجي ياخدك استفادت هي اي بقا لما عربيتها رجعت تاني ما كده كده احنا اصلا مش هنحتاج الا عربيتين بس تقول اي بقا دماغ ناشفه
فارس :هههههههه لا ده مش بعيد يكون الحرامي عزامها على زياره يوم
معاذ :يا بني دول تبادلوا الأرقام
فارس :ههههههههههه مش قادر هموت، هههههه ساره دي مشكله
معاذ :ربنا يشفيها
………..
ميرفت :هههههههه لا بجد انتي فصلتني ضحك اي اللي عملتي ده
ساره :يابنتي واحد وكان هيثبتني اصوت واسيبه يثبتني عادي منا كنت مرميه على الارض متهوره كان ممكن يقتلني كلمته بالسياسه وقعدنا وهزرنا وطلع غلبان وعبيط كمان ادتوه اللي فيه النصيب وهساعده لما ارجع أن شاءالله
ميرفت :يعجبني فيكي ثقتك في نفسك
ساره بغرور مصطنع :طبعا
ميرفت:ههههههههه
تك فسسسسس
ساره :اي الصوت ده
ميرفت :دي باين العجله الورانيه نامت
ساره :يوووو بقا
……..
معاذ :هما وقفوا ليه
فارس :باين العجله نامت والا اي
معاذ :هو يوم باين من أوله انا عارف انزل يابني انزل
فارس :حاضر
معاذ :خير
ساره :العجله نامت
معاذ :طب أوعي عشان اعملها
ساره :اي اوعي دي اسمها عن اءذنك
معاذ :يابنتي هو انتي مولوده فوق راسي ماترحمني بقا
ساره :ياعم انا عملتلك حاجه الله
ميرفت :يا جدعان اهدوا في أي
معاذ :ماانتي شايفه اسلوبها
فارس :بس خلاص اهدوا صلوا على النبي
الجميع :عليه افضل الصلاة والسلام
بقلمي منه وائل
❣️❣️❣️❣️❣️❣️❣️❣️
في شركه العرباوي
نادر :شوفت شركه سلمان المحلاوي
رعد :مالها
نادر :كسبت المناقصه اللي انا كنت قايلك عاوزين ندخلها
رعد :ههه شوفت عشان لما اقولك على حاجه تسمع الكلام
نادر :يابني انت دماغك دي ما شاء الله
رعد :ههههه، المهم ابوك فين
نادر :في مكتبه
رعد :تمم انا رايحله عشان في كام ورق كده ما مضاش عليهم مش عارف انا هو مهمل في الشغل كده ليه
نادر :والله ما عارف والسكرتيره بتاعته دي مش مريحاني
رعد:حلو اوي، بلغ قرار نقلها من بكره لسكرتيره ال Hr
نادر :ما بلاش يا رعد لحسن بابا يعمل مشكله
رعد :وهو هيعمل مشكله ليه هي مراته ولا حاجه القرار يتعمل فورا
نادر :حاضر
بقلمي منه وائل
❣️❣️❣️❣️❣️❣️❣️❣️
في فيلا عاصم
عاصم :نورتي.ياشروق
شروق :نورك يا مستر عاصم، خير قولي بقا
عاصم :دلوقتي انا عرفت من شغاله هناك ان ابوكي هو اللي اخد الظرف مش فاطمه
شروق :وبعدين
عاصم :مطلوب منك انك تدخلي القصر باي شكل من الأشكال ومش عشان الظرف وبس الأوراق المهمه كلها هناك عشان توصللها لازم تكوني هناك فهماني
شروق :فهماك بس اعمل اي
عاصم :هفهمك، بعد اسبوع من النهارده خطوبه معتز ونادر طبعا رعد هيعزمك استغلي الفرصه وهتعملي اللي هقولك عليه
شروق :حاضر
بقلمي منه وائل
❣️❣️❣️❣️❣️❣️❣️❣️
في قصر العرباوي
تن تن
سميره :حاضر جايه اهو
الممرضه :السلام عليكم
سميره :وعليكم السلام اؤمري الممرضه :انا الممرضه اللي طلبها استاذ حسام عشان انسه نورهان
سميره :اه طبعا اتفضلي اتفضلي ثواني وحسام بيه هيكون هنا
الممرضه :تمم، الو ايوا يا ريس حسن انا دخلت خلاص القصر اهو اه فعلا زي ماانت قولت دول ناس عليوي خالص طب هو البيه عاوز يخلص من البيه الكبير ليه خلاص خلاص سكت اهو ماليش دعوه حاضر مع السلامه
يتبع..
لقراءة الفصل التاسع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية الخادمة والأمير للكاتب محمود حماد
