رواية الدبش اللي خطفت قلبي الفصل السابع عشر 17 بقلم نرمينا راضي

فرح حمزه وريناد خلص وراحوا الشاليه بتاعهم اللي عمر أهداهلهم يقضوا فيه شهر العسل

.. في الطريق للفندق الراقي بتاع عمر.. 

عمر بيلمس إيد يمنى وهو سايق العربيه ، راحت شده إيدها منه جامد وفتحت شباك العربيه تبص منه

عمر مع انه رومانسي وحنين بس عصبي وحمش بغباء ♥

—إقفلي الشباك 

يمنى:…… 

عمر: بقلك إقفلي أم الشبــاااك 

يمنى بصوت عالي: هو أنت كل حاجه تتحكم فيها، الفستان الوحيد اللي عجبني مخلتنيش أتهنى بيه وكل اللي في الفرح كانوا لابسين أحلى حاجه وأنا لأ، حتي الشبااك بفتحه أخد نفسي عاوزني أقفله، هو كل حااااجه تحكمااات، أنا زهقت 

عمر كان مذهول من ردة فعلها وصوتها العالي،بس فضل محافظ علي ثباته الإنفعالي لحد ماوصلوا الفندق الفخم بتاعه 

نزلت من العربيه وهي متأكده مليون في الميه أنو مش هيعدهالها بالساهل، حست بدوخه بسيطه كده بس مسكت نفسها عشان ميفكرش إنها بتمثل 

طلعت بسرعه وهو وراها وعيونه بتطلع شرار، لسه هتدخل الأوضه وتقفل الباب، راح حط رجله يمنع قفل الباب 

مقدرتش تمنع دخوله لأنه أقوي منها، بتجري من قدامه راح شدها من الطرحه فظهر شعرها الطويل، مسكها من شعرها لفه علي ايده كذا مره لدرجة إنها من كتر الشده إضطرت تقف علي طراطيف صوابعها عشان راسها توصل لصدره ووجع شد شعرها ميبقاش تقيل، كل ده وعمر مبينطقش، كفايه نظرات عينيه اللي زي الصقر 

رغم عياطها وتوسلاتها  ليه أنه يسيب شعرها إلا أن هو متهزش شعره منه من شهقاتها 

يمنى: عمرر، سيب شعرري، عمرر (بتعيط)  إنت بتوجعني 

عمر بصوت مرعب: بقاا بتعلي صوتك علياا

بيصرخ عليها.. أناااا اللي مفيـش وااحده إتجرأت وعلت صوتهاا عليااا تيجي إنتي وتررفعـي صووتك، ده اناا هخلي ليلتك سوووده (بيخلع الحزام والغضب عماه) 

يمنى بقت مذهوله، هو ده!  هو ده اللي كان بيعيط عشاني إمبارح!!  

عمر: أناا دلعتـك زيااادده، بس وعهد الله يايمنى لمربيكي من اول وجديد

(بيرفع الحزاام بأعلي مافيه) 

بتصرخ وتترجااه يسيبها: عمرر والله ماهعلي صوتي تاني (بتعيط جامد)  أناا.. أناا أس.. فه اسفه والله 

اااااااااااه حرراام عليـك (نزل بأعلي مافيه علي دراعها) 

مسكت دراعها وفضلت تصرخ زي الأطفال  

بتكلم بصوت متقطع: إنت..إنت ق..لتلي..إن.ك.مش هتز..علني..خاا..لص  

عمر خلاص الغضب سيطر عليه مش شايف قدامه

وإنتي محترمتيش الراجل اللي مستعد يهديلك عينه،عاوزه تظهري مفاتنك للرجااله  يااوسـخه 

يمنى مذهوله منه:إنت..إنت بتقوول  إيـه 

عمر:بقول إن لازم أربيكي من أول وجديد (شدها من شعرها جامد وقفها،وهي ماسكه دراعها بتعيط من الوجع)

ولسه هينزل علي وشها بالقلم،إترمت علي الأرض مغمي عليها 

عمر فضل يبصلها لدقايق وهي مرميه قدامه  وكأنه كان في غيبوبه وفاق

إستوعب أخيرا اللي عمله فيها 

نزل علي ركبته وهو بيمسك شعره مش مستوعب اللي حصل  

بيهزها براحه:يمنى يمنى ردي عليا (عيونه دمعت) 

يمنى أنا اسف والله ماكنت واعي للي بعمله…يمنى! ردي عليا ياحبيبتي 

(يمنى هترد عليك بعد ايه،بعد ماموتها من الضرب ????????)

.

طلع تلفونه بيتصل علي أيمن،كان عامل زي المجنون

أيمن مردش..عمر رعبه زاد علي يمنى خصوصا لما لقي دراعها بقا أزرق ووارم 

إتصل تاني،رد أخيرا 

أيمن:أامر ياباشمهندس 

عمر بصراخ: مراااتي اغمى عليهااا،شوفلي دكتوور حاالاا 

أيمن:حاضر ياباشمندس،بس انا خايف اجيبه زي المره اللي فاتت وتقول مش عاوز هههه 

عمر بزعيق: إنـت هتهزززررر يااااروووح أمـممك 

أيمن بخوف واضح في صوته:ثوااني ويكون عندك 

عمر:ومش عااوز دكتور زففت رااجل إنت فااهم 

أيمن:ياباشا صعب دكتوره تيجي معايا في الوقت ده 

عمر:إتصرررف إديهاا اللي عااوزااه بس متجبليش أي زففت مرااتي تنكشف علييه،إنت فااهم ياأيمن،لأقسم بالله أدفنك مكاااانك 

أيمن بخوف:حااضر والله ياباشمهندس هتصررف وهجبلك دكت…..تيت تيت تيت.   كالعااده عمر قفل في وشه

شال يمنى وهو قلبه بيدق علي اخره من الخوف عليها (هو حقيقي مكنش يقصد لكن الغضب كافر) 

جاب برفيوم، رش براحه عند مناخيرها، ضرب علي وشها ضربات خفيفه يفوقها 

عمر بدموع وحزن: يمنتي.. روح قلبي وبنتي.. انا اسف، والله العظيم اسف، ان شالله اموت لوايدي اتمددت عليكي تاني يانن عيني… قومي بقا.. اوعدك ان مش هزعلك تاني بجد والله .. عشان خاطري متعمليش فياا كده، والله العظيم انا ادمنتك خلاص، بحبك لدرجة الجنون، مش متخيل ان راجل غيري يبصلك، ده انا ممكن ارتكب جريمه فيها 

يمنى بتعب وتألم فتحت عيونها ببطئ: اااه درااعي

انفتحت في العياط.. درااعي اااه.. درااعي بيوجعني اووي ياعمر 

قرب منها بيلمس دراعه بألم، زقيته بالإيد التانيه وهي بتعيط وتصوت زي الاطفال 

بكررهك.. بكررهك ياعمرر 

فضل يهدي فيها وهي حالتها بتسؤ أكتر 

واخيرا الدكتوره جات وربنا ستر وايمن لقى دكتوره ست في الوقت ده 

دخلت تشوف يمني وتفحصها وعمر كان واقف جنبها وهي نايمه عالسرير مغطيه جسمها كله بوشها بالكوفرته وبتعيط 

الدكتوره: ممكن تتعدلي يامداام عشان اقدر اكشف عليكي 

يمنى بعياط: مش عااوزه حدد اطلعو برااا 

عمر بيشلها يعدلها، فضلت تصررخ وتبعده عنها.. بكررهك اطلع براااا 

الدكتوره: طيب معلش اتفضل حضرتك وانا هكشف عليها، واضح ان حالتها النفسيه تعبانه 

هز رأسه بحزن وسابهم وطلع قعد برا في الريسبشن 

اما عند الدكتوره ويمنى 

الدكتوره: ممكن تتعدلي ياحبيبتي عشان اعرف مالك واكتبلك علي دوا يخليكي كويسه 

يمنى اتعدلت وقامت قعدت عالسرير،كشفت عن دراعها للدكتوره 

الدكتوره شهقت بذهول:اييه ده،مين اللي عمل فيكي كده 

يمنى:سيبك من اللي عمل فيا كده،انتي قلتي هتديني دوا يخليني كويسه،هل هتعرفي تخلي ده كويس هو كمان (بتشاور علي قلبها)

الدكتور بحزن علي حالتها:جوزك اللي عمل فيكي كده 

يمنى:……..

الدكتوره:ساكته ليه انا ممكن اعملك كشف طبي يوديه في داهيه 

يمنى بعصبيه:انتي عاوزاني اسجن جووزي يادكتوره!!؟

الدكتوره:يعني بعد اللي عمله فيكي ده ولسه عاوزاه 

يمنى:لو سمحتي يادكتوره اكشفي عليا واتفضلي امشي 

بالفعل كشفت عليها وعطيتها مرهم عشان دراعها 

الدكتوره:مبرووك 

يمنى:مبرووك علي ايه 

الدكتوره:انتي حامل في الاسبوع التالت 

يمنى بفررحه:بجد..بتكلمي بجد يادكتوره.اناا حاامل.هبقي ام!!

الدكتوره استغربت من تصرف يمنى،منين كانت بتقول انها بتكرهه ومنين فرحانه انها حامل منه!!!

يمنى:دكتوره ممكن متعرفيش جوزي 

الدكتور بإستغراب:ليه!!؟

يمنى:عاوزه اعرفه بطريقتي.(بداخلها بتقول انا بقا ياعمر هعلمك تمدي ايدك عليا ازاي)

الدكتوره:تماام ماشي..عن اذنك 

طلعت من الاوضه لقت عمر في وشها وعلامات الرعب علي وشه 

عمر: خير يادكتوور يمنى فيها حاجه 

الدكتوره:اطمن هي كويسه،بس محتاجه راحه لان اعصابها تعبانه 

هز راسه:شكرا لحضرتك يادكتور

…….الدكتوره مشت وعمر دخل يطمن علي يمنى 

عمر نزل علي ركبته يركع قدامها وهو ماسك ايدها 

اسف.بيبوس ايدها..اسف.اسف والله العظيم اسف 

شدت ايدها براحه وهي بتبصله بلوم وعتاب وعينيها مليانه دموع 

انت اتهمتني في شرفي ياعمر..اتهمت مراتك حبيبتك في شرفها.ضربتي جاامد..اهنت كرامتي ياعمر،وعاوزني اسامحك بالسهوله دي!!

عمر:صدقيني يايمنتي الخبر الوحش اللي جالي واحنا في الفرح هو اللي عماني كده 

عندي فرع في دبي فقد سيوله كتير 

يمنى بصرااخ وهي بتضربه في صدره:وانااا ذنبي اييه،ذنبي اييه تعمل فيا كده 

حضنها جاامد وعرف يوقف ضربات ايدها،ذنبك ان مليش غيرك في الدنيا دي ازعل وافرح معاه،ذنبك انك وقعتي في راجل ساعة الغضب مبيرحمش…سامحيني..سامحي راجلك يايمنتي..

يمنى وهي بتقول في نفسها:مش هسامحك بالسهوله دي ياعمر،ده انا هندمك علي ضربك ليا ده وان شايله حته منك جوا بطني ياغبي 

عمر:ساكته ليه ياحبيبتي 

يمنى:خلاص ياعمر مسمحاك 

ضمها لحضنه جاامد وغرق في شفايفها الكرزيه بشغف،بس لأول مره يمنى متبادلهوش قبلته، سابتله نفسها خالص لحد ماارتوي من عسل شفايفها 

يمنى:درااعي بيوجعني اووي 

باس كل حته في دراعها ودهن المرهم وخادها جوا حضنه وناموا….

بس اصحاااا (ان كيدهن عظيم) ????

…

يمنى صحت الصبح لقيته غرقان في نومه،باسته برقه وهمستله قدام شفايفه 

انا عارفه ان مهزقه وهسامحك بسرعه عشان بعشقك،بس الاول اندمك انك مديت ايدك عليا ..

…

رااحت المطبخ وهي بتضحك بخبث، جاابت اتنين غطاا حله 

و هووووب ???????? لزقتهم في بعض جنب ودن عمر فقام مفزوع 

عمر:في ايييه 

يمنى وهي بتضحك:اصحاا بسرعه في حاجه مهمه عاوزه اقلهالك 

عمر وهو بيمشي ايده جوا شعره وبيتاوب:قولي ياحبيبتي 

يمنى:مره كوسه وقعت قالت اااه اتأورت ???? 

عمر:هااه 

يمنى:جتك هواا ياحبيبي..اسمع اللي جااين دول  كمان،اهم من اللي فاتت 

مرة مكرونه اتخانقت مع جوزها قالتله انا راحه ألم  اندومي نيهاااع 

مره واحد عندو مزرعه فراخ تعب جاله ديك تنفس نياهيقهق  ????????????

مره قلم تعب ودخل المستشفى كلم اهله قالهم انا Pen الحياه والموت راح اهله ردو عليه قالوله بجد ولا بتكتب كركركركر ????????

مرة مدير عام والتاني غرق نيهاااع ????????

..

عمر استوعب اخيرا اللي قالته وفضل ساعه يضحك 

عمر:علفكره النكت بايخه وقديمه،بس ضحكت عشان ضحكتك الحلوة دي 

شدها فخبطت في صدره، رفع دقنها الصغنن فتاه  فعيونها،فضلوا باصين لبعض دقايق 

هو هايم وولهان في عيونها 

وهي بتبصله بلوم وعتاب 

وطى عليها عشان يبوسها،بيقرب من شفايفها،راحت ساحبه نفسها منه وطلعت جرت عالمطبخ،سووري يابيبي الجبنه عالنار بتغلي 

عمر:جبنه عالنار بتغلي!! هي اجننت ولاايه ????

يمنى وهي واقفه في المطبخ:الله عليكي يابت يايمنى،ايوه كده امشي بمبدأ شوق ولا تدوق،خليه يتربي نيهاااع، 

انت لسه شوفت حاجه،ده انا هخليك تموت عشان تاخد بوسه مني،اصبر علياا بس 

يمنى وهي بتقلب لسانها وبتتعوج عليه:اناا مفيش واحده اتجرأت ورفعت صوتها علياا نينينيني،،وربنا لأوريك ياعمر