رواية 24 ساعة حرب الفصل الخامس 5 بقلم عادل عبدالله

رواية 24 ساعة حرب الجزء الخامس

رواية 24 ساعة حرب البارت الخامس

رواية 24 ساعة حرب الحلقة الخامسة

امام مسكن مسعد
سائق التوكتوك يجلس امام مسكن مسعد يشرب سيجارته وينتظر خروج مسعد ليدخل بعده .
وفجأة يسمع صوت صراخ عالي .
يضحك سائق التوكتوك ويقول : اكيد الموزة فاقت من البنج .
ثم يخرج مسعد ممسكا رأسه التي تنزف دما علي وجهه .
ينظر اليه مسعد باندهاش ويقول : يا نهار اسود !! ايه ده يا مسعد ؟؟
مسعد : بنت المجنونة وانا بخلع هدومها فاقت وجريت مسكت ازازة الميه ورزعتها في دماغي .
سائق التوكتوك : يانهار اسود ، بقي البت دي تعمل فيك كده ؟!!
مسعد : طيب وشرف امي لاوريها واندمها علي اللي عملته ده .
سائق التوكتوك : طيب روح الصيدلية بسرعة غير علي الجرح ولا شوف اذا كان عايز خياطة .
مسعد : انا رايح الصيدلية وادخل انت يا دكر وريني هتعمل معها ايه ؟؟
سائق التوكتوك : طيب روح يا حيلتها ولما ترجع هتشوف انا هعمل ايه .
يمشي مسعد من امام مسكنه ويمسك مكان الجرح يحاول ايقاف النزيف .
بينما دخل سائق التوكتوك الي الداخل وبعد قليل يخرج سائق التوكتوك وهو يقول : يا نهار منيل ده الموزة طلعت مجنونة بجد .
ويقف سائق التوكتوك بالخارج ونري مسعد يعود مربوط الرأس ويضحك ويقول : واقف كده ليه يا دكر ؟؟ ده انا كنت فاكرك مش هتخرج من جوه الا بعد ساعتين .
سائق التوكتوك : لا يا عم دي طلعت مجنونة بجد ، خلاص مش عايزها ، ادخلها انت .
مسعد : ايه اللي حصل ؟؟
يقف سائق التوكتوك مع مسعد ويبدأ يحكي له ما حدث ويقول …..
( مشهد تخيلي لما يحكيه سائق التوكتوك لمسعد )
” سائق التوكتوك يدخل ويري اسماء تقف تمسك بزجاجة مكسورة فيبتسم لأسماء ويقول : ايه يا موزة ، علفكرة انا حنين اوي واعجبك اوي خليكي حلوة معايا واوعدك هتتبسطي اخر حاجة .
أسماء : لو قربتلي هقتلك .
سائق التوكتوك : تقتلي ايه يا موزة !! بقي القشطة دي تعرف تقتل ؟!!!
اسماء : وحياة امك لو قربتلي لأدبحك .
سائق التوكتوك يحاول الاقتراب منها فتباغته وتحاول طعنه فيهرب منها سريعا ويخرج من الباب ”
يضحك مسعد ويقول : شوفت بقي اني عندي حق ؟!
سائق التوكتوك : انا ماشي يا عم ومش عايز حاجة منها .
مسعد : اوعي تحكي لحد علي اللي حصل ليمسكوها علينا ذلة طول العمر .
سائق التوكتوك : عيب عليك ، وأنت هتعمل ايه ؟
مسعد : انا هفضل قاعد لحد ما الموزة تنام وهدخل اكتفها واكسر عينها .
سائق : ولو هي خرجت عشان تهرب ؟؟
مسعد يخرج مطواة من طيات ملابسه ويفتحها ويقول : لو حاولت تهرب يبقي حكمت علي نفسها بالموت .
،،،،،،،،،،،،،،،،،
مقهي المعلم بدري
يجلس سيد الجن وبجواره صديقه خالد وامامهم ( المعلم بدري) .
سيد الجن : يا معلم بدري انا جايلك ومتعشم تديني حتتين سلاح .
المعلم بدري : سلاح ايه اللي عايزه يا جن ؟؟
سيد الجن : عايز ٣ حتت الي .
المعلم : انت داخل حرب ولا ايه ؟
سيد الجن : حاجة زي كده يا معلم .
المعلم بدري : فيه ايه يا جن ؟ مشكلتك مع مين ؟
سيد الجن : مع ناس من العشش .
المعلم بدري : العشش يعني هتبقي حرب يا جن .
سيد الجن : حرب حرب انت عارف يا معلم أنا مبخافش الا من ربنا .
المعلم بدري : وايه سبب المشكلة ؟؟
سيد الجن : خطفوا بنت صغيرة وبعدها خطفوا شابة كبيرة اسمها اسماء من عندنا .
المعلم بدري : امتي الكلام ده ؟
سيد الجن : النهاردة يا معلم .
المعلم بدري : اسمع يا سيد يا جن ، خناقة كبيرة زي كده يعني الحكومة هتعرف بيها وهتنزل ولو الحكومة خدت خبر بالسلاح ده هيبقي فيه سين وجيم وجبتوا السلاح ده منين يبقي رجلي هتيجي في الحكاية .
سيد الجن : لامؤاخذة يا معلم انسي الكلام ده ، لو الحكومة نزلت انا اللي هتصدر واقول ان الحاجة بتاعتي .
المعلم بدري : ياض يا سيد الموضوع مش فتحة صدر وخلاص ، انت هتتصدر يعني هتشيل تأبيدة !! يعني هتخرج من السجن وانت راجل عجوز زي حالاتي .
سيد الجن : يعني يرضيك أسيب البنتين يتخطفوا و اسكت يا معلم ؟؟
المعلم بدري : لا ميرضنيش ومش هتسكت ، انا هبعت لحد كبير من هناك ونتكلم معاه باللين علشان يرجعوا البنتين ، والا هيكون فيه كلام تاني .
سيد الجن : اللي تشوفه يا معلم انا مش هكسرلك كلمة ، لكن لو الوقت اتأخر مش هسيب البنتين يباتوا هناك وهروح اجيبهم ولو حتي هروح لوحدي ولقاتل لمقتول .
،،،،،،،،،،،،،،،،،،
مقهي المعلم بدري
يجلس المعلم بدري مع بلوظة ويقول : انا عرفت ان كان فيه خناقة النهاردة عندكم مع سيد الجن علشان بنتين مخطوفين عندكم .
بلوظة : دي بنتي يا معلم ورجعتها من امها لحضني ، فيها حاجة ؟
المعلم بدري : هي المشكلة معاك انت يا بلوظة ؟
بلوظة : ايوه يا معلم .
المعلم بدري : بنتك وعرفناها والبت التانية خطفتها ليه ؟
بلوظة : قرصة ودن علشان اللي اسمه سيد الجن يحرم يفكر يهجم علي العشش تاني هوه أو غيره .
المعلم بدري : فيه كبار يتكلموا في ده انما تخطف شابة عروسة مينفعش .
بلوظة : أحنا رجالة يا معلم برضو و مينفعش حد يجي يعلم علينا ويمشي .
المعلم بدري : طيب رجع البنتين يا بلوظة وبعدين نتكلم في اي حاجة ولو لك حق اعتبره عندي انا .
بلوظة : لا يا معلم مش هرجعهم .
يقف المعلم بدري ويبدو عليه الغضب ويقول : انت بتكسر كلامي يا بلوظة و بتقولي لأ ؟
بلوظة : ايوه يامعلم ، بنتي ورجعتها لحضني والبت التانية هرجعها لأهلها لما يجيلي مزاجي .
المعلم بدري : تبقي فتحت علي نفسك طاقة من جهنم .
يقف بلوظة ويقول : مفيش منه الكلام ده يا معلم ، انا محترمك بس لجل سنك انما غير كده اعلي ما خيلكم اركبوه ، ومن غير سلام .
ونري بلوظة يمشي ويترك المقهي .
،،،،،،،،،،،،،،،،،،،
في حارة بلوظة
بلوظة يقف في منتصف اهل المنطقة ويقول : يكون في علمكم انا لسه جاي من عند المعلم بدري والدنيا هتولع الليلة .
رجل من بين الواقفين يسأله : ايه اللي حصل يا بلوظة ؟؟
بلوظة : المعلم بدري دخل في الحكاية وهتلاقي رجالته جايين كمان شوية مع سيد الجن واللي معاه .
الرجل : مادام المعلم بدري دخل في الحكاية هتلاقي رجالته جايين بالبنادق .
بلوظة : لو حد دخل حتتنا غصب عننا نبقي مش رجالة ونروح نلبس طرح احسن .
الرجل : ايوه يا بلوظة انت صح ، احنا لازم نروح نهجم عليهم قبل ما يقربوا من هنا ، الكف السابق غالب .
بلوظة : انا الاول هروح اكسر عين الموزة بتاعتهم في عشة مسعد ، علي ما حد يعس عليهم ويعرف جايين هنا امتي .
،،،،،،،،،،،،،،،،،،،،،،،
عند مسكن مسعد
يذهب بلوظة ويجد مسعد يجلس يدخن الشيشة بجوار مسكنه ويلاحظ أن رأسه مربوط برباط طبي .
بلوظة : مين اللي عمل فيك كده ياض يا مسعد ؟؟
مسعد : البت اللي جوه .
بلوظة ” يضحك ” : الموزة دي تعمل فيك كده يا حيلتها !!
مسعد : دي مش موزة ، دي ناقصها شنب وتبقي دكر .
بلوظة : انت اللي عيل خايب ومعرفتش .
مسعد : ماشي يا عم الدكر ورينا انت شطارتك .
ويتجه بلوظة ناحية باب مسكن مسعد ويفتحه ويدخل .
يخرج سريعا صائحا : البت مش جوه ، البت هربت يا بغل .
يقف مسعد ويرمي الشيشة من يده : هربت !! هربت ازاي ؟
بلوظة : ايوه هربت علشان انت اهطل .
مسعد : لازم نلحقها قبل ما ترجعلهم .
بلوظة : زمنها رجعت حتتها يا حمار .
مسعد : انا زي ما خطفتها اول مرة هخطفها تاني .
بلوظة : خلاص بعد ايه ، مش ده المهم دلوقتي ، تعالي معايا .
مسعد : علي فين ؟
بلوظة : المعلم بدري ضم علي سيد الجن واللي معاه وهيهجموا علي العشش كمان شوية .
مسعد : يا نهار اسود ، دي هتبقي حرب يا بلوظة .
بلوظة : مش هنستناهم يقربوا من هنا احنا اللي هنهاجمهم الاول .
مسعد : ازاي ؟
بلوظة : تعالي معايا وانت تعرف .