رواية أحببت مشاغبة الحلقة السابعة عشر 17 بقلم ناهد
 |
| رواية أحببت مشاغبة الحلقة السابعة عشر 17 بقلم ناهد |
رواية أحببت مشاغبة الحلقة السابعة عشر 17 بقلم ناهد
ندى بصراخ :ااااه سيبني ياماما الحقيني
جريت رقيه على صوت صراخ بنتها لاقت مازن ماسك ندى من شعرها ونازل بيها
رقيه بغضب:مازن ايه ده ايه الي بتعمله ده انت اتجننت
مازن:لاء متجننتش بس بنتك شكلها هى الي اتجننت خلاص معدش فيها عقل
رقيه جريت على بنتها وخدتها ف حضنها بعد اما بعدت مازن عندها
رقيه:بس ياحبيبتي عملت ايه لكل ده
مازن :اسأليها الهانم عاوزه مني ايه
رقيه بصت لبنتها بحنان وقالت:ندى حبيبتي بطلي عياط وقوليلي عملتي ايه
ندى بعياط جامد انا انا
وفجأه اغمى عليها صرخت رقيه ونادت على الحرس اما مازن فامتأثرش بصلها بقرف وطلع برا
الساعه واحده بالليل ف المستشفى كانت رقيه نايمه جنب ندى فاقت ندى من النوم قامت من على السرير بسرعه واتسحبت وخرجت من المستشفى كلها طلعت تجري كانت قاعده بتعيط وهي بتجري
***************نرجع للماضي شويه
كانت ندى ف الوقت ده جايه من النادي لاقت ست عجوزه مغمى عليها ف الشارع جريت عليها وساعدتها وطلعت بيها على المستشفى
الست بوجع:شكرا يابنتي
ندى بإبتسامه :لا شكر على واجب ياماما انا عملت واجبي
الست مره واحده جت عيطت:ياااااااه ماما قوليها تاني كده
ندى بإبتسامه:ماما
مسكتها الست مره واحده وخدتها ف حضنها وقعدت تعيط ندى كانت مستغربه من الي عملته بس محطش ف بالها قالت يمكن معندهاش عيال وكده
ندى بعد شويه :انتي بقيتي كويسه
الست :ايوه كويسه من بعد ماشوفتك ياحبيبتي
ندى :طب انا لازم اروح البيت عشان ماما متقلقش عليا وهجيلك بكره
الست بغضب:انا امك هى مش امك
ندى :انتي بتقولي ايه
الست :ايوه دي الحقيقه رقيه مش امك ولا حتى عادل ابوكي انا انا بس مامتك
ندى:لا يمكن اكيد بتكدبي عليا يمكن عاوزه فلوس مش كده انا انا هديكي كل الي معايا بس ارجوكي متقوليش كده انتي بتكدبي صح
الست :ابوكي زمان كان شغال عند عادل الشرقاوي موظف غلبان وكان مقرب لعادل جدا ف يوم هجم على عادل شويه عصابه كان ابوكي معاه هجموا عليهم ابوكي خد الرصاصه بدل عادل مات مات وسابني انا وانتي كنت لسه حامل فيكي عادل اتكفل بمسئوليتنا انا وانتي وجه وقت ولادتك
كانت رقيه هى كمان بتولد ف نفس اليوم الي كنت بولدك فيه كانت حامل ف بنت بس بنتها ماتت جالي وقالي انه عاوزك تكوني بنته قالي انه هيرعاكي وهيكتبك على اسمه مرضتش اسيبك مراته دخلت ف غيبوبه بعد الولاده مكنش ليها سبب ومكنتش برضوا تعرف ان بنتها ماتت عرفت بالصدفه اني عندى كانسر فامكنش لازم ينفع اسيبك لوحدك مكنتش هقدر اربيكي لوحدي خليته ياخدك كتبك على اسمه وعلى اسم رقيه بقيتي بنتهم بس انتي بنتي انا وبس مرت تسع سنين وكان واقف معايا اتعالجت والكانسر راح بس موافقش لما طلبتك منه مرضاش انك تبعدي عنه خصوصا ان رقيه اتعلقت بيكي قالي انه هيخليكي احسن واحده ف العالم كل الي تتمنيه هيجيبهولك اقتنعت وسيبتك مكنتيش هتقدري تعيشي ف الفقر الي انا عايشه فيه ده كنت بروح وراكي كل حته بشوفك بشوف بنتي حبيبتي سامحيني بس ارجوكي مش لازم حد يعرف
ندى بصدمه وعياط:انتي كدابه انتي مش ماما كدابه بتكدبي عليا كل ده كداب
الست بعياط:مش كدب صدقيني انا ماما الحقيقيه
قعدت ندى تعيط مكنتش عارفه تصدق ولا تكدبها حلفتلها انها بنتها كانت مزهوله مش قادره تصدق
ندى بجديه:مش لازم حد يعرف اني بنتك انا بكرهك ومش عاوزه اشوفك انتي سيبتيني ١٩ سنه لوحدي ليه قدرتي تسيبيني مع ناس مش اهلي ازاي انا بكرهك ومش عاوزه اشوفك
الست بعياط:اسفه والله اسفه يابنتي مهنش عليا تتعذبي زي ف الدنيا دي
ندى بصراخ:متقوليش بنتي انا مش بنتك
طلعت ندى على الفيلا وهى بتعيط لاقت مازن واقف اول لما شافها طلع وراها
مازن :ندى
ندى:نعم
مازن:بتعيطي ليه حد عملك حاجه
ندى:لاء بس انا تعبانه شويه هطلع ارتاح شويه
كانت ماشيه مسكها مازن من دراعها ومسحلها دموعها وخدها ف حضنه اتصدمت من الي عمله زمان كان طبيعي انه يحضنها اخته لكن دلوقتي حست شعور تاني مختلف
**********نرجع لدلوقتي
ندى بعياط:اااااه ياريتني ماحبيتك يامازن اتعذبت كتير سنتين وانا بتعذب ف قربك مكنتش حاسس بيا انا عملت كده ليه انا مش مصدقه الي عملته مش مصدقه اني اخطف واحده ملهاش ذنب ف حاجه عشان تبعد عنك انا بقيت مسخ مكنش لازم احبك كل حاجه كانت غلط من الاول ليه بيحص معايا كده مش لازم اعيش وقفت على الكوبري وطلعت على السور ونطت ف النهر
……..*************…………………***************…………….
آسيل بنعاس :على بطل تناحه وسيبني انام
جاسر :على مين انتي ياستي انتي قومي
آسيل:ياعلي هضربك انا حذرتك طفي النور وارك يلا من هنا
جاسر:والله
وقف جاسر قدامها وفجأه جت ف دماغه فكره ابتسم ابتسامه خبث طلع من الاوضه وبعد شويه جه ومعاه زجاجه مايه وراح فتحها ورشها عليها
آسيل بصراخ:اااااه لالا مش عاوزه اموت لاء
جاسر:وأخيرا الهانم حنت علينا وقامت
آسيل بغضب لجاسر:انت الي رميت المايه عليا مش كده
جاسر:شايفه حد تالت هنا
قامت آسيل من على السرير بسرعه وراحت ناحيته
آسيل:يعني انت
جاسر:ايوه
آسيل:ماشي الله يسامحك
نزلت آسيل تحت عشان تجيب مايه تشرب من المطبخ استغرب جاسر لانه متعود انها تزعق له على طول نزل وراها ولسه هيدخل المطبخ راح واقع
آسيل:ههههههههههه كما تدين تدان مفاجأه مش كده
جاسر:ااااه والله مانا سايبك
آسيل:انت الي بدأت استلم بقا
جاسر:ااااه رجلي مش عارف اقوم باين اتكسرت تعالي ساعديني
آسيل:بجد ولا بتهزر
جاسر:ههزر معاكي خلصي ساعديني اااه
آسيل:هساعدك بس وربنا لو الحرب بدأت هتزعل بس ها
مدت آسيل لجاسر ايديها عشان تقومه شدها لناحيته واقعت على الارض جنبه
آسيل:ااااه ياكداب اعاعاعاعاعا كدبت عليا
جاسر:مش هسيبك
آسيل:وسع كده
جاسر:هههههههه شكلك حلو وانتي زعلانه خلاص هزعلك كل يوم كده
آسيل:نينينيني خفيف بقولك ايه متيجي نبقا صحاب
جاسر:افكر
آسيل:انت لسه هتفكر انت تطول اصلا
جاسر قرب عليها بقا قريب منها جامد
آسيل:احم الجو حرر ليه كده ههههه بهزر معاك يابرو فكر براحتك بس وسع
جاسر:اممممم موافق
يتبع..
لقراءة الحلقة الثامنة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية رأيتك صدفة للكاتبة لارا.
