رواية وفاء البارت السابع عشر 17 بقلم آية عبده

ذهب سليم بصحبه عمر الي مطعم قابيل

ماشاء الله ياقابيل المطعم تحفه عقبال  مايكمل وتفتحه

رد قابيل ،ياااارب ياعمي بقالي كتير بجهز فيه نفسي بقا يكمل 

رد سليم كل شيء بأوان يابني ،والشئ ال تتعب في تحقيقه طعم نجاحه بيبقي جميل 

رد عمر فعلا ياقابيل كلام بابا صح يعني عندك بابا بذات نفسه اهو عمره مافكر يستغل مهنته او يستفيد منها وبدءها بالكفاح لغايه مابقي الدكتور سليم عز دكتور الاطفال المشهور ،دا كفايه كل لما ابقي في مكان ويعرف اسمي بالكامل يشكرو فيه وفي نذاهته

رد قابيل فعلا عندك حق ياعمر سيره عمي سليم بتشرف بيها كفايه هناك في المانيا تكريماته علت من شأنه وبقا اشهر من النار علي علم وكلنا هنا فاخورين بيه وبانجازاته

رد سليم هتفضلو تشكرو فيا انا جعان علي لحم بطني ومتغديتش ،قومو نروح البيت هعملكم احلي غادوه 

رد قابيل وانا بقول انا طالع بحب اطبخ لمين

رد سليم لا عندك ثواني انا بطبخ احسن منك 

رد قابيل طبع طبع ياعمي ودي فيها كلام دا انا بتعلم منك

وذهبو جميعا الي منزل سليم ليناولو العشا

**************

دخلت ريم الي منزلها

كانت منه تجلس تداعب وفاء الصغيره ومعها الداده

قالت منه مالها دي ضاربه بوذ ليه ،بعد اذنك ياداده خدي مني وفاء هدخل اشوف مالها

ردت الداده حاضر يابنتي 

في غرفه ريم 

فتحت باب الغرفه ممكن ادخل 

ردت ريم بحزن تعالي يامنه ادخلي 

ايه اومال فين ماما مروحتش معاكي ليه

ردت ريم قالت هتبات هناك علشان تفضل مع وفاء

ردت منه ووفاء كويسه

ردت ريم اه الحمدلله الدكتور عمر بيقول بكره هينقلها اوضتها 

ردت منه طب والجميل مبوذ ليه

رفعت راسها وتنهددت وقالت هتجوز

ردت منه بزهول ايه ياختي

ردت ريم ايه مبتسمعيش هتجوز

ردت منه ومين سعيد الحظ ده

ردت ريم الدكتور اسماعيل طلب ايدي للجواز

ردت منه بغيظ ووفقتي

سكتت لثواني وردت وقالت قلتله هفكر بس خلاص مش محتاجه تفكير انا وافقت

مسكتها منه من ذراعها وقالت بانفعال ،انتي ياريم بتفكري ازاي دكتور اسماعيل ايه ده ال هتتجوزيه ،وعماد

ردت ريم ببكاء لازم اوافق علشان يقطع كل اماله وينساني ويعيش حياته

ردت منه امرك عجيب ياريم رايحه تتجوزي انسان مبتحبهوش وتتعسي نفسك وتسيبي الانسان ال بيحبك اكتر من روحه

ردت ريم بانفعال وانا كمان بحبه وعايزه اشوفه مرتاح ومتهني مش تعيس وبيتعاير بيا علشان مبخلفش ،هبقي انانيه لو فكرتي في سعادتي وانا في ايده اسعده

ردت منه حرام عليكي نفسك وحرام عليكي عماد هو عمره ماهيتجوز غيرك وانتي عارفه كده فبلاش تكسريه بجوازك من اسماعيل ال هتظلميه هو كمان لو اتجوزتيه لانك علشان ترضي نفسك هتتعسيه وهتبقي ظلمتيه وظلمتي عماد وكمان بتظلمي نفسك حرام عليكي وتركتها وخرجت خارج الغرفه

وظلت ريم تبكي بحرقه علي حالها

************

في المستشفي

منال اخذت ساميه لتجري لها الفحوصات التي امر بها عمر ليطمئن علي حالتها وكان معهم الدكتور اسماعيل

قالت ساميه ليه كل ده وايه لازمه الاشعه المقطاعيه علي راسي دول شويه دوخه

رد اسماعيل يامدام ساميه الدوخه ال بتستقلي بيها دي بتبقي مؤشر لامراض خطيره وبتبقي انظار علشان ناخذ بالنا ونعمل فحوصات نطمن بيها كل فتره علي جهاز جسمنا

ردت بقلق يعني ممكن يكون في حاجه 

رد اسماعيل يامدام ساميه دي مجرد فحوصات هتلاقيها انيميا نقص حديد وفيتامين كده يعني 

منال طبطبت علي كتف ساميه ،وقالت متقلقيش يامدام ساميه ان شاء الله خير 

ردت ساميه ومسكت يد منال يااارب يامنال 

*************

داخل الحجز خالد يقعد في ركن منطوي وحزين علي ماهو عليه وعلي ماجرا لوفاء ويتذكر فلاش باك

اشمعنا ياعمتي عايزاني اعمل اعلان مش محتاج موظفين

ردت ساميه اسمع كلامي ياخالد

رد خالد طيب ممكن اعرف ليه 

ردت ساميه بكره تعرف واسمع الكلام وانشر الاعلان عايزه كل حاجه تمشي طبيعيه ومتقبلش اي حد بيتقدم للوظيفه غير لما ترجعلي ماشي وبعد كده هفهمك كل 

يجز علي اسنانه ويقول حاضر ياعمتي 

تاني يوم تقرء تتفقد ساميه الجريده وقد نفذ خالد رغبتها ونشر خبر عن مطلوب سكرتيره تغلق الجريده وتمسك هاتفها وتتصل

اسمعي في وظيفه ناشره ان مطلوب سكرتيره  بلغي وفاء تقدم فيها اسم الشركه شركه عمار والعنوان مكتوب فيها

ردت منال طيب هسالها الاول

ردت ساميه مش انتي قولتيلي من اسبوع انها عايزه تستغل وبتدور علي شغل

ردت منال ايوه وفاء طلبت كده بس سكرتيره مش طموحها

ردت ساميه اسمعي وفاء ياتشتغل الوظيفه ياما مش هتشتغل كلامي واضع

ردت منال طيب هقولها وهرد علي حضرتك

تصفحت منال الجريده ورءت المنشور واخذت الجريده ودخلت منال غرفه وفاء  لتخبرها انها وظيفه مناسبه

ادخل يافوفه

ردت وفاء طبعا ياقلب الفوفه ادخلي 

ردت منال قلب منال رايحه فين 

ردت وفاء في وظيفه شاغله واحده صحبتي كلمت خالها انه يشغلني فيها ووافق وانا رايحه ليها دلوقت 

ردت منال ياخساره دا انا كنت جيبالك وظيفه كويسه

ردت وفاء وظيفه ايه ياماما

مدت منال يدها واعطت وفاء الجريده لترا منشور شركه عمار

ردت وفاء بس دا ياماما طالب سكرتيره وانا بدرس في كليه تجاره 

ردت منال تحاول تقنع وفاء طيب ياحبيتي ماهو ده هينفعك بعدين

باستغراب ترد وفاء هتنفعني في ايه السكرتيره مش فاهمه

ردت منال انتي بتدرسي في كليه تجاره اداره اعمال وده هينفعك وهيزيدك خبره وهتتعلمي اكتر لما تحضري اجتماعات وتشوفي بيعملو ايه خبرتك هتزيد اكتر واكتروبعدين كمان اعرف واحده صحبتي هخليها تكلم صاحب الشركه ماهي تبقي قريبته وفي حاجه كمان انتي لسه  بتدرسي في اخر سنه دوسيهك مفيهوش اي حاجه تخلي حد يقبل يوظفك لا شهاده ولا كورسات ولا اي خبره

ترد وفاء تصدقي عندك حق ياماما دوسيهي فاضي خالص خلاص هعتذر عن وظيفه صحبتي وهقدم في التانيه مسكت الجريده ورات العنوان ،هلبس وهتوكل علي الله وهقدم فيها

ردت منال علي خيره الله ياحبيبتي ربنا يوفقك

تخرج منال من غرفه وفاء وتتجه متوتره الي الصاله فلقد ادت مهمتها بنجاح وقالت في نفسها ،الله يسامحني بس والله يافاء كدبت ومثلت علشان مصلحتك اكيد كله هيبقي في مصلحتك 

بعد شويه تخرج وفاء وتقول ايه رايك يامامتي 

كانت ترتدي فستان طويل موف وطرحه بيضاء 

ردت منال ذي القمر ياقلبي 

قبلتها وفاء وذهبت مسرعه لتقدم في الوظيفه ونزلت وركبت تاكسي واتجه بها الي العنوان المذكور داخل الجريده وصعدت الي الشركه وعندما دخلت كان الشركه ممتلئه علي اخرها نظرت لهم وفاء وصعقت فجميعهم في قمه الشياكه يرتدون الفساتين القصيره قالت لنفسها هو ايه ده هو دخلت فين الناس دي عريانه كده ليه استغفر الله العظيم اتجهت الي السكرتيره التي تأخذ اورقهم منهم وتحدد متي يدخلون وعندما جاء دورها 

السكرتيره 

قعدت وفاء امامها 

قالت السكرتيره ممكن الدوسيه لو سمحتي 

باحراج تعطيها الدوسيه فهي تعلم ماهي رد الفعل 

ردت السكرتيره ايه ده ياانسه دوسيهك مفيهوش غير شهاده الميلاد والشهاده الثانويه 

ردت وفاء وده كارنيه انا لسه بدرس في كليه تجاره ودي اخر سنه ليا

ردت السكرتيره بس هقدمه علي ايه ده دا حتي مفيش اي كورسات تخلي صاحب الشركه يوافق علي العموم هقدمه اتفضلي اقعدي ولما يجي دورك هدخلك 

هزت وفاء راسها وجلست بعيد لحين ياتي دورها وكان حظها اخر اسم

جلست تترقبهم جميعهم علي مستويات عاليه سواء في تعليمهم او شيكاتهم قالت في نفسها طيب هو هيسيب كل دول وهيقبلني انا 

وبعد قليل دخلت امرأه في قمه الجمال والشياكه ونظرت اليهم جميعا باستحقار ودخلت الي غرفه المدير دون استاذان احد فتحت باب الغرفه بقوه وقالت 

اقدر افهم انت طالب سكرتيره ليه

رد خالد بحده وانتي داخلك ايه ياساره مش كفايه الردارات ال مشغلاهم عندي في السكرتيريه ولا انتي فكرك مش واخد بالي

ردت ساره وهو في واحده تتجوز واحد زيك وعنيها متبقاش في وسط رأسها من عماليك

رد خالد المفروض واحده في ثقافتك وشياكتك ومكانتها الاجتماعيه يكون ثقه في نفسها اكتر من كده غيرتك هدمرك انا تقريبا كل علاقاتي الاجتماعيه متوتره بسببك وبسبب عمايلك اعمل ده ومتعملش ده كلم دي ومتكلمش دي هو انا شغال عندك

ردت ساره لا مش شغال عندي بس شغال بفلوس بابي ولو علاقاتي مكنتش وصلت للمكانه دي وكل يوم اظبطك مع وحده شكل وأشكال ميتبصش عليها اصلا زهقت من اللف وراك

رد خالد طب تاعبه نفسك ليه باللف ورايا 

ردت ساره وانا حرمتك من ايه علشان تبص لغيري

رد خالد حرماني انك تحترميني كل شويه تعايريني بفلوس ابوكي انا ال زهقت من كل حاجه

ردت ساره اسمع المناقشه معاك ممنهاش فايده الغي طلبك لسكرتيره

رد خالد بحده مش هيحصل

ردت ساره بحده وانت مش عارف انا ممكن اعمل ايه ياخالد

رد خالد اعملي ال تعمليه

ردت ساره يعني مش خايف 

رد خالد لا ابدا مش خايف واسمعي لو حاولتي تعملي عمايلك ال بتعمليها كل مره اعتبري نفسك طالق

صدمت ساره من جرئته ونطقه لتلك الكلمه فخالد روحها هدءت وتقربت منه وقالت لا يابيبي متقولش كده انت عارف ان مقدرش اعيش من غيرك وان بحبك اد ايه وبغير اد ايه 

ابتعد خالد عنها وجلس علي كرسي مكتبه ودق جرس كتبه دخلت السكرتيره مسرعه له قال لها 

دخليلي ال عليها الدور 

تجز علي اسنانها وتخرج منهزمه منه ومن تصرفاته وانها خسرت تلك الجوله امامه

نرجع من الفلاش باك سند راسه وقال بحزن  في نفسه انتي ياساره اكبر عقبه واكتر حد ندمت اني عرفته في حياتي

************

في منزل سليم 

تناول العشاء 

احلي تلاته شاي وصلحو

ضحك قابيل وعمر ورد عمر طبعا احلي شاي مش من ايديك الحلوين دول يابوب ومسك يد ابيه وقبلها

رد سليم ربنا يخليك ليا ياعمر

رد قابيل بغيظ وانا يادكتر ملياش نصيب في الدعوه دي

ضحك سليم علي طفوليه قابيل وقال طبعا ليك نصيب بدعيلك ربنا يهديك 

رد قابيل يهديني ليه شايفني بشد في شعري

ضحك عمر ووالده سليم علي رده فعل قابيل المضحكه 

رد سليم والله يولاد انا مش هرتاح غير لما تتجوز وافرح بيكم 

رد قابيل ياعمي تف من بوئك دا كلام عايز تدبيسنا بدري انا لسه صغير ياعم لو سليم عايز هو حر

رد عمر لا لسه شويه يابابا 

رد سليم ياحبيبي علي راحتك بس انا نفسي افرح بيك واطمن عليك انك بقا ليك بيت وعيله واشوف ولادك وسيبك من الهجاص ال جنبك ده ملكش دعوه بيه بكره يقع ومحدش هيسمي،عليه 

ضحك قابيل وقال والله ياعمي انا لحد دلوقت مدوخ نص بنات القاهره اول لما اخلص النص التاني ساعتها هعقل بقا وهبقا افكر

رد سليم وهتبقي تفكر ليه ياابني الحياه دي مش من الرجوله انك تلعب بمشاعر بنات الناس وكمان حرام انت تقبل بنتك يحصلها كده 

رد قابيل اقسم بالله ياعمي بهزر دا منظر حد يبصله 

رد سليم ايوه كده اتعدل بدل مااعدلك ونظر الي عمر وقال ،ايه رأيك ياعمر

رد عمر رائي في ايه يابابا

رد سليم في موضوع الجواز ياابني 

رد عمر لسه بدري يا بابا

رد سليم ايمتا الحمد لله وضعك المهني نقول ماشاء الله مستقر عندك شقتك وقريب هتفتح عيادتك 

رد عمر عيادتي 

رد سليم ايوه عيادتك شقتنا القديمه اتفقت مع المهندس ال بيوضبها انها هتكون عياده لاحلي دكتور في الدنيا ودي كانت مفاجأه كنت محضرها ليك ياابني

رد عمر ربنا يخليك ليا يابابا وميحرمنيش منك وقبل يد سليم 

رد سليم هاا لسه موضوع العروسه

رد عمر انت شكلك يابابا عينك علي حد

رد قابيل ايه يادكتر انت بقيت بتشتغل خطبه

رد سليم بضحك اخرس ياقليل الأدب

قابيل وضع يده علي فمه واشار بيده انه سيخرس

ثم نظر الي عمر وقال ايوه بنتك دكتور مازن صديقي دي اخر سنه ليها في كليه اعلام 

لم يرد عمر واكتفي بالصمت

رد سليم اعتبر سكوتك دا موافقه 

رد قابيل كمان يادكتر دي موضه السكوت دي قديمه السكوت دلوقت تفكير 

رد سليم رد ياعمر موافق ولا لا اخد معاد من الدكتور مازن 

رد عمر علي خيره الله يابابا ربنا يكتبلنا ال فيه الخير 

قام قابيل وزغرط لولولولولولي 

ضحك سليم وعمر علي رد فعل قابيل وقال سليم ربنا يصبرني الجواز هو ال هيعقل المجنون ده

***************

بعد منتصف الليل في منزل الحاجه عفاف

حمدلله علي سلامتكم ياولاد 

رد رامي وعزت واسماء ،الله يسلمك ياماما 

قالت اسماء فين بسمله ياماما 

ردت الحاجه عفاف جوه في اوضتي نايمه علي السرير

دخلت مسرعه الي اوضه عفاف قعدت بجوار بنتها وظلت تقبلها بجنون وبكت بكاء هستيري 

بنتي حبيبتي وحشتيني الحمدلله يارب انقذتها 

قعدت الحاجه عفاف بجوارها اهدي يااسماء مينفعش كده

ردت اسماء كانت هتضيع مني ومكنتش هشوفها تاني

رد عزت الحمدلله يااسماء بنتك بخير وفي حضنك

نظرت الي عزت ورامي لولا انتم بعد ربنا ودعواتك ياامي مكنتش بنتي رجعتلي

رد رامي الحمد لله يااسماء ان بسمله بخير انتي اختنا وعرضنا ونضحي بعمرنا علشانك

ردت الحاجه عفاف ربنا يخليكم لبعض ياولاد ويخليكم ليا ويباركلي فيكم

ردو جميعا ربنا يخليكي لينا ياماما ،

قالت اسماء مفيش اخبار عن وفاء 

ردت عفاف الحمدلله منه كلمتني وطمنتني عنها وقالت انها فاقت وهتخرج بكره من العنايه

ردت اسماء الحمدلله يارب انها بخير كنت هتجنن عليها من النجمه هروح لها المستشفي 

****************

داخل العنايه المركزه 

نائمه وفاء ودخل شخص وظل يتقرب حتي وصل الي سريرها وقام بنزع قناع التنفس عنها وبيده كتم انفاسها ظلت تقاوم وترفص برجلها وفجاءة ….