رواية ملكة قلبي البارت السادس عشر 16 بقلم الكاتبة ريهام سعيد
 |
| رواية ملكة قلبي البارت السادس عشر 16 بقلم الكاتبة ريهام سعيد |
رواية ملكة قلبي البارت السادس عشر 16 بقلم الكاتبة ريهام سعيد
نعيمه بجديه:عيزاكي في موضوع انا اجلته كتير لغاية ما تكبري وأظن جه الوقت المناسب علشان تعرفي
ملك باستغراب:اعرف ايه
نعيمه بحزن:هحكيلك انتي خلاص بقيتي كبيره دلوقتي ولازم تعرفي الحقيقه
ملك بتوتر:اعرف ايه وحقيقة ايه يا تيتا قلقتيني
نعيمه:زمان من تلاته وعشرين سنه كنا قاعدين انا امك لقيت صقر داخل علينا ببنت وبيقول انه لقاها على الرصيف
Flash back♥️✨
كانوا يجلسون كالعاده ويدردشون ككل يوم
امل بحزن ودموع:انا مش عارفه هقدر اخلف ولا لأ الدكتور بيقول ان مفيش امل يا ماما
نعيمه بحنان:ربنا مبيتنساش حد يا بنتي خير ان شاء الله وربنا يرزقك بالزريه الصالحه
امل وهي تمسح دموعها:يااااارب
ثم قالت:صقر اتأخر اوي يا ماما والدنيا شتا وبتمطر خير يارب
نعيمه بقلق:فعلا اتأخر اوي ممكن يكون بيشتري حاجه
فجاءه دخل صقر وهو يجلس بتعب وعلى يديه طفله صغيره كالبدر في يوم تمامه
وقفوا الاثنين وقالت امل:مين البيبي دي يا صقر جبتها منين
صقر بحنان:لقيتها على الرصيف ومعرفش مين سابها
امل بلهفه:اديهاني عايزه اشيلها
أعطاها صقر الطفله بحزن مدفون فحملتها امل برقه وعندما لمست يدها استشعر كل جسدها ودموعها تأبى النزول واصبحت تطالعها
نظرت لها نعيمه بحنان:بقى فيه حد ميتمناش الملاك دي
صقر باستغراب:البت كانت في مكان ضلمه ومحدش يقدر يشوفه بسهوله كان حد مخبيها من حاجه
نعيمه:طب شوف يمكن معاها حاجه يا بني تدل على اي حاجه تخصها
نظر للطفله بتمعن ورائ شيئ يلمع على رقبتها وقال:فيه سلسله اهي يا ماما في رقبتها
اخلعها السلسله وكان مكتوب عليها ملك أمير الاسيوطي
صقر بصدمه:عيلة الاسيوطي دي بنتهم ده من يومين امها ولدتها بس للأسف عيلتها كلهم ماتوا بسبب حريقه في الڨيله بتاعتهم ومتبقاش غير اخوها انا لازم اخودها لاخوها
ولكن امل لم تسمعه فغريزة الامومه تحرك بداخلها وقالت:انا عيزاها
صقر بغضب:امل دي مش بنتنا دي بنت حد تاني اكيد اخوها بيدور عليها دلوقتي
امل بحنان ورجاء:ارجوك يا صقر سيبهالي مش انت بتقول ان عيليتها كلها ماتت ثم أكملت بدموع:دي بنتي انا
انا هربيها وهعلمها وههتم بيها علشان خاطري سيبها علشان خاطري
نظرت لها نعيمه بشفقه وصقر كذالك
صقر بقلق:بس بس هنقول للناس ايه يا امل انتي عارفه الي فيها
امل بلهفه:هنعزل ونمشي من هنا ونروح مكان بعيد هنسيب الغردقه دي وهنروح اسكندريه صح يا ماما نظرت لها امل برجاء
فقالت نعيمه لها بحزن وقالت:انا موافقه يا بنتي
نظرت امل له واقتربت بالطفله وقالت:بص البت بريئه ازاي يا صقر وفيها شبه مني لو اخدتها مني هموت انا عيزاها
صقر بغضب:امل فوقي دي مش هتعوض ابننا إلى راح
امل بحزن وهي تنظر لها:عارفه يا صقر بس انا عيزاها عايزه ابقى ام يا صقر ارجوك دي اول مره اطلب منك حاجه
صقر بتنهيده:ماشي يا امل جهزوا نفسكوا علشان هنمشي في أسرع وقت
back♥️✨
نعيمه بدموع:امل كانت مصره تأخدك كنتي تعويض ليها علي ابنها إلى مات وهو لسه في اللفه
ملك بدموع متحجره:وبعدين
نعيمه ببكاء:جبناكي هنا وربناكي لما صقر وأمل ماتوا فكرت ارجعك لأهلك بس مقدرتش كنتي انتي الحاجه الوحيده من ريحتهم
جلست ملك بصمت قليلا ثم قالت بهدوء اخاف نعيمه:السلسله لسه معاكي
وقفت نعيمه بلهفه وقالت:اه ثانيه هجيبها
ذهبت وعادت بعد ثواني بسلسله من الألماس ويوجد دائره بها إذا فتحتها يظهر بها اسم ملك أمير الاسيوطي
نعيمه برجاء:ملك صدقيني مكانش بأيدي
ولكن ملك لم تتحدث فقط تنظر للسلسله جلست الجده عند قدميها وقالت:متسيبينيش يا ملك
وقفت ملك بكل هدوء و وذهبت ل غرفتها واغلقت الباب
####################
رفع أحمد يده وهوت صفعه على وجه هند وهو يقول:كنت فاكر ان الزمن غيرك بس الظاهر ان اصلك الزباله عمره ما بيتغير
هند بدموع وقد ألقت قنبلتها:أنت بتضربي علشان مش قادره أقبل بنت مش بنتي
اسيل بصدمه:مش بنتك مش بنتك ازاي
هند ببكاء وكره:ايوه مش بنتي بنت عشيقته انتي بنت عشيقته خني مع امك ولما ولدت ابني بسنتين لقيته جايبك وبيحطني قدام الأمر الواقع وبيقولي دي بنتي ولازم تربيتها مع ابنك اخوها
نظرت هند له بكسره وقالت:عمري ما هنسي يوم ما جبتهالي واعترفتلي انك مجبور عليا طول عمرهم الناس فكرني وحش بس ميعرفوش الشيطان إلى جواك مين تقبل تربى بنت عشيقه جوزها
كادت أن تهوى صفعه أخرى على وجنتيها ولكنها هوت على وجنت شخصا آخر
احمد بصدمه:……
