رواية يوسف وأماني الفصل السادس 6 بقلم أمل صالح
رواية يوسف وأماني الجزء السادس
رواية يوسف وأماني البارت السادس
رواية يوسف وأماني الحلقة السادسة
حطت أماني إيدها في وسطها – الله الله، دانت عارفها.!!
بعصبية مد إيده وأخد كوباية العصير – استني أبل ريقي، عصبتني بنت المِش محترم.
رفعها وشرب منها شوية قبل ما يرجع يقعد تاني، فضلت تبص ليه مستنية تبرير ولكنه كان قاعد يشرب من العصير، في صمت..!!
قعدت قُصاده وزعقت – ما ترُد..
بصت لمامتها – شوفتي يا ماما.! شوفتي البيه المحترم.!
بصتله – خارج من كباريه، لأ وعارف بنات كمـ..
قاطع كلامها وهو بيشوح بإيده – فَشَر، بنات مين دول اللي أعرفهم..!! دانا معرفش إناث غيرك وغير سوما.
– استهبل كمان استهبل.! ولما هو أنت متعرفش غيرنا، مين تقى دي.!
ابتسم وهو بيرد بكُل ثقة – دي رقاصة في الكباريه اللي شوفتيني طالع منه.
ضربت سامية علىٰ رجلها بصدمة – يا نهار أسود ومنيل.!!
ويوسف كمِل – وبتاجِر في الحـ ـشيش.
وقفت أماني، بل شبه نطت من مكانها وعينها وسعت بصدمة من كلامه وجرأته.!
– كمــــان..!! كمان بتاجِر في الحـشيش.! لأ ومالك مبسوط كِدا.!
– أصل أنا وشي متبسم، آه والله زمبقولك كِدا، تلاقيني مبتسم في أي وقت وكُل وقت.
قام وقِف ومِشى ناحية الباب.
– راجع تاني، اوعوا تروحوا في حتة ها.
بصت أماني وسامية للباب اللي قفله وراه بصدمة، إزاي قادر يكون بالبرود والبجاحة دي.!
– شوفتي كُل حاجة بعينك اهو.! عشان لما اقوله يطلقني ملقكيش واقفة معاه، ماشي يا ماما.
– لا إله إلا الله..! الواد دا ماله بس.!
قربت أماني منها وبهمس قالت – بيني وبينك شكله لَسَع خلاص.
شهقت – يا مصيبتي.! لا حول ولا قوة الا بالله، لا حول ولا قوة الا بالله.!
بليل، خبط علىٰ الباب “بعد ما خلص اللي خرج عشانه” وهو بيزعق.
– حماتـــــي، مراتــــــي.
فتحت سامية وهي متعصبة – إي في إي.! بتخبط على زريبة.!
غمز – على بيت القمر..
يتبع…
لقراءة الفصل التالي : اضغط هنا
الرواية كاملة اضغط على : (رواية يوسف وأماني)
تعليق واحد