رواية وقعت في غرامها الفصل الخامس 5 بقلم غلا

رواية وقعت في غرامها البارت الخامس

رواية وقعت في غرامها الجزء الخامس

رواية وقعت في غرامها الحلقة الخامسة

صحيت مرام من النوم وفطرت
وقامت عملت شغل البيت
وقعدت تفكر ياترى بيعمل اي
هو كان قالي انه اجازه مش هيروح الشغل
راحت صحت هدير
بت ياهدير يابت
هدير بنعس :سبيني انام
مرام :ماشي نامي انا عملت كل حاجه هنا
ودلوقتي رايحه عند سمر شويه
متطلعيش بره البيت سامعه
هدير :ع اساس هتروحي وتيجي ومش هتلاقيني لسا نايمه
يلا غوري واقفلي النور والباب وخدي مفتاح معاكي
هدير :ماشي
ايوه ي سمر بقولك…..
بعد شويه باب مالك خبط
استغرب وطلع يشوف مين
مالك بصدمة :ي مجنونه بتعملي اي هنا
مرام بزعل :يعني ماتبسطش بشوفتي
مالك :احم لا اكيد اتبسطت بس كدا مش غلط عليكي، يعني جيتك هنا هتسببلك مشاكل
مرام :هتخليني واقفه كتير
مالك :اتفضلي
مرام :بيتك حلو ماشاء الله وكمان متنضف وانا اللي كنت جايه انضفلك هههههه
مالك :لا مافيش داعي
مرام :طب امسك كوبايه الشاي اللي وعدتك بيها
مالك اخذ الكوبايه ووقف ع الشباك وسرحان
مرام :في اي مالك قولي اي مضايقك
مالك :مفيش
مرام بزعل :هو احنا مش اتفقنا ان اللي يبقى مخنوق يحكي للتاني ونهون ع بعض
مالك :اممم عارف بس انا مشكلتي ملهاش حل
مرام :ازاي يعني
بدأ مالك يحكي القصة
انا ماما دكتورة وليها قيمتها معروفه يعني، وابويا مدير ف شركه
وطبعا زي ما قلتلك انا هربت من السيط بتاعهم ومش عايز اعيش والناس تقول عايش على حس اهله
قررت ابقي مع نفسي واللي متعرفهوش بقا انا دكتور أسنان وعندي عيادة خاصة مكتفي بيها
مرام :طب دا حلو اوي فين المشكله
مالك :المشكله ان بنات عمي اتنين
دكاتره
وامي هتموت وتجوزلي واحده فيهم عشان دكاترة
مرام قلبها دق بسرعه
وانت هتعمل اي يعني هتتجوزهم
امي قالتلي لو متجوزتش واحده فيهم قلبي غضبان عليك
وانا من تسرعي قلتلها ي ماما ماينفعش لاني متجوز وبحب مراتي
مرام بصدمه :انت متجوز
مالك بضحك :لا ي عبيطه بس اضطريت اقولها كدا
وهي سكتت بس عايزه تشوف مراتي
عايزاني اروح انا وهي عندها
وانا حرفيا مش عارف اعمل ايه ومطنشها وبقولها اني مشغول لما أفضى
مرام :ناوي على اي
مالك :اكيد ناوي اتجوز هعمل اي يعني
مرام بارتباك وصوت مهزوز :اه ربنا يوفقك
فعلا دا الحل الصح
عن اذنك تأخرت
مالك :فيكي حاجه
مرام بصوت مبحوح :لا سلام
مالك فضل يبص وراها باستغراب
دخلت اوضتها وانهارت من العياط
ازاي يتجوز ويسبني مهو احنا أصحاب وانا تعودت عليه
دلوقتي مفيش حد معايا كلو سابني
فاقت وحضرت غدا
وبعد كدا نامت وقفلت تلفونها
ومالك بيرن عليها تلفونها مقفول
عدا ٥ ايام وهو مابيشوفهاش
ولما يرن ي مغلق ي اما مابتردش
وف يوم واقف ع الشباك وشاف ابوها وامها راكبين العربيه وماشيين
لبس هدومه وطلع خبط ع الباب
هدير :نعم جاي ليه
مالك :مرام فين
هدير :ف اوضتها
مالك :احم ممكن اعدي اشوفها
هدير :هتدفع كام
مالك :يخربيتك ماديه اوي
هدير :هات
طلع مالك فلوس وادها
هدير :ها بقا قولي عايز تدخل تعمل اي
مالك بنفاذ صبر :بنت اهدي كدا وروقي اختك مابتردش ع التلفون بقالها ٥ ايام
وكمان مابتطلعش بره هشوف اي مزعلها وهمشي
وانتي راقبي الوضع لو حد جه قوليلي عشان اطلع من البلكونه
هدير :طيب اهي الأوضه اللي هناك
مرام كانت سرحانه والدموع ف عينها وشكلها تعبان خالص
وعندها هالات سوده
هدير اقفلي الباب واطلعي بره انا مش عايزه اشوف حد
_ولا مالك
انتفضت مرام بسرعه وعدلت نفسها وشعرها ومسحت دموعها وحاولت تبتسم
اانت بتعمل اي هنا
ازاي دخلت هنا
مالك :اهدي متخافيش هدير عارفه
مرام بخوف :بالله عليك امشي مش ناقصه مشاكل
مالك :مهو انتي لو تهدي بس وتخليني اتكلم
قوليلي مابترديش عليا ليه
مرام نزلت عيونها تحت
وهو رفع وشها ليه :عينك ف عيني وانتي بتتكلمي
مرام توترت :اصل انا اا اه عشان ماينفعش انت واحد هتتجوز يعني مالوش لزوم اني اقابلك او اكلمك
مش احنا صحاب بردو
مالك :طب مابتطلعش بره ليه
مرام :عشان الدنيا سقعه
مالك مبتسم :اممم وماقولتيش ليه كنت جبتلك دفايه
مرام خبطته ع كتفه :بطل غلاسه بقا
مالك :قوليلي طيب عايزه اي وانا هعمله
مرام بتوهان :عايزاك تحتويني وتوقف جبني صح احنا صحاب بردو
مالك قرب منها وبا**سها ع شافيفها وهي خلاص دابت
مالك ولسا مقرب وبهمس
كدا حلو
مرام بتوهان وتوتر :انت عملت اي
فاقت بعد كدا من التوهان وبعدت عنه بكسوف ووشها بقا أحمر
مالك بضحك :اممم لا كدا بقا شفت الضحكة اخلع انا بقي
مرام :شكرآ اوي على انك مابترضاش اني ابقى زعلانه وبتاخد بخاطري
مالك :تزعلك الدنيا كلها ومالك يرضيكي
يلا همشي
بس هتطلعى ف البلكونه ولا اي
مرام :طبعا
مالك بضحك :تمام مش هنسي الدفايه
مرام زفته :اطلع بره
طلع وهي قفلت باب اوضتها ومبسوطه اوي من اللي حصل
احساس غريب اول مره تحسه معاه
بيهتم بيها مابيرضاش يزعلها وغاليه عنده وبيخاف عليها وغير كدا احتواها بطريقة مختلفه
نامت وهي مبسوووطه
باليل طلعت البلكونه وتفاجأت….