رواية وصل أمانة الفصل الثالث 3 بقلم مريم سرور
رواية وصل أمانة البارت الثالث
رواية وصل أمانة الجزء الثالث
رواية وصل أمانة الحلقة الثالثة
كان بيجرني وهو بيشتمني …عضيته ف دراعه صرخ وسابني وطلعت اجري
_الحقوني … ي بابا
_والله م هسيبك ي بنت ال***
كنت بجري منه وفجاه خبطت ف واحد
_انتي كويسه ي انسه؟!
لمح مرتضى ورايا راح مسك دراعي وخباني وراه
_عايز منها ايه؟
_عال اوووي ده الراجل رقم كام ي ياسمين !!!
_امشي من هنا قبل م افضحك تاني ي مرتضى
لقيت الشاب قرب منه كان اطول واعرض منه بكتير مرتضى جمبه صفر ع الشمال
مرتضى خاف منه ومن شكله
بصلي بشر
_هجيلك تاني وهخلص عليكي .. .
وطلع يجري بس الشاب مسكه من قميصه وراح ضربه بالبوكس ومناخيره جابت دم
_لو فكرت تقرب منها تاني انا مش هرحمك ..
وراح ضربه اكتر من مره
_خلاص ي باشا والله م هتتكرر
_جبان
رجع لي وبص لي بغضب
_مين ده ؟!
هو بيكلمني كده ليه
_ده كان جوزي .. خلعته
_اممم …طب خلي بالك من نفسك عشان مش كل مره هيبقي ف حد يحميكي
_ش….شكرا
_حصل خير
روحت لبابا وحكيت له اللي حصل بابا خدني ف حضنه وهو بيطبطب عليا
_معلش حقك عليا من انهارده مش هسيبك تنزلي لوحدك تاني
_بحبك ي بابا
نزلت انا وبابا المول نشتري شوية طلبات ولحسن حظي لمحت علاء
_استاذ علاء !
_ازيك ي استاذة ياسمين ..اخبارك ايه دلوقتي ؟
_بخير الحمد لله …
لقيت واحده قربت منه بغضب
_مين دي ي علاء ؟؟
بصيت لها بابتسامه
_استاذ علاء انقذني ف يوم …وكان سبب ف نجاتي
ضحكت
_اه انتي اللي كنتي ساكنة فوقه
_بالظبط
_انا بقى مراته
سلمت عليها
_تشرفنا ي هانم …فرصه سعيده
سمعت صوت من ورايا …مكنش غريب
_انتي بتعملي ايه هنا ؟!!
_ايه ده انت ؟!
كان نفس الولد اللي ضرب مرتضي
اتكلم علاء وقال
_ده اخويا بدر …انتو تعرفو بعض !
_اخوك ؟!!!!!
علاء عرفنا علي بعض لقيت بدر بصلي بصدمة
_انتي البنت اللي كان جوزها بيضربها …انتي اللي علاء …
اتكسفت وبصيت ف الارض
لقيته اتعصب
_لو كنت اعرف كنت خزقت ليه عنيه
_انا متشكره ليكم جدا انتم انقذتوني مرتين شكرا وحقيقي لو عرفت ارد الجميل ف يوم هرده باي شكل
مشيت روحت لبابا وحكيت له الحصل
_مش كنتي تناديني كنت سلمت عليهم !
_اهو اللي حصل ي بابا
كنت واقفه ف البلكونه ف يوم لوحدي لمحت مرتضى تحت البيت …قلبي اترعش … بابا مش هنا
دخلت وقفلت الباب كويس واتصلت ببابا
_بابا الحقني مرتضى هنا
_ايه؟!! انا جاي حالا
وقفت بعيط الكابوس مش هيخلص !
سمعت صوته وهو بيزعق وبيزق الباب
حاول يكسر الباب صرخت بس الصوت فجاه اختفى …
سمعت صوت ضرب شديد وومرتضى بيصرخ!
فتحت الباب بسرعه لقيت بدر وعلاء واقفين مسكينه ونازلين ضرب فيه وبدر كان ماسك عصاية وضربه ع دماغه وصدرة لما شوفت المنظر ده حسيت ان حقي رجعلي كنت ف يوم بنضرب الضرب ده …يوم ده كان كل يوم
فجاه بدر بصلي
_خشي جوا
_حاضر
دخلت وانا فرحانه كان نفسي انا اللي اضربه واطلع غلي فيه
سمعت صوت بدر
_انا بقى مش هخليك تعرف تبص ف وش حد من انهارده ونزله الشارع وفضحه والناس كلها اتلمت عليه وانضرب ضرب
كنت بضحك جامد تستاهل ي مرتضى
بابا جه واول ما شافني قالي
_هما عرفو منين؟!
_معرفش .
بعد ساعتين كده لقيتهم بيخبطو علينا كانو عرقانين وشكلهم مبهدل بس بدر كان ف ايده بوكيه ورد !
دخل وهو بيبص لي جامد
_بعتذر ان ده مش منظر اعطيكي بيه الورد
اتوترت ورد ليه ولايه ؟!!
_ورد ليا؟!
_اكيد مش لباباكي
بابا دخلهم قعدو وبدر وعلاء كانو بيبتسمو ابتسامه غريبه
_خير ي جماعه
بدر اتكلم
_الانسه ياسمين قالت انها هتعمل اي حاجه عشان ترد الجميل …فلو اتجوزتني نبقى خلصانين
علاء ضربه ع دماغه
_دي طريقه تتقدم لواحده ي متخلف ؟!معلش ي جماعه اصل بدر اول مره يتقدم وهو حلوف شويه ف كلامه ..
اتنحنح علاء وقال برسميه
_الصراحه بدر اخويا الصغير اول م شاف بنت حضرتك ياسمين اعجب بيها ….احم …و…احم.
_ما تنجز وتقول اني عايز اتجوزها …ي ستي انا عايز اتجوزك علي سنة الله ورسوله قولتي ايه؟
كنت مكسوفه ووشي احمر وحسيت اني هعيط …ده مش اسلوب .
بص لي
_ممكن تخرجوا وسيبونا لوحدنا ؟
_مش وقته ي بدر
_ لا وقته
خرج علاء وبابا
_انا عارف انك اكيد قلقانه مني لان اكيد بقيتي مش واثقه ف حد واكيد خايفه …بس اللي لازم تعرفيه اني مختلف انا بخاف ربنا وعمري ما هاذيكي …وان انتي هتبقي فوق دماغي وعلي عيني دايما …وهحاول اكون نعم الزوج….وتقدري تاخدي قرارك بحرية ده ملوش علاقه برد الجميل مش عيزاني قولي وانا مش هعترض ده حقك
_سيبني افكر شويه
_اه اكيد
خرج وسابني ف دوامه هو اصلا راجل ومحترم
_انا شايف انه كويس ي ياسمين
_بابا ….انت شايف كده!
_اه شخص محترم بيصلي وعارف ربنا بيشتغل شغلانه حلال وغير كده حنين وهيعرف يحميكي لو جرالي حاجه ….
_بعد الشر ي بابا
_انا مكنتش موافق ع مرتضى بس وافقت عشان كنتي بتحبيه ومن نظرتي ده شخص مختلف تماما متوقفيش حياتك ع تجربه فاشله
سابني لوحدي صليت استخارة وارتاحت وعرفت بابا قراري
اتخطبنا فتره كان محترم جدا وكريم وحسه الفكاهي حلو …
جه كتب الكتاب اتصل بيا الصبح وانا بلبس الفستان
_حبيبة قااالبي
سيب التلفون وبصيت عليه وانا بفكر ماله قلب بيئه كده
_خير …كتب الكتاب بليل
_اممم..مش متحمسه ؟
_لايه؟!
_هو ايه اللي لايه ….متعصبنيش بقا؟
_لا مش متحمسه
_كدابه
_انا فعلا كدابه.
جه بليل كان بيبص لي وبيضحك جامد …ماله ده مش هنكر اني كنت مبسوطه …و كنت حاسه اني طايره
_م تنجز ي شيخ
_ف التاني السلامه
_تاني ايه هو احنا سايقين عربيه !!
(بارك الله لكما وبارك عليكما وجمع بينكما في خير)
حضني جامد وقال لي وهو بيضحك جامد وانا كمان كنت بضحك معاه
_بحبك ي ياسمينو
_ونا كمان بحبك ي بدورتي
نزلنا نتمشي شويه قبل م نروح البيت
لقيته طلع علبه قطيفه من جيبه فيها سلسله تحفه مسكتها بايدي
_دي ليا انا؟
_قليله عليكي ي روحي
لبسهالي وقال بكل حب
_ربنا يديم المحبه بينا دايما ي ياسمين ويبارك لينا ف ذريتنا وف علاقتنا و نعيش ف سعاده دائما
حضنته وانا فرحانه
_يا رب ي بدر
تمت
لقراءة الرواية كاملة اضغط على : (رواية وصل أمانة)
