رواية نكهة حب الفصل العاشر 10 بقلم كريمة حمادة

رواية نكهة حب الفصل العاشر 10 بقلم كريمة حمادة

رواية نكهة حب الجزء العاشر

رواية نكهة حب البارت العاشر

رواية نكهة حب الحلقة العاشرة

آية دخلت الاوضة ولقيت سليم قاعد صاحى ومستنيها واول ما دخلت شدها من أيدها بسرعة وقعدها على السرير
:فى ايه يا سليم بتشدنى ليه كدا
سليم بحماس: ورينى رسمتى ايه كدا
آية باستغراب: غريبة يعنى اول مرة تطلب انك تشوفهم
_ عادى يا ستى حابب اشوفهم…ولا انتى مش عيزانى اشوفهم
آية بتوتر: ايه لا لا عادى بس يعنى بس
سليم بنظرة شك: فى ايه
آية قامت بسرعة واخدت سكتش الرسم وقالت : مفيش. بس بس رسمى مش عيعجبك يعنى. أو بص هجبلك الاسكتش التانى ثانية. كدا
سليم بخبث: امممممم ومالوا هاتى الاسكتش التانى يا…يا آية
آية بلعت ريقها بتوتر ومشيت من قدامه وجابت اسكتش تانى وادتهوله

سليم فتح اول رسمة وانبهر بيها: واااو طلع رسمك حلو اهو
_ اه عادى يعنى
: لا لا ابداع والله
آية بغرور مصطنع: دى أقل حاجة عندى يا بنى
سليم بغمزة: يا واثق انت…ورينى باقى الرسومات بقى. واشرحيلى معناها كدا
آية: هو فى ايه يا سليم
سليم فهم قصدها وحب يلعب باعصابها شوية: فى ايه يا آية
آية: مش مطمنالك يا سليم
سليم برفعة حاجب وخبث: ليه يا قلب سليم
آية اتصدمت من الكلمة ومكنتش متوقعة تطلع منه: ها قولت ايه
سليم قرب منها شوية و: اللى سمعتيه
آية قامت مفزوعة وفجأة عيطت جامد
سليم بخضة: ايه دا مالك يا آية
آية ببكاء: سليم انا واعى بتعمل ايه لو ناوى تكسرنى يا سليم فأرجوك بلاش مش هستحمل والله
سليم حضنها وطبطب عليها بحنية: هششش اكسرك ايه بس منين جبتى الكلام دا
آية بعدت من حضنه ومسحت دموعها وقالت بألم: انا حاسة بكل حاجة يا سليم، حسيت بغيرتك عليا يوم الفستان والحفلة..حسيت بقربك منى فجأة وكلامك الحلو..كنت ببين انى مش مهتمة وعبيطة مش فاهمة حاجة بس أنا كنت فاهمة كل حاجة يا سليم
:وايه اللى مزعلك طيب
آية بزعيق: اللى مزعلنى انى مش هقبل ابقى التانية فى قلبك يا سليم..سميها أنانية تملك اى حاجة بس مش هقبل، انت قولتها يا سليم قولت حتى لو حبيت تانى احلام هتفضل جواك طول عمرك، مش هقبل انى اكون معاك وشاغلة بالك واحدة تانية..لو انت تقبلها انك تكون معايا وافكر فى غيرك يبقى..
سليم بعصبية: آية..عند الكلام دا وتسكتى خالص

: شوفت انت اتعصبت ازاى ما بالك انا يا سليم
سليم اتنهد بقوة و: آية… احم جهزى نفسك عشان مسافرين مصر الصبح هنحضر فرح اختى، ومش هنقعد كتير هما يومين الفرح وهنرجع. ومشى وسابها
آية بعد ما مشى قعدت على السرير وعيطت جامد لغاية ما نامت..
________________&
تانى يوم فى الطيارة.. آية كانت بتبص من شباك الطيارة وسرحانة وسليم جنبها
: مبسوطة عشان رايحة مصر
لفتله أية بحماس: اوى اوى يا سليم مصر وحشتنى اوى
سليم بابتسامة: وإن شاء الله اللى هيحصل فى مصر هيعجبك
آية باستغراب: ليه هيحصل ايه فى مصر
سليم بمكر: الصبر يا حبيبتى الصبر
______________&
: يوووه ما قولنا مش عايزة احط ميكب بقى
احلام بنفاذ صبر: يااااربى أشد فى شعرى منك يا به فى عروسة متحطش ميكب يوم فرحها
شفق ببرود: اه فى عادى
نيرة: شفق حبيبتى على الأقل نحط بس خفيف عشان ندارى حبوبك دى
شفق باستنكار: مبقاش غير اخت قيس تتريق على حبوبى
نيرة ضحكت عليها هى واحلام..وفضلوا يقنعوها تحط ميكب ويهيصوا ويرقصوا شوية
أما عند الشباب فكان عمار ومازن ومعاهم صحابهم تانيين بيرقصوا برضو والأجواء حلوة بينهم
بعد كم ساعة فى اوضة البنات كانت آية وصلت وقاعدة على السرير ومحاوطينها البنات وبيبصولها بصات غريبة هى كانت شيفاها مخيفة واتوترت منهم
آية بخوف: فى ايه انتوا ليه محاوطنى كدا
شفق بغمضة عين: انتى اتجوزتى سليم ازاى
آية: عادى اتجوزنا زى الناس

شفق: لا مش القصد اقصد يعنى اتجوزك انتى ازاى..دا هو شبه قدرة الفول وانتى ماشاءالله فاضلك ڤولت وتنورى البلد كلها
آية ضحكت عليها والبنات برضو
احلام بضحك: الله يحظك يا شفق ههههههههه
نيرة: يابنتى بقى ارحمينا
آية: انتى احلام
احلام فهمت قصدها من السؤال وقالت بهدوء: اه يا ستى انا احلام
آية بنبرة حزينة: جميلة ماشاءالله
احلام بصت لشفق وشفق هزتلها راسها أنها تطمنها..وفعلا احلام قعدت جنبها ومسكت أيدها: انسى اى حاجة حصلت وابداى جديد مع سليم
آية بكيت من غير قصد و: ازاى وهو لسة بيفكر فيكى
احلام مسحتلها دموعها وقالت بحنان: سليم لو كان بيفكر فيا فهو عشان حاسس بالذنب من ناحيتى مش اكتر سليم لو لسة عايزنى مكنش سمح لمازن يتجوزنى، سليم مجنون يا آية أقل حاجة كان عملها أنه يخط.فنى ويهرب بيا..بس لا هو معملش كدا ابدا
: هو قالى حتى لو حب غيرك هتفضلى جواه طول عمرك
احلام اضايقت من الكلام ومعرفتش ترد عليه وانقذتها شفق
شفق: يلا يا حبيبتى انتى وهى فى عروسة هنا عايزة تتجهز
آية مسحت دموعها ونزلت نقابها وقالتلهم: عن اذنكم هخرج برة شوية
شفق بخبث: رايحة فين يا شابة اومال هنوقع سى سليم ازاى
: مش فاهمة قصدك
احلام بمكر: هنثبتلك أن سليم بيحبك ومش عايز غيرك
نيرة فجأة زغردت: ليليليليليليلى( اللى هى الزغرودة التانية دى بتاعت النوبة يارب تعرفوها)
______________&

: بقى اتجوزت يا سليم
_ اممممم اتجوزت يا عمار
مازن بضيق زائف: ولا وربنا لو كنت لسة بتفكر فى..
سليم قاطعه: مازن..انا مبفكرش فى حد ابدا دماغك متروحش بعيد
مازن بارتياح: ريحتنى ياض
سليم بضحك: يابنى انا لو عايز اعمل حاجة كنت عملتها من اول ما شفت شفق اصلا
مازن: نينينينينينيى
عمار بجدية: احكيلنا باختصار يا سليم
سليم اتنهد و: باختصار بعد ما مشيت من هنا وسافرنا ايطاليا امى عرضت عليا اتجوز طبعا رفضت فى الاول وقعدت كم شهر بلا جواز لغاية ما جات سكنت عندنا هى تبقى بنت خالتى جاتها منحة دراسية لايطاليا ورفضت تقعد معانا بم انى شاب اعذب وطبعا امى مسكتتش وعرضت عليها تتجوزنى وضغت عليها وعليا واتجوزنا بسكدا
مازن: بس عمرك ما جبتلنا سيرة انك متجوز يعنى
: عشان مكنتش حابب حد يعرف وعشان مكنتش موافق يعنى
عمار بخبث: طب ودلوقتى ايه احساسك من ناحيتها
سليم سرح وابتسم لما افتكر اخر فترة بينهم ازاى اتقلبت الحياة وحبها
مازن: يعم دا بيضحك يبقى يبقى السنارة غمزت بقى
سليم بابتسامة: غمزت بس دانا وقعت ومحدش سمى عليا
_ يا سيدى يا سيدى
سليم: المهم هى يعنى فاكرة انى لسة احم يعنى…ما علينا اعمل ايه عشان تصدقنى
عمار بضيق: لا بقولك ايه يا حبيبى النهاردة فرحى يلا يا خويا منك ليه كل واحد يشوفله شغلانة يعملها
________________&
شفق بتوتر: أنا متوترة اوى اوى
احلام بحب: ربنا يتمملك بخير يا اجمل وأنقى وافضل اخت ليا وحضنتها
نيرة: يلا يلا لا دموع اليوم. عمار مستنى تحت
آية: جميلة ماشاءالله ربنا يتمملكم بخير يارب
شفق: تسلميلى واعملى زى ما قولتلك بقى هركز معاكى انا
آية بضحك: لا يا ستى ركزى فى فرحك انتى بس
نيرة: ليليليليليلى ادخل يا سليم يلا

دخل سليم وقلبه دق جامد من شكل شفق
سليم بحب وهو بيبوس راسها: اللهم بارك الحمدلله أن ربنا كتبلى اشوفك بالفستان الابيض
شفق بتأثر: ربنا يديمك ليا يارب. وهمستله: انسى القديم وفكر فى الجديد ها
سليم بص لآية بابتسامة وهى اتكسفت ونزلت عينها لتحت
سليم: يلا. لاحسن عمار تحت على آخره والله
خرج سليم بشفق وهى ماسكة أيده وشافها عمار اللى اتسحر بجمالها وطلتها
سليم: خلى بالك منها يلا ها. وانت يا استاذ مازن. تخلى بالك من احلام دى صديقتى و..واختى
مازن وهو حاضن احلام: مش محتاج توصينى على روحى
سليم: طيب يا خويا
_____________&
: قاعدة لوحدك ليه يا آية
: عادى بتفرج عليهم شكلهم حلو اوى
سليم بحب: انتى احلى
آية بصتله بصة غريبة وهو كمل بعد ما اتنهد بقوة: آية انا بحبك بحبك يا آية
آية بوجع: بجد يا سليم ولا بتكذب على نفسك قبلى
سليم مسك أيدها وباسها و: والله العظيم بحبك يا آية..حبيتك بكل ما فيا حبيتك وانا مش دارى بنفسى
آية بترقب: واحلام يا سليم لسة هتفضل جواك
سليم بصدق: احلام هتفضل بالسنبالى صديقة واخت صاحبى وعمرى ما هفكر فيها بشكل تانى ابدا..آية انتى غيرتيلى كل حاجة انا كنت مش عامل حساب ليها..ارجوكى ادينى فرصة اثبتلك دا وصدقينى مش هخذلك ابدا
آية بابتسامة: انا خايفة بس هديك فرصة يا سليم
سليم حضنها بفرحة و: متخافيش صدقينى والله هعوضك كل السنين دى
آية بضحك: سبحان الله دانا كنت ناوية اعمل فيك مقلب دلوقتى
سليم: مقلب ايه
آية بضحكة خفيفة: شفق اتفقت معايا انى اخليك تغير عشان اشوف بتحبنى صح ولا لا
سليم بضيق زائف: ملقتيش غير شفق وتسمعى منها. وان شاء الله كنتى هتعملى ايه
آية بتوتر: احم كنت يعنى هقولك طلقنى واتجوز واحد غيرك
سليم بحركة أشبه بالردح: ناااااااعم يا عنيا تط..ايه ياختى
آية بضحك جامد: يالهوى يا سليم اهدى لحد يسمعنا
سليم حضنها بتملك و: ما يسمعوا ياختى يسمعوا
آية بصتله بحب وقالت بنبرة خطفت قلبه: “”مالى أراك سلطان قلبى..أليس القلوب لا سلطان لها..إذا ماذا انت تكون..رفقا بقلبي يا سلطانى..رفقا💙(كريمة حمادة ليا يعنى)
سليم مكانش مصدق اللى سمعه وحضنها جامد اوى وقالها: بعشقك يا آية بعشقك
آية بدموع: وانا كمان يا سليم بحبك اوى. وتبتوا فى حضن بعض
___________&

الفرح شغال وكل كوبل بيرقص مع بعض ما عدا سليم كان حاضن آية بايده لأنها محبتش ترقص وهى لابسة النقاب ولأنها بتتكسف..على اغنية حكايات
“”حكايات يا حبيبى من عينينا
حكايات من عنيهم علينا
حكايات يا حبيبى من عينينا
حكايات من عنيهم علينا
قالوا بينا شوق بيكبر
قالوا و احنا قلنا اكتر
قالوا بينا شوق بيكبر
قالوا و احنا قلنا اكتر
حبيبى و انت معايا كل ثانيه حكايه
عشنا فيها يا عمرى حكايات
حكايات يا حبيبى من عينينا
حكايات من عنيهم علينا””
“تمت بحمد الله”

لقراءة الرواية كاملة اضغط على : (رواية نكهة حب)