رواية نعين بعضنا الفصل الأول 1 بقلم إسراء ابراهيم عبدالله
رواية نعين بعضنا الجزء الأول
رواية نعين بعضنا البارت الأول
رواية نعين بعضنا الحلقة الأولى
نزل الصبح من بيته رايح الشغل لقى ست كبيرة قاعدة قدام بيته هدومها متبهدلة
قالت بحزن: حاجة لله يا بني
عمر باستغراب إن أول مرة حد يجي يقعد قدام بيته فطلع فلوس من جيبه وحطهم في إيدها، رغم إنه كان متردد يديها ولا لأ
هى بفرحة: روح يا بني إلهي ربنا يفرحك ويحفظك من كل سوء وشر
ابتسم لها ومشي على شغله، ركب مواصلة توديه شغله، وقرر يمشي آخر حتة لأن كدا الفلوس مش هتكفي معاه ومش هيعرف يرجع
نزل من المواصلة ومشي حوالي ربع ساعة بص في ساعته لقى إنه كدا اتأخر عشر دقايق، والمدير هيزعقله أو يخصمله من المرتب
قال: يا رب استرها
بقلم إسراء إبراهيم عبدالله
زعل في نفسه وهو بيقول في نفسه: دا بسبب إني اديت الفلوس للست اللي كانت قاعدة قدام بيتي، يعني مالقتش غيري تقف في طريقي
أخيرا وصل مكان شغله، لكن وقف مصدوم من اللي شافه
كان هناك عربيات إسعافات والشرطة
جري عليهم بخضة وهو بيبص لمكان الشغل كان دخان بيطلع منه وفي نار من الناحية التانية، وفي عربيات مطافي
قال عمر بخضة: هو في إيه ومين اللي عمل كدا؟
واحد من اللي واقفين: فجأة لقينا المكان مولع، اتصلنا عالإسعاف يجوا والمطافي وبعدها جت الشرطة، وناس ماتت جوا، وناس مصابة زي ما أنت شايف وبياخدوهم المستشفى يلحقوهم
كان عمر تايهه، يعني لو كان وصل في معاد الشغل كان زمانه اتأذى أو مرجعش لمراته وعياله تاني
كانت الدموع في عيونه من المنظر المفزع دا، وهو بيتخيل إن لو كان جوا
حمد ربنا، إن ربنا حط في طريقه واحدة عشان تاخد منه فلوس وكمان تبقى صدقة عنه يعني حسنات كتيرة وهو مش واعي، وكمان بتبعد عنه أذى كان ممكن يصيبه، وكمان افتكر دعوة الست اللي دعتله إن ربنا يحفظه من كل شر
مع إن المبلغ كان بسيط، لكن لو كان زمانه وصل في معاد الشغل كان خسر حياته أو اتأذى وصرف آلاف من الفلوس وقعد من الشغل وكان هيصرف على بيته إزاي
حمد ربنا كتير إن ربنا حفظه من شر عظيم
راح يطمن على الناس المصابة، ولقى مديره كمان مصاب، وعرف إن له زمايل توفت زعل عشانهم جدا، وإن اللي ساب بيته وعياله عشان يجيب مصاريف البيت هيرجع جثة
عمر بزعل: يا رب صبر أهلهم
رجع على بيته عشان يشوف الست اللي شافها من ساعة
وصل بيته مش لقاها فضل يلف في شارعهم يمكن يشوفها لكن ملهاش أثر
ياترى إيه سبب ظهورها واختفائها؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نعين بعضنا)
تعليق واحد