رواية قهر الفصل السادس 6 بقلم رويدا القاضي

رواية قهر الجزء السادس

رواية قهر البارت السادس

رواية قهر الحلقة السادسة

امباركة: قمعزت حكلت ولبست وتعطرت وتميت لاصقة في الباب …
خالد: ههههه كنك اللطف لابسة الباب لبس 🤣🤣 فزعتيني …
امباركة: خش بلا بودعه غير دبشك وهيا الحقني في السيارة..
خالد: تمام سيدي 😏
امباركة: اطول عليا ننزل … ههه زي مريم ورجعه …
خالد: فكينا من مد اليد عاد ..
تنتهي الحياة بين الراجل ومرته لما يخش الشك بينهم كيف لو كان للي خش بينهن خيانة ….
يوسف: من اليوم هضا مكانك بتعيشي بيش تخدميني وبس وراك ترجي مني شئ ثاني.
حليمة: طلقني مدام مش طايقني …
يوسف: قربت شديتها مش شعرها الكلمة هذي اخر مرة نسمعها منك كان تبي يفوت يومك من غير عنف …
حليمة: تميت نبكي الله لاتربحك ياايهاب انت للي قتلي يوسف يخون فيك انت متت وتريحت ونا شايقة فقدت يوسف الحنين للي كاين مايرضى فيا شئ….
في أمور تكون ملكنا وبين ايدينا لكن مانعرفوش قيمتها الا لما نفقدوها …هكي صار بيني وبين يوسف…
بشير:شن ناوي ادير مع مرتك …
يوسف: قيسك استانست واجد تميت تنشد ع كل كبيرة وصغيرة ولا ناوي تغدرني كيف ولد عمتي…
خالد:عيب عليك الكلام هضا يوسف احنا مقدرين وضعك وحاسين بجرحك لكن هضا مايخلكش تفقد الثقة في الناس…للي ايحبوك…
بشير: خله نا مش زعلان منه واسف مش قصدي شئ بكلامي نستأذن منك…
يوسف: شكلي سمطتها واجد صح.
خالد: معليشي اي حرج يلزمه وقت باش يبرا خود وقتك وبالنسبة ليا معاك في جميع احوالك وانت رايق وانت مضايق ….
يوسف: تعرف ياخالد رح نخليها تتمنى الموت وماتوصله.
خالد: خود الهون في روحك.
،،،،،،،حوش خديجة،،،،،،،
منال: من جاينا في الوقت هضا …
هالة: خليك وانت شكلك يحشم نا توا نفتح الباب.
منال:سلمها للي كبرت وبدت تفتح الباب.
مرام: الا نا مش معبريني بكل.
هالة: من من ايطق.
امباركة: قابض الارواح افتحي الباب يافرخة…
هالة: عمتي امباركة
امباركة:عمك فرج 🤣🤣
خالد: فضحتي بينا هكي الناس ادير ….
امباركة:اسكت راك تصدق روحك انك وليت راجل مزلت عيل ….
خالد:معقولة امباركة تجيب عيل كيف جت…
امباركة: اقلب فسختك لسيارة هضا كلام نسواين مالكش مكان بينا…وخشيت.
خديجة: اهلا اهلا شن شكلك عندك فرح الباين …
امباركة: وايش قصدك بهضا كله ناماايخليش عليا اللبس ولاكيف.
خديجة: نبصر عليك واحلى من يلبس …تبي حتى راجل موجود.
منال: خشيت للمطبخ لقيت البكلاوة والعصير عرفت انها مش جيه عادية وخلاص تميت كاسرة وذني بالك نحصل كلمة…
هالة: منال منال عمتي امباركة تخطب فيك لولدها ….
منال:من
هالة: هو فيه غيره اكيد خالد….
منال:😳😳 اه
هالة: ماتعشيش اللحظة عليا توا عارفة انك تبيه ويبك .
منال: شن انهبلتي من وين جبتيه الكلام هضا…
هالة: لما تحقيه وتقعدي ذبلي في عيونك كيف البقرة .
منال: عدي لنشد نقتلك…
خديجة: والله ماني عارفة شن نرد عليك …
امباركة: مصح وجهك وخلاص قولي مبارك شن بتقولي اخرى.
خديجة:مبارك مانلقاش كيفك انت وخالد…
امباركة: شن نعطيها زغروته خلي الكل يعرفوا
انه في حوشكم فرح.
خديجة:زغرتي ياسرنا هم ونكد وحزن وحلهابنتي تفرح وتعيش كيف باقي جيلها.
منال: الله يبارك فيك ياامي ..
خديجة: تفاهمنا الخطوبة بعد اسبوعين بكرا جاي خالد قمعزي وتفاهمي معاه ع كل شئ من توا باش تكون حياتكم مبنيه ع اساس واضح…
امباركة: واي شئ يلزمك نا امك وبوك وخوك واختك وهضا عهد عليا نا امباركة ولدي مستحيل يزعلك ولايوم يغلط فيك اتعيشي معززة مكرمة نا نبيك بنتي مش كنتي ….
منال: قداش كلامها كان آمان بالنسبة ليا قربت وبست ع راسها هي وامي…
هالة: مبارك اخيرا بنحصلوا هياجة.
منال: عدي اقري قرايتك ….
خالد: ربي يطول في عمرك وايخليك ليا…
امباركة: انت ولدي للي طلعت بيه من الدنيا انت من ريحة الغالي ربي يكملك ع خير ونشوف عيالك يارب ….
خالد:ماتخلنيش نضايق مش متعود منك الكلام هضا خليك امباركة للي تعيط وتهزب القوية الدرما الحزينة مش خايلة عليك… اقلبي الدوربسرعة.
امباركة: شديت وذنه اسمع كويس نعلم انك تبيها وتحبها اخرى لكن اياك في يوم تفكر تغلط فيها بوك الله يرحمه لين مات عمره مازعلني عايشة معاه بالحب والاحترام ….
خالد: ياعوينتي ع باتي فرعون انتي من يقدر يكلمك .
مريم: سمعت امباركة خطبت بنت خوك لولدها خالد.
محمد: وشن للي مطلوب مني تحكيلي في الكلام هضا.
مريم: كيف تتصرف من راسها البنت مش عندها اهل وعمام ترد عليهم الشيره.
رجعه: ها وهضا زين العقل كيف تتصرف هكي وبعدين باتك ليه شهرين ميت ماتحشمتش….
محمد: والله افتك منكم حسن للي رحل خلاص معاش عندنا شئ غير انتموا شاقيين بالناس .
مريم:كنك اللطف تقول ترجى في كلمة باش تولع فيا ….
رجعه: شن قصدك انت راضي…
محمد: ونا من باش نرضى ولا مانرضاش خليكم حقانين رديت عليهم انت يامدام الشيرة يوم عطيتي بنتك للي نزلت رؤوسنا…. وانت ياامي رديت عليهم الشيرة يوم حددتو فرح حليمة ومفتاح مازال تربه ماجف …. ولايوم طلعتيهم من حوشهم وخديته غصب … ولا يوم دليتيها في حوشك وماخليتي عليها كلمة…
يوسف :انت يازفت ياخاينة وينك….
حليمة: بنضرة مكسورة وصوت هادي نعم ….
يوسف:عدي ديريلي قهوة نحس راسي مصدع
حليمة: حاضر….عديت درتله القهوة وجبتهاله بعد دقايق….
يوسف: شديت الفنجان وكبيته عليها …
حليمة:🥺 كنها القهوة ايش فيها….
يوسف:بنة الخاين واضحة فيها ….كرهت اليوم للي شفتك فيه وللي عرفتك فيه …
حليمة: خفت نقول طلقني ناكل طريحة ….. نضفت المكان وسكتت بعدها بساعة جيته ….
نا نعلم انه غلطتي صعب تسامحني عليها نعلم مش بساهل تنسى لكن يعلم الله اني ندمت والله ندمت ….
يوسف: تحسابي مازال نصدقك بعد للي صار ولا الكلمتين هدوما بيمسحن كل شئ مستحيل …
حليمة: الله يربحك خليني نعدي نشوف امي وباتي وخوتي رايفت عليهم لي شهر ماحقيتهم ولاسمعت صوتهن…
يوسف: ولا عاد رح تسمعي صوتهم ولارح تتطلعي برا الحوش هضا….
حليمة: عرفت انه وصلت طريق مسدود معاه تميت نبكي ونا منهارة اقتلني خلني نتريح …ليش مخليني عايشة …
يوسف: شديت خنقتها تبيني نقتلك وناخذ ذنبك انت اتفه من انه نوسخ ايديا بيك والموت رح
تموتي لكن بطريقتي الخاصة….
ثاني يوم فقت الصبح بكري عديت لسوق وخديت للي ناقص لضيافة كلها ….
كنت متوترة وخايفة وما معاي حد الا هالة وصاحبتي ملاك للي صبت معاي …
ملاك:اليوم لازم تطلعي عروس باش تعبئ عينه.
منال:كيف يعني بالك متوقعة نلبس قفطان والجو هضا.
هالة: نا الكلام هضا متع اللبس مانفهم فيه بكل نعرف انه اليوم بنغيروا جو وخلاص.
ملاك:بلا تضيع وقت زايد هيا مازال ورانا حاجات واجد ناقصات لازم ناخدوها….
وجاء الرقت للي نستى فيه وقتلي امي هيا ولع السيارة لبست وتعطرت وعديت …
خديجة: عدي البسي خالد وامه قريب يوصلن…
منال: حايرة مش عارفة شن نلبس..
ملاك : انا نقلك البسي بلوزة وقونا… يطلعن عليك حلوات…
هالة: ها حق .
منال:لكن نا مانقدرش نمشي كويس في القونا نهاف ننعزق قدامه…
ملاك: استري نفسك والبسي شرت تحتها ع الاحتياط …
منال: تميت مضحكة نا ليكم …
لبست وجهزت نفسي وجت امباركة وخالد …
ونحنا نجهزو في الضيافة وكلنا في المطبخ…
مرام:ماما ليش هضا كله…
هالة:ع خاطر خالد وامه جايين عندنا.
مرام: عليش ….
ملاك:لانه حبيبتي خالد يباحذ منال …
مرام:😭😭😭😭لالا
خديجة:كنك
مرام: خالد ليا نا يجيبلي في الشكلاته ويحكيلي في الحكايات … كيف باتي..
منال:😂😂 فزعتيني وخالد ليك ورح ايجيبلك كل يوم شكلاته راضية هك .
مرام: مسحت دموعها وابتسمت ايه هك تمام…
امباركة : وصلنا لحوش خديجة نزلنا وخش خالد للمربوعة وبعد تغدينا جاء وقت للي تخش فيه منال…
خالد: نا مقمعز كيف للي عنده امتحان نرجف ع خشت منال …
منال:السلام عليكم ونا قعدا نتكلم معاه لعند ماحسيت يد شادة القونا من تحت بقوة وانجئ معزوقة كيف الهبلة…
خالد: 😳 لاعرفت نضحك ولا نسكت جيتها نجري قمتها ….
منال:😭 تعقدت وانا دموعي في عيوني شفت الابتسامة ع وجه خالد… اضحك اضحك ليش شادها ….وكملتها ضحك نا وهو والله قتلهن
رح ننعزق بيها ..
خالد: عدي غيريها وتعالي ….
منال:والله حشمتوني وانت يافرخة مرام خلي يروح بس وبعدها نتفاهموا ….
لبست ورجعت قمعزت معاه اسمع ياخالد نا مانقدرش نسيب امي وخواتي بكل ….
خالد:نا من الصدمة ماعرفت نرد كيف يعني انت رافضتني ولا كيف….
منال:لا مش رفض لكن نبيهم يسكنوا معانا…
خالد: حاضر ايش تبي اخرى
منال: نبي نخدم الحياة صعبة ولازم مانتعاونوا
خالد: كيف ماتبي وامك امي
منال: معناها متفاهمين والاهم من هضا كله خلي كل بينا مبني ع الصدق……
،،،،،،، الحاضر،،،،،،،،،،،
…../دس السم في العسل ع من تخطر معقولة في عقول تخطط هكي…
……/ فيه تحسابي كلها نيتها صافية كفيك ..
……/ لكن مهما صار مستحيل ننسى الشئ للي درته كيف قدرت كيف هنت عليك …
……/ عمرك ماهنتي ولا تهوني لحظة ضعف والشيطان شاطر.
…../ ولو صار العكس ونا للي درت كيف مادرت انت بتعدرني…
……/تبي الحق لا
……./ ماتستناش نعدرك معناها…
احيانا الحروف تحمل ألف سطر بين طياتها …..