رواية قهر الفصل الخامس 5 بقلم رويدا القاضي

رواية قهر الجزء الخامس

رواية قهر البارت الخامس

رواية قهر الحلقة الخامسة

منال: جاء اليوم للي بنااقش فيه مشروعي وتمنيت باتي كان حاضر ونا نباحث في امي وخواتي وعمتي امباركة لعند ماخش علينا خالد ومعاه باقة ورد …
خالد:الف مبارك عليك التخرج
منال: شكرا… وفي خاطري كنت نستنى في جيتك طلعنا بنرحوا للحوش لقيت اصحاب خالد يرجوا فينا برا….
امباركة: شن المكاليب هدوم شن عندهم هنا..
خالد: اركبي حرام ياامي البنت ماعندها حد ماهانش عليا نخلي فرحتها ناقصة قلتهلم تعالوا قيموها بيها ….
امباركة: نجك لي عليك احنين
خالد: اها منا كيف طالع لي باتي …
امباركة:فعلا باين عليك من العباطة للي انت فيها
ماقتليش الورد من وين سرقته 🤣🤣
خالد: من المقبرة عليك كلام 😒.
خديجة : هيا تفاضلوا مع خالد للي المربوعة انضيفوكم وتتعشوا معانا.
هالة: والله وتما ايجونا ضيوف وحركات ..
مرام: انا بنعدي نلعب عند الجيران …
منال: يوم تخرجي كان يوم مستحيل ننساه من كمية التفاصيل الجميلة للي كانت فيه وتم اليوم بجيه عمي حسن ومرته اسماء…
حسن:مبارك عليك النجاح يابنتي .
منال: الله يبارك فيك وحط في يدي فلوس …جيتك تكفي ياعمي.
اسماء: جايين نباركولكم ونقولكم نشوفوا وجوهكم بخير.
خديجة: عليش شن صاير…
حسن:حتى لو كنت ساكت وماقدرت نرد حقكم لكن يعلم الله انه نا وسالم ضد امي في كل شئ قررت نبيع ونرحل.
خديجة: مهما غلطتت اتم امك هذي.
اسماء: اليوم انتي وبكرا يعلم الله من يكون في مكانك مش كلنا كيف قوتك….
امباركة: مربوحة … ربي يسهل طريقكم واظني احسن مادرتي لانه احتمال نقتلها هي ومريم كان زادات شوية🤣
اسماء: قربت منها قتلها بصوت واطي ياريت والله غير اعطيني علم باش نقوم بالواجب…
حيانا الانسان يكون ضعيف ومايقدرش يوقف في وجه الظلم ويقرر الهروب لانه الحل الاسهل …. لكن مايعرفش انه الساكت ع الحق شيطان اخرس ..
بشير: شن عاد ماعندك ماتقول قمناها بيك قدام المدام..
خالد:امتا صار وولت مدام باهي يارا بتقعد ادل فيا ع الطالعة والنازلة تبي سنة باش تنسى …
يوسف: اما سنه الله يهديك قول عقد🤣🤣🤣
بشير: ها شن صار في موضوعك انت ومرتك …
خالد: دكرهم ونكد عليهم نا نبي نفهم متنساش انت بكل يعني دماغك هضا شن .
بشير: اسكت انت تضحك عليه خليه ايفيق ويتاكد باش يريح نفسه خود مني الكلام للي ايوجعك ماتسمعش كلام هضا مع انه في نفسه يعلم زين انه كلامي صح وماايحس بالنار الا للي عافس فيها من حقك تتطمن باش تتريح.
يوسف: وهضا للي بيصير الليلة لازم نتأكد .
ونضت من حداهم وروحت وقررت نفد الكلام بالحرف …
حليمة: كنك راجع بكري اليوم مش زي عوايدك..
يوسف:شفتلها ع جنب 😒من امتا ممنوع نروح لحوشي ولا زم ناخد الاذن منك…
حليمة: اه لا مش هك قصدي نا …
يوسف:المهم جهزيلي دبشي نبي نطلع للبر يومين نا والشباب.
حليمة: تعدي وتروح سالم.
يوسف:اسمعي خليك في النهار في الحوش والفلوس تحت امرك .
حليمة: خلاص عدي غير جو وماتشيلش همي بكل كون هاني.
يوسف: طلعت تكيت ع بشير وحكيتله ع كل شى صار معاي…
بشير: تبي نكون معاك
يوسف:لا نبي نكون بروحي هذي مش مشكلة في الشارع ونحتاج فيها فزعتك ادعيلي بس ربي ينور بصيرتي….
وجاء الليل وجاء معاه خوفي من للي يستنى في خفت تكون شكوكي حق عديت فوق حوش خوي تميت مقمعز لعند جت الساعة 1 بدون سابق انذار طفا ضئ الحوش الخارجي وهنا وفي اللحظة هذي قلبي نغزني نزلت نجري مانعلمش كيف حتى وصلت للحوش قعدت في ركن من الجنان ….
شفت خيال جاي وسمعت صوت باب الحوش انفتح وقتها تأكدت انها خاينة … خديت مفتاحي وسلاحي وخشيت جوا …. شفته في داري منتهك حرمة بيتي في فراشي ….
وصلت وين كانوا قاعدين ….كنت نبي نعرف من للي جاته الشجاعة باش يخش حوشي ونا مش قاعد ….
حليمة: 😳😳 اه يوسف .
يوسف: ياخاينة ياكلبة …الصدمة كانت في الشخص للي كان معاها لحظات ولت الدنيا سوداء قدامي مانتفكر شئ كان سحبت سلاحي بس ….
خالد: بشير بشير حل عيونك الله لاتربحك صوت رصاص جاي من عند حوش يوسف.
بشير: اه رصاص القلم عدي ارقد وانت كل شوي زاقب عليا…
خالد: صاحبنا ضاع فيق ع روحك …
يوسف: الدم كان زي البحر … هيا واقفة في ركن الدار في حالة صدمة…اكيد مستغربة ليش ماقتلك حتى انتي ….
حليمة: لحظة شفت دم ايهاب علمت انه حياتي تمت خلاص ما غرني الشيطان ونفسي ضعفت ضعت خسرت كل شئ…
يوسف: لانه الموت رحمة ليك … ونا مش ناوي نرحمك بكل حياتك رح تكون جهنم ع الأرض وشديتها وطحت فيها ضرب …. لعند مابدت الناس تتجمع ع صوت العياط وصوت الرصاص للي سمعوه…
خالد:سيب من يدك يوسف بضيع روحك ع خاطر ناس ماتستاهل…
يوسف: تعرف شن معناها ولد عمتي يخون فيا مع مرتي …كيف بتفهم وانت مش في نفس الموقف نار نار والعة في قلبي … نحس في عقلي بيتفجر ….
خالد:شن استفدت من قتلته عليش تفوت يوم من عمرك في الحبس.
يوسف: كان خوفك علي ع شان الحبس اطمن مش رح نقعد فيه حتى ليلة سلاحي مرخص وهذا منتهك حرمتي.
بشير:اه فاتني للي صار كله …جيت لقيت الشرطة جت وشالت الجثة متع ايهاب…
محمد:تتبلى ع بنتي ياكلب هذي الامانة للي سلمتها لك هك ادير فيها…
يوسف:قربت منه وشديت من رقبته وكنت ناوي نلحقه لايهاب…اسأل الامانة متعك شن دارت في قولها كيف خانتني خلها تحكيلك زعما كم مرة خانتني معاه من قبل…
خالد وبشير ارخيه راك بتقتله طلقها وتريح منها …
يوسف:طلاق مافيش وطلوع برا الحوش هضا مافش … والله لنخليك تتمني الموت الف مرة واطيقها…
مريم: بنتي بنقلها معاي …
يوسف: ماتفكرش فيها حتى التفكير …
بشير: تعرف ياخالد مستغرب في قوة القلب للي فيها يوسف تو من وين جت وكيف قدر يسكر
ملف جريمة كيف هذي …
خالد: يوسف يخدم في …. مع …. وهاذي قضية شرف وايهاب لاقه في حوشه يعني رقبته طايحة …ومرته اعترفت بكل شئ ….
بشير: لكن وضعه النفسي مش تمام وعليش ماباش يطلقها في شئ في دماغه….
خالد:انضني لعند هنا وبس ياسرك تدخل في حياته للي فيه كافيه .
بشير:تصدق لو نقولك من يوم للي صار ماقدرت نرقد ونا نحس بذنب وكل ليلة نحق في ايهاب في الحلم جاي بيخنقني…
خالد: رد الفايت محال ….
،،،،،،،الحاضر،،،،،،،،،،
…./نحس فيها ثقيلة فكرت الزواج من واحد كيف هضا.
……/ وكنه ياهبله هضا ايش للي ينقصه باش ماتخدش.
……/ حياته والقصص للي صارن معاه يخلني نحس انه في شئ ناقص في حياتي.
……/ والله وتقولي قالتها…. لو ماعشتش معاه عيشة تتمناها كل مرأة …الراجل شاريك ورايدك بالحلال.
…../خلاص اطلعي خليني نفكر ومانبيش من يضغط عليا بكل.
،،،،،،،، الماضي،،،،،،،،،
امباركة: شفتي شن صار مع حليمة بنت مريم وراجلها الناس كلها ماعندها سيرة كا سريبهم…
خديجة: ربي يستر علينا لكن مش كأنه الموضوع في شئ غلط كان خانته كيف قعدا ع دمته.
امباركة: بكرا من الصبح ناويه نتكي ع مريم .
منال:اه عليش شن عندك شن بتقوليلها…
خديجة: لا انهبلتي رسمي…
امباركة:نحمدلها ع سلامة بنتها…
خديجة: عيب عليك الموضوع هضا مافيش شماته بكل .
امباركة: نسيت منال باش تجيبلي ايفاد متعك حصلت من يحطلك ملف بالك تحصلي تعيين…
خديجة: ان شاء الله يارب ..
،،،،،،ثاني يوم،،،،،،
مريم: خير شن تبي جايتني ع اصباح الله خير ….
امباركة : وكنك هكي تحكي معاي هكي تستقبلي ضيوفك.
مريم: الضيوف الغير مرغوب بيهم اكيد …وكيف بنسكر الباب.
امباركة: شكرا بارك الله فيك …. قمعزي مانبي لاعصير ولا قهوة.
مريم:كانك جاي بيش تشمتي في بنتي قعدا مع راجلها وفي حوشها وللي صار كله تبلي وتلفيق…
امباركة: اها مع راجلها ربي يهديهم وخلاص.
مريم: الدور والباقي ع للي قعدا بنتها تحت راسها مش لاقيه من ياخذها…
امباركة: ياغريبة الحي وخلاص بالله عليك بعد للي صاير معاك هضا كله مازال عندك خلوق تتكلمي ع غيرك …بنت خديجة عدي في يدك اسبوعين ورح تنخطب .
مريم: ومن يناسب وحدة هلها متبريين منها وراجلها ميت ….
امباركة: راك مسختيها واجد ياسرك كلام زايد نا ولدي خالد للي كانت عجوزك تتمناه لبنتك للي نزلت راس راجلها … انت في هالطرف مش حاسة حجم الكارثة للي انتي فيها عليك وقاحة وخلاص…
مريم:اطلعي برا حوشي بلا مطرود…
امباركة: جيت بنطلع وين وقفت جنبها عفست ع صوابع رجلها …
مريم: رجلي يابقرة كنك ماتشوفش ولا شن….
امباركة: انحق فلي مااتحقيش فيه انتي لكن الوجع هضا نبيك تتفكريه كويس لانه للي يتكلم ع مرت ولدي نسل لسانه بعروقه ….راحت ايام تقولي عليهم ايش يعجبك …. عدي ربي بنتك خير …. وطلعت..
وصلت الحوش … ونا جوي مقلوب …
خالد: كنك ايش فيك الباين انك مضايقة ياغالية
امباركة: جوي مش تمام لكل اسمع عدي اشري سفرة بكلاوة محترمة وعصير طبيعي وتعال بعد آذان العشاء ….
خالد: ونصف النهار وين بنفوته في الشارع ولاكيف .
امباركة: اقلب فسختك نا للي عندي قلته وتم الكلام…
خالد: حاضر يافرج تحت امرك .
امباركة:سلحت الشبشب عدي يلعن ابليسك