رواية نبضات في السحاب الفصل الرابع 4 بقلم حنين الماضي

رواية نبضات في السحاب الجزء الرابع

رواية نبضات في السحاب البارت الرابع

رواية نبضات في السحاب الحلقة الرابعة

____________
فريد : قبل الفطار كنتى هتقولى حاجة ودخل ايمن فسكتنا
ياسمين : عاوز تعرف
فريد : ياريت
ياسمين : بعد الشغل هقولك لو موافق
فريد : 😊 موافق طبعا
ياسمين : خلاص هستناك بعد الشغل فى لاكوستا
فريد : ماشى وانا جاى طبعا
ياسمين : باى مؤقتا
فريد : باى
________________
فى بيت فريد
___________
الام : نفسى يا عبير اطمن عليكى انتى واخوكى قبل ما امو ت.
عبير : بعد الشر عنك يا ماما بلاش الكلام دة
الام : يارب يرزق اخوكى ببنت الحلال وانتى تكملى دراستك وتخلصى بقى وتتجوزى
عبير : هههههه للدرجادى زهقتى منى
الام : يا بنتى عاوزة اشوف عيالكوا حواليا
عبير : لا خليكى فى فريد ابنك انا مش دلوقتى خااالص
الام : طيب قومى حضرى الاكل معايا زمان اخوكى راجع من شغلة جعان
عبير : هتعملى اكل ايه
الام : تيجى نعمل سبانخ
عبير : لاااا ونبى دى مش بتحبنى خالص وبلاش نغصب عليها
الام : طيب قولى يا شمولة نعمل ايه
عبير : مكرونة ونحمر اى حاجة جنبها
الام : خلاص قومى اعملى وانا هعمل الكبدة
عبير : احلى أكلة يا ست الحبايب انتى
الام : هههههههه
______________
فى الفندق
__________
عمر : الحمدلله اخيرا هنسلم الشيفت
منى : تصدق لو قولتلك أن مبحبش امشى ومبحسش بالتعب
عمر : 🙂 للأسف مصدق
منى : قصدك ايه
عمر : مالوش لازمة خلاص الكلام بس اتمنى ربنا يكون معاكى للآخر
منى : وبعدين يا عمر ! هو انت كل شوية هتقعد ترمى كلام كدة
عمر : لا يا ستى مش هرمى كلام ولا حاجة خلاص متزعليش بس اعملى حسابك عينى هتفضل عليكى
منى : هههه ماشى
سامح: ايه مش ماشيين ولا ايه
عمر : انا ماشى عشان مستعجل عن اذنكوا
منى : انا هغير هدومى وامشى طبعا
رنا ( زميلتهم ): سامح انا خلصت هتمشى ولا ايه
سامح : اة همشى يالا بينا
رنا : هههه يالا يا قلبى.. عن اذنك يا منى ولا تحبى تيجى معانا
منى : 🙂
سامح : ههههه حاولى يا منى تتخلصى من عادة السكوت والمفاجأة هههه
منى : لا انا شوية وماشية
رنا : طيب باى نشوفك بكرة
سامح: سلام يا قطة ههه
منى اتصدمت من رد فعل سامح لما رنا جت تكلمة وانة مشى معاها عادى بعد ما كانت فاكرة انة جاى مخصوص عشانها واتصدمت من رنا لما قالتلة يالا يا قلبى وحست بنغزة وجع فى قلبها لكن غصب عنها هى حبته والحب دة بيزبد جوة قلبها كل يوم عن اليوم اللى قبلة وحست أنها محتاجة تتكلم مع عمر لكن مكسوفة منة عشان عارفة الكلام اللى هيقوله ،، فضلت منى قاعدة على جنب فى مكانها حاطة أيدها على خدها وهى من جواها حزن وكسرة
شيف حسن المدير : ايه دة انتى لسه هنا يا منى
منى : اة يا شيف حسن بس خلاص هقوم امشى
شيف حسن : انتى كويسة يا بنتى ولا فيكى حاجة
منى : لالا كويسة متقلقش حضرتك
شيف حسن: طيب انا ماشى بقى كفاية عليهم كدة هههه
منى : هههه ماشى اتفضل حضرتك
___________
فى الكافية
________
ياسمين : هاااالووو بشمهندس فريد
فريد : هههه هالوو ورحمه الله
ياسمين : بقالك كتير هنا
فريد : لالا مكملتش خمس دقائق
ياسمين : طب الحمدلله ،تعرف انى بحب الكافيه دة جدا وبحس براحة نفسية اوى فيه
فريد : هو مريح فعلا
ياسمين : اخبار الفطار ايه ههه لسه موجود وصامد
فريد : دة فطار جامد جدا تسلم ايدك
ياسمين : ليك عليا كل يوم اعملك فطار يعجبك
فريد : هههه والله انتى كدة بتكلفى نفسك زيادة عن اللزوم وبتحرجينى
ياسمين : بس انا بحب اعمل كدة ومش عاوزاك تكون محرج منى ممكن يا فريد ، اااقصد يا بشمهندس فريد
فريد : هههه لا بشمهندس ايه بقى انتى ياسمين وانا فريد من غير القاب والجو الرسمى دة
ياسمين : متفقين هههه
فريد : قوليلى بقى ، فى حاجة كنتى هتقوليلى عليها قبل دخول ايمن ولما سألتك قولتى نيجى نتكلم هنا
ياسمين : للدرجادى مهتم تعرف
فريد : بصراحة اة تقدرى تقولى فضول
ياسمين : هقولك يا سيدى بس متقطعش كلامى
فريد بتركيز: حاضر 😊
ياسمين : انت طبعا متعرفش عنى حاجة خالص وخدمتنى من غير مصلحة وانت متعرفش انت شيلت من عليا هم السنين ازاى ، عشان كدة بسبب الموقف اللى انت عملتة معايا خلتنى ارجع البيت وانا نفسيتى مرتفعة جدا وجالى نفس أنام واكل واشرب
فريد : ياااااة للدرجادى
ياسمين : ههههه تخيل
فريد : طيب كلمينى عرفينى عليكى
ياسمين : بص انا ساكنة فى شبرا وعندى اخ واحد بس قاعدة برة مصر
فريد : يعنى قاعدة مع باباكى ومامتك
ياسمين : وبنتى تالا
فريد بصدمة : بنتك 😳
ياسمين : اة متستغربش هى صغيرة عندها اربع سنين بس فالغالب ماما هى اللى بتربيها
فريد : يعنى انتى متجوزة وعندك بنت كمان
ياسمين : هههه عارفة انك مصدوم بس انا هصدمك اكتر لما اقولك انى مطلقة من سنتين
فريد بذهول: مطلقة !!؟
ياسمين : اااة وانا اللى صممت ع الطلاق لانة كان مبهدلنى معاة واهلة ناس صعبة جدا
فريد : مبهدلك ازاى
ياسمين : على طول زعيق وفضايح قدام الجيران ولما قررت ارد عليه بقى يضربنى بغباء لدرجة انى فى مرة من كتر الخناق كنت تعبت وكنت هرمى نفسى من البلكونة عشان اخلص منه
فريد : 😲 للدرجادى
ياسمين : لحد ما اتطلقت اخيرا منة وطبعا بعد الطلاق مبقاش بيصرف ولا بيشوف بنتة وبقيت انا اللى بعمل كل حاجة بقيت اب وام فى نفس الوقت وكمان باخد بالى من امى وابويا عشان كدة كنت محتاجة الشغل بأى شكل وانت جتلى نجدة ومنقذ فى وقت صعب ليا جدا
فريد : مش عارف اقولك ايه بس بصراحة أنا متفاجئ لأن شكلك صغير ومقولتش انك متجوزة
ياسمين : انا عندى ٢٤ ، تقدر تقول متجوزة بدرى شوية وانا كنت لسة فالمعهد
فريد : وليه استعجلتى عالجواز كدة
ياسمين : اخويا بقى الله يسامح كان شايف انى مينفعش اروح المعهد واقابل زملاء اولاد وانا مش مرتبطة وكأن الجواز هو الحماية ليا من اى حاجة
فريد : للأسف ظلمك بوجهة نظرة دى
ياسمين : هو بقى اتجوز اللى بيحبها بس طول عمرة مش راضى عن قعدتة هنا وعشان كدة اتجوز وسافر وتقريبا كدة بينزل كل سنة مرة وساعات مبينزلش
فريد : مممم لكن بيكلمكوا فالتليفون صح !؟
ياسمين : بردو ساعات
فريد : يعنى ضيع حياة اختة وظلم طفلة صغيرة ملهاش ذنب وكمان ساب أمة وابوة ودور على مصلحة وراحة نفسة
ياسمين : بالظبط كدة وعشان كدة يوم ما انت ساعدتنى واتوظفت فالشركة كنت طايرة من الفرحة والاحساس دة مجاليش بقالة سنين ، عرفت بقى دلوقتى انا شعورى كان ايه يومها
فريد بتنهيدة : عرفت بس مش هكدب عليكى مكنتش متخيل انى هسمع كدة ابدا
ياسمين : اومال كنت متخيل انى بنت بقى وفرحت أن فى شاب وسيم وقف جنبى وانك اول واحد تقف معايا واقعد اشكرك وممكن يحصل اعجاب كمان مش كدة
فريد بتوتر : انتى جريئة اوى على فكرة
ياسمين : قصدك صريحة لكن عاوزة اقولك حاجة ، كل اللى فى دماغك صح واللى انا قولتة صح بس مع تعديل بسيط وهو بدل بنت هتبقى مطلقة وانا شرحتلك بسرعة الظروف اللى مريت بيها وانى ماليش ذنب ولا لازم الدنيا تفضل تعاقبنى على حاجة مكنش ليا فيها اختيار !
فريد : لا طبعا مالكيش ذنب لكن المشكلة نظرة المجتمع الظالمة لأى واحدة فى موقف زى دة لكن انا بالنسبالي متفهم جدا الوضع وعالعموم اعتبرينى صديق مقرب واى حاجة اقدر اخدمك بيها مش هتأخر وانتى كمان متتحرجيش منى
منى حطت أيدها على ايد فريد على الترابيزة : انا مش عارفة اشكرك ازاى يا فريد و ربنا يخليك ليا
فريد باحراج : مفيش شكر ولا حاجة 😊
ياسمين : طيب مش هطول عليكم يالا نقوم عشان ورايا حاجات كتير زى ما قولتلك
فريد : مفيش مشكلة ومتشكر انك استأمنتينى على حياتك الخاصة ووعد محدش فالشركة هيعرف حاجة
ياسمين : عارف لو مكناش وسط الكافية كنت عملت ايه بعد الجملة دى !!؟ كنت حضنتك من فرحتى
فريد : ههههه شكلك مجنونة وهتجننينى معاكى
ياسمين : لاااا من ناحية مجنونة فأنا كدة فعلا هههه
فريد : واضح واضح طب يالا عشان اوصلك يا مجنونة لو تحبى
ياسمين : انت معاك عربية صح ؟
فريد : اة
ياسمين : خلاص موافقة توصلنى واهو تعرف بيتى
فريد : طيب تعالى عشان متتأخريش
😊😊😊😊😊😊😊😊😊😊😊😊😊😊
فى بيت منى
_________
الام : مالك يا منى من ساعة ما رجعتى وانتى ساكتة
منى : ولا حاجة يا ماما بس مصدعة شوية
الام : يمكن عاوزة تنامى ،قومى نامى طيب عشان الصداع يروح
منى : حاضر هقوم
منى وهى على سريرها ( يا ترى رنا بتحب سامح فعلا ولا هما مع بعض عادى زيى انا وعمر كدة ، بس هى كانت واثقة وهى بتكلمة أنه ماشى معاها ولما هو هيمشى معاها كان جايلى لييييه ولا هو عذاب وخلاص اووووووف انا حاسة أن دماغى هاتتفرتك من التفكير وشكل كدة كلام عمر صح ، لالالا بلاش توهمى نفسك ممكن يكون عادى بس انا موسوسة وعاوزة منه شوية اهتمام وبعدين هو ممكن يكون زهق منى عشان مبعرفش ارد فى ساعتها ورنا طبعا بتضحك وترد وهو شكلة بيحب كدة وعشان كدة لمح على طريقتى وعاوزنى اتغير ، معنى كدة انى اهمه ولا مش هماة هتفرق معاة ايه اتغير ولا لا يوووووووة انا شكلى اتجننت انا هنام بس يارب اعرف انام بدل ما انا عمالة اتقلب على السرير كدة 😔😔😔😔😔😔😔😔😔😔😔😔😔
ياسمين : شغلنا بقى اغانى هادية تروق اعصابنا
فريد : هههه ماشى يا ستى انتى تؤمرى ، ايه رأيك بتحبى قديم ولا جديد ؟
ياسمين : قديم وخصوصا اغانى افلام الابيض والاسود من حبى فيك يا جارى يا جارى من زمان بخبى الشوق وادارى ليعرفوا الجيران
فريد : ههههه يا سيدى ع الروقان
ياسمين طلعت كريم للبشرة وبدأت تحط على ايديها وريحة الكريم فحفحت فالعربية
فريد : هههه بتعملى ايه
ياسمين : بحط كريم انا لعلمك بحب اهتم ببشرتى جدا وعلى طول بحب تكون ريحتها حلوة حتى شم ايدى كدة 😁
ياسمين لزقت ضهر أيدها على وش فريد عشان يشمها وكانت متعمدة تلمس شفايفة وطبعا فريد اتوتر فاللحظة دى وريحة الكريم كانت حلوة جدا
فريد وقف العربية على جنب : وبعدين معاكى بقى
ياسمين بدلع : ايه ريحتة وحشة طب شم تانى هيعجبك
فريد : ريحتة تجنن ونعومة ايدك كمان وشكلها يجنن بس انا بتفاجئ بصراحة ومش عارف هو انتى عفوية كدة وبتعملى كدة مع اى حد ولا ايه مش فاهم
ياسمين : ههههه كل دة عشان خليتك تشم ريحة الكريم وبعدين انا استحالة اعمل كدة مع حد لأن عمرى ما اطمنت لحد زيك وانت اول واحد اتكلم معاة وانا مرتاحة عشان كدة بتصرف بطبيعتى عشان عارفة انك مش هتفهمنى غلط
فريد : 😊😊 لا خلاص كدة فهمت واتعاملى يا ستى براحتك
ياسمين : استنى بقه هشممك حاجة تانية هتعجبك
فريد : تاااانى ههههه ماشى
ياسمين طلعت البرفيوم بتاعها ودة نوع برفيوم للإثارة حطت منه على رقبتها وياسمين عشان بشرة بيضاء وعيون واسعة عسلى غامق وواثقة من جمالها كانت بتضغط على فريد بكل سبل الإثارة وبعد ما حطت البرفيوم على رقبتها قربت من فريد
ياسمين : شم بقى كدة دة بجيبة من واحد فالمنطقة عندنا بيعمل تركيب بس يجنن مش كدة
فريد بتنهيدة: وبعدين معاكى
ياسمين بدلع : ايه وحش
فريد : بالعكس كل حاجة حلوة منك بس خفى دلع شوية انا بتعب
ياسمين : ههههه حاضر ع العموم قربنا من البيت وممكن انزل الشارع الجاى عشان الشارع عندنا مكسر مش هتعرف تمشى منة
فريد : ماشى خدى موبايلى رنى عليكى منة عشان اسجل رقمك
ياسمين : اوك هات ….. اهو رنيت واكتبنى بقى الطاووس عشان اكون مميزة زى ما انت مميز عندى وهكتبك السلطان هههه
فريد : هههه السلطان !! زمن الاتراك دة ولا ايه
ياسمين : بذمتك مش مميز
فريد : انا مش عارف مميز ولا غريب هههه
ياسمين : استنا بقه كمان هات ايدك دى
فريد : ياسمين ياسمين فى ايه
ياسمين : هحطلك البرفيوم بتاعى فيها وشمة كويس هتتأكد أنة حلو جدا
فريد : 😊😊😊 حاضر هفضل اشم فيه بس كدة وهو جميل على فكرة زيك
ياسمين اول ما حست أن فريد بدأ يميل ليها بسرعة جدا قالتلة : انا نازلة بقى يا سلطانى بااااى اشوفك بكرة
فريد : طيب جريتى ليه براحة هههه مع السلامة
وطبعا فضل فريد يفتكر كل اللحظات والمواقف اللى ياسمين عملتها طول الطريق ويشم البرفيوم بتاعها فى ايدة لحد ما وصل واول لما طلع البيت قررر أنة …….
__________
لمتابعة الرواية الواقعية نبضات فى السحاب لاااااايك وكومنت عشان نعرف فريد قرر ايه وكمان منى قررت ايه 😉 وياترى ايه اللى ورا ياسمين وسامح ؟؟