رواية ميراث العشق الفصل الخامس والثلاثون 35 بقلم مريم نصار
رواية ميراث العشق الجزء الخامس والثلاثون
رواية ميراث العشق البارت الخامس والثلاثون
رواية ميراث العشق الحلقة الخامسة والثلاثون
فيلا السيوفي ..
چود ف اوضة التلفزيون . قاعده ع الكنبه بتتفرج ع فيلم . وحاطه صينيه كبيره ع رجليها.وعليها فواكه وفيشار ومسليات كتير . وبتاكل ومركزه مع الاحداث .
واتكلمت وقالت للبطل…. ايوه الله عليك . خش جيب رقبة امه ابن الجزمه ده . مش احنا ال حريمنا تتخطف ولا مؤاخذه .. وسقفت الله عليك يابطل يابن البطل . ايوووووه كدا . احلا حاجه انك فتحت بطنه اربع تربع . انا لو مكانك كنت دفنته ابن الجزمه ده . اممم .. ياجامد ..
چواد : نفخ بغيظ . ماتفصلى بقى ياچود مش عارف اركز مع الفيلم ..
چود : بس ياض. اقعد ساكت . مش عاجبك قوم اتفرج عليه ف اوضتك ..
چواد : نفخ بغيظ.هسكت وخلاص أمري لله. ومد ايدو ياخد مانجايه ..
چود : خبطته ع ايدو . كخ ياحبيبى..!!
چواد : اله ف ايه بقى ؟ انتى نازله ضرب ف الاكل من الصبح . ودلوقتي مكوشه ع المانجا . هاتى واحده . وبعدين كل ده بتاكلى فيه لوحدك ؟. ولسه هيمد ايدو تانى ..
چود : بنظرة تحذير .. قدها اعملها وحط ايدك ف الطبق . هتكون محصل المرحوم ال اتشق بطنه دلوقتي . قوم ياض جيبلك من المطبخ . واسكت عايزه اركز .
چواد : صك ع أسنانه بغيظ مكبت . انا مش عارف المفروض نكون العكس .. انتى يابنتى المفروض إنك انثي و……!!!!!
چود : عتلاق كلمه زياده . وافتح كرشك . يلا ياض من هنا .. قال انثي قال . اومال انا ايه . ياعديم النظر . امشي من وشي ..
چواد : اوووف انا قايم وسايبهالك ..اشبعي . ياااارب تشبعى ياچود يختى يارب . وخرج ..
چود : مسكت المانجا وبصتلها وقالت..اشبع..؟ هي المانجه دى حد يشبع منها..!!! ورقصت حواجبها . وفتحت بوقها . وبتاكل بنهم وسعاده .. امممم احلا مانجه دى ولا ايه؟
وبعد دقايق جه فاصل اعلاني .. للفيلم . ومسحت ايديها وبوقها بمنديل وقالت لما اتصل ع مرات اخويا المسقبليه .. واتصلت ع كارما …
——————بقلمي مريم نصار.
ف الليفنج ..
طارق : قفل الفون …
رنا : ها ياطارق. فارس وصل بالسلامه ؟
طارق : ايوه يارانوش. قالى لسه واصل الفندق حالا. ربنا معاه يارب..
رنا : بقلب ام..يااارب. يحفظكو ياولادى ..
طارق : آمين . وبصلها . وقال بغمزه . انما ايه الحلاوه دي يارانوش..؟
رنا : ههههههه دى عينيك ال حلوه ياحبيبى .عشان كدا شايفنى حلوه ..
طارق : أبدا..عمر ما عينيا كانت حلوه. غير بوجودك جمبي .
رنا : بسعاده … تسلم ياحبيب قلبي . انما قولى . مين ال كان بيسأل عليك من شويه ؟
طارق : هرش ف دقنه . لأ مفيش حد مهم..!!
رنا : كشرت عينيها بعدم فهم . ازاى بقى؟ ده الجارد قالك ف حد مهم عايزك بره بالاسم . وانت خرجت . وكمان دخلت وطلعت ع فوق ع طول .. ماتفهمنى بقى ؟
طارق : ياست الحسن والجمال قولت مفيش حد مهم . سيبك من كل ده . رودي فين والولاد؟
رنا : بغيظ . رودي ف العياده . وهترجع متأخر والجارد هيجيبها . واحفادك بيتفرجو ع التلفزيون.
طارق : هز راسه تمام .. بقولك ايه ماتيجي نطلع الجناح بتاعنا..!!!
رنا : بصت ف الساعه لسه بدري ياطاروق ..
چود : داخله عليهم بمرح . سا الفل ع الكل ..
طارق : بابتسامه . سا الجمال ع چودي تعالى جمب جدك هنا يابت …
رنا : هزت راسها بنفاذ صبر . مساء الخير يا انسه چود .
چود : كشرت عينيها وبصت ل طارق . شمه ريحة تريقه . صح يا بابا؟
طارق : غمز . سيبك منها . انما قوليلى ايه يابت العسل ده ؟ انا عندي حفيده زي القمر ..
چود : حبيبى يابابا . طول عمرك مروشن عليا اقسم بالله ..
رنا : ربعت ايديها . ومتابعه الحوار بينهم . بنفاذ صبر وتعجب ..
چود : بص بقى يا اجدع واجمل واحسن بابا طارق . ياسيادة لواء قلب حفيدتك .. يا……!!!
طارق : اممممم يبقى فيها مصلحه… صح ؟
چود : بضحكه . هههههخخ يافاهمني انت اعسل . وباسته من خدو . وقالت هي مصلحه حلوه والله .
طارق : ايه نوع المصلحه ؟
چود : خروجه انا وچواد .
طارق : كشر عينيه خروجه؟ عايزه تروحي فين؟
چود : بابتسامه .. السينمااااااا….
طارق : خبطها ع قفاها . سينما..!! انتى عبيطه يابت ؟ وتروحي لوحدك انتي واخوكي .
چود : اااه . ايه بس يابابا . استنى عليا . انا هشرحلك كل حاجه .. دلوقتي . ياسين وحياة وآسر وكارما خارجين رايحين السينما . وقالتلى تعالى معانا اهو تغيير جو . ومثلت الزعل . يعنى انا لا روحت مصيف . ولا اتفسحت . وبابي مسافر ومامي ف العياده ..
رنا : كشرت عينيها ..وقالت بتريقه ياحرام . متعذبه بجد ياچود .. ولا بتخرجي ولا كنتى معزومه امبارح . ولا لسه كنا ف فرح من كام يوم. معذبينك يابنتى .. صعبتى عليا والله .
چود : قامت بسرعه وضمت رنا بمرح . حبيبتاااااااي ال حاسه بيا والله . وباستها من خدها كتير …
رنا : ضحكت . يابت خلاص ابعدي عنى ..
چود : بمرح . تؤ تؤ هبعد لما توافقي. وافقى وافقى وااااافقى بلييييييز يا اجمل رانوووووش..
رنا : أبعدها عنى ياطارق . البت فرهدتنى .
طارق : ههههه خلاص خلاص. تعالى ياچود .
چود : قعدت جنبه . اؤمر ياقلب چود ..
طارق : انا هتصل ع ياسين عشان يخلى باله منك انتى وچواد .. واعملى حسابك . السواق الخاص هيكون معاكى انتى وچواد . غير كدا . مفيش خروج ..
چود : بمرح . حلو اوي اوي كدا . اشطا انا هطلع اقول ل چواد ونلبس ..
رنا : بس اسمعى ياچود . خلى بالك من نفسك . واتصلي ع رودي وعرفيها ..
چود : حاضر ياحبيبتى .من عونيا ..
رنا : مسدت ع شعرها. تسلم عيونك ياحبيبتى . والبسي الفستان ال فارس جابهولك من روسيا. جميل جدا عليكى ..
چود : هرشت ف قفاها . بصراحه احم .انا هلبس بنطلون جينز وبلوزه مريح ف الحركه وكدا ..
طارق : بتحذير . وبعدين ياچود . مش قولنا خلاص مفيش لبس بناطيل تانى ؟
چود : بزعل . يابابا . انا بلبس بنطايل محترمه وبلوزات طويله . يعنى كويسه ..مش وحشه ..
طارق : حاوطها من كتفها . وقال . انا هسالك سؤالين وجاوبينى عليهم .ماشي ياحبيبتى؟
چود : عوجت بوقها بزعل. وهزت راسها حاضر اتفضل ..
طارق : هي الملكه . ال بتشوفيها ف التلفزيون . او الملكه ال بيحكو عليها ف الأساطير . بتلبس ايه؟
چود : بتذمر . الملكه بتلبس فستان ..
طارق : ابتسم. طيب والأميره .؟
چود : بتنهيده . برضو الاميره بتلبس فستان ..
طارق : طيب عمرك سمعتى عن ملكه أو ميره لابسه بنطلون وبلوزه؟
چود : هزت راسها تؤ تؤ لأ ماسمعتش ..
طارق : ضمها بايدو بمرح .. وانا حفيدتى ملكه واميره .. ماتلبسش غير فساتين وبس ..
چود : بصتله . بس يابابا..!!!
طارق : بتأكيد .. حفيدة طارق السيوفي. ملكه وبس . تمام ؟
چود : ابتسمت بحب. فعلا انا ملكه وبس . حاضر يا بابا .
رنا : بصت ل طارق بإعجاب كبير . من طريقته ف اقناع حفيدته بالسهوله دي ..
طارق : باس ع راسها . يلا اطلعي البسي الفستان ال رانوش قالتلك عليه . وفعلا فستان جماله عدى الكلام عليكي…
چود : هزت راسها . حاضر وقامت . انا رايحه ل چواد . واتحركت بسرعه .. لأنها عملت كل ده عشان چواد وكارما ..
رنا : بابتسامه . ماشاء الله عليك ياطاروق . فاجأتني بجد ..
طارق : بغمزه . ولسه لما نطلع فوق هفاجأك ..
Автор: Меріам Насар
چود : خبطت ع چواد . وقالت بصوت عالى . ولا چواااااااد .انت يااااااض .. وطبلت ع الباب .
چواد : بيتفرج ع الفيلم بتركيز . واتخض من طريقتها .. وقال بغيظ . استغفر الله العظيم يارب .وقام لبس التيشرت .. وفتح نعم ياست چود ؟
چود : زقت الباب . وقالت بغمزه. يلا ياض . البس ال ع الحبل . عشان رايحين مشوار مهم . ابختك اعم . والعا معاك ياباااا ..
چواد : بتنهدة غيظ . الصبر من عندك يارب . مشوار ايه يا چود هانم؟
چود : بكبرياء . هاخدك ع السينما ..ايه رايك؟
چواد : راح قعد ع الكرسي وتابع الفيلم. وقال لأ مش خارج .
چود : بمكر . اممم اوكي برحتك .. انا هروح البس سلام بقى عشان متاخرش ع كارما ..تشااااو .. ولفت ضهرها وابتسمت بخبث ..
چواد : فتح عينيه بدهشه.. وقام وقف . وجري عندها . استنى بس . انتى قولتى ايه؟ كارما ؟
چود : بتمثيل .. ايه ده ياچواد ياخويا؟ هو انا مقولتلكش؟ يوه يقطعنى . سورى بقى . عموما ايوه كارما .. ووسع بقى يدوبك البس عشان متاخرش عليها . سلاموووز …
چواد : بلهفه . استنى بس هنا .. انا جاى معاكي ..
چود : بخبث . اله انت مش قولت انك مش خارج .؟ رجعت ف كلامك ليه ياشبح؟
چواد : هرش ف قفاه بحرج . وقال. اصل احم . اصل ماينفعش يعنى تروحي السينما لوحدك .. وبعدين هترجعى ازاى بليل كدا لوحدك . احم بصي خمس دقايق وهتلاقينى لابس تمام ..
چود : بغمزه . اشطا ..
——————بقلمي مريم نصار.
فيلا عزيز ..
كلهم قاعدين ف الليفنج .. وفاتحين اللاب توب . واتصلو ع كريم فيديو عشان يهنوه بعيد ميلاده ..
هنا : بسعاده. كل عام وانت بخير ياحبيبى. ويارب عقبال ١٠٠ سنه ..
كريم : قاعد وجمبه ليليان. ومبسوطين. وقال وحضرتك بخير يا اجمل ناناه ف العالم .
ليليان : بابتسامه.. ناناه هنا. حضرتك وحشتينا اوي ..
هنا : ابتسمت . وانتو وحشتوني اوي ياروحي .. عامله ايه يا ليليان ..؟
ليليان : حطت ايدها ف ايد كريم . وقالت انا مبسوطه اوى ياناناه .
هنا :بتمني..يارب يديم عليكم السعاده ياحبايبى يارب ..
كريم : جدو أشرف فين ؟ وحشنى جدا ..
أشرف : لف اللاب ليه. وقال أنا اهو ياحبيب جدك . وانت وحشنى جدا . كل عام وانت بخير ياحبيبى .
كريم : وحضرتك بخير يا جدو ..
أشرف : بتحذير . ليليان ؟ اوعي يكون الواد ده زعلك ولا حاجه؟ لو كدا قوليلى وانا اشدو ع طول .. ههههه عامله ايه ياحبيبتى ؟
ليليان : بفرح . انا تمام الحمدلله ياجدو . وابدا كريم مزعلنيش ولا حاجه …
يوسف : طيب يستى وربنا مايجيب زعل بينكم ابدا . عامله ايه ياحبيبتى . وكل عام وانت بخير ياكيمو . وعقبال مليون سنه ياحبيب ابوك ..
ليليان : الحمدلله يابابا ..
كريم : وحضرتك بخير يا اجمل بابا . حضرتك وحشتنى جدا ..
يوسف : بغمزه. ياولا.!! بقي معاك القمر . وهتفكر ف النجوم برضو …
كلهم ضحكو
مريم : بدموع . كل عام وانت بخير ياروحي . ويارب يارب عقبال مليون سنه .
كريم : بحنين .. كل عام وانتي معايا ياست الكل . وحشتينى يا امي ..
مريم : دموعها نزلت. وانت كمان يانور عيني . البيت من غيرك ولا يسوى ياكريم يبنى ..
مصطفى : من وراها . اهو دا ال بناخدو منكو .عياط وكريم..كريم..ومفيش غير كريم . كانك مخلفتيش غيرو .وانا كاني مش موجود . ولا ابنك . قوليلى يا روما . انتى كنتى رايحه تصلى الفجر . ولقتينى جمب المعبد اليهودي صح ؟
كلهم ضحكو ..
يوسف : ههههه المعبد اليهودي؟ ههههه . لأ ياقلب ابوك . انت مصطفى عزيز مش اي حد ..
مريم : ضحكت . وقالت ده انت نبض قلبي . بس لو تعقل .
مصطفى : حاوطها بمرح . وبص ع كريم وليليان وقال . اهلا اهلا . بمرات اخويا . هاااا اتفقتو هترفعو علينا الحجر امتى ؟
ليليان : ههههههههه مش معقول .. اخوك ده مشكله ..
كريم : بغيره . همس لمي الدور . عشان منكدش عليكى بجد ..
مصطفى : ايه يا كركر باشا . قالولي إن عيد ميلادك انهردا. . كل سنه وانت طيب يا نجم .
كريم : وانت طيب ياتيفا ..
مصطفى : بغيظ . بس متقولش تيفا اشطا ؟
كريم : بمكر . منتا قولت كركر . وانا معديهالك . بس هانت واجيلك واظبطك .. انما ايه الشياكه دي ؟
مصطفى : بغمزه .اصل اخوك خارج …
مريم : رفعت راسها ليه . وقالت اله خارج فين دلوقتي بقى ؟
اانت مش لسه راجع من شويه . ومقولتش انك خارج تانى .
مصطفى : باس راسها . ياست الكل آسر اتصل عليا. وقالى أنهم خارجين رايحين السينما . وقالى تعالى بدل ما انت قاعد لوحدك …
يوسف : تمام مفيش مشكله . بس متتاخرش .
مصطفى : اشطا ياجو …
——————بقلمي مريم نصار.
فيلا السيوفي .. بعد ما چود وچواد خرجو ..
طارق : قام ومسك ايد رنا . تعالى معايا الجناح يارانوش..
رنا : بعدم فهم . اله جرالك ايه ياطارق . دي رابع مره تقولى نطلع الجناح . والوقت لسه بدرى . ف ايه متقولى.؟
طارق : هتفضلي لوك لوك كدا كتير . قومي ياوليا معايا وانتى ساكته ..
رنا : شهقت بزهول . وليا؟ انا مش عارفه لواء سابق إزاي ورجل أعمال حاليا. ومفيش عندك اي بروتيكول.
طارق : مين يختى ؟ بريتكول؟ بلا بريتكول بلا بنادول . قومي انجزي ..
رنا : نفخت بنفاذ صبر . حاضر يا طارق . حااااضر . يلا ع الجناح لما اشوف اخرتها معاك ..
طارق : طالع ع السلم وماسك أيدها ..ووصلوا قدام باب الجناح . وقال غمضي عينيكى ياموزتي ..
رنا : ههههه ايه ؟ اغمض عينيا ليه بقى؟ اوعا ياطارق تكون عاملى مفاجآه . اتخض انا ههههه .
طارق : نفخ بغيظ . ياوليا انتى بتتكلمي كتير ليه؟ اه عاملك مفاجاه . وجايبلك ضره . ها ايه رايك؟
رنا : صكت ع أسنانها بغيظ وشدت ايدها منه . وقالت نعععععم ياعينيااااا..!!؟ جايبلى ايه ياخويا؟ ضوووووره . اه عشان يبقى آخر يوم ليك وليها ..وانا شاكه فيك من الصبح مش طبيعي. وسسسسسع من وششششي . اقسم بالله اقتلك واقتلها وادفنكو من غير ما اسمي عليكو.. اوعاااا. وزقته وفتحت الباب بغيره .. لكن فتحت عينيها بدهشه وشهقت بانبهار كبير.
طارق : طبعا نفسه يرقص من الفرحه . رانوش مهما عقلت . لكن وقت الغيره . القتل اول حاجه بيكون قدامها ..
.وقرب منها . وضمها من الخلف وحط دقنه ع كتفها وهمس . كل عيد جواز وانتى ف حضنى يا امي و ام ولادى وحببيتى. وروحي وعمري كله ..
رنا : عينيها تايهه ف الجناح . متزين بطريقه جميله..وورد ع السرير . وقالب كيك ع التربيزه . وصورة فرحهم زمان مجدد ليها البرواز . وحاططها ع السرير. وعلبه قطيفه . وكمان شنطة هدايا جمب الكيك … وقالت بدموع . كل ده عشانى ياطارق ؟
طارق : لفها ليه . ومسح دموعها وقال .طارق كله عشانك يارنا . يافرحة عمرى وسنينى . لو اقدر اشترى كل السعاده ال ف الدنيا . واحطها بين ايديكى هعملها . انتى مش عارفه غلاوتك عندى قد ايه يا بياض التلج ..
رنا : ضحكت بدموع الفرح . وقالت طارق انا بجد مش مصدقه . وحطت راسها ع صدره واتنهدت بسعاده وقالت . انا مش عايزه من السعاده غير وجودك جمبي . انت السعاده بكل ما فيها ياطارق . ربنا يباركلى فيك .
طارق : ضمها لقلبه بحب . كل عيد جواز وانتى معايا ..
رنا : رفعت وشها ليه . وقالت بس عيد جوازنا باقى عليه كتير ..
طارق : تؤ. انهردا تاريخ يوم ما قابلتك وحبيتك . يبقى هو ده تاريخ جوازنا .. ومسك وشها بايديه وباس جبينها بحب كبير . واخدها من أيدها . ووقف قدام التربيزه . وقدم ليها الهديه . وكان مصحف كبير جدا . عشان عيونها . وقت صلاة القيام .
رنا : ضحكت بدموع وضمت المصحف لقلبها . وقالت جميل اوى اوى ياطارق . بجد اعظم هديه ..
طارق : ضحك بصمت وفتح ليها العلبه القطيفه . وكان طقم الماس . مصنوع ليها وف قلبه اسم بياض التلج .. وقال بحبك يا رنا ..
رنا : بسعاده كبيره .. بعشقك ياطارق …
——————بقلمي مريم نصار.
ف بيت المزرعه ..
عند فهد .
رينو : رفعت عينيها بدموع . وقالت ايه ؟ هتبعد . زي زمان ؟
فهد : بتعب . لأ مش هبعد . بس هراجع حساباتى. وأشوف انا ازاى وصلت لبنتى احساس انها تخاف منى ..
رينو : دموعها نازله . وقالت آرين مبتخافش منك بالمعني ده يافهد .. آرين انت مثلها الاعلى . بس….
فهد : شاورلها تسكت . وقال ابعدي يا لارين …
رينو : غمضت عينيها وافتكرت زمان . لما فهد كان بيخاف عليها . ويواجها .. يبعد عنها بالسنين . وداخت . ووقعت ع الأرض ..
فهد : بصدمه . وقلبه بيدق برعب ..لارررييييييين …
ونزل ع الأرض بسرعه . ورفع راسها من ع الأرض . وقلبه بيدق بخوف .. لارررييين . لارييييين ردي عليا..
رينو : …………
فهد : بينهج . وشالها بسرعه . وحطها ع السرير . وقعد جنبها . ومرعوب حرفياً . وخبط ع خدها . لارين .. لارين ردي عليا ..
رينو. : ………..
فهد : بسرعه . جاب برفان. ورش ع ايدو . وقربها من وشها . ومفيش فايده. فهد . حط ايدو تحت راسها ورفعها لحضنه . وغمض عينيه بتعب كبير وغضب اكبر . وهمس رينو …..
الباب خبط …
مراد : فهد ..ف ايه يافهد ؟ صوتك عالى ليه؟
فهد : مردش . وعدل رينو . وقام بسرعه . وجاب إسدال . عشان يلبسو ليها …
مراد : واقف بره محتار ..
فريحه : جريت . ف ايه يامراد؟
مراد : بحيره. مش عارف يا فريحه . انا سمعت فهد بيقول لارين بصوت عالى جدا . وطلعت اجري ..ومحدش بيرد عليا ..
فريحه : بقلق . خبطت ع الباب . فهد انا فريحه ممكن تفتح ؟
مراد : مسح وشه بايديه . اكسر الباب يعنى؟
فريحه : استنى يامراد ..اكيد ممكن تكون سمعت غلط . او ممكن يكون صوت التلفزيون ..
وفجاءه . الباب اتفتح . وفهد رجع وراح يشيل رينو . وخارج بيها من الاوضه بسرعه ..
مراد : وفريحه قلبهم وقع ف رجليهم من القلق ..
فهد : نازل بسرعه وشايلها بين ايديه ..
آدم مراد : قاعد ف الليفنج . وشاف فهد ..وقام وقف بسرعه . وقال عمتو؟ واخد المفاتيح . وجري خرج ع الجنينه بسرعه.
مراد وفريحه بينادو ع فهد ومبيردش ع حد ..
آدم العدوي . ف اوضته . كشر عينيه وقال ل مريم . ف صوت دوشه تحت ..؟
مريم : قفلت المصحف . وقالت ..صدق الله العظيم … ايوه يا آدم . حاسه اني ف حاجه بتحصل تحت . استر يارب ..
آرين : مع تالين واركان ف الجنينه ..
آرين : كشرت عينيها وقالت هو آدم بيجري بسرعه كبيره ليه كدا ؟ وكمان ركب عربية خالو مراد ..
آركان : بتعجب .فعلا ف حاجه غريبه . بس ال اعرفه إن عربية آدم بتتصلح .. وفجاءه آركان و آرين اتصدمو .
آرين : شهقت بصوت عالى. ودموعها نزلت. مامي؟
آركان : شاف فهد خارج وشايل أمه . وقلبه دق برعب ..وجري بسرعه. مااامااا.
آدم مراد : ركب عربية أبوه. وساقها وقرب من باب البيت . وفتح الباب بسرعه وقال تعالى هنا ياخالو .
فهد : بسرعه نيم رينو ف العربيه . وركب جمبها . وضمها لقلبه .وقلبه جواه نار عشان لارين نجمته وروحه وعشقه ومعشوقته .. وصك ع اسنانه بغيظ واضح ..
آرين : جريت وعيطت مامي . مااامي .
آدم مراد : ركب العربيه وقبل ما يتحرك ..
آركان : فتح باب العربيه وركب بسرعه .ولف ل فهد . مالها ماما يابابا؟..
فهد : …………سرحان ف معاتبة نفسه ومردش ع حد…
آدم مراد : لمح آرين بتعيط . واتخنق جدا . لكن مش وقته .واتحرك بسرعه ع مستشفى المنطقه ..
مراد : لبس بسرعه . ونزل جري .وفريحه وراه .
آدم : نازل . ووقف ع السلم. ونده بحزم . مراد ….
مراد : وقف . وبص ل آدم . وقال نعم يا بابا ..
آدم : ف ايه ؟ وايه الدوشه دي ؟
آرين : داخله تجري وبتعيط بشهقات . مااامي …
مامي مالها ياخالو .. بااابي شايل مامي ليه ؟
آدم : سمع آرين . ومسك دربزين السلم . بقوه . وقلبه دق بخوف … وخوف محصلش من زمان . رينو نوتيلا البيت آخر العنقود . حبيبة قلب ابوها..
مراد : ضم آرين لقلبه . اهدى ياحبيبتى مفيش حاجه . رينو بس اغمى عليها . ومفيش وقت انا هروح احصل فهد ..
تالين : بدموع. أبيه آدم اخد عربية حضرتك يابابا.
مريم : لبست الاسدال . ونازله ف ايه يا آدم ؟ و آرين بتعيط ليه كدا مالك يانور عيني؟
آدم : غمض عينيه واتنهد بتعب . وطلع مفاتيح العربيه . وقال امسك يا مراد . وطمنى ع اختك ..
مريم : حطت ايدها ع قلبها . قالت بدموع رينوو؟
آرين : بتعيط هاجي معاك ياخالو أرجوك ..
مراد : مسح دموعها . حبيبتي خليكى هنا مع تالين . واوعدك اول ما اوصل هطمنك . وبص ل فريحه . يلا يافريحه . وخرجوا ..
تالين : حضنت آرين ..
آرين : حضنتها بقوه ورجفه . وقلبها بيدق بخوف كبير جدا . وعيطت ببراه وجعت قلب الامبراطور ..
آدم : نزل . واخد آرين ف حضنه . وبيمسد ع ضهرها..
ومريم بتسبح وتدعي . ودموعها نازله كالعاده وقالت يارب سلم سلم . اللهم اكفنا شر ما يكون قبل أن يكون يارب.. استودعتك عند الله الذي لا تضيع ودائعه أبدا .
ف الطريق ..
آدم مراد : سايق وبص ع فهد . وشاف تعابير غضب ممزوج برعب . وخوف. كبير ع وشه . وفضل الصمت ف الحاله دي . وداس بنزين بسرعه كبيره ..
آركان : عيونه متعلقه ب أمه . وشايف ابوه . واخدها ف حضنه بتملك وغضب كبير .
فهد : الدنيا ليل . ورفع نقاب رينو. وبص ع ملامح وشها .
.وصك ع اسنانه بغيظ وندم كبير . واتمنى يرجع بالزمن ساعه واحده . كان اخدها ف حضنه واحتواها. وحط جبينه ع جبينها . وهمس رينو . ردي عليا . انا فهد … انا مش هبعد عنك.. اوعدك بس ردي عليا ..
بعد شويه . وصلو المستشفى .
آركان : نزل بسرعه . وفتح الباب ل فهد ..
فهد : نزل وشال رينو بين ايديه . ودخل بيها المستشفى ..
آدم مراد : لانه عارف غيرة فهد . دخل بسرعه . الاستعلامات . لو سمحتى عايز دكتوره ضرورى. حاله طارئه ..
البنت : ثانيه واحده يافندم .. وبصت ف السجل . وقالت الدور التاني . غرفه ٩ .دكتوره عزه.
آدم مراد : جري بسرعه . خالو الدور التانى غرفه ٩ موجود فيها دكتوره ..
فهد : مردش . وطلع بيها ع السلم بسرعه .
آركان : سمع آدم . وطلع بسرعه كبيره . وخبط ع الغرفه .
الممرضه فتحت . ايوه . وتنحت من جمال آركان .
آركان : بقلق . الدكتوره فين؟
الممرضه : ……….وسرحانه ف آركان ..
آركان : بغيظ . وصوت عالي لو خلصتى تسبيل . انجزي وقولى الدكتوره فين؟
الممرضه : هااا . اه احم . موجوده .. بس حضرتك بتشتكي من ايه ؟
فهد : وصل . ودخل الاوضه بسرعه. ومهتمش لحد . ونيم رينو ع السرير .وشد عليها الغطا . وفك ليها النقاب . ومسح وشها بايديه . ومخنوق جدا .. وخبط ع خدها . لارين ؟ لاريييين؟
الدكتوره : جت . وقالت خير مالها ؟
فهد : قبض ع ايديه الاتنين وقال مراتي أغمي عليها نص ساعه ومفاقتش .
الدكتوره : إن شاء الله خير . اتفضل حضرتك . وانا هتابع الحاله ..
فهد : عينيه ع رينو . وخرج غصب عنه . وضرب ايدو ف الحيطه بغضب شديد جدا ..
آدم مراد : هز راسه . واتأكد إن الموضوع اكبر من اغماء . وتوقع إن فهد عرف بموضوع آرين والحصان .
آركان : رايح يتكلم مع فهد ..
آدم مراد : مسكه من ايدو . وهز راسه لأ . سيب خالو دلوقتي .
بعد دقايق .. مراد وفريحه وصلو . واتصلو ع آدم . وعرفو رقم الغرفه . وطلعو فوق ..
مراد : شاف حالة فهد . وقرب منه وحط ايدو ع كتفه . وقال . اهدا يافهد . ورينو هتكون بخير ..
فهد : انتبه ل مراد . وهز راسه ليه .. واتنهد . ومسح وشه بايديه ونفخ بخنقه كبيره جدا .
بعد : خمس دقايق كمان ..
فهد : مش قادر يصبر اكتر من كده . وخبط ايدو ف الحيطه . وزعق . هما أتأخرووو كل داااا ليييييه؟ انا عايز اطمممممن ع مرااااتي ..
فريحه : جريت عليه . طيب اهدا ياحبيبى . وانا هتصرف.
فهد : قلبه مشغول جدا … وسابهم . وراح خبط ع باب الاوضه ..
الممرضه فتحت . وخافت من شكل فهد . أولا القوه البدنيه . وثانيا غضبه ال ع ملامحه ..وقالت بتلعثم . اء….ايوه يا….يافندم ..وبلعت ريقها بصعوبه ..
فهد : بغضب . مراتى فاااقت؟
الممرضه : هزت راسها ايوه. ايوه فاقت والله العظيم . والدكتوره بتتكلم معاها ..
فهد : قلبه دق ب أمل جديد . وفتح الباب ودخل ..بسرعه ..
رينو : نايمه ع السرير . ودموعها نازله . وشافت فهد . وبصت بعيد ..
فهد : قرب منها بحب كبير . وقلبه دق بسرعه . وهمس نجمتى …
رينو : بتعيط بشهقات….
الدكتوره : من وراه.. مبروك يافندم ..
فهد : لف ليها وكشر عينيه بعدم فهم …!!! وهز راسه ليها ف اشارة يعنى ايه؟
الدكتوره : ابتسمت . مدام لارين حامل ف الشهر الاول ..
فهد : فتح عينيه بصدمه..!!! ومش عارف يحدد شعوره .جواه فرحه كبيره لكن مش كامله بزعل نجمته .وبص ع رينو . وقعد ع طرف السرير جمبها.
رينو : رغم فرحتها الكبيره . لكن زعلها من فهد أكبر من اى حاجه ف الدنيا..
. اصل ده فهد حب الطفوله وعشرة سنين . روح قلبها . والسنين مرت بيهم . وصعب جدا فراق تانى.. حست انها هانت عليه .. والاحساس ده صعب جدا . لما تحس انك هونت ع حبيبك وقتها بتهون عليك الدنيا ومافيها . ودموعها نازله بزعل حقيقي ..
فهد : قلبه مخنوق . وزعل لارين عندو بالدنيا كلها.. ايوه الارض بتقف عن الدوران . وده إحساس حقيقي . لل بيعشق زى عشق الفهد .
.ال يخاف ع بنته ويحبها اوى اوى كدا . ويخلى باله من كل كبيره وصغيره . ده يتعمله تمثال ويتكرم الأب المثالى .. مفيش ف حنانك وحبك..!!!
طيب ورينو يافهد..!!؟ حلمها الوحيد من سنين انها تشيل تانى حته منك .. ويوم ما حلمها يتحقق و تعرف تكون زعلانه منك..!!؟.
طيب هتتصرف ازاى؟ هتكمل ف زعلك وحزنك وغضبك؟
.ولا تخلى جبل الجليد يدوب ف بداية الزرعه الجديده . وحب جديد وعشق جديد لطفل جديد جايلك يافهد …
الدكتوره : شافت لاول مره عتاب بلغة العيون.وعشق جديد بالطريقه دي .. وسابتهم وانسحبت بهدوء ..
رينو : دموعها نازله بصمت .. وغمضت عينيها بوجع وساكته ..
فهد : دموع لارين بالنسباله بتاخد من عمره ..
.ومايتحملش ابدا دموعها .. قرب منها وف لحظة حنين .. شدها لحضنه بعشق السنين . وأقسم انه ع بعدها مايقدر.. دى نجمتى . دى معشوقتى . دى عشق الفهد . دى ف منتصف القلب. وهاين عليه يدخلها بين ضلوعه . ومسد ع ضهرها بحنان.هششش . آسف .
رينو : من غير تفكير .رفعت ايديها ع ضهرو وغمضت عينيها ف حضن امانها ..ماهي كمان ماتقدرش ع بعده . حتى لو زعلانه . كفاية نظرة عينيها وهي فيها عتاب ليه .. لكن البذره الجديده . قادره تمحي اى غضب واى عتاب وحزن وزعل .. رينو بهمس ف ودنه . انا حامل يافهد …
فهد : غمض عينيه بحنين كبير . وكأنه سمع الخبر لأول مره . وكأنه كان ف غيبوبه وفاق ع صوتها ال اتحرم منه لساعات . واخد نفس عميق جداااا . ودفن وشه ف شعرها .. وبنفس الهمس . بحبك يا قلب فهد ..
—-
ف نفس الوقت ..
مراد : لما سمع الممرضه قالت إن رينو فاقت. قال أنا هتصل ع بابا عشان اطمنه . واطمن آرين ال نازله عياط ووجعت قلبى …
آدم مراد : اتخنق عشانها… وقال أنا هتصل يابابا .. وطلع الفون . واتحرك كام خطوه .. واتصل ع آدم ..
آدم : رد .. وقال بهدوء طمنى عمتك بخير ؟
آدم مراد : حط ايدو ف جيبه . وقال اطمن حضرتك . عمتو لارين فاقت وكل حاجه تمام ..
آدم : أخد نفس عميق .. وهز راسه الحمدلله..
آدم مراد : هي فين؟
آدم : ابتسم . وبص ل آرين . وقال اطمني بنفسك .
آرين : بلهفه . اخدت الفون . وجريت ع الجنينه . وقالت بدموع وشهقات. آدم . مامي يا آدم . طمني عليها .
آدم مراد : غمض عينيه بخنقه لدموعها.. خلاص يا آرين بطلى عياط ..عمتو لارين فاقت وزي الفل . وخالو فهد معاها ..
آرين : مسحت دموعها وابتسمت. بجد يا آدم. بجد مامي كويسه ..
آدم مراد : ابتسم وقلبه دق . بجد ياضي آدم .. شوفتى يا آرين .؟ صوت ضحكتك اجمل من صوتك وانتى زعلانه ..
آرين : بطفوليه . اعمل ايه بس يا آدم .انا بعيط عشان أنا معرفش مامي فيها ايه؟ انا بحب مامي أوي يا آدم …
آدم مراد : بمكر . طيب وانا ؟
آرين : فتحت عينيها بدهشه . وقلبها بيدق بسرعه…….
آدم مراد : سمع صوت لخبطة أنفاسها . وضحك بصمت . وقال خلى بالك من نفسك يا اري .
——————بقلمي مريم نصار.
ف السينما .
ياسين . وصل ومعاه حياة ..
آسر : معاه كارما . وواقفين مع بعض ..
ياسين : متاكد يا آسر إن مصطفى جاى ؟
آسر : ايوه متأكد . وقالى أنه قرب يوصل كمان .
ياسين : تمام . انا هدخل احجز تذاكر الفيلم . استنوني هنا ..
كارما : متنساش يا أبيه ياسين تذكره ل چود وچواد .
ياسين : ماشي ياكارو . عمو طارق كلمنى . ثواني وراجع .. ودخل بحجز التذاكر ..
آسر : رفع عينيه ل حياة.
حياة : بصت بالصدفه وعيونهم اتقابلت . ف نظره بريئه . كلها تجمع مابين اعتراف وتوتر ..
چود : من وراهم بمرح . سا سا سلام عليكم . ههههه .
آسر : انتبه . وضحك..وعليكم السلام . اذيك ياچود . عامل ايه ياچواد ..
چواد : باحترام . الحمد لله ياباشمهندس . اذي حضرتك ..؟
چود : عوجت بوقها ..حضرتك؟ لأ الواد ده مش اخويا .. هو مصطفى المتخلف ده اخويا. تؤ لأ مصطفى ده ف النخاع يخربيت جمال امه . وفاقت وقالت . الحمدلله تمام يامتر . وسلمو ع الكل .. وكملت بمكر . بت ياكارما . تعالى اقولك عايزه اخد رايك ف حاجه . وشدتها من أيدها . وشدت چواد معاها .. وراحو وقفو ع جمب ..
آسر : مع حياة لوحدهم . واخيرا اتكلم . عامله ايه ياحياة ؟
حياة : بتوتر . احم الحمد لله يا آسر ..
آسر : مش ناقصك حاجه ف غياب عمي زياد؟ قوليلى لو محتاجه اي حاجه انا هجبهالك لحد عندك ..
حياة : قلبها دق . وقالت بحرج .ميرسي جدا . بصراحه خالو مالك وكمان انت وجدو مش مخلينا محتاجين لحاجه ..
آسر : ع فكره ده واجبي . وديما هفضل كدا معاكي انتى بالذات ياحياة ..
حياة : ارتبكت . وبلعت ريقها بتوتر . ووشها احمر من الاحراج .
آسر : ابتسم . وقال ع فكره اللون الازرق الداكن جميل جدا عليكى .. انا فرحت اوى لما لقيتك لابسه نفس الفستان ..
حياة : غمضت عينيها . ودعت حد ينقذها من الموقف ده . ومش عارفه هي محرجه جدا ليه؟
آسر : شاف توترها الزايد. وحاول يهديها . وقال هو عمو زياد اتصل انهردا؟
حياة : بتوتر . هزت راسها ايوه اتصل ٣ مرات.. وبيسلم عليك..!!
چود : وقفت وبصت ع چواد . ال متوتر. وضحكت بصمت ع اخوها الصغير ..
كارما : بعفويه. ايه ياچود . حاجة ايه ال عايزه تاخدي رأي فيها.؟
چود :ثانيه واحده. وفتحت الشنطه . وقالت بتمثيل .. ايه ده ؟ ياخبر . بابا طارق اتصل عليا اكتر من مره . وانا عامله فوني صامت.
چواد : بعفويه . طيب بابا ماتصلش عليا ليه ؟
چود : صكت ع أسنانها بغيظ مكبت . وهمست غبي .. وقالت يعم انا الكبيره. وبصت ل كارما. ثوانى ياكارما . هتصل ع جدو . ورجعالك . وجت تتحرك ..
چواد : بعدم فهم. طيب ماتكلميه وانتى هنا . لازم تمشي يعنى؟
چود : داست ع رجله بغيظ . واتكلمت من بين أسنانها. وقالت هو البعيد حمار. ولا برج التخلف راشق ف دماغك . وغمزتله ع كارما . وقالت اتلحلح ياهبل . وسابته ومشيت ..
چواد : فهم قصدها .. وهرش ف قفاه وابتسم بتوتر . وبص ع كارما ..
كارما : عينيها ع باب السينما. وفرحانه انها هتتفرج اخيرا ع الفيلم المفضل ليها ..
چواد : بلخبطه . عا.. احم . عامله ايه ياكارما؟
كارما : بعفويه هزت راسها تمام جدا ياچواد . انت بقى عامل ايه؟
چواد : هز راسه انا تمام .. احم انتى ناويه علمى ولا ادبي ؟
كارما : بتفكير . بصراحه ياچواد انا هختار علمي . نفسي اكون مدرسة رياضيات . بجد بحب الرياضه اوووى .
چواد : أمم جميل جدا . بالتوفيق إن شاء الله .
كارما : وانت بقى ؟ حلمك تكون ايه؟
چواد : قبطان بحري إن شاء الله ..
كارما : بانبهار . واووو جميل اوى اوى بجد . ولايقه عليك ..
چواد : قلبه دق . وقال إن شاء الله اول ما احقق اول حلم ليا . هاخدك ف رحله بحريه ….
كارما : بعفويه ..واااو ايوه بقى . شكرا جدا ياچواد . وإن شاء الله ربنا يحققلك كل احلامك ..
ف نفس الوقت .
چود : واقفه بعيد . تراقب تصرفات أخوها .وبتضحك ع توتره..وفجاءه اتخضت وشهقت بصوت عالى . عااااااا ياماماعع..
مصطفى : من وراها . ينهاااااار مش وااااضح . ميييين چودا أكبر . هههههههه .. اذيك ياتراب القمر .. ههههههههه..
چود : حطت ايدها ع قلبها الل بيدق من جمال المفاجأة . والخضه ف نفس الوقت .. وبعدها صكت ع أسنانها بغيظ مكبت . ولفت ليه . لكن تنحت من جماله …
مصطفى : شاف چود . بالفستان . وقال بانبهار . يخربيت جمالك . هو ف كدا ؟ ايه يابت ده ؟ لأ لأ غزال . عليا النعمه انا بحب غزااااال ياجدعان .
چود : بصت ل مصطفى بتوهان . وهمست يخربيتك ع بيت عضلاتك وجمالك . ايه يامصطفى ارحم قلبى مش كدا .. تبا ليك ياجدع .
مصطفى : رقص حواجبه . وقال .. طبعا أنا اكبر من احلامك نفسها . واكيد دلوقتي بتقولى مصطفى عزيز كتير عليا والله ..
چود : كشرت عينيها.. واتغاظت من الغرور ال عندو.. وصكت ع أسنانها وقالت..مصطفى عزيز ؟ ايه ياخويا؟ يبنى انت اخرك تسرح بمعيز يامصطفى عزيز . هههههههه . وبعدين إيه تراب القمر ده؟ ماتحسن ملافظك ياجدع انت. .وبعدين انت ايه ال جابك هنا .ها؟
مصطفى : كشر عينيه اسرح بمعيز وانتى موجوده؟ هههههههه .
. وبعدين انا اجي واروح ف اى مكان يعجبنى .. ثم تعالى هنا يابت انتى ؟ انتى ازاى تخرجي من غير إذن مني ؟ دي انتى حسابك معايا لما نتجوز هيبقى عسير …
چود : بغيظ . إذن منك انت ؟ خلاص مبقاش ال انت واستاذن منه؟ فوق لنفسك يعسل..ويلا بقى اسرح من هنا . طريقك اخضر ..
مصطفى : قرب من وشها . الفستان عليكى خطف قلبى ياچودي .. بحبك يابت ..
چود : قلبها دق بقوه كبيره . وبلعت ريقها بتوتر .واتلخبطت ..
مصطفى : بنفس الهمس. عارفه لما بتلبسي فستان.بتبقي موزه..وبكون اسير قلبك ياچود ..
چود : بتتنفس بسرعه ومتوتره .
مصطفى : بمكر .مش هتحنى عليا بقى .وتقولى بحبك يامصطفى ..
چود : بتحاول متضعفش اكتر من كده . وقالت بحرج . امشي يامصطفى .
مصطفى : ببطء. ب ح ب ك . يا جووو دي . بحبك .
چود : مش قادره تتنفس من التوتر .وحاولت تكون ثابته.. وبصت ورا مصطفى .. وقالت بمكر . هييي بااابي؟
مصطفى : تنح . ولف بسرعه وقال ينهار ابوكي اسو……!!!!
مصطفى : ببطء. ب ح ب ك . يا جووو دي . بحبك .
چود : مش قادره تتنفس من التوتر .وحاولت تكون ثابته.. وبصت ورا مصطفى .. وقالت بمكر . هييي بااابي؟
مصطفى : تنح . ولف بسرعه وقال ينهار ابوكي اسو……!!!!
چود : ههههههههه . شربتها هع هع هع. يلا بقى من هنا عشان معلمش عليك..
مصطفى : رفع حاجبه وقال بقى كدا ياچود.!؟ طيب ماااااشي .. ومتزعليش منى لما ابيت كوثر ف حضنك . يلا ومن غير سلام يابنت فارس ….وسابها وراح يسلم ع آسر …
چود : ههههههه ههههه . وبعدها كشرت عينيها بعدم فهم وقالت كوثر مين؟
ياسين : جاب التذاكر. وسلم ع مصطفى وچواد . وعطا لكل واحد تذكرته . وقال . آسر انت ومصطفى خدو البنات وادخلوا كلكو . وانا شويه وهحصلكم .
آسر ومصطفى . تمام . واخدو البنات ودخلو ..
ياسين : واقف وبص ف الساعه وقال همس اتأخرت. وانا ممعييش رقمها ..اووف ..
——————بقلمي مريم نصار.
همس : ف العربيه.
ربيع : سايق العربيه . وبصلها ف المرايه . وقال بنفاذ صبر. مش عارف انا سينما إيه وانتى ايديكي محروقه كدا ؟
همس : ياعمو ريبع . يااااعموو ربيع . ايه محروقه دي؟ الملافظ سعد ياراجل ياطيب . وبعدين هي السينما مبيدخلوش اى اصابات ههههه . يلا بس دوس بنزين خلينا نوصل بسرعه ..
ربيع : خلاص اهو . وصلنا . وبعدين هو انا هقدر عليكى . دماغك ناشفه وبتعملى ال يجي ع بالك .
همس : ع فكره بقى انت ظالمنى .. عشان أنا مثال البنت الكيوته الهاديه الظريفه الجميله الرقيقه ال……….
ربيع : بس بس . خلاص حقك عليا انا غلطان . انتى ملاك نازل من السما . انا ظالمك فعلا ..
همس : برافو عليك ياعمو ربيع. الاعتراف بالحق فضيله. هههههههه.
ربيع : وليه السيره النكد دي بس . ماتسيبى فضيله ف البيت بنكدها وقرفها.
همس : هههههه طنط فضيله ههههه دي قمر . بقولك ايه. تعالى اتفرج معانا ع الفيلم . كله دبح وقتل . يمكن تاخدلك فكره مقتبسه وتنفذها ف البيت هههههههه ..
ربيع : ههههه لا دي ماينفعش معاها افكار. دي عايزه معجزه الهيه تنزل عليها من السماء. وبعدين انا لو خلصت منها مش هخلص من الآخره..يلا ربنا يهدي يارب . وركن العربيه . استنى يابنتى هنزل افتحلك الباب عشان ايديكي . وفجاءه الباب اتفتح ..
ياسين : فتح باب العربيه . وابتسم ..
همس : قلبها دق بقوه . واكتشفت أنه كان واحشها اوي . وكأن ال مر عليهم دي مش سعات لا ده وقت طويل جدا ..
ربيع : كشر عينيه بعدم فهم . وبص ع همس . وشاف تعابير وشها . ورجعت البنت الكيوت ف ثوانى. وهز راسه وقال امممم .هي الحكايه كدا ..
همس : نزلت بتوتر ..احم مساء الخير يا ياسين ..
ياسين : ابتسم مساء الخير يا همس . ايديكي عامله ايه دلوقتى؟
همس : بلعت ريقها بتوتر. كويسه. احم احب اعرفك عمو ربيع. كان سكرتير جدو الله يرحمه. وكمل مع بابي و هو ال مربينى ..ف مقام والدي ..
وبصت ل ربيع. عمو ربيع .حضرة الظابط ياسين جمال. وكمان ماسك شركة والده و ال وافق ع مشروعي الجديد ال قولتلك عليه ..
ياسين : سلم ع ربيع. اهلا وسهلا تشرفت بحضرتك ..
ربيع : بإعجاب. اهلا وسهلا يبنى الشرف ليا انا . وكمل بمكر .. وبصراحه بنتى همس بتشكر فيك اوى .وبتقول فيك شعر بأخلاقك . اهلا وسهلا ..
همس : تنحت وفتحت عينيها بدهشه . وصكت ع أسنانها بغيظ من ربيع ..
ياسين : بابتسامه . همس بتحب تبالغ كتير . وغمز ولا ايه ياهمس . ويقصد الشاى والقهوه ..
همس : بتوتر. احم . هو…قصدى…!!! هي كارما وحياة فين؟
ياسين : بابتسامه ف انتظارك جوه. اتفضلى .. واتحرك خطوتين
همس : بغيظ كبير قالت ل ربيع . انا بشكر فيه وبقول فيه شعر؟ ماشي ياعمو ربييييع مااااشي. عارف لو خرجت من السينما ولقيتك نايم ف العربيه . انا هسيبك واخد تاكسي . وخلى بقي فضيله هي ال تعملها معاك . مااااشي .
ربيع : ههههههههه احسن تستاهلى . بس عايزه الصراحه . باين عليه محترم وراقي جدآ ..
ياسين : سمعها وضحك بصمت .. واتأكد إن همس مفتاح لضحكة قلبه ….
بعد شويه. دخلو السينما. والبنات جمب بعض. والشباب جمب بعض.
ياسين : وهمس تقريبا ماتابعوش الفيلم وكل واحد بيسرق نظراته للتاني..
أما چود : كانت مركزه . لكن مصطفى كل شويه يبص عليها ويشتت انتباها . ويغمزلها ..
وچود قلبها طبعا مبسوط ..
آسر : حبه هادي وجميل. هو وحياة .
كارما : لسه صغيره. ومتابعه. بتركيز كبير .
وچواد : شايف برائتها . وصغر سنها . لكن هيحاول مع مرور الزمن ..
بعد شويه الفيلم خلص. وياسين عزمهم كلهم ع العشا.
.والشباب قضو وقت جميل جدا مع بعض. وخصوصاً ف وجود مصطفى عزيز ايكونة الضحك والجمال ..
وهمس كانت مبسوطه جدا . واتعرفت ع چود وكانو ميكس جميل جدا ..
وبعد العشا . كل واحد رجع ع بيته شايل ف قلبه احلام كتير وأمنيات اكبر. ودعو الله انها تتحقق.
——————بقلمي مريم نصار.
المالديف.
تيم : شالها بين ايديه بتملك . واخدها لعالمه الخاص …..Автор: Меріам Насар
وبعد فتره كبيره . واخيرا . تم نقل ملكية ميرو العدوي . الي . ميرو تيم عزيز .
تيم : واخد ميرو كلها ف حضنه . واكتر الناس سعاده . بقربه من عشق السنين . وفكرة إن محدش لمسها غيرو . مزوده معدل ضربات قلبه من السعاده . ومش عايز يبعد عنها ثانيه واحده .
ميرو : مغمضه عينيها . ف حضنه. وحاسه انها عاشت حلم جميل. وأخيراً اتحقق بعد صبر سنين . وإثبات ملكيتها ل تيم وبس . دي أقصى درجات السعاده عندها . وأنها محدش لمسها غير زوجها حلالها.قدام الله . مخليها عايزه تصرخ بعلو صوتها انها قد ايه مبسوطه وبتعشق تيم .
ووجودها ف حضنه وأنها بقت ملكه ليها مذاق خاص وإحساس بنعومة الحب ..
تيم : اتعدل بيها وهي ف حضنه . ومسك وشها بايديه . وبص ف عينيها بتركيز ..
ميرو : رفعت عينيها ليه وتاهت ف جمال عيونه . وبصت ليها بحريه مطلقه من غير زنوب ولا خوف . ولا اضطراب . لأ هي دقات قلب مسموعه من الطرفين وسط صمت عدا عليهم ف اعتراف يليق بأجمل عيون تيم وميرو ..
تيم : بيتأمل تفاصيل وشها ..
ميرو : عينيها تايهه ف جمال عشقها.
واخيرا : تيم شدها لحضنه بعشق كبير ..
ميرو : اترمت ف حضنه اخيرا بإرادتها . وغمضت عينيها وهمست . بحبك ..
تيم : قلبه دق ليها . وقرب منها تاني واخدها لعالمه الخاص ..
وبطريقه اجمل وحب أعمق ومشاعر مكونه من لهفه وعشق وغرام بكل لغات العالم من ميراث العشق..!!!
ف بيت المزرعه .
آرين : ف الليفنج رايحه جايه بتوتر . اوووف بقى هما اتاخرو كل ده ليه؟
آدم : بص ف الساعه وقال هانت ياحبيبتي . كلها شويه ويوصلو بالسلامه ..
مريم : تعرف يا آدم . انا لما كلمت رينو اطمن عليها . حسيتها مبسوطه اوى . وقالت هقولك لما ارجع .. بس عايز الصراحه ..انا وقتها قلبى حاساه انه مبسوط . وعندى إحساس بالتفائل .
آدم : ربت ع أيدها . إن شاء الله خير ياروحي.
آرين : عينيها ع الشباك . وقالت بفرحه. بااابي جه. وجريت ع الباب ..
فهد : داخل وساند رينو . والإبتسامه ع وش الكل .
آرين : جريت ماااامي . واترمت ف حضنها وبتعيط..
فريحه : لسه هتقولها حاسبى يا آرين. لكن رينو هزت راسها لفريحه. لأ. وضمت آرين لحضنها . حبيبتي اهدى انا كويسه ياروح مامي ..
آرين : خرجت من حضنها . وهزت راسها بطفوليه . لأ حضرتك كنتى مغمى عليكى . اكيد خوفتى من حاجه صح؟. انا كمان لما خوفت من دارلي أرابيا…………… وبلعت ريقها بصعوبه .. لأن فهد موجود …
فهد : رغم فرحته . إلا أنه زعلان نسبياً من آرين . ايوه زعلان وعنده حق. آرين مش اى حد بالنسباله. دي روحه . حته منه ومن نجمته . بيخاف عليها من اي حاجه .. وأنها تركب حصان وبقوة حصان تيم . كانت ممكن تموت فيها . وغمض عينيه وقبض ع ايديه بغضب واضح …
رينو : بصت ل آرين بتحذير . متكملش .. وابتسمت بتمثيل . وقالت تعالى ندخل ياحبيبتى وانا كويسه متقلقيش..
مراد : حب يلطف الجو . وقال وسعو بقى كدا . وخلونا ندخل . ايه الزحمه دي .. تعالى يابت يا آرين . انا عندي ليكى حتة خبر . ههههههههه وغمز ل فهد اه يانمس . هههه هههههههههه ..
آدم ومريم بصو لبعض بعدم فهم.
رينو : دخلت ..
آدم : قام وفتح ايديه . لنوتيلا البيت . وضمها لقلبه بحنان كبير . وقال حبيبت ابوكي . الف سلامه عليكي ياحبيبتى …
رينو : اخدت نفس عميق واتنهدت بحب. الله يسلمك يابابي ..
مريم : تعالى ياروحي ف حضنى . وطمنيني عليكى ..
رينو : طلعت من حضن آدم . وحضنت مريم . انا كويسه جدا طول ما حضرتك بخير يا اجمل واحن أم .
كلهم قعدو .
آدم مراد حط المفاتيح . وعيونه ع آرين بخبرة مخابرات . من غير ما حد ياخد باله . ومنتظر رد فعلها لما تعرف ان هيكون ليها اخ او اخت ف المستقبل.
مراد : ههههههههه .. مش عايز اقولك يامريومه عندى ليكى خبر بمليون ريال سعودي هههههههه …
فهد : صك ع أسنانه بغيظ . وخبطه ف جمبه ماتتلم بقى ع المسا ..
مراد : بيمثل الألم ..اااه . اتلم ياشقى .. بقى تعملها ع كبر .. ههههه . طيب اصبر لما نفرح بالعرسان الاول . ولا هو نظام سابق ولاحق هههههههههههه…
مريم : اله ماتقولو ياولاد خبر ايه . خير إن شاء الله.
مراد : بمكر. فهد هايقولك ياست الكل …
فهد : فتح عينيه بدهشه . وبص ل مراد . وصك ع اسنانه بغيظ وقال قوم من هنا .يالا ..
مراد : بخبث . دي مزرعتى يافهودي . وغمز لأ وايه . بتجيب الاخبار ال هي . هههههههه بركاتك ياضرغام هههههههههههه …
آدم : بهدوء . لو خلصتو . ممكن حد يفهمنا.
رينو : بلعت ريقها بتوتر .وعيونها ع آركان ال ساكت من وقت ما عرف . وبصت ع آرين . وشاورت ليها. تعالى جمبي يا آرين ..
آرين : جريت وقعدت جنبها ..نعم يا مامي ..
فريحه : قامت وقفت وقالت . بما إن فهد ورينو مش عايزين يقوله . انا هقول الخبر الجميل ده ال فرح قلبى اووي.
مريم : فتحت عينيها بدهشه بفطرة ام وقلب أم . وقالت فريحه . تقصدى إن رينو………..!!!
فريحه : بسعاده . ايووووه ياست الكل..رينو حامل وف الشهر الأول كمان…
الخبر نزل ع آدم ومريم .. بإحساس مختلف منه فرحه ومنه خوف ع رينو.. لكن الفرحه أكبر…
أما آرين : تنحت وفتحت بوقها وعينيها . ومعملتش اى رد فعل ….
آدم : بفرحه.. هز راسه بابتسامه.مبروك يارينو ..
رينو : بفرحه كبيره..الله يبارك ف حضرتك يابابي .
مريم : بدموع الفرح . الف مبروك ياروحي . اللهم بارك . ولعله خير إن شاء الله.
رينو : مسحت دموعها ورفعت عينيها ل فهد بعتاب .. وقالت فعلا . لعله خير …
مراد : مبروووك يافهد باشا ..والله .. والله . انت فخر مصر يبنى .. وغير متوقع بالمره . عامل زى الجو بالظبط . الواحد لا بقى عارف هو ف الصيف ولا الشتا ..
فهد : صك ع أسنانه بتوعد . ماتتلم ياض انت ..انت بتفرح ف الناس.
مراد : ومش اى فرحه هههههههههههه دى الفرحه الكبيره .. وهمس ف ودنه .. بكره تبقى اب وكلها سنتين ولا تلاته وتجوز بنتك وتبقى جد هههههههه الهوى ع المسخره اجدعان . هههه ..
فهد : بكوعه خبطه بقوه . ومراد أتألم بجد . ولعنه بصوت مهموس .. والكل ضحك ..
ولكن انتبهو ل آرين . ال ع نفس الحاله .. بوقها وعينيها مفتوحين . ومتنحه بصدمه . وسرحانه الى مالا نهايه…!!!
رينو : مسدت ع حجابها . آرين ياحببتى ساكته ليه؟
آرين : ف اللاوعي . مامي حامل؟ يعنى تخلف نونو صوغنن . ولو بنت.. وعيونها لمعت بدموع وكشرت بطفوليه .. ولو بنت بابى هيحبها اكتر منى .. وكنزى .. كنزى حد هيشاركنى فيه . وصرخت بطفوليه .. لااااااااااااااء عاااااااااااا ..
العيله ف منهم ال بيضحك . وفيهم ال مش فاهم رد فعلها .
آرين : قامت بسرعه . ووقفت قدام فهد . وقالت بتحذير . وتذمر طفولى . بص بقى ياسي بابي .. اعمل حسابك . انت لو حبتها اكتر منى مش هيحصل كويس.. وكمان……وكمان لو .. لو جبتلها كنز اكتر من كنزى انا مش هسكت … وكمان … وكمان لو …. لو. وافقت انها تدخل حربيه وتحقق حلمها. انا مش هسكت ومش هيحصل خير ابدا .. ولو ..ولو اهتمامك قل بيا .. انا هسيب البيت واعيش مع جدو .. انا لا يمكن اسمح حد يحبك اكتر منى . وكمان مش هسمح انك تحب حد اكتر منى . انا ……انااا….وعيطت بخنقه ..وجريت وسابتهم …وخرجت الجنينه ..
كلهم بصو لبعض بدهشه . إلا رينو بصت ل فهد بلوم وعتاب انه كان عايز يبعد . وف حد بيعشقه اكتر من نفسه ..
مراد : بتأثر . والله البنات دي . اجمل نعمه . والبت آرين دي بسكوته بالنوتيلا ..
فهد : قلبه وجعه ع بنته . ازاى تفكر إن مهما جاب ولاد هيحبهم اكتر من فرحة عمرو .. وقام بسرعه . وخرج وراها ..
آدم : حس إن الجو متوتر بين فهد ورينو . وقام وقف وقال طيب الحمد لله اطمنا ع رينو .. يلا ياحبيبتى .
مريم : حاضر ياحبيبي وقامت .وقالت . فريحه ياحبيبتي.. اطلبى من البنت تجهز اكل صحى وكوباية لبن ل رينو . وتطلعها ع أوضتها ..
فريحه : من عينيا حاضر ياماما ..
مريم : تسلم عينيكى ياحبيبتى .. وانا هطلع أبلغ رنا ونور الخبر الحلو ده ..
فريحه : بسعاده وانا كمان هتصل ع رودي . وكمان بنات العيله وافرحهم بفرحتنا الكبيره ..
مريم : ربنا يفرح قلبك يانور عيني . وانتى يارينو . خدي علاجك بانتظام ومفيش اى حركه . وانا إن شاء الله هتابع معاكي . ورب الخير لا يأتي إلا بالخير .. تصبحو ع خير .وباست جبين رينو .
كلهم وانتو بخير …
آدم مراد : قام وانسحب بهدوء . وطلع اوضته . ووقف ف البلكون يطمن ع ضي آدم ..
مراد : اخد تالين . وطلع معاها . وساب رينو مع آركان …
رينو : قامت .. وقعدت جنب آركان .. وقالت مش هتقول حاجه . وتطلع ال ف قلبك انت كمان…؟
آركان : بص ف عينيها وقال بحيره . مش عارف . من غير كدب . ف الاول اضايقت.
ازاى وانا ف السن ده هيبقى ليا اخ صغير .. وكمان خوفت اوي عليكى . ومسك ايديها ماما . بجد الحمل ده مش خطر عليكى؟ ماما انا كل ال يهمني حضرتك وبس .لو خطر مش عايزو ..ارجوكي ..
رينو : مسدت ع شعرو بحنان . آركان ياحبيبي . ليه بتقول خطر . ال ف سني وأكبر منى كمان لسه بيخلفو .. وبعدين الحمد لله أنا أقدر اخلف تانى وتالت . انت مش عارف انا كنت بدعي ربنا قد ايه عشان يرزقنى بإخوات ليكم . والحمدلله استجاب . واطمن ياروحي . مفيش اى خطر إن شاء الله . ودلوقتي الطب اتقدم . وف طرق كتير للولاده الساهله ..انا كل ال انا عايزاه منك . انك تحتوى آرين اختك .. مجنونه مفكره أننا هنبطل نحبها .. ومتعرفش انها فراشة الحياه بالنسبا لينا انت وهي ..
آركان : اتنهد بأريحيه .. الحمدلله . واطمني حضرتك . آرين هتكون كويسه بعد ما بابا بتكلم معاها …
——————بقلمي مريم نصار.
آرين : جريت وبتعيط . وجواها شعور مختلف واسئله . يعنى هيبطلو يحبوني .. يعنى كدا خلاص اهتمام بابي هيقل .. النونو الجديد هيشغل تفكير بابي ومامي وينسونى..
فهد : من وراها. ..آرين ..؟
آرين : بتعيطت. وقالت بدموع . بااابي انا………وسكتت ..
فهد : قرب منها . ومسح دموعها . وابتسم بحب . وقال آرين المجنونه . بنتى وحببيتى وروحي . كدا ؟ تفكري بالطريقه دي ؟ لأ انا زعلت منك ع فكره ..
آرين : نزلت وشها ف الارض بزعل . وقالت بكره هتحب النونو اكتر منى ..
فهد : ابتسم . عمرى .. عمرى مااحب حد اكتر منك . وبعدين النونو ده هيبقى اخوكي أو أختك . وكمان فرق العمر . هيكون ابنك او بنتك ..ليه بتفكري بالطريقه دي يا آرين ..؟ تعالى اقعدي .عايز اتكلم معاكى ..
آرين : قعدت . بتذمر .
فهد : قعد جمبها . وقال طيب مش يمكن انتى ال تحبى النونو اكتر منى . وتنسينى وتهتمي بيهم وانا لا ..
آرين : بدموع . ابدا . عمري ما احب حد قد حضرتك . بابي انت قدوتي ف الحياه . مهما اقول انا بحب حضرتك قد ايه . مش هتصدقنى .. انت مثلى الاعلى يابابي ..
فهد : غمض عينيه .. وقال جواه . ايه يافهد .. كلام رينو صح . آرين شايفاك كل حاجه .. وبدليل انها خافت من اهمالى انا وبس ليها. آرين يافهد..!!!. واتنهد بزعل . ومسد ع حجابها .وقال. لأ انا مصدق ياروحي . وزي ما انتى شيفانى مثل أعلا . انا كمان شايفك اكبر احلامي .
آرين انا عايز اقولك وأسألك ع حاجه .. انتى ليه رغم كل ال انا بعمله معاكي بتخافى منى ؟
آرين : رفعت عينيها ليه وسكتت………!!!
فهد. : هز راسه.. وسألها. ليه خبيتى عليا انك ركبتى الحصان ؟
آرين : خافت وبلعت ريقها بتوتر … وقالت بتلعثم. اء….ا.انا…. احم … ومالقتش رد تقوله ..
فهد : حاوطها من كتفها واحتواها .. وقال طيب ممكن دلوقتي تنسي انى ابوكي . وتعتبرينى صديقك زي زمان . وتفتحيلى قلبك وتقولى ع كل حاجه جواكي ومخوفاكي منى ..
آرين : بزعل . بابي هو مش خوف بمعنى خوف. هو….هو من وجهة نظري حب كبير وتقدير عظيم لحضرتك ومش عايزه ازعلك منى . وخوفت كمان إن حضرتك تبعد عننا .
فهد : ………………كملى سامعك ..
آرين : بتنهيده .. حضرتك انا بحبك اوى وبحب كل حاجه فيك . لكن لما بتضايق بتتعصب جدا . ومن خوفك علينا بتبعد .. وبتسافر ع شغلك . وانا بحب ديما اشوفك فرحان بيا. نفسي اثبت نفسي لحضرتك انى قويه جدا زيك .
تعرف حضرتك . آدم قالى متركبيش الحصان .. بس انا ركبته عشان اثبت انى آرين بنت فهد السيوفي. تقدر تعمل اى حاجه وكل حاجه زى باباها بالظبط .
وبعد ما وقعت من ع الحصان .. كان كل خوفي زعل حضرتك منى .. انت عندى حاجه كبيره جدا . وبصراحه خبينا الموضوع ع حضرتك عشان متزعلش منى ولا من مامي . وكمان آركان مالوش زنب لانى عملت كدا لوحدي ومن غير ما حد يشوفنى .. كان نفسي افاجاءك وافرحك بيا . واقولك انا اجتزت مرحله جديده .. خوفي من زعلك منى مش خوف نفسه من حضرتك .. زعل حضرتك زى اللعنه بالنسبالى ..
فهد : ابتسم . ومسح دموعها . وقال ايه ده . آرين فراشة قلبى . بتتكلم كلام جميل وكبير اهو ..
آرين : ابتسمت . انا عارفه إن الكل شايفنى طفله . بس انا فاهمه كل حاجه . لكن انا بحب اوى روح الطفله ال جوايا . هو انا كدا غلط يابابي..!؟
فهد : ضمها لقلبه هششش بس انتى عمرك ما كنتى غلط . انتى طفله . وهتفضلى طول عمرك طفله لقلب ابوكي وبس .. وباس راسها .
. وقال ياريت يا آرين ماتحاوليش تجازفي بالطريقه دي تانى .. ركوب الخيل مش سهل . واى حاجه عشان تعمليها صح . لازم خبره كافيه .. انتى لازم تفكري ف خطورة الأمر . وإن لو حصل ليكى حاجه لا قدر الله . انا هدمر ..عشان خاطري اسمعى كلامى . انتى مش محتاجه لانك تثبتى نفسك وقوتك ليا .. انا واثق انك اقوى بنت ف العالم . مش لانك بنت فهد لأ .. لأنك آرين .. آرين وبس..
آرين : بمرح طفولى اترمت ف حضنه حبييييبي باااابي فهد انا وبس .. ورفعت وشها ببرأه . مش هتحب حد قدي صح ؟
فهد : ههههه ايوه صح .. يلا بقى تعالى اطلعى اوضتك ونامي الوقت أتأخر …
آرين : باسته من خدو بمرح وقالت . حاضر يا اجمل بابي ف الدنيا كلها ..
فهد : قام . وحاوطها من كتفها . وماشيين جمب بعض يضحكو ..
آدم مراد : ف البلكون . وابتسم بحب لما شاف ضحكتها وطفولتها ال بيعشقها .
رينو : واقفه ف البلكون . وشافت فهد و آرين . واتنهدت بحب . وحطت أيدها ع بطنها . وابتسمت بسعاده ..ودخلت وقلعت الاسدال .. وقعدت ع طرف السرير .. وقالت بحزن .. عمرى ما كنت مهمله ف أولادي يافهد . وقفلت النور . وشدت الغطا عليها . ونامت وغمضت عينيها . هروب من عتابها لفهد ..
فهد : خبط ودخل .. لكن اتفاجئ . إن رينو نامت. وشافها نايمه وحضنا نفسها ف وضع الجنين . وعرف انها كدا لسه زعلانه .. ومسح وشه بايديه
وقفل الباب . ودخل الحمام .. واخد شاور بسرعه . وخرج . وشغل الإضاءه . وشاف الاكل وشوب اللبن زى ما هو .. وشال الصينيه وحطها ع الكمود . وقعد جنبها ع طرف السرير . ومسد ع شعرها بحنان . رينو حبيبتى .
رينو : مردتش عليه…………..!!!
فهد : ابتسم . وقال أنا عارف انك لسه صاحيه . هتنامى ازاى بقى وانتى مش ف حضنى ؟
رينو : بجديه . لو سمحت اطفي النور لأنى عايزه انام ..
فهد. : اتعدل . وشد رينو عدلها . وقعد خلفها . ورجع راسها ع صدره .. وضمها لقلبه بحنان . وهمس بصوت حنون . نجمتى مستحيل تنام وهي زعلانه من فهد حبيبها ..مش كدا ؟
رينو : اتنهدت وساكته………..!!!
فهد : رينو . انتى عارفه انى مقصدش ابعد عنك بالمعنى ده .. انا لو اطول اخبيكى جوايا عشان تكونى جنبى ف كل خطوه هعملها . لكن انتى عارفه إنك الوحيده ال بخاف تزعلى منى .. رينو انتى بالذات محبش اشوفك زعلانه . ولا بحب اكون متنرفز قدامك ..
رينو : بهدوء . خلاص ال حصل حصل يافهد . وكويس انك اتكلمت مع آرين ..
فهد : رفع دقنها وبص ف عينيها .. و آرين تبقى بنتك . وخوفي عليها لانها منك .. وكلها شبهك . وانتى عارفه انى بخاف عليها وبخاف عليكو اكتر من الاول..
ليه مش قادره تشوفي غيرتى عليكو أمر طبيعي . المفروض انتى اكتر واحده عرفانى ..
رينو : عيونها متعلقه بيه ولمعت وقالت . الوسطيه ف كل حاجه حلوه يافهد ..
فهد : بعتاب طيب والعشق ..ينفع فيه وسطيه؟
رينو : ……………!!!
فهد : رتب شعرها وابتسم . وقال بصي خلينا متفقين أن غيرتى عليكو عمرها ما هتتغير . لأن ده طبع ومش هحاول اغيرو .. تانى حاجه بقى . انا بعتذر لانى اتهمتك بالاهمال . لانك أعظم واجمل زوجه . واكفأ دكتوره . واحن وأعظم أم ..
رينو : اتنهدت بأريحيه ..وقالت حصل خير ..
فهد : ابتسم ..وحط ايدو ع بطنها ..مبروك يانجمتى ..
رينو : قلبها دق..ورفعت عينيها ليه وقالت مبسوط يافهد؟
فهد : دفن وشه ف شعرها وقال فهد بيعشقك يارينو . بجد بموت فيكى . ودي قمة السعاده ..
رينو : ابتسمت بحب . وقالت أنا عايزه البيبى يكون شبهك …
فهد : ضحك .ويسلام لو بيغير زى أبوه . لحظه واحده بس . هو ولد ولا بنت ؟
رينو : بصت ف عينيه انت نفسك ف ايه ؟
فهد : قلبه بيدق بسرعه . وقال قبل كل حاجه تشربي اللبن ده . وتاكلى الشوكليت بتاعك . وبعدها هقولك نفسي ف ايه ؟
رينو : لأ بس انا مش عايزه ..
فهد : لأ دلع مش عايز .. انتى حامل ولازم تخلى بالك من صحتك .. واعملى حسابك انتى اجازه تمام ؟
رينو : تنحت اجازه؟ لأ يافهد ارجوك ..
فهد : هشش اشربي ومش عايز كلام كتير . خلاص قولت اجازه . ومش هتتعبى نفسك ف اى حاجه .. والا هنزعل من بعض ..يلا اشربي .
رينو : ضحكت بسعاده . وشربت من ايدو ..
فهد : أكلها الشوكليت كالعاده .. ومسح بوقها بالمنديل .. وبصلها بحب وقال مبروك يارينو ..
رينو : حطت راسها ع صدره واتنهدت بحب الله يبارك فيك ياحبيبى . مش هتقولى بقى نفسك ف ايه؟
فهد : رفع دقنها ..وقال دى هديه من ربنا . وانا راضي بأى حاجه .
رينو : ونعم بالله …
فهد : بحنان .. وحشتينى …
رينو : قلبها دق وانت كمان …
فهد : قرب منها بحب كبير واشتياق اكبر . وبيعتذر ليها بطريقته الخاصه … واخدها لعالمه الخاص .
رينو : همست بحبك يافهد ..
فهد : بعشقك ياقلب الفهد …
——————بقلمي مريم نصار.
ونقول بعد اسبوعين كمان ..
ف ألمانيا ..
كامليا : .كانت عايزه تسافر تانى يوم لكن والدتها زعقت عشان باباها تعبان ومنعتها من السفر لوحدها…
وكامليا دلوقتي قاعده ع الأرض مكانها . وفاتحه اللاب توب وبتتفرج ع فيديو تيم وميرو يومياً.. وعينيها كلها شرار وعايزه تنتقم..
كامليا : بتاكل ف ضوافر ايديها بغل كبير.. وقالت بهستريا..قريب اوووى اوى هتكون ف حضنى يا تيم.. ايوه انا مراتك وبس انا حبيبتك وبس مش هى. انت ملكى انااااااا وبس . كامليا وبس.. تيم ملك كامليا وبس .. ههههههه.
ف المالديف ..
تيم وميرو عاشو اجمل اسبوعين بكل مشاعر الحب والعشق . عاشو الجنون بكل تفاصيله .
. ميرو اكتشفت الجانب المرح ف شخصيتها. ورجعت ليها الروح الحلوه من تانى . ومبقتش تخجل من تيم زي الاول.
ميرو : لابسه بنطلون وتوب قصير . وبتجري ع الشط . وبتضحك بسعاده .
تيم : بيجري وراها .
ميرو : بتجري . وبتنهج . وقالت مش هتقدر تحصلنى ههههه
تيم : بيجري ورفع حاجبه بتحدي . وجري بسرعه وخطفها بين ايديه وشالها. وقال سمعينى كدا قولتى ايه؟
ميرو : ههههههههه لأ انا مقولتش حاجه ..فين ده؟ هو انا قولت حاجه؟ نزلنى بقى ..
تيم : هز راسه تؤ تؤ .انهردا انا عايزك تتعلمى حاجه مهمه ..
ميرو : كشرت عينيها .. امم حاجة ايه؟
تيم : اخدها ع سطح اليخت . ونزلها. وقال هتطلعى فووق اخر دور ف اليخت . وتعترفي بحبك ليا بعلو صوتك . وتنطي ف الميا.
ميرو : فتحت عينيها بدهشه ..وقالت لأ طبعا . انا اخاف ..وانت عارف انى بخاف من الميا. بس لو ع الاعتراف . ف انا بقولك اهو بعلوووو صوووووووتي بحباااااااااااك . وباسته من خدو .
تيم : قلبه دق. ودخل ف حالة جنون العشق . وشالها وطلع بيها آخر دور ف اليخت ..
ميرو : بتصرخ . لأاا ياتييييم بلييييز . بلييييز . انا بخاف . ارجووووووك ..
تيم : هششش اسكتى .تعالى بس . ووصلو آخر دور . ونزلها .. وقال بتحبينى؟
ميرو : خايفه تبص ع الميا من فوق . و مكلبشه فيه بخوف . ومغمضه عينيها وهزت راسها ايوه بحبك . والله العظيم بحبك . يلا ننزل بقى .
تيم : فتحي عينيكي . ال قدامك ده دخل بطولات ف السباحه ..
ميرو : مسكت دراعه بقلق وقالت عارفه .والله عارفه . بس بليز يلا ننزل ..
تيم : رفع دقنها بايدو . وباسها بشغف كبير ..
ميرو : قلبها دق بقوه . ونسيت هي فين ..
تيم : حط جبينه ع جبينها وقال طول ما انتى معايه هخليكى تعيشي الجنون بكل أنواعه .
ميرو : بتتنفس بصوت عالى وقالت قصدك ايه ياتيم؟
تيم : فتح ايديه وابتسم وقال بصوته كله . قصدى انى بححححبببببكككك ..وشالها ونط بيها ف الميا.
ميرو : صرخت بصوت عالي . ومكلبشه . وصرخت مجننووووووون ..
تيم : نزل الميا . ورفعها بسرعه لحضنه وضمها عشان ماتخفش .
ميرو : بتكح . كح كح . وبتنهج . حرام عليك ياتيمو والله . واتشعلقت ف رقبته.
تيم : ههههههههه . حرام . وتيمو؟ مش راكبه مع بعض .
ميرو : مسحت وشها بايد واحده . ورجعت شعرها المبلول. وقالت بجد انت مجنون .
تيم : بص ف عينيها . مجنون مريم ..
——————بقلمي مريم نصار.
بعد شويه.
فيلا العدوي ..
مراد وفهد قاعدين جمب بعض .. وفونهم جاتله رساله خاصه ف وقت واحد ..
والرساله من رقم مجهول و عباره عن جمله ..
(قريباً سنلتقى) بووووووم .
وفجأه . اتصال من جار فهد ف العماره جمب شقته..
واتصال من بواب العمارة بتاعة شقة مراد ..
وكل واحد فيهم بلغ إن الشقه انفجرت وكل حاجه فيها اتحرقت..واتحولت ل رماد..!!!!
——————بقلمي مريم نصار.
ف مكان أشبه ببيت مهجور .Автор: Меріам Насар
الزعيم : لف بالكرسي .. وخبط العكاز ف الارض . وقام وقف .وخطى كام خطوه . وهمس ف وش عاشور . وقاله انت عايز تثبت ولاءك . للزعيم…….!!!!! ياعاشور ؟
عاشور : بلع ريقه بتوتر خدامك يازعيم….!!!!
الزعيم: بص قدامه بكُره دفين وقال . فريحه وبنتها الصغيره..!!!! اسبوع واحد وتكون هنا ف وكري الخاص ———
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ميراث العشق)
لقراءة الجزء الأول من الرواية اضغط على : (رواية جريمة عشق)
لقراءة الجزء الثاني من الرواية اضغط على : (رواية عشقتها منذ نعومة أظافرها)
لقراءة الجزء الثالث من الرواية اضغط على : (رواية عشق الفهد)
