رواية معلمة من الصعيد الفصل الثاني والأربعون 42 بقلم مريم شعبان
رواية معلمة من الصعيد الجزء الثاني والأربعون
رواية معلمة من الصعيد البارت الثاني والأربعون
رواية معلمة من الصعيد الحلقة الثانية والأربعون
مر ثلاث ايام في تجهيزات كتب الكتاب
رويدا مش بتخرج من الأوضة ولا بتاكل و بكرة المفروض تكون عند تامر و مش عارف تعمل اي
الشباب محدش ساكت بيشوفوا اي حل
حاتم بيدور علي تجار المخدرات و لسه مش عارف يمسك اي دليل
و كاظم و اسماء راجعوا كندا لشغل مهم
****
عند رويدا
رويدا: مش قدامي حل غير اني اروح بس ازاي اروح ازاي ده ممكن بجد مستقبلي يضيع بس انا عرفت هعمل اي ه/قت/له و أخد الموبايل و اهرب و اللي زي تامر ده عنده مليون حد بيكره بس قتل أنا اقتل حد أنا بخاف اموت صرصار اموت تامر يارب اعمل اي يارب
*****
في مكتب سليم
سليم: اظن خلاص كتب كتاب زهراء اقرب نروح بقي نحدد معاد العملية
نبيل: اليوم اللي بعد كتب الكتاب هنروح المستشفى و تتفق
سليم: علي خير باذن الله
نبيل: بس يا بابا بالله عليك لو حصلي حاجة تخلي زهراء تتجوز علي طول
سليم: بعد الشر عليك ربنا يطول في عمرك و تفرح باولادهم
نبيل: اللهم امين انهاردة رايح للدكتور و قالي أنه هيكلم مستشفي الكمال عشان يجيوا بس انا شايف بلاش تكليف و مصاريف علي الفاضي ما اي دكتور شاكر هنا
سليم: اصرف فلوسي كلها عشان تكون بخير بس
نبيل: ربنا يحفظك يا بابا
سليم: يارب و يحفظكم ليا هو اخوك هيرجع علي كتب الكتاب
نبيل: غالبا لا عشان عنده شغل مهم
سليم: ربنا يكرمه
نبيل: يارب
****
فيلا يوسف
فارس: انا لازم ارجع فلسطين دلوقتي
بسملة: نعم ليه
فارس: يا امي بس حاجة مهمة ولازم ارجع
بسملة: انت مش قولت انك هتقعد لشهر رمضان هنا
فارس: هرجع قبل شهر رمضان لسه
بسملة: ما تخليك يا فارس
فارس: انت خائفة كده ليه
بسملة: راح مني واحد مش قادرة تاني و الله
فارس: يا امي الشهادة دي نصيب و يارب تكون من نصيبي
بسملة: بعد الشر عليك
فارس: انتي مش ناوية ترجعي فلسطين تاني
بسملة: مش دلوقتي
فارس: ما امت
بسملة: لما يوسف يخلص هيجي أقعد فترة
فارس: تمام يا امي هو فين يوسف
بسملة: عند جاد بيحضروا لكتب كتاب اختهم عقبالك
فارس: قريبا يا امي
بسملة: ربنا يفرحني بيكم
فارس: يارب أنا هحضر كتب الكتاب و امشي تاني يوم
بسملة: تمام يا بني ربنا يوفقك
****
في المساء عند رويدا
تامر: موافقة ولا اي
رويدا: تمام موافقة
تامر :تمام بكرة الساعة …كذا هكون واقف قدام الفيلا اخدك و نمشي
رويدا: لا لا بلاش قدام الفيلا
تامر: متخافيش مش هنزل هتركبي و نمشي بسرعة
رويدا: هنروح فين
تامر: البيت عندي
رويدا: البيت عندك ازاي تعال نخرج نروح اي مطعم
تامر: بنت انتي هبلة مطعم اي انتي عارفة أنا عايز اي
رويدا بعيط: بلاش بالله عليك يا تامر
تامر: لا أنا مش عايز صداع موافقة تمام مش موافقة الفيديو ينزل
رويدا: لا خلاص موافقة موافقة
تامر: تمام يا قمر اشوفك بكرة
رويدا: يارب انقذني أنا مش عارفة اعمل اي يارب
*****
تاني يوم
فيلا سليم
تحت في الجنينة
ماهر: العروسة عايزة حاجة معينة
زهراء: بس ورد بسيط كده و الباقي براحتهم هم فاهمين شغلهم اكيد اكتر مني
غيث: يا الله اخيرا لقيت حد بيقول براحتهم مش اتنين كانوا واقفين فوق راسنا
بيري: بتقول حاجة يا حبيبي
غيث: لا يا حبيبتي
بيري: و العديد كده يا زهراء البنت دي طيبة أنا اللي هقف
غيث: أنا لو شوفتك واقفة لكل العمال يجوا هنزل اجيبك من شعرك
ماهر: ما تسكت انت و هي مش عايزين خناق انهاردة عندنا فرح
زهراء: فرح من غير عريس ماشاء الله
موده: ما قالك هيخلص شغل مهم و يجي
رحاب: اتعودي يا زهراء اني معظم وقت حاتم بيكون برة يارب بس يجي بكرة في معاده
زهراء: نعم
موده: بتهزر يا زهراء بس يا زفتة
زهراء: يا تاخد مراتك يا ماهر لا هموتها دلوقتي
ماهر: تعالي يا كائن اقفي جنبي
رحاب: الله مش بقولها الحقيقة
زهراء: هو ممكن بجد مش يجي كتب الكتاب يتأخر
عز: مش للدرجة يا حبيبتي
غيث: متخافيش يا زهراء أنا هحبسه في اوضة و اقفل عليه عشان ميروحش مكان
زهراء: تسلم
غيث: فين السلم
بيري: برة روح هاته
غيث: تمام يا آخرة صبري و يمشي و موبايل موده يرن
موده: السلام عليكم
:وعليكم السلام مع شركة الشحن يا فندم التاج معنا يا فندم قدام الفيلا
موده: اه تمام ثواني و جاية
موده: التاج واصل يا عروسة
عز: اصبري هينزل اجيبه
موده: لا خليك هروح عشان دي بنت مش ولد
عز: تمام
****
عند رويدا نزلت براحة و خرجت و كان في عربية منتظرها قدام الفيلا و كان غيث واقف متابع
غيث باستغراب رايحة فين دي و يروح وراها و يلمح تامر في العربية كان هيجري علي جوا بس شاف موده خارجة
موده: في أي مالك
غيث: رويدا خرجت مع تامر دلوقتي
موده: نعم راحت معه فين
غيث: مش عارف بس اكيد لازم نروح وراهم رويدا ظاهر عليها خايفة
موده: طيب ثواني و تاخد الطلب من البنت
موده: غيث هات عربيتك بسرعة و تجري علي جوا
موده: زهراء اتفضلي عز تعالي ثواني عايزك في حاجة
عز: في أي
موده: تعال بس اخلص
عز: تمام و ينزل و يروح معها
ماهر: مالهم دول
رحاب: الله اعلم ربنا يستر
:يارب
ماهر: يلا يا رحاب عشان معاد الدكتور
رحاب: لا خليك هروح انا و بيري
ماهر: لا هيجي معكي
رحاب: يا حبيبي في شغل كتير هنا هروح انا و بيري
ماهر: طيب خلي بالك من نفسك
رحاب: حاضر
******
عند عز و موده غيث ينزل من العربية
عز: رايحين فين
موده: تعال بس
عز: افهم في أي
غيث: شوفت رويدا طالعة من الفيلا و ركبت العربية مع تامر و ظاهر عليها انها خائفة
عز: اي ازاي تروح مع الحيوان ده هنعمل اي دلوقتي
موده: يلهوي ليعمل فيها حاجة
غيث: طيب هنروح فين دلوقتي
:أنا عارف هي فين
موده باستغرا:ب وائل طيب هي فين
وائل: احم راحت مع تامر بيته
موده: نعم انت متاكد
وائل: سمعتها امبارح و هي بتكلمه و انا عند جاد
غيث: ازاي تعمل كده
وائل: تامر مهددها يا ينشر الفيديو يا تجي عنده البيت
غيث: و ازاي مش قولت من امبارح
وائل: أنا قولت مستحيل تروح أو هتقولكم لاني هي قالتلي مش هتجي و ياريت نخرج في أي مكان و تاخد الفيديو بس هو رافض و اتفقوا أنها تروح البيت بس قولت اكيد بتقوله اي حاجة إنما هش مش هتروح
موده: يارب بسرعة يا شباب لازم نلحقها
وائل: هيجي معكم أنا سمعتها بتقول العنوان
عز: تمام يلا و يركبوا كلهم عربية غيث
****
عند رويدا و تامر واصلوا بيته
تامر: يا اهلا و سهلا نورتي البيت
رويدا: فين الفيديو
تامر: علي طول كده مش نقعد مع بعض شوية
رويدا تطلع س/كي/نة من الشنطة
رويدا: هات الفيديو بدل ما اقتلك
تامر: شيلي اللي في ايدك دي بدل ما تعورك و خلي اليوم يعدي علي خير
رويدا: مستحيل تقرب مني مستحيل
تامر: عملتها مرة اقدر اعملها مليون مرة
رويدا: انت عارف كويس أني مفيش حاجة حصلت
تامر: اثبتي
رويدا: يا تامر اعتبرني اختك و سيبني اروح بذمتك توافق يحصل في اختك كده
تامر: أنا مش ناقص وجع دماغ و كلام فاضي خلي اليوم يعدي يا رويدا و يقرب منها
رويدا: لو قربت مني هموتك ابعد
****
في عربية غيث
غيث: انت متاكد اني ده عنوانه
وائل: أنا سمعتها هي بتقول علي العنوان ده و أنها بتقوله اني ده بعيد اوي
عز: ده كله و كنت شاكك انها مش هتروح
وائل: اعمل اي قولت مستحيل تروح
موده: بسرعة يا غيث بسرعة بالله عليك
غيث: حاضر
****
عند الدكتور بتاعت رحاب
:ماشاء الله كله تمام يا رحاب بس هنمشي علي العلاج ده و هتجي يوم السبت
رحاب: تمام باذن الله بس معلش مش حضرتك مش بتجي يوم السبت
:لا ليه بيجي كل سبت و اخلص علي الظهر كده
رحاب: ازاي أنا السبت اللي فاتت كنت هنا و كان في دكتور تاني
:دكتور تاني محدش بيدخل العيادة دي غير يا رحاب
رحاب: ازاي أنا لما جيت قالوا اني حضرتك مش بتجي يوم السبت و اني في دكتور تاني
:مين قال كده
رحاب: البنت اللي قاعدة برة
:طيب انتي كنتي جاية ليه يوم السبت
رحاب: لا مش ليا ده عشان اختي و حكت ليها
:ده مستحيل محدش بيقدر يدخل هنا غيري
بيري: حضرتك متأكدة
:ايوه يا فندم دي العيادة بتاعتي أنا محدش يقدر يدخل ثواني اشوف السكرتيرة
بيري: أنا مش فاهمة حاجة
رحاب: ولا أنا و تجي الدكتورة
:تعالي يا سعاد
رحاب: سعاد مش يوم السبت كان في دكتور هنا
:دكتور مين محدش بيدخل هنا
رحاب: ازاي أنا حجزت معكي و دخلت
:ازاي يا فندم و انا جيت مسحت و مشيت علي طول
رحاب: ازاي أنا كنت عندك هنا يوم السبت انتي هتكدب
:اكدب ليه يا فندم أنا بقول الحقيقة
رحاب: يعني أنا محتيس يوم السبت و معايا واحدة تانية
:محدش جايه اساسا
رحاب طلعت حجز الكشف
رحاب: طيب اي ده
:ده ده أنا اشي عارفني
بيري: حضرتك عندك كاميرات
:اكيد
رحاب: طيب شوفها
:تمام
:يا فندم أنا مش عملت حاجة
رحاب: انتي تسكت في بنت مستقبلها بيضيع اسكتي و تفتح الدكتور الكاميرات و تشوف اني كلام رحاب صح
:اي ده مين ده يا سعاد
:معرفيش
:متعرفش ازاي ما انتي واقفة معه اهو مش هو ده الدكتور يا رحاب
رحاب: اه هو ثواني كده رجعي تاني كده
:تمام و ترجع
رحاب: بيري ده تامر صح
بيري: اه هو انطقي كان بيقولك اي
:هقول كل حاجة والله كان جاي و معه واحد عشان يعمل دكتور و اني يقول اني البنت اللي جات دي مش بنت مقابل ٥٠٠٠ جنية و الله أنا مليش ذنب هو اللي قالي اعمل اي و انا نفذت و بس
:انتي مرفوضة مش عايزة اشوف وشك هنا تاني
رحاب: حسب الله فيكي يا شيخة في بنت مستقبلها بيضيع بسببك حسب الله
:أنا بعتذر جدا يا مدام رحاب و انتي يا زفتة تاخدي باقي فلوسك و تمشي من هنا مش عايزة اشوف وشك تاني تخرج سعاد و هي بتعيط
:بعتذر جدا يا جماعة
رحاب: حضرتك ذنبك اي يعني يلا الحمدلله اننا عارفنا الحقيقة
بيري: الحمدلله رويدا لازم تعرف يلا بينا
:ربنا يطمنكم عليها
رحاب: يارب
*****
في بيت تامر
رويدا: والله يا تامر هموتك
تامر: والله و يشد أيدها و يرمي الس/كني/ة
رويدا: سيبني امشي بالله عليك
تامر: اسيبك أنا ما صدقت انك تجي تفتكري لما اجيبك هنا هتمشي انسي نهائي انتي مش هتخرجي من هنا غير بمزاجي
رويدا: هات الفيديو و خليني امشي
تامر: لا غير لما نخلي الفيديو حقيقية
رويدا: يعني انت عارف انك مش قربت مني
تامر بضحك: اكيد عارف كانت لعبة عشان اقدر اجيبك هنا و انتي هبلة
رويدا: بس الدكتور
تامر: تبعي يا قمر سمعتك و انتي بتكلمي ماهر و سمعته و هو بيقول علي دكتورة رحاب و سمعت الاسم عملت بحث عن الاسم و طلعت بالعنوان و روحت و اتفقت مع البنت اللي هناك و كان معايا صحبي عامل الدكتور ده كله عشان تجي هنا و انتي جيت و الباقي عليا بقي
رويدا: انت حيوان و كانت ماشية و تامر يمسكها
تامر: لا دخول البحر مش زي خروجه و يشدها لجوا
رويدا: ابعد عني يا حيوان
تامر: بلاش دوشة عشان مش هتكون مفيدة لكي
رويدا: بالله عليك سيبني
تامر: انسي و يمسكها و يدخلها اوضة
تامر: شوية و هيجي و يقفل عليها و يخرج
رويدا: افتح يا حيوان و الله ما هسيبك هموتك يا تامر
****
في عربية غيث
غيث: يا جدعان متأكدين احنا ماشين و بس مش بنوصل
وائل: ده العنوان اللي انا سمعته
عز: احنا بقينا في مكان مهجور
موده: ما يمكن لسه قدام
عز: قدام فين احنا في صحرا
غيث: الواد ده مش ناوي علي خير
عز: انت اهبل يا بني ما جيبها بيته ليه
غيث: بس المكان مهجور
موده: كمل بس
غيث: تمام
وائل: مستر غيث في بيت بعيد هناك اهو
غيث: اه
موده: بسرعة يا غيث بالله
****
في بيت تامر في الاوضة اللي فيها رويدا
رويدا كانت قاعدة خائفة و الباب يتفتح و يدخل تامر
تامر: سيبتك تهدي شوية
رويدا :سيبني اروح معندكش اخوات بنات
تامر: يا بنتي الكلام ده مش بجيب معايا سكة و يلا عشان صبرت كتير و راح عندها
رويدا ضربته بالقلم: اقسم بالله ما اسيبك تقرب مني ابدا يا حيوان
تامر: أنا اقدر ارد القلم عشرة بس مش دلوقتي اخد اللي انا عايزه الاول
رويدا تجري: والله العظيم ما تقرب مني
تامر: تعالي بقي عشان انا تعبت منك اي القرف ده و وقعها علي الارض كان رايح يقرب منها و يلقي حد بيسحبه من هدومه
:رويدا
رويدا بخوف: مهدي
مهدي بيضرب تامر
مهدي: أنا مش هسيبك غير لما اموتك انهاردة
تامر: بنت اختك هي اللي جاية لحد عندي و يجوا الشباب و موده تجري عند رويدا و تحضنها و غيث و عز بيحاولوا يبعدوا مهدي علي تامر
مهدي: شباب محدش يتدخل لو سمحت هموته
غيث: خلاص يا مهدي ه و بيموت في ايديك بجد
عز: انتي كويسة يا رويدا
رويدا: اه
عز: خلاص سيبه بقي يا مهدي
مهدي ضربه و يرمه علي الارض
تامر: والله كلكم هتندموا
عز: بس بدل ما نكمل عليك
تامر يجري و كان رايح مهدي وراه
غيث: خلاص سيبه يلا تعال يا عز معايا نقف برة لحد ما هم يجوا
عز: تمام يلا و يخرجوا
موده: قومي يا حبيبتي
مهدي راح عند رويدا و مسكها من ايديها و ضربها بالقلم
مهدي: انتي عايزة اي اه ردي عليا جاية هنا بنفسك انتي مجنونة و ضربها تاني
موده: خلاص يا مهدي بالله عليك كفاية
مهدي: لو سمحتي ابعدي يا موده اي جاية تضيعي نفسك
موده: يا عز الحقني يجوا جري و مهدي كان بيضرب رويدا
عز: مهدي مهدي مينفعش كده ابعد
مهدي :عز بالله ابعد من وشي
عز: بطل ضرب فيها أي الضرب هو الحل
مهدي: لو سمحت ابعد عايز تضيع نفسها
غيث: خلاص يا مهدي هي كويسة الحمدلله
مهدي: أنا لو مكنتيش جيت كان زمانك ضعيتي حياتك انتي بتعملي فيا كده ليه ليه جاية هنا جاية تضيعي نفسك بايدك
رويدا: عشان لو كان نازل الفيديو كان حياتي اتدمرت شوف بقي كمية الشير و الكلام اللي هيتقال مجرد أنهم شافوا فيديو فضيحة و الفضائح بتجيب لايكات كتير في يلا بقي شير من غير ما نعرف هل الحاجة دي صح ولا لا و كل حد يعمل شير يقولك شوف البت يجيبوا اخبار كذب و يقولها عليا و يجي واحد عنده بلاوي كتير يقولك اوع يا صحبي تتجوز واحدة زي دي و تجي بنت بنت المفروض تكون حاسة بيا تقولك الحمدلله علي التربية و يقعدوا يعملوا مميز ضحك علي الفضيحة و يطلعوا حاجات ملهيش اي لأزمة و يقولك أنا مش شغلني غير كذا و شرف البنت اللي ضاع بسبب ام السوشيال زفت دي بسبب فيديو محدش عارف حقيقته وراه و يجي واحد يقولك يوم القيامة اقرب و يقعدوا يشتموا علي البنت دي من غير ما يعرفوا هي مظلومة ولا لا ولا الراجل مش بيكون غلط في ام المجتمع ده كنت عايزني اعمل اي اسيبه ينزل الفيديو و انا كل يوم بيشوف ام الحوارات مفيش حد محترم يقول لا يجوز تنزل الفيديوهات و اني ربنا أمرنا بالستر حتي لو الكل بينشر الحاجة دي عندك انت تقف لا بس ازاي يلا اهم حاجة نكون ماشين مع الترند كنت اعمل اي يا مهدي اعمل اي و انا عارفة اني ده اللي هيحصل بقينا في غابة يا مهدي محدش بيرحم حد الكل بيحكم من شاشة موبايل بس مش عارفين اللي ورا الفيديو ده اي مش عارفين الحقيقة حسب الله و نعمة الوكيل في كل شخص عامل صفحة زي كده و بينشر الفضائح حسب الله و نعمة الوكيل في كل حد بيشارك و ينشر اعمل اي بس يارب كنت خائفة و الله كنت خائفة كان معايا سكينة أنا و جاية عشان لو حاول يقرب مني اقتله بس هو اخدها مني و الله العظيم ما كنت عارفة اعمل اي أنا تعبت بجد أنا ليا يحصل فيا ده كله
مهدي حضنها : بس حقك عليا و الله العظيم هجبلك حقك و الله هيجي
غيث ؛صلوا علي النبي يا جماعة خلاص حصل خير الحمدلله انك بخير يا رويدا يلا نروح البيت
مهدي: يلا يا حبيبتي و ياخدها و يخرجوا
غيث: يلا انتوا كمان خلينا نروح و يخرج
عز: مالك يا موده
موده: احنا ليه وصلنا لكده بقينا نجري ورا الترند ليه
ممكن نبوظ حياة ناس عشان شوية لايكات و نكون ماشين مع الترند صح ده ربنا قال لما تشوف فضيحة متقوليش لحد احنا بقي نعمل كده ننزل و ننشر و نفضح الناس كده ليه بجد ده حسابهم عند ربنا كبير اوي يارب هات حق كل شخص انتشر ليه حاجة حتي لو هو كان بيعمل الحاجة دي يارب خليهم يذوقوا نفس الوجع يارب خليهم يقفوا يوم القيامة ندمانين أنهم عملوا كده حسب الله و نعمة الوكيل فيهم حسب الله و نعمة الوكيل في أصحاب الصفحات الفيس و الانستا و كل الحاجات دي اللي كل شوية تعمل مميز علي فضحية اوي حاجة يارب هات حق الناس دي يارب
عز: خلاص يا موده اهدي
موده: سيبني مش قادرة بجد ليه بقينا كده ليه يارب ده زمان لما الواحد بيشوف حد بيعمل شي غلط ينصح و يستر إنما دلوقتي ينشر الفيديو و يقولك الكل ناشر جات عليا حسب الله و نعمة الوكيل فيهم يارب
عز: خلاص يا حبيبتي كفاية صدقني دول حسابهم كبير اوي عند ربنا حساب إنما نشروا الفضيحة و حساب كل حد اخد البوست أو الصورة و نزلهم عنده متخافيش ربك مش بيسب حق حد
موده: بس الناس دي عايشين عادي يا عز مش بيحصلهم حاجة
عز: يا هلال المفروض أنا اللي اعرفك كده يعني حساب الدنيا حاجة و حساب الآخرة حاجة تانية اوعي تزعلي لما تلقيهم عايشين حياتهم عادي بعد ما نشروا حاجة زي كده و تقولي مش حصلهم حاجة في الدنيا صدقني عقبال الدنيا أهون من عقاب الآخرة بس ربنا سيبهم لعقاب الآخرة
موده: عندك حق
عز: يلا عشان نلحقهم زمانهم واقفين
موده: تمام يلا
****
فيلا سليم
رحاب: رويدا رويدا
زهراء: في أي
بيري: فين رويدا
زهراء: احم مش موجودة
بيري: مش موجودة ازاي يعني
حاتم: محدش عارف ولا هي ولا موده ولا عز ولا غيث
رحاب: راحت فين يعني
ماهر: مش عارفين
بيري: طيب فين أهل البيت
زهراء: الستات راحوا يجبوا باقي الطلبات و بابا و عمو صابر راحوا الدكتور لبابا و جدو في مكتبه
بيري: اه تمام
زهراء: انتوا عايزين اي بقي عاملين دوشة ليه
رحاب: رويدا كويسة محصلش اي حاجة كل حاجة كدب رويدا كويسة و حكت ليهم
ماهر: الحمدلله يارب الحمدلله
حاتم: بركة والله و يجوا كلهم
عز: السلام عليكم
:وعليكم السلام
ماهر: انتوا كنتوا فين
عز: خدي رويدا و اطلعي فوق يا موده
موده: تمام و تاخدها و تطلع
زهراء: في أي
بيري: جاين لكم بخبر بمليون جنية
غيث: خير
رحاب: رويدا كويسة محصلش حاجة الدكتور كان لعبة من تامر
مهدي: مش فاهم انتوا روحتوا دكتور اساسا
ماهر: ادعي عليا مراتي يا ناس
رحاب: اه روحنا و قال يعني الكلام صح و انهاردة عرفت انها كانت لعبة من تامر أنا كنت فاكرة انك عارف
مهدي: لا تامر زودها اوي اقسم بالله ما هسيبه كنت سيبتني اموته يا غيث
غيث: يا عم تروح في داهية عشان كلب زي ده
بيري: هو في
عز: مفيش يلا اطلعوا عند رويدا
زهراء: حاضر يلا يا بنات و يطلعوا
ماهر: مالكم في أي
غيث حكلهم
ماهر: و الكلب ده فين دلوقتي
مهدي: هرب مني اقسم بالله كان زمانه مات بس اقسم بالله ما هسيبه أنا لولا أني روحت بدري كان
حاتم: الحمدلله الحمدلله خلاص الحمدلله دلوقتي بنت اختك كويسة و مفيش اي حاجة
مهدي: الفيديو معه لسه
ماهر: هنجيب الفيديو و في اقرب وقت و نخلص من بكرة بس و الفيديو يكون عندكم
عز: ازاي
سليم: أنا هقولكم ازاي
ماهر: جدو
سليم: هتسمعوا الكلام هقولكم مش هتسمعوا امشي
عز: لا اتفضل حضرتك
سليم: هقول و التنفيذ بعد كتب الكتاب
حاتم: علي خير اتفضل يا حاج
****
فيلا تيا تيا قاعدة في الجنينة بتصور فيديو
تيا: طبعا جاية انهاردة بكريم تحفة عملت عنه كذا ريفيو و يستهل اعمل مليون والله من كتر ما هو تحفة أنا بتسخدمه علي طول يلا تروح الصفحة و شوفوا الخصومات و كمان في خصومات خاصة لفانزاتي يلا يا قمرات و تقفل الفيديو و تنزل
تيا: بس كده يلا خلينا نكسب شوية و تكلم حد
تيا: بقيت الفلوس تكون عندي بليل أنا عملت الاعلان اهو
:تمام يا تيا بس ايه فاضل فيديو كمان
تيا: بعد بكرة هنزله و بس باقي الفلوس توصل انهاردة
:تمام تسلمي عايز اقولك الطلبات بقيت كتير اوي دلوقتي
تيا: عيب عليك الفيديو نازل من ربع ساعة بس يلا باقي فلوسي توصل علي بليل
:باقي فلوسك و عليهم هدية مننا
تيا: تسلم يلا سلام عشان ورايا شغل كتير و تقفل
*****
فيلا فيروز فيروز بتكلم بنت قريبتها
فيروز: يعني انتي متأكدة من الدواء دي
:يا بنتي سمعت عنه كتير مش عايزة تخسي
فيروز: اه جدا
:يبقي اتكلي علي الله و تاخدي الدواء ده صدقني في اسبوع هتخسي عشرة كليو
فيروز بفرحة: بجد
:اه بجد ابعتلك رقم الدكتور بقي
فيروز: اه ابعتي ابعتي لما نشوف بس بالله متقوليش لحد
:ليه يعني هو انتي بتعملي مصيبة
فيروز: بالله مش عايزة حد يعرف عشان ماما لو عرفت مش هتخلني اخده
:لا متخافيش مش هقول لطنط حنين هبعتلك الرقم
فيروز: تمام تسلمي جدا
:اي خدمة انتي اختي بردو
فيروز: تسلمي يا حبيبتي
:يلا اسيبك عشان رويا مذاكرة
فيروز: تمام ربنا يوفقك و تقفل و تقوم تقف قدام المرايا
فيروز: اه اخيرا هتكون حلوة و هتخلي مروان يحبك اه بس مروان يحبني أنا أما اروح أكلمه و ترن عليه
مروان: يا هلا والله عاملة اي
فيروز: الحمدلله و انت
مروان: كويس الحمدلله بتعملي اي
فيروز: قاعدة عادي انت بتعمل اي
مروان: كنت بحاول ارخم علي ايات بس مش بترد عليا
فيروز :و انت بتكلمها ليه يكونشي معجب بيها
مروان: يكونشي أنا معجب بيها بجد
فيروز: انت بتهزر صح
مروان: اهزر ليه يا بنتي هو الكلام ده في هزار مالك انتي بس
فيروز بدموع: مفيش عادي لازم اقفل سلام
مروان: اصبري يا بنتي احنا لحقنا نتكلم
فيروز: معلش عشان ماما عايزني
مروان: تمام هكلمك شوية
فيروز: تمام و تقفل
فيروز: معجب بيها دي لسه جاية فصلنا ده انا معه علي طول فوقي يا فيروز هيحبك ازاي بشكلك ده بس لا هاخد الدواء و يكون شكلي احلي ماشي يا مروان ماشي
*****
فيلا مروان
يوسف كان عند مروان
مروان: مالها دي
يوسف: هي مين
مروان: فيروز
يوسف: مالها
مروان: مش عارف لما قولتلها اني كنت بحاول اكلم ايات حبيت تقفل
يوسف: انت غبي يا بني
مروان: ليه
يوسف: ما كلنا عارفين اني فيروز بتحبك
مروان: نعم بتهزر صح
يوسف: بهزر اي انت اول مرة تعرف
مروان: اه هي اختي
يوسف: و هي بتحبك
مروان: متاكد
يوسف: اه
مروان: بس ايات
يوسف: انت مش معجب بآيات انت كده بتحب ترخم عليها مش اكتر
مروان: ممكن
يوسف: بعدين سيبك من آيات عشان انت عارف اني امجد بيحبها
مروان: يا عم سيبك كلنا عيال اساسا كل ده هيتغير لما نكبر
يوسف: اتكلم علي نفسك أنا وعدت البت هتجوزها
مروان: انت بتكلمها
يوسف: لا هي رافضة و هي صح خلينا ماشين صح لحد ما ربنا يرزقنا و نتجوز
مروان: كبرت يا يوسف
يوسف: اه يا بني الحمدلله بقي
مروان: هو انت مش ملاحظ أننا في ثانوي عام
يوسف: تصدق بالله نسيت أنا حاسس اني كل المشاكل سييت السنين اللي فاتت و جاية السنة دي
مروان بضحك: اه والله يلا الحمدلله بس باذن الله هنعدي
يوسف: هتعدي
مروان: بس انت تاخدها تحدي
يوسف: و تقف و تقول من قدي
مروان: أنا جامد و مبيأسش
يوسف: لا صدق حلمك بكرة هيتحقق
مروان: يارب تحقق
يوسف: يارب
*****
في المساء في فيلا سليم في الجنينة رويدا واقفة لوحدها و بتعيط
ماهر: ممكن اعرف بتعيطي ليه
رويدا: مش عارفة
ماهر: مش عارفة ازاي يعني
رويدا: تعبت
ماهر: أنا عارف أنه درس صعب عليكي اوي بس اهو اتعلمتي ولا لا
رويدا: اتعلمت كده و كرهت الحب
ماهر :لا لا تكرهي الحب ليه اي ذنب الحب في اختيار غلط بس يا رويدا انتي لسه صغيرة لسه قدامك كلية و حياة كتير الحب مرتبط بالزواج تحبي جوزك غير كده لا تحفظي علي قلبك عشانه عيشي يا بنتي و سيبك من اللي فاتت
رويدا: خائفة ينشر الفيديو
ماهر: متخافيش مش هيقدر يعمل كده
رويدا: ليه
ماهر: عشان انا هتصرف و اوعدك مفيش حاجة هتنزل سوشيال نهائي و الحمدلله انتي كويسة و مفيش اي حاجة
رويدا: هو في ناس كده
ماهر: كتير اوي يا رويدا و أقذر من تامر بس انتي لسه قدامك حياة طويلة و هتشوفي كتير تعرفي عشان تعرفي تمشي في الطريق ده تعملي اي
رويدا: اي
ماهر: اقربي من ربنا صح هو اللي هيحفظك
رويدا: حاضر هعمل كده شكرا يا ماهر انت وقفت جنبي كتير اوي
ماهر: مفيش شكر بين الاخوات و انتي اختي الصغيرة يلا فكي كده عندنا بكرة فرح عقبال نجاحك يارب ركزي يا رويدا في مذاكرتك و حياتك
رويدا: باذن الله
ماهر: يلا اطلعي نامي عشان تصحي مركزة مع الدوشة اللي فوق
رويدا بابتسامة: حاضر بعد اذنك و تمشي
ماهر: ربنا يستر طريقكم يارب
رحاب: بحبك
ماهر: اي انتي هنا من امت
رحاب: بحبك اوي يا ماهر أنا دلوقتي اتاكدت انك هتكون أعظم اي لبناتنا انك واقف جنب رويدا كده ياكد ده كله بحبك اوي
ماهر: حبيبي و انا بموت فيكي ربنا يحفظكم ليا و يسترها مع جميع البنات يارب
رحاب: يارب
****
تاني يوم الكل مشغول في التجهيزات
غيث: لا عريس عريس
حاتم: اي رايك
غيث: جامد يا باشا اخيرا خلصنا منك
حاتم: الحمدلله و الله
عز: يلا يا عريس العروسة منتظرة
حاتم: يلا و يخرجوا كلهم
هيام: بسم الله ماشاء الله
حسناء: اللهم بارك
صابر: مبارك يا بني
حاتم: الله يبارك فيك يا خالي
موسي: مبارك يا اخويا
حاتم: حبيبي عقبالك
هيام: يارب هو و يارا لبعض يارب
جاد: انا خطيبتي بتخطب و انا واقف ما تشوفي يا حماتي
حسناء: اي ده صح انتي بتقولي اي يا هيام احنا ناقصين مشاكل
هيام بضحك: خلاص يا جاد يارا لجاد حلوة كده
جاد: اه
عز :يلا يا زفت قدامنا لما تخلص ام السنة دي
جاد: هخلص و ادخل الكلية و هتجوزها
عز: لما نشوف باذن الله
صابر: يلا بينا عشان متأخرين
****
فيلا سليم
زهراء: شكلي حلو
بيري: اللهم بارك قمر اوي
موده: عروسة اخويا القمر
يارا: لا اي الجمال ده
زهراء: أنا خائفة اوي
رحاب: اهدي كده مفيش اي حاجة اهدي
تيا: عروستنا القمر
فيروز: مبارك يا زهراء
زهراء: الله يبارك فيكي يا حبيبتي عقبالكم يارب
تيا: يارب عشان زهقت
رحاب: هاخدك لموسي يا بت يا تيا
تيا: لولولولولولوي موافقة
رويدا: بس يا فضحنا
يارا: واقعة اوي
غرام: و انا يا جدعان
موده: مالهم العيال دي
ايات: ثانوي عام في نسأل الله التسهيل و اي عريس عشان نخلص
بيري: بس يا بت انتي وهي ركزوا في المذاكرة الجواز جاي جاي
سهام: بنات يلا العريس واصل
زهراء: هو هشفني دلوقتي
سهام: لا يا حبيبتي بعد كتب الكتاب
زهراء: تمام
سهام: يلا يا بنات
رحاب: طنط فين لين و نورسين
سهام: تحت عند هيام
رحاب: تمام يا حبيبتي
سهام: زغاريط بقي
****
تحت في الجنينة
نبيل: تحطها في عيونك يا حاتم
حاتم: في قلبي يا حاج
غيث: رومانسي اوي
حاتم: مش نكتب بقي
سليم: اكتب يا شيخنا خلينا نخلص من المستعجل ده
جوا عند الستات
تيا: بدوا كتب الكتاب
زهراء: يخرابي علي بطنك يا زهراء مش قادرة توتر توتر
موده: دي اجمل لحظات اهدي و تمر إجراءات كتب الكتاب وانطلقت الزغاريط
سهام: العريس هيجي يا بنات
موده: من محارمي يجي براحته
رحاب: الحمدلله ادخل يا حاتم برجلك اليمين التصوير يا بنات
حاتم: السلام عليكم
:وعليكم السلام
هيام: مبارك يا حبيبي
حاتم بأس أيدها: الله يبارك فيكي يا امي
سهام :جوز بنتي تحفظ عليها
حاتم: في قلبي يا طنط لسوف العروسة بقي
موده: ورانا يا عريس يمشي وراها
حاتم: لا بس اي الجمال ده
موده: ابسط حاجة عندي
حاتم: بس يا بت فين عروستي
بيري: لفي يا زهراء لفت زهراء بتوتر
حاتم: بسم الله ماشاء الله و يروح يمسك ايديها
زهراء: لا لا
حاتم: مبارك
زهراء: الله يبارك فيك
حاتم: بحبك
زهراء بصدمة: اي
حاتم بابتسامة: بحبك
رحاب: البت من الصدمة هتقع
حاتم: اثار الصدمة يا رحاب بصلة لو سمحت يا جدعان
زهراء :انت حاتم
حاتم: أنا حاتم حلالك اللي يقدر يقولك اي حاجة في الحلال
موده: محترم يا ناس
حاتم: هو انتوا هتفضلوا واقفين كده
يارا: اه يلا بينا عشان ورانا رقص
حاتم: اشوفك بليل بقي و نقعد براحتنا
زهراء: احنا هنخرج بليل لوحدنا
حاتم بضحك: أنا بقيت جوزك
زهراء: طيب ابعد
رحاب: براحة عللي البت كفاية صدمات
حاتم: يلا اسيبكم تفرحوا مع بعض و يحضن زهراء
حاتم بهمس: بحبك و يخرج
زهراء: اخوكم قليل الاداب
بيري: اه مش قادرة
رحاب: اخونا مش قليل الاداب انتي اللي محترمة زيادة
موده: خلاص يا بت انتي وهي يلا بينا عشان ورانا فقرات كتير
زهراء: يلا بينا
بيري: لا هترقصي
زهراء: اه انا العروسة يلا بينا و يخرجوا كلهم يرقصوا في فرح و سعادة
عند الشباب برة كانوا واقفين بسعادة بيضحكوا
غيث: فين اشرف يا جدعان
عز: اختفي مرة واحدة يجي اشرف جري
حاتم: ماله ده
اشرف: حد يدخل ينادي تيا بسرعة
سليم: مالك يا بني في أي
اشرف: تيا مطلوب القبض عليها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية معلمة من الصعيد)
2 تعليقات