رواية معشوقتي الشرسة الفصل الثامن 8 بقلم همس كاتبة
رواية معشوقتي الشرسة البارت الثامن
رواية معشوقتي الشرسة الجزء الثامن
رواية معشوقتي الشرسة الحلقة الثامنة
ماسة اخدت الملف و قرأته و اتسعت عيناها بصدمة وجدت الملف يحتوي على اوراق لصفقة مهمة لآسر و كان في ظرف
ديمة : ايه الملف ده يا ماسة
ماسة بتوتر : معلش مش هقدر اقولك دلوقتي
و ذهبت الى غرفتها و مسكت الظرف و فتحته
في اليوم التالي
ذهب الجميع الى عمله اما ماسة فذهبت لتجلس مع رندة في حديقة القصر
ماسة : اهو اتنين شاي بلبن و عددي الجمايل بقا يست رندة
رندة بضحك : ميرسي يختي
بعد شوية
ماسة : مش هتقوليلي بقا
رندة : اقولك ايه
ماسة : الي مخليكي كدة
رندة : مش فاهمة
ماسة : يعني انتي ليه دايما مش مهتمة بحاجة و ما بتتكلميش مع حد بالقصر ولا حتى بتشتغلي و كمان شكلك غريب كلك غريبة الصراحة
رندة : انتي عارفة ، انا كان شعري طويل اوي لدرجة انه كانو صحابي يقولولي انتي شبه روبانزل و كان لونه بني بس انا قصيته
و كان جسمي احلا من كده بكتير بس انا خسيت
ماسة : والله انتي مجنونة ، ليه تعملي بنفسك
رندة بدموع : علشان اتوجعت اوي ، و انكسرت من اكتر حد كنت بحبه بحياتي
ماسة : اتكلمي يحببتي ما تكتميش بقلبك
رندة بدموع و ألم : انا كنت بحب محمد جدا بس هو ما حبنيش و في يوم من الايام جيه وقالي انه بيحب وحدة من الشلة هي سارة و انا مقدرتش استحمل و قولتله اني بحبه ما قدرتش اكتم حبي ليه و مع كدا هو سافر و سابني و غاب تلات سنين
ماسة :و انتي قدرتي تستحملي ؟
رندة بابتسامة ألم : للأسف لأ ، كنت فاكرة اني هقدر انساه بس ما قدرتش ، دخلت حالة اكتئاب شديدة الدكتور قالي اي حاجة بتفكرك بحزنك تخلصي منها
روحت قصيت شعري و غيرت شكلي كله
وبعدها صار عندي لامبالاة في كل الامور و عدم اهتمام باي شيء غير نفسي
ماسة : يحببتي كل ده بقلبك ده انتي شايلة كتير اوي ، بس اوعدك ان محمد هيكون من نصيبك
رندة : ايه ؟؟ لا يماسة مستحيل افرق بين اتنين بيحبو بعض عشان مصلتحي الشخصية لا حرام سارة ملهاش ذنب
ماسة باستهزاء : طب اتلمي انتي هبلة يبنتي دي عقربة
عند آسر
آسر بعصبية : يعني ايه مش لاقين الملف
الموظف : والله يا آسر بيه مش عارف كان بالخزنة امبارح
علي : انت عارف الصفقة دي مهمة قد ايه
آسر بحزم : موعد الاجتماع يتأجل ، و معاكم يوم واحد بس تلاقو الملف و الا هطردكم كلكم
الوظف بخوف : امرك يآسر بيه
علي لآسر : تفتكر مين الي خده
آسر : معرفش بس ايا كان الشخص ده مش هرحمه
عند ديمة
حازم : ديمة ايه رأيك نتغدي مع بعض
ديمة بفرحة اخفتها تماما
وقالت : معلش بس عندي شوية شغل
حازم : يبنتي الشغل مش هيطير و موعد الغدا لازم تاكلي
ديمة : اممم خلاص اوك
حازم بابتسامة : تمام و ذهب
اما ديمة فقفزت وهي تصفق كالاطفال بيدها من شدة الفرح وقالت : دي شكلها هتحلو اوي
وعادت تكمل عملها بسرعة
عند ريناد
بتتصل على ماسة لكن مش بترد
بعدها اتصلت تاني و ردت
ماسة : في ايه يبنتي كل دي مكالمات
ريناد : ماسة ارجوكي الحقيني ملك تعبانة اوي و انا مش عارفة اتصرف ازاي
ماسة بقلق : ايه ده خوديها للدكتور بسرعة
ريناد بدموع و قلق : مش عارفة يماسة العربية عطلانة و رامي مش بيرد على الموبايل انا مش قادرة افكر حتى
ماسة : طيب يحببتي ابعتيلي العنوان و هكون عندك كمان شوية
ريناد : ارجوكي بسرعة ما تتأخريش
بعد شوية ماسة اتصلت بآسر
آسر : الو
ماسة : الو يا آسر
آسر باستغراب : ماسة حببتي في ايه
ماسة : كنت عايزة اقولك اني هروح لريناد بنت خالتي
آسر : ليه
ماسة : بنتها تعبانة اوي و هي مش عارفة تتصرف
آسر : لا ما تروحيش انا هبعتلها السواق
ماسة : بس يا اسر هي محتاجاني اكون جمبها
آسر بتفكير : طيب اجهزي شوية و اكون عندك
ماسة : انت الي هتوصلني ؟
آسر : اه
اخذ آسر ماسة و راحو لريناد البيت
وبعدها ذهبو الى المشفى و كشف الدكتور على البنت
الدكتور : احنا عملنالها فحوصات و هتطلع بكرا الصبح ، انا هكتبلها على دوا خافض للحرارة دلوقتي و بكرا ترجعي تاني
حملت ماسة البنت و قالت : يلا يا ريناد
ريناد بدموع : ماسة انا خايفة على ملك
ماسة : ما تقلقيش يحببتي هتكون بخير
ريناد : انا بجد مش عارفة اشكركم ازاي على وقفتكم جنبي
ماسة : ما تقوليش كدا
آسر : جوزك فين يا مدام ريناد
ريناد : معرفش
آسر : هو ما سألش عليكي ؟ ولا على البنت ؟
ريناد بدموع : لا مسألش و حتى لما قولتله انه البنت تعبانة مهتمش ابدا
ماسة : ده انسان زبالة انتي ازاي عايشة معاه
آسر : خلاص يماسة ، واكمل لريناد انتي هتيجي تقعدي في القصر الفترة دي لغاية ما البنت تتحسن
ماسة : بجد يريناد انا هبقا مبسوطة اوي
ريناد : انا مش عايزة اثقل عليكم
ماسة : انتي هبلة يبنتي البيت بيتك
في الليل
ماسة و رندة و ديمة و ريناد متجمعين بالريسبشن وكل وحدة عندها هم اكبر من التانية و بيشكو لبعض
دخلت منة : ازايكم يبنات
ماسة : منة حببتي اتفضلي
منة : انا عايزة اتكلم معاكي
ماسة : في ايه
منة : انا مش عايزة اكمل مع علي
ديمة بصدمة : ليه عملك ايه
ماسة : ليه يبنتي
منة : مش عارفة بس انا مش مرتاحة
ماسة : هو انتو لحقتو تتعرفو على بعض
منة : يماسة انا مش مرتاحة و كل شيء قسمة ونصيب و بابا اتكلم مع علي و نهى كل حاجة
ماسة : براحتك يا منة بس انتي الخسرانة
بعد شوية اتت فاطمة
وقالت : قومو يا بنات سلمو على سارة جاية تتعرف علينا و تشوف القصر
ماسة لرندة : عايزاكي تشدي حيلك بقا
ديمة : انا ما بطيقش البنت دي
ريناد بشك : هي مين سارة دي
رندة : البنت الي هيخطبها محمد
ريناد بشك اكبر : اممممم
نزلو البنات ورا بعض زي القطار
ماسة بمكر : اهلا اهلا بسلفتي المستقبلية
ومسكتها بعنف* و حضنتها و قالت : يختي الحلوة ومسكت شعرها وقالت : ده طبيعي ولا ضرباه
و بعدها اخذتها ديمة من حضنها وقالت : بس يماسة هاتي اتعرف على مرات اخويا الصفرة اقصد الحلوة
و ايضا حضنتها بعنف* شديد
سارة : اه ايه دا ابعدي عني
رندة بردح : ليه يا ختي لتكون مش عاجباكي ولا مش عجباكي
محمد بصدمة : ايه ده مالكم يا بنات في ايه
ديمة : ايه بنرحب فيها ايه
بقلمي همس كاتبة
اما ريناد فسحبت ماسة وقالت : ماسة الحقي
ماسة: في ايه
ريناد : البنت دي مرات رامي
ماسة : انتي هبلة يبنتي مراته ازاي
ريناد : والله العظيم انا عارفاها يماسة انا كنت خليت السكرتيرة بتاعت رامي تراقبه و هي صورتها و قالتلي انه اتجوزها اخر مرة
ماسة : يا انهار اسود ، دي هتتجوز محمد
ريناد : هنعمل ايه
منة : في ايه بتتوشوشو ليه
ماسة : البنت دي وقعتها سودة ، عايزة تكرش على كل حاجة
وذهبت باتجاه سارة وقالت : ازيك يا سلفتي المستقبلية
سارة بقرف : ابعدي عني شوية ، انا مش فاهمة آسر اتجوزك ليه واكملت لمحمد دي اشكال دي
ماسة بدأت تشمر عن ايديها وقالت : استعنا ع الشقا بالله
وراحت ماسكاها* من شعرها ووقعتها ع الارض
و رندة ما سدقت وشافت كدا راحت هجمت* عليها مع ماسة
وديمة قالت : استنوني عايزة اضربها* انا كمان
ريناد : وانا عايزة افش غلي كله فيها
وهجمت* عليها معاهم
و سارة بتصرخ* : ابعدو عني والله لاوريكم
منة بتتفرج وبتقول : جدعة يماسة اضربي* كمان شدو حيلكم يبنات
محمد بيحاول يشيل ديمة و فاطمة بتحاول تبعدهم عنها و صفاء كذلك
دخل آسر وعلي وعز الدين
و انصدمو من المنظر الي امامهم راح آسر قال بصوت عالي هز ارجاء القصر : كفاية ايه الي بتعملو ده
ماسة اول ما شافته استخبت ورا فاطمة و
البنات و قفو وراها
اما محمد ساعد سارة تقوم عن الارض
آسر بعصبيه : ايه الجنان ده في ايه
ماسة بدموع : شوفت يا آسر البنت الصفرة دي كنت بسلم عليها و برحب فيها راحت شتماني* و قالت انت ازاي تتجوز الاشكال دي
و حضنت ديمة و قالت : آه يا كرامتي الي تبهدلت بنص بيت جوزي
ديمة بطبطب عليها : آسر انت لازم تاخد حق مراتك
سارة : انتو كدابين انا مقلتش كدا دول هم الي ضربوني مش كده يا محمد
رندة : انتي تخرسي خالص و صفت جنب ماسة و ديمة وقالت : المعفنة دي هي الي شتمت
واشارت على سارة
آسر بغضب : ايه يا محمد الكلام ده صحيح
محمد : آسر هي فعلا سارة غلطت بحق ماسة بس انا كنت هتصرف لكن ما يصحش يضربوها* كدا هي ضيفة برضو
فاطمة : محمد معاه حق كلهم غلطو
آسر بغضب : لا عاش ولا كان الي يهين مراتي و كمان في نص بيتها و لو كانت غلطانة
سارة اعتذري حالا
ماسة نظرت لآسر بحب و فرحة
سارة بخوف : يا آسر بيه اسمعني
آسر بحزم : اعتذري من ماسة احسنلك
سارة بخوف وحقد : انا اسفة يماسة
ماسة بكبرياء : هانم اسمي ماسة هانم
سارة اخذت شنطتها و ذهبت غاضبة
وقفت ماسة بجانبها ديمة و رندة و ريناد ومنة مصفوفات مثل تلاميذ المدرسة
آسر : ايه ده هو انتو اتفقتو
البنات جميعهن حركن رؤسهن لاعلى ولاسفل
فاطمة : انا هتجنن منكم ، في حد يضرب حد كدا
ووكزت منة وقالت ؛ انا كنت فاكرة انك عاقلة طلعتي زيهم و لا كمان بتشجعيهم
في صباح اليوم التالي
نزلت ماسة عند فاطمة
فاطمة و بتقطع الخضار : بقولك ايه يماسة
ماسة : اه يطنط
فاطمة : بقالك قد ايه متجوزة
ماسة باستغراب : اسبوعين و شوية ليه
فاطمة : النهاردة هروح معاكي و مع ريناد عشان بنتها عايزاكي انتي كمان تعملي فحص دم
ماسة : ليه يا طنط انا كويسة
فاطمة : لا يبنتي بس عايزة اطمن عليكي يمكن مخبيالي حاجة حلوة
ماسة ولم تفهم قصد فاطمة : حاضر يطنط
و ذهبت ريناد وماسة و فاطمة الى المشفي
الدكتور: اهلا مدام ريناد كويس انك جيتي ، فحوصات بنتك طلعت و للأسف البنت عندها ……….
ريناد بصدمة و دموع : ايه ؟؟؟؟ ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية معشوقتي الشرسة)
