رواية معذبي الفصل السادس عشر 16 بقلم مروان فرج

رواية معذبي البارت السادس عشر

رواية معذبي الجزء السادس عشر

رواية معذبي الحلقة السادسة عشر

.
عند الساعة 1في اليل كنا مقعمزين برا رفعني محمد في حضنه ودخلني ل دار كانت حلوه وتهبل محمد كان مداير فيها جو حلو ونزلني وقالي: من هاللحظة حتكوني مرتي وحلالي وكل شي بالنسبة ليا من هاللحظة حتبدا حياتنا مع بعض حنكونو من هاللحظة جسد واحد وروح
وحده….بعدها شدني من خصري وحطني عالسرير …..
وجي فوقي وكان يشوفيلي بنظرات مغريه هلبااا ومركز ع عيوني وخصوصا ونا كنت لابسه فقطان الاحمر ومدايره حركات وجو 🤤
محمد…امممم تحبيني ي تقوي
انا…بطل جو عاد تعرفني نتحشم هلباا ني اسسسس وحطيت يدي ع فمه 😋
محمد….مانبيش بتقولي واللل نعرف شن ندير
انا…ههههه شن بدير يعني مش قايله
محمد….امممم وقرب ع فمي باسني بوسه طويله وقاليوتوا بتقولي ولالا🔥
انا….مش قايله شي نبيش وقعدت نضحك
محمد…مزال شكلك وباسني بوسه ع رقبتي لين دارت علامه حمره نا دبت وقوتلا نحبك
محمد…ونا نموت فيك ي تقوي وقديش لياا نستني ف اللحظه هادي وبدأ يبوس فياا في كل مكان فمي ورقبتي وخدي
انا….كنت دايبه وقاعده معاه والباقي تعرفوووه ي صايعين 🔥😂
عند الساعة 4الفجر نضت من العسل وامشيت درت حمام وكنت نتوجع هلبا وصارلي حتي نزيف ومحمد خاف علباا هلباا وكان مصر ان يرفعني للمستشفي
بس اني عناد ودلع🤤🔥 عندي هلبا وطول الليل مقدرتش نرقد من الوجع ومحمد حتي هوا مجاشي النوم وقعد ادير في المستحيل عشان انصح كان داير باله مني وكل مره يقولي نرفعه للمستشفي بس انا نقوله لا قعد مارقدش معاي وقعدنا نايضين لعند الساعة 7رقدنا وكان اليوم هذا جمعة
عند الساعة 11الصبح اني مزلت ناعسة ونبي نرقد بس محمد مخلانيش وجي نوضني وعطاني بوسه طويلة واني لان زعجني عضيت شفايفة عشان مرة تانية معاش اعاودها😂🔥
محمد: صباحو يا شريرة …معقوله هادي بوسه اول صبح مع بعض
انا: مقالك نوضني تعرفني مرقدتش بكل امس
محمد: قعدة تتوجعي ي قلبي
انا: لا مش هلبا بس قاعد الوجع
محمد… اممم تعالي في حضني …وجيت زي البيبي قعدت في حضنه وطبعا هوا لازم يزعجني من كر شعري من بوسات يلي مستحيل ايمل منهن من هلبا حاجات
محمد …انحبك ونبي ناكلك
اني..عادي نعطيك تاكلني بس متسيبنيش بروحي
محمد: معقوله تبيني انسيب هالعيون والشفايف والحب والطيبة والقلب هدا والحاجات هادم كلهن🤤
انا: شكلك متملش من البوس سادك عاد
محمد: في حد يمل من العسل والجمال هدا …لو انبوسك طول الوقت مستحيل نشبع هههه
انا بس اني شبعت هههه
محمد: والله😒
انا …اي ….وزي المجنونة قربت منا واعطيته بوسه علي رقبته وقلت: انموت فيك🤤
محمد: نبي وحدة اخري مشبعتش
انا.. اووووس سادك صياعة اليوم واني جيعانه هلبا
محمد…من عيوني انجهزلك احلي فطور بس بشرط تعطيني بوسه نتحلي بيها قبل عشان حتني قاعد مافطرتش
انيا محمد عادد….وفجاة نط عليا وخدي بوسه لحتي شبع وناض اجهز في الفطور اما اني ف كنت زي االاميرة يلي مش مصدقة هاللحظات والحب ومتبيش هاليوم يتم ….وجي حبيبي وحب حياتي جابلي احلي فطور كان دلاع وفرواله وكرز وعنب ونوتيلا وعصير وكان فطور حلوو🔥
انا.. اووووه يسلمووووو …اممم احلي شي الفراوله مع النوتيلا خيال
محمد… صح زي شفايفي لما يجتمعو مع شفايفك🔥🤤
انا: ههههههه شن صايرلك انت اهدي شوي
محمد: جننتيني وهبلتيني بجمالك واغرائك ليا
انا..: احم …اااا الجمعة بعد شوي بتادن
محمد: هههههه حتي سامطك انحبها
انا اكيد
محمد: من عاطيك الثقة هادي كلها
انا: حبك ليا وشخصيتك امعايا خلوني انكون هكي
محمد: نحبك
انا…. هههههههه مجنون
وكملنا فطور وكان الجو حلو وكنت لابسه فقطان قصير وحلو ومدير روج وكل شي نغري في محمد ونجرو وراي بعض زي المهبله جي وقت الظهر ولبسنا وروحنا لحوشنا وصلنا قدام الحوش ونزلت لقيت اسراء قاعده قدام الحوش تحمشت هلباا منها عشان كان واضح مكان البوسه في رقبتي🤤🔥😂
اسراء.. اووووه العرسان شرفو
انا..ههههه عرسان شني هادي خلاص قدمنا
اسراء ..اي واضح هلبا عليكم واشرتلي لرقبتي
محمد…تحشم هي اسراء الهي لروحك
محمد…تقوي اني فوق بالله عليك اركبي وجهزيلي العربية وقت راهو
انا :من عيوني🤤
اسىراء..اشييييه و معاكسات ودلع امعاها
انا :هههه ….وجيت بنركب فوق تلاقيت مع الحية عمتي
عمتي: حتي صباح الخير مفيش😏
انا لا بس مشفتكش
عمتي: محمد امشي فوق وعقلك نبيه امعايا توا
اني…حاضر تفضلي
عمتي: اليوم امدايرة عزومه لاهلي زي ماتعرفي مرت خوي جابت ولد واني اليوم عازمتها …يلي نبيه منك انك تخلي الصاله يلي فوق تلمع لمع ولا غبرة نبيها فيها واول متكملي تعالي للمطبخ وديري شكلين معجنات 60طرف واخر شي نبيك تلبسي احلي شي عندك لان اهلي بيجو ومانحبش نشوف شي مش حلوو🔥
ومش ناقصني هزوة اني ونبيك اتكوني راقية وكان تبي ادروس قولي ل إسراء اتعلمك وخطا صغير منك اكلف عقوبه كبيرة …اركبي توا
انا: حاضر ….وامشيت قعدت انخمم شن بنظفهلي بروحي وهيا اكبر حتي من حوشنا واني مريضة ومش قادرة نتحمل …يارب اوقف امعاي …وخشيت لحوشي وحددت العربيه واعطيتها لمحمد
محمد: تقوي شن في خيرك مضايقة ووجهك اصفر خيرك دابله🥺
انا: لا شي بس تاعبة شوي
محمد: انتي عنيدة ومتسمعيش الكلمة قتلك نرفعك للدكتوره متبيش
انا.. خلاص توا اندير حاجه نتريح …وقرب مني ومسك يدي وباسني وقال: اهم شي عندي راحتك ديري بالك من روحك❤️
انا: تمام ….وطلع وعالسريع لبست سروال جينز مع بلوزة عنابية و وشاح ازرق وامشيت للصاله وصبيت في النص حايرة من اي جهة بنبدا اووووف شن هذا تحسابني حديد هادي تبي 3عليها وبديت انظف وانرتب وانعطر وانلمع وفجاة طحت علي طولي خلاص معاش قدرت نوقف والنزيف بدا من جديد واني بديت انغيب عن الوعي خلاص🔥
_____________$$$$$_________
‏
عند محمد
محمد: اسراء وين تقوي منزلتش امالا
اسراء مشفتهاش
محمد… غريبه 😳 نمشي انشوفها لاني اتصلت بيها متردش والغدي طاب
عمتي…محمد تعال نبيك في موضوع
محمد: نعم ياام
عمتي..امشي ل موزارت وخود منا كيك اليوم بس امدايرة وبكلاوة نببهم توا معاش في وقت
محمد: تمام يام بعد الغدي تو انشوف
عمتي: خلاص الغدي واتي تعال عالطاوله خوتك كلهم جو
محمد: قصدك تبيني انقعمز وتقوي مجتش
عمتي…تقوي كلمتها اني توا وقالك نازله
محمد *غريب اني مردتش عليا *
عمتي: هيا يعني لازم انراجو حضرتها لما تنزل خلاص وقت الغدي معروف والدلع الزايد مش امعاي🔥
محمد: من ادلع عليك ياام ولا تبي اديري دوا من غير سبب وقاطعتهم في نص الكلام
انا…اهلا…اسفة عالتاخير☺️
عمتي: اخر مرة مره تانية معاش بنراجو
انا.: حاضر
وقعدنا ناكلو ومحمد كان يشوفيلي وماحولش عينه من عليا كانه حاسس بوجعي وجرحي اما اني ف قعدت انبش في اكل وخلاص معنديش نيه بكل
محمد:…تقوي خيرك معجبكش الغدي ولا شني
انت: لا بالعكس حلو
اسراء..: بالك اتوحمي
اني ومحمد قعدنا انشوفو لبعض ونظراتنا اتقول وحم شني واحني امس بس كنا مع بعض😅
انا: لا لا
اسراء :وليش لا بصراحة نبي انكون عمة
امحمد: خلاص اسراء تحشمي واعقلي
عمتي… مزال صغار علاش مستعجلين…؟وشافتني بنظره😐
وكملنا الغدي وامشيت للمطبخ انظف في الكويجينة من غير مساعده حد لان اسراء اتجهز في روحها وتبي ساعتين باش اتكون في احلي طله اما اني قعدة غارقة في المطبخ والوجع كل شوي ايزيد ويزيد🔥
عند محمد
محمد..امي تقوي متعبيهاش هلبا لانها مريضة اليوم
عمتي: مرض شنو وهيا كيف الحصان …بعدين متامرش عليا واني يلي انقوله ماشي فهمت
محمد: اني دويت ولو القيتها مريضة اكتر صدقيني محمد يلي قدامك يتحول لاحمد اخر
عمتي…شافت لمحمد بنظره يعني مش مدوراته بكل ولاعبرت كلامه
جت الساعة 3وكان المطبخ نظيف واني قعدة فيه انفكر في شي معجن انديرة وخطرت علي بالي بكلاوة حارة و شاورما …وبديت عاد وجهزت كل يلي نبيه وخشت عليا عمتي
عمتي: ماشاء الله لعند توا عاجبتيني
انا:سلمك
عمتي :قبل مانمشي نبي انقولك ان كل شي بيني وبينك منبيشي ايكون عند محمد فهمتي والا تشوفي شي عمرك مشفتيه مني😳🔥
انا: تمام حاضر
عمتي :شطورة حبيبتي كملي شغلك هيااا بسرعه
عند الساعة 5كملت كل شي وامشيت انجهز روحي واني منتهية عالاخر خلاص نتوجع بكل قوة وفتحت الدولاب وقعدت نختار ولقيت قفطان طويل دانتيل لونه حني وهوا كت مرسوم عليا رسم ودرت مكياج وشعري درته تسريحة الوردة ونزلت خصلات من شعري ونزلت انوتي في القهوة وخش محمد بعدها
انا…اهلين حبيبي
احمد: تعرفي من جمالك معاش نتحمل خلاص ….وقرب مني وباسني وعمتي شافتنا واني قعدت انبعد فيه بكل قوتي😳🔥
محمد: شن في خيرك
انا…لا شي بس خفت انا حد يشوفنا
محد….خوافه
انا…خلاص محمد امشي توا
محمد :اوكي توا بس بعدين ليلتك ليله💋
وقعدت انجهز في القهوة وخشت عمتي
عمتي: الواضح ان علاقتكم حلوة هلبا صح
انا: ااااءءء😳
عمتي… هادي تاني مرة انشوفك وكلمت حتي مره عليها اللقطه هادي وبادن الله رح تكون او مرة انشوف لقطة زي هادي في بيتي حبكم وعشقكم في حوشكم مش هنا فهمتي ولالا ي تقوووي
انا..تحشمت هلباا ونزلت راسي اسفة وان شاء الله معاش تتكرر
عمتي: وين المعجنات يلي درتيهن
اني: تفضلي ان شاء يعجبوك……وقعدت اذوق فيهن وشكلها مش عاجبينها
عمتي: هادي شاورما هيا حشي النعمة وخلاص وهادي بكلاوة ولا عفن ….انتي تبي تفضحيني ولا شني
انا: اسفة بس نحسابهم جو تمام
عمتي: خوديهم ولوحيهم للسعي ورد بالك انشوفهم عالسفرة ….😳💔
اني :ليش هما مش ناقصهم شي والله درت المستحيل عشان ايكون طعمهم حلو!
عمتي: نفدي يلي قتلك عليه من غير اعتراض
انا…زعلت هلباا وقعدت الدمع في عيني بس مابتيش ندير مشكله بكل سكتت وقوتلها حاضر
عند الساعة 6جو كل المعازيم وقعمزو في الصاله واني واسراء علي رجل وحدة في المطبخ انوتو في القهوة والعصير واني كل شوي ازيد عندي النبض بسرعة ونزيف بس ننحمل وخلاص
وجيت قعمزت احداهم وبدو تعليقات عليا وعلي لبسي ومكياجي وحتي عمتي امعاهم واتي مقدرتش نتحمل طلع للحديقة وقعدت نبكي ونتوجع علي حظي ونتمني ان كحمد جنبي وبعدها مسحت ادموعي وخشيت وتلاقيت مع عمتي
قتلي امشي قعمزي احداهم وجيت قعمزت احدا سراء وبعدها خشت عمتي بالسفرة وبدت اتوزع عليهم كلهم الا اني كنت مش محسوبه
اسراء: نسيتي تقوي ي ماما
انا: لا عادي من الحوش اني بعدين ناكل
عمتي: سوري غلطت في الحسبة
وقعدو ياكلو واني نضت وامشيت للمطبخ خديت شكلاطة لان شكلي بيغمي عليا وجت ورايا اسراء
اسراء …اضايقتي صح😐🔥
انا لا عادي من زمان نعرف ان عمتي متحبنيش
اسراء : نتاسف عليها عالمواقف يلي دارتهن والله يحشمن
انا: لا عادي منيش امدورة
وقعدت اتقلب في الميكرويف والقت فيه الشاورما والبكلاوة وكلت منهن
اسراء : وااااو اهبلو طعمتهن ليش ماما نستهن….تعالي دوقي تقوي
اني: كليت منهم امبكري
اسراء: من امدايرهن ….ااااا معناها انتي يلي …
اني: اي
اسراء ي: والله ماما بدت تخرط الله شن هالوقاحة هادي درتيهن وتعبتي فيهن عالفاضي
انا.. عادي انسي
وروحو المعازيم وجي وقت الكويجينة بس اني معاش نقدر اكتر
عمتي: يلا المطبخ يستني
انا.. اسفة منقدرش رجلي توجع فيا هلبا
عمتي: مفيش عذر رجلك توجع فيك قعمزي علي كرسي
انا: نمشي نتريح شوية وانجي…وجيت بنمشي جت عمتي دفتني بكل قوتها عالحيط وراسي صارله
صداع ….والمفجاة اناا محمد شاف الموقف…..🔥🔥😳