رواية عافك الخاطر الفصل الثالث 3 بقلم رويدا القاضي

رواية عافك الخاطر الجزء الثالث

رواية عافك الخاطر البارت الثالث

رواية عافك الخاطر الحلقة الثالثة

كريمة: بدت الايام تشبه بعضها معاش نميز فيها وتعاملي مع قيس كان محدد نطيبله نضم ونغسل وبس وفات شهر هو في دار وانا في دار👌🏻 لكن حطيته في حجمه الصحيح …. ومانبيش نكذب
ونقول انه يكلم فيا ….
وفي يوم بعد مافات عليا شهر من الرجعه لحوش قيس جاني وانا مقعمزة …
قيس: نوضي البسي بوك للي ناكر فيك تفكرك وقال يبيك تمشيلهم للحوش…
كريمة: ناكر مستعرف مش موضوعك ماطلب حد رأيك في عيلتي…
قيس:بهزوة ريت هالعيلة….وخلاص.
طلعنا ووصلنا حوش بوي حطني وطلع بدون اي كلمة ولا اي حرف …نزلت ومش خاطري نخش للحوش للي شفت فيه جتث اختي المكان معاش في قلبي وعقلي ليه كان الوجع…..
عائشة: جيت نجري حضنتها اهلا بنتي حبيبتي …اه ياقلبي قداش اشتقت نشوفك ..
كريمة: بكل برود لانه مليت وتعبت من ضعف امي للي دفعنا انا واختي ثمنه ….شن فيه كيف حن عليا وطلب يجيبني هذا وين تفكر انه عنده بنت في موت اختي يشوف فيا منهارة ماكلفش روحه يضمني ويقولي كلمة توسيني….
عائشة: الله غالب هذا بوك وماعندنا مانديروله
مانقدروش نعصوه …
كريمه:هذا للي خلانا هكي شن فيه علاش يبيني انجئ.
عائشة: الليلة فضانية محسن ولد عمك…
كريمة: وشن علاقتي بيه الحقير شن متوقعة نمشيلهم…
فتحي: اكيد بتمشيلهم وغصبن عنك …..
كريمك: سكتت ومعاش تكلمت لانه لو رفضت نعرف النتيجة شن …..
ولكن للي صار كان صدمة رغم رفضي للمشي لحوش عمي الا انه بعدين حمدت ربي لانه ومشيت ….
قالى تعالى{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ ﴾ [البقرة: 216]
لطيفة:😏 توا الليلة بيشوفوا قهرتهم بعيونهم
بيندلوا دل قدام الناس ….
مسرة:خاطري نشوف وجوهم كيف ….
كريمة:شوية وخشينا لحوشهم الاغاني وهما الفرحة باينة في عيونهم انقهرت ولكن في نفس الوقت انجبرت نسكت خوف من بوي….
عائشة: نشوف فيهم كيف يغمزوا ويتكلموا علينا
ولكن ماتحركتش من جنب بنتي….
كريمة: هما فرحانين وانا نحسبن فيهم في خاطري لين سمعت صوت دوشة في الجنان متع عمي وصوت تفجير طلعنا كلنا نجروا لقينا النار والعه في جيهة الخلفية من الحوش بدت الفرحة تنقلب لعياط … وكل واحد ايدير بأصله بديت
نجري ونحاول نطفي معاهم النار وانا نطفي معاهم ونطلعوا في للي نقدر نلحقوا عليهم خديت شنطة الاوراق والمستندات متعهم وبعد طفت النار كل واحد روح …..
من الرعشة لقيت روحي مروحة بالشنطة معاي خشيت لداري القديمة انا وكوثر ….
فجأة تفكرتها خديتها وفتحتها ومن ضمن الاوراق كانت ورقة تخص كوثر تشخيص الطب الشرعي ….
ونقرأ ودموع عيوني ينزلوا لعند وصلت في سطر مكتوب فيه انها مازالت عذراء هنيا حسيت روحي بنموت مش قادرة نتنفس اختي كيف ماتت بدون
ماحد فينا يفكر في الدكتور الشرعي او بالاصح
الحقير للي قتلها كان نويها ….
خديت الورقة واول مرة من وقت رجعت مع قيس نتصل بيه خديت هاتف بوي وقتله بنكلم قيس منك اتصلت وقتله تعالى نبي نروح…
قيس:راك تقولي اشتقتيلي…
كريمة: خلاص تلاقاني نستنى فيك سلام توا…
وصل قدام الحوش ضرب منبه عرفت انه وصل وقفت قدام بوي حق نسيت هاذي شنطة متع اوراق حوش عمي مبكري لما نطلع معاهم لقيتها…
فتحي: شكرا يابنتي اليوم تعبتي هلبا…
عائشة: امتا بترجعي اتجيني .
كريمة:امتا مارب يسخر في حفظ الله طلعت وركبت السيارة وانا مش قادرة نشد دموعي من الحرقة الطريق كلها وانا نبكي بعبرتي…
قيس: وقفت ع جنب شيرتلها اميه مهما كان كانت في من الايام حبيبتي ….هاك اغسلي وجهك
واشربي اميه….
كريمة: وانا خانقتني العبرة مانبي منك شئ ….
قيس: فتحت الشيشة وقفت ع جنب الطريق غسلت وجهها غصب واعطيتها تشرب فهميني شن صار معاك بوك شن دارلك غادي…
كريمة: ع اساس انت بدافع عليا ولا يهمك امري.
قيس: ومن قلك مايهمنيش…شن صار معاك نبي نفهم…
كريمة: واحنا قاعدين نحكوا طلعت الورقة شوف واقرأ توا تفهم.
قيس: كانت صدمة بالنسبة ليا الورقة مختومة واضح انها حقيقية مش تزييف ولا تلفيق حسيت روحي تافه في كل حاجة درتها فيها….
كريمة: حسبي الله ونعمة الوكيل فيك وفي محسن وفي كل حد تكلم ع اختي وشرفها ويعلم الله انها كانت مظلومة…
وصلت الحوش خشيت لداري جاء قيس ورايا
قيس: اسمعيني كريمة نبي نتكلم معاك ….
كريمة: في الباب شن تبي تكلم نسمع فيك مش لازم تهش الداخل.
قيس: انا عارف جرحتك وقسيت عليك لكن انا طالب فرصة بس باش نوقف جنبك ونكون عون ليك …
كريمة: ايام جاتك الفرصة لعندك نترجى فيك ماتمشيش وتخليني اعطيتني بظهرك …انا معاش بحاجتك …وسكرت الباب في وجهه.
قيس:كريمة افتحي عيطي عليا وسبيني واديري للي يعجبك فيا …. ولاردمنها عرفت انه لازم نرضيها بأي ثمن ونرجعها كريمة الاولى فقت الصبح جهزت الفطور وخبطتت عليها الباب فتحت …. وقعدت تشوفلي…
كريمة:تحساب لو درتلي فطور وجبته قدام الدار بنسامحك تحلم….
قيس: انا في حقك لين ترضي وهذا واجبي وانت تعبانة …. اعطيني الورقة متع الطبيب الشرعي .
كريمة: في حد قلك انا بلا عقل باش نضيع حق اختي مرة ثانية….
قيس:بلاش انت افطري والبسي واطلعي معاي ونقولك شن بندير…
كريمة:فعلا لبست وطلعت معاه ثاني مرة نطلع معاه بعد ماروحت معاه وقف قدام مصور …
قيس: انزلي باش تتأكدي من الشئ للي نبي نديره…
كريمة:حول اكيد بننزل بدون كلامك هاذي…
قيس: شفت الورقة هاذي نبي منها ميه ورقة ع اسكنر توا….
كريمة: نشوفله مافهمتش شن يبي ايدير بالزبط اخدينا نسخ وركبنا السيارة ….
قيس:بنمشي انا وياك لحوش امي خواتي الكل غادي….
كريمة:تتمهتك انت ولا شن اديريالزبط من حبهم ليا رافعني ليهم….
قيس:نوصلوا توا تفهمي علاش…
كريمة: وصلنا قدام حوش امه نزلت شد في يدي ماقدرتش انحي يده قدامهم…
صالحة: تشوف ومصدومة شن جايبها وارضي عليها غسلتلك دماغك عاد…
قيس:خديت نسخ ومديتهم للكل من اليوم كريمه مرتي وشرفها شرفي وللي يفكر يغلط فيها يعتبر نفسه غلط فيا انا واختها الله يرحمها مانقبلش حد يتكلم عليها ….
كريمة:نشوف فيهم مصدومين حسيت بشوية رضى ع تصرف قيس للي داره اقلها حسيت كرامتي جزء منها رجعلي…..