رواية معاناتي الفصل التاسع عشر 19 بقلم يارا

رواية معاناتي الجزء التاسع عشر

رواية معاناتي البارت التاسع عشر

رواية معاناتي الحلقة التاسعة عشر

عند هناء ……….
هناء لنفسها: ياترى فعلا كان الوضع اختلف لو عمر هو اللي طلب الفرصه دي ولا كنتي هترفضي؟!
فاقت من صوت تخيلها على صوت آدم وهو بيقول ………
آدم بحزن: عارف انك مش هتقدري تجاوبيني لأن ……. لأن مع الاسف انو لو كان عمر كنتي هتديله فرصه عادي جدا ……… انا عارف انك محبتنيش انتي بس اتعودتي على وجودي ……. اتعودتي على شخص بيحبك وبيهتم بيكي ……. اتعودتي اني بديل ل عمر ………
وقتها آدم مقدرش يمسك دموعه وعيط …… عيط بحرقه و كأن فيه حد اخد منه روحه واكتر حاجه بيحبها ……. عيط زي الطفل اللي فقد لعبته الغاليه أو أمه ……….
هناء فضلت ساكته مرضتش ترد بس نزلت جنبه على الأرض واخدته في حضنها وعيطت على عياطه …….. بس السؤال هناء عيطت على عياط آدم ولا عشان حياتها المدمره زيه؟! ……….
عند عمر ………….
نور: انا بخيرك انا أو هما؟!
عمر بعصبيه: اي اللي انتي بتقوليه دا ……. متقوليش كدا هما اهلي وعيلتي وانت حبيبتي …….. ارجوكي متعمليش كدا ……..
نور بسخريه: بس انا مش حبيبتك انا بس واحده اعجبت بيها لمجرد أنها مهم ليها تشوفك مبسوط ……….. متكدبش انت علطول كنت بتقارن في عقلك بيني وبين هناء بس اللي طلعت بتخفف عنك هي انا عكس هناء و دا بس اللي خلاك تختارني عنها مع انها لو كانت حست انها مقصره معاك حتى ولو كصديقه مش حبيبه كانت هتقف جانبك وتخفف عنك احسن مني ……..
سكت عمر ومش عارف يقول اي لأن فعلا كلامها حقيقه …… وبالنسباله كل ما يتذكر اسم هناء قلبه يدق وكل ما يحاول يقرب من نور كان قلبه بيوجعه زي ما يكون قلبه بيدق ل هناء وبس …. بس هو كالعاده بينكر دا وفاكر أن سعادته مع نور ……. وهو طبعا مش هيقدر يقول ل نور كل دا لانو هيجرحها بس ما قالها بحبك ………..
عمر: يا نور ارجوكي اسمعيني خلينا هنا ولو انتي عايزه تدرسي بره معنديش مانع بس متسبنيش ولا تجبريني اوافق أو اختار بينكم ………
نور بعصبيه: انا قولتها مره انا ولا هما؟؟
عمر: يا نور انا لو هختار مش هقدر اختار غير اهلي وعيلتي …….. اسف بس انتي اللي صممتي اني اختار ………
نور بضحكه مصطنعه بتحاول تداري بيها وجعها: بس هو دا اللي كنت حابه اسمعه اتمنى انت كمان تسمعني ……. عمر انت بتحب هناء ومجنون بيها اكتر من اي حد بس انت بتكابر مش عارفه ليه وايه اللي حصل يخليك تبعد عنها وتسيبها ل غيرك بس خليك فاكر انك أحق واحد بيها ولازم تاخد حقك ومتسبوش لحد تاني لأنك هتتوجع اوي لو سبتها تروح منك ………
كان عمر لسه هيتكلم لقاها اتبخرت وكأنها كانت خيال حتى مذكراتها اختفت ……..
عمر لنفسه: معقول كل دي تخيلات وهي مكنتش موجودة؟! معقوله كدا! بس مهما كان هي معاها حق هناء حقي وملكي ولازم هتكون ليا ……. انا واثق أنها لسه بتحبني ومش هتسيبني وهي الوحيده اللي هتراعيني ومهما حصل مش هسيب خوفي يضيع مني حبي ………
نور كانت بعيد بعد ما اخدت مذكراتها ومشيت عشان متسبش اي اثر في حياة عمر كانت بتقول ………
نور بدموع بصوت همس: ايوا كدا خليك قوي و دافع عن حبك متتخلاش عنها …… انا يمكن قلبي اتكسر بس انا مبسوطه انك مبسوط وهكون مبسوطه اكتر لو شوفتك مع هناء ………
عند هناء ………..
آدم: انا اسف اني بضغط عليكي انا عارف اني مكنتش في قلبك ولا ليا مكان قلبك كله ملك ل عمر ……. اسف اني حاولت اتملكه وهو مش ليا ……. عارف انك حاولتي بكل طاقتك تنسيه وتكملي معايا بس مش بأيدك ولا بأيدي اني حبيتك بجنون بس لازم الحب الجنوني اللي من طرف واحد دا يقف ……..
قام آدم ووقف وقال ……..
آدم بحزن ووجع: اسف بس حتى لو هترجعيلي انا هرفضك لاني شايف نظره الشفقه والحزن عليا في عيونك وانا مكنتش عايزك تحبيني حب شفقه انا بس كنت عايزك حب حقيقي ……. انا هسافر ومش هرجع عشان انسى ذكرياتنا وحبي ليكي يمكن ينتهي …… بس ……. بس هتفضلي حب الاول والاجمل ديما ………
مشي آدم وسابها وهي انهارت ………..
هناء بعياط: ليه كدا بس ياربي تخلي قلبي يتعلق بواحد ولا حاسس بيا وواحد بيعشقني للدرجه دي مش قادره احبه ……. اسفه يا آدم انا جرحتك كتير بس اكيد هتلاقي حبك اللي بجد ……… انت ديما هتفضل الافضل بالنسبالي ……..
رجع عمر البيت وبدأ يفكر ويخطط هيعترف بحبه ل هناء ازاي ……..
هناء رجعت كانت مرهقه دخلت نامت حتى من غير ما تكلم مامتها ………
تاني يوم ………
فون هناء رن الصبح ………
هناء بتعب: الو!
عمر: اي يا كسلانه لسه نايمه لحد دلوقتي ………
هناء: عايز اي يا عمر عايزه انام تعبانه ………
عمر: طيب يا كسلانه اصلك محكتليش امبارح عملتي اي في الشغل ف قلقت شويه ………
هناء بتوتر: قلقت ليه؟! كان يوم شغل عادي يعني ……
عمر: اه عادي قولتيلي طيب هحاول اصدق بس هستناكي النهارده الساعه 7 في مكانا المفضل متتاخريش ……..
هناء: طب ……….
قفل عمر الخط قبل ما تقول اي حجه وكانت لسه هتقوم تلبس ……. جالها مكالمه تاني ……..
هناء: الو اي يا عبير ( زميله هناء في الشغل ) هلبس وجايه اهو ……..
عبير: طب كويس اني لحقتك متجيش ادم بيه ساب الشركه ولسه مش عارفين مين المدير الجديد ولازم نستنى فالنهارده اجازه لحد ما يبجي مديرنا الجديد ………
هناء: ايه؟! طيب تمام
قفلوا وهناء فكرت آدم مش هيبعد بس طلع فعلا كلامه جد …….
هناء: بتمنالك السعاده في أي مكان تروحه يا آدم أو يا افضل حد في حياتي …….
الساعه 7 على البحر ……..
هناء كانت لابسه فستان اسود بلون الليل وطرحه سوده وكانت كأنها جزء من القمر ونزل على الأرض …….
كان وقتها عمر مجهز ليله شاعريه عشا رومانسي ومزيكه وقهوه عشان هما الاتنين كانوا من عشاق القهوه وحاجه منتهى الرومانسيه ………
اتصدم عمر من جمال هناء وقال ……..
عمر: لقد عجز لساني عن وصف كل هذا الجمال …….كيف لي انا أن امتلكه ………
هناء بضحك: اي يا ابني الكلام دا مش فاهمه منك حاجه واي القعده الجنان دي كان نفسي فيها من زمان ……..
عمر بضحك: طول عمرك هبله وملكيش في العمق يعني النهارده انتي طالعه زي القمر ……..
هناء بغرور مصطنع: طول عمري قمر اصلا ……..
ضحكوا وبعدين اخدها عمر واتعشوا سوا وفجاه وهما بيرقصوا ……. نزل عمر على ركبته وطلع خاتم من جيبه واتقدم ل هناء ……..
هناء بصدمه: ايه؟! دا بجد انت بتتقدملي يا عمر ……..
عمر: اقسم بالله المره دي مش بضغط من حد انا فعلا بحبك وعايزك في حياتي وانا قدام ربنا بوعدك اني هرعاكي ومش هخليكي تزعلي ابدا ……. ارجوكي سامحيني و ……. ووافقي …… عشاني ارجوكي ……..
سكتت هناء فتره وبعدين قالت ……..
هناء: موافقه انا بحبك اوي يا عمر ……..
اول ما قالت كدا عمر لبسها الخاتم وحضنها ولف بيها بس ……. بس مع الاسف كان شايفهم نور و آدم بس كالعاده متقابلوش …….
آدم و نور في صوت واحد مليان حرقه ووجع: ربنا يسعدكم ديما يارب …….
وهنا سمعوا اصوات بعض اتصدمت لما شافته لأن فعلا آدم طلع هابي ……..
جريت عليه وحضنته بحضن مليان حب وحرقه وعتاب …….
نور: بحبك يا هابي …… ومش عايزه اعرف سبب بعدك عني وانت اكيد عرفت انا اتحررت ازاي بس كل دا مش مهم المهم اني بحبك انت حبي الاول ……. بحبك اوي ………
حضنها هابي وقرر يكمل معاها حياته ……. ومن هنا تبدأ قصة حبهم الجميله مع بدايه قصه حب هناء و عمر ………..
الحمد لله تمت❤️