رواية مجنونتي الفصل الثامن 8 بقلم نورهان محمد

رواية مجنونتي الجزء الثامن

رواية مجنونتي البارت الثامن

رواية مجنونتي الحلقة الثامنة

نور بضحك: والله كان عيل ابن حرام يلا بقا الله يرحمه والله كان هيكون راجل كويس فى المستقبل البعيد
رحمه: يخربيتك جوزك هيقتل الواد
نور: ياشيخه سبيه يتربى
ديما: انا بقول يلا احنا بقا علشان اتاخرنا جامد هبقا ارن عليكى تاني بليل بقا يلا باى
رحمه: يلا انا كمان همشى باى
نور: ماشي باى
اتجهت نور الى ادهم
نور: خلاص يا ادهم سيبه ده انت مسبتش فيه حته سليمه
كان ادهم لايرى شئ امامه فهو كان يضرب بلا رحمه فكيف لاحد ان يتجرأ ويحاول ان يضايق معشوقته أدهم لديه حب التملك والغيره الشديده فهو لا يخشى شئ
اقربت منه نور ومسكته من كتفه
نور: خلاص يا ادهم تعالى بقا
ادهم بصوت جحيمى: ادخلى العربيه
نور بعناد:مش هدخل يلا بقا
ادهم بعيون حمراء: بقولك ادخلى
نور وهى تلوح بيدها وتتجه الى السيارة: ياعم خلاص انت حر ان شاءلله يبلغوا عنك وتروح فى كلبوش انا مالى اصلا مش فاهمه
انهى ادهم على الشباب تقريبا ف هو لم يتركهم الى وهم ارضا
اتجه ادهم الى السياره بغضب شديد
نور: ادهم
ادهم: يا نعم
نور بعيون طفوليه لتستعطفه: احيات امك عاوزه اكل
ادهم ببرود: عاوزه تاكلى اى
نور: عاوزه اروح ماك
ادهم: ماشى
نور: تشكر يا عم ادهم والله خيرك مغرقنا
صمت ادهم ونور حتى وصولهم الى ماك
نور: بص بقا انا عاوزه وجبه كبيره ومعاها كولا علشان بحبها ولو ينفع يعني تجيب الكولا كبيره
ادهم بتنهيده: حاضر يا نور
نور: تسلم ياابو الصحاب
ادهم بقرف: ابو الصحاب
ذهبت نور وجلست على طاوله وانتظرت ادهم يذهب اليها بالطعام
بعد وقت اخذ ادهم الطعام واتجهه ل نور
ادهم: اتفضلى يا ست نور عاوزه حاجه تانيه
نور: لا ياسطا حلو كده
ادهم: اطفحى يانور وانتى ساكته
نور ببسمه بلهاء: حاضر
انتهت نور وادهم من الطعام وخرجوا ليتجهوا الى البيت
نور: ادهم
ادهم: ربنا يستر ادخلى بالمصيبه الجديده
نور بإستنكار: انا برضو بتاعت مصايب بزمتك يا راجل
ادهم: اطلاقا انتى اهدى من اى حد ربنا يحميكى والله
نور: تسلم ياسطا بس كنت عاوزه حاجه صغننه قد كده 🤏
ادهم: استر يالى بتستر قولى
نور ببسمه واسعه: عاوزه ايس كريم وشيبسى وشيكولاته وحبه حلويات يعني
ادهم بصدمه: متاكده ان كل دول حاجه صغننه قد كده 🤏
نور: اه ووالله ده انا حتى مردتش اطلب بضمير علشان الميزانيه متخرمش منك يلا عد الجمايل يا باشا
ادهم: متخرمش
نو: اه عارفه عارفه والله انى مضحيه معلش بقا انا خساره اصلا فى البلد دي
ادهم: نور الليهى تنسترى دنيا واخره اسكتى
نور: ماشي ياعم اى ده كل ده علشان طلبت منك حبه حجات
ادهم: المشكله انى لسه جايبلك امبارح ومكفوش
نور: انت ال بتجيب عينات انت بتجيب حبه صغيرين اشمهم يعني ولا اصورهم
ادهم: خلاص يانور حاضر
نور بفرحه: هاااااا شكرا يا عم ادهم يا جامد
ادهم بضحك: ماشي يا ست نور
ذهب ادهم ليجلب لها ما تريد اشترى الكثير من الشيكولاتة والبيبسى احتياطى ف نور قالت انها تحبه وجلب لها شيبسى والكثير من التسالى
خرج ادهم ومعه أكياس كثيره ووصل الى السياره ووضع الاكياس فى حقيبه السياره ثم توجه الى المقعد الامامى للسياره وجلس
نور: ادهم انت بجد جبت كل ده ليا
ادهم: اه طبعا يا نورى يعنى ينفع تكونى نفسك فى حاجه ومجبهاش
نور: شكرا والله يا ابو الصحاب
ادهم: انا بقول امشي احسن
نور: اه انا بقول كده برضو
فى الجانب الاخر
قامت رحمه بفتح رساله عمر
عمر: رحمه اى الاخبار لو ينفع يعني ممكن اقابلك
رحمه: الحمدلله
اه تمام عاوزنى اقابلك فين
عمر: فى ****
رحمه: اه تمام عرفاه اقابلك امتى
عمر: ممكن دلوقتي
رحمه: تمام بس مش عاوزه اتاخر لانى بذاكر
عمر: متقلقيش
رحمه: تمام ماشي هروح البس باى
عمر: باى
عمر لنفسه: مالك ياعمر فى اى رحمه مفيش بينك وبينها حاجه هى صديقه وبس ليه بقا بتكون عاوز تشوفها كل شويه وتكلمها
عمر وهو يهز رأسه بنفى: لا اكيد مش بحبها وبعدين انا امتحاناتى قربت لازم اركز فى المذاكره وبس
ثم خرج ليقابل رحمه
وصلت رحمه الكافيه وجدته جالس وينتظرها
رحمه: فى اى يا عمر قلقتنى ولو سمحت يعني مينفعش اقابلك كل شويه يعني ميصحش
عمر: انا بعتذر جدا ليكي
رحمه بتذكر: انت صحيح مجتش النهارده ليه ده نور جت وخربت الدنيا
عمر بغضب: رحمه لو سمحتي نور بالنسبالي خلاص صفحه واتقفلت
رحمه: خلاص انا آسفه بس فكرتك لسه بتحبها
عمر: انا آسف انى اتعصبت عليكى بس كنت عاوزك فى موضوع كده
رحمه بإستغراب: موضوع اى
عمر: هقولك يا ستى
عند نور وادهم
دخلت نور البيت بفرحه كبيره
نور: ياااااه يا عبد الصمد هتذاكر وانت مروق ومعاك الممنوعات بتاعتك
ادهم وهو يدخل ومعه الاكياس: ممنوعات اى يا نور
نور: ال معاك دول هما الممنوعات دول احلى من الممنوعات كمان
ادهم: طب خدى يلا وادخلى ذاكرى امتحاناتك قربت يا جميل
نور: الله الوكيل الواحد ما ناقص محن اياك
ادهم بتصفيق: الله الله بصى عبايه سوده والدور يكمل يا فنانه الله عليكى يا بنتى والله
نور: عيب عليك هو انا اى حد ولا ايش
ادهم بضحك: طب يلا ادخلى وانا هجيب عصير واجى اذاكر معاكى
نور ببسمه: ماشي
ذهب ادهم ووضع الاكياس فى المطبخ واخرج العصير واتجه الى الغرفه التى توجد بها نور
دخل ادهم وانصدم من منظر نور وجلس يضحك عليها
نور: الله هو فى اى انت كل ما تشوفنى تضحك ياعم راعى مشاعرنا طيب اى النااس دى ياربى
ادهم وهو ينظر لشعر نور التى قسمت شعرها نصفين وجعلت كل نصف ديل حصان فكانت بمنظر طفولى جدا وكانت ترتدى بيجامه عليها ارنب وكانت تضع القلم فى فمها وتفكر ف دخل عليها ادهم ف أخرجته من فمها
نور: اى ياربى الراجل ده معندوش سنس خالص ياعم ما خلاص
ادهم: والله هتجيبى اجلى بخلقتك دى
نور وهى تقف على الاريكه وتضع يدها فى خصرها: مالها ياخويا خلقتى
ادهم وهو يقترب ويجلس على الاريكه: زى القمر ياروحي يلا بقا علشان تكملى
نور: يلا يا عم
مرت الايام بين ادهم ونور وهم على نفس الوضع وعمر يحاول التقرب اكثر من رحمه وهو لا يدرى لماذا يريد التقرب منها وديما التى تهتم فقط بدراستها وتتحدث مع نور ايضا على الهاتف ووالد و والده نور التى تبكى كل يوم على فراق ابنتها
جائت وقت الامتحانات فكانت نور تشعر بتوتر كبير
نور: انا خايفه اوى يا ادهم
ادهم وهو يجلسها على الكرسى وينزل لمستواها: متخافيش ياروح ادهم انتى تعبتى واجتهدتى وان شاءلله ربنا مش هيضيع تعبك عاوزه بس تثقى فى نفسك اكتر وثقى فى ربنا وان شاءلله خير متخافيش
نور: ان شاءلله
مرت ايام الامتحانات وكانت نور تخرج من الامتحانات سعيده نوعا ما بالامتحان
وقد جاء اخر يوم امتحانات
نور وهى تصحى ادهم
نور بصوت عالى: ادهههههههم ادههههههم
ادهم: اى فى اى هنموت
نور: لا لسه شويه
ادهم بإستيعاب انها نور فقام برمى المخدات عليها: هتقطعى خلفى او هتموتينى فى يوم هموت مخضوض منك يخربيتك ارحمينى
نور بضحك: يا عم اخلص اصحى الفطار جهز وانت لا الفطار خلص وانت لا
ادهم: يخربيتك خلصتى الفطار
نور: اى يا عم الجحود ده مش للدرجادى يعنى سبتلك حبه اكل قوم بقا هو المفروض مين ال يكون مخضوض انا ولا انت انا عندى امتحان
ادهم: طب هاخد شاور واجى علشان افطر اهو
نور: ماشي ياسطا
ضحك ادهم على معشوقته فهى التى جعلت لحياته روح وجعلت للبيت صوت وحياه اخرى
جلست نور تحدث اصدقائها على الواتس وهى تنتظر خروج ادهم
بعد وقت خرج ادهم وهو يرتدى فوطه فقط حول خصره
نوروهى تغمض عينها: يالهوي قوم البس حاجه اى قلت الادب دي
ادهم: نور حبيبتى انا جوزك والله مش شاقطك فى شقه مفروشه
نور: ادهم بجد قوم البس حاجه كده مينفعش
ادهم: حاضر يا ستى
ذهب ادهم ارتدى ملابسه ودخل مره اخرى
نور فى سرها: يخربيتك جمال امك يا شيخ اى الجمدان ده
ادهم: بصى براحتك انا اصلا عارف انى مز وقمر ده البنات بتعاكسنى اى مقولكيش
نور: يا شيخ اتوكس هى دي مناظر تتعاكس اصلا
ادهم وهو يتناول الفطور: طبعا
نور: طب خلص وبعدها تخرج علشان اروح امتحن
بعد وقت انتهى ادهم من الفطور و قامت نور بشيل الصحون وخرجت لادهم فى السياره
ادهم وهو يضع يده على يدها: نورى انا عاوز اقولك حاجه بعد الامتحان
نور بقلق: فى اى يا ادهم متقلقنيش
ادهم: بصى يا ستى انتى لو جبتى مجموع حلو هسفرك المكان ال تحبيه اى رأيك
نور بفرحه: احلف كده
ادهم: والله هو انا عمرى كدبت عليكى
نور: بصراحه لا بس الرجاله اصلا ملهومش امان ف اه
ادهم: منك لله يا نور
نور: وحسبى الله ونعم الوكيل فيك يا ادهم
اوصل ادهم نور الى المدرسه لتمتحن فقابلت اصدقائها
رحمه وهى تحتضنها: اى يا بت الانكشاح ده
ديما وهى تغمز لها: شكلنا بنحب ولا اى
نور: يا شيخه اتوكسى ده ادهم قالى بس لو جبت مجموع حلو هيسفرى المكان ال انا عوزاه
ديما: واااو ماشيه معاك يا عم الا يارب مفيش واحد زى ادهم ده
نور: لا يا حبيبتى والله اخر قطعه كانت ليا
رحمه: لا ده كده بنحب رسمى
نور بنبره حاده وغامضه:رحمه اقفلى على الموضوع
رحمه بإستغراب:حاضر
ادت البنات اخر امتحان فى الثانويه العامه خرجت البنات الى الخارج وقامت نور بالاتصال على ادهم ليأخذها
نور: ايوه يا ادهم
ادهم: ايوه يا نورى عملتى اى
نور ببسمه واسعه: كل خير
ادهم: طب ضمنا كده دور تاني
نور: يا عم بطل رخامه وتعالى يلا خدنى
ادهم: انا قربت اصلا اوصلك خمس دقايق واجى
نور: ماشي باى
ادهم: باى
جلست البنات تودع بعضهما وتتحدث وتضحك
وبعد وقت وصل ادهم واخذ نور واتجه الى المنزل
نور فى المنزل: ياااااه على المتعه بعد ما خلصت
ادهم: نور كنت عاوز اقولك حاجه
نور: اي ده انت كنت لسه مقولتش
ادهم: لا
نور: طب قول
ادهم: انا هطلع بكره مهمه تبع الشغل ومش عارف هرجع امتى
اتنفصت نور ووقفت امامه بدموع: انت بتقول اى
مستحيل ده يحصل صح