رواية مجنونتي الفصل التاسع 9 بقلم نورهان محمد

رواية مجنونتي الجزء التاسع

رواية مجنونتي البارت التاسع

رواية مجنونتي الحلقة التاسعة

ادهم: للاسف لازم اطلع بكره المهمه
نور بعيون بها دموع: طب هتسيبنى لوحدي طب هتيجي امتى
ادهم: مش عارف والله يا نور
نور: ادهم هو انت ممكن متجيش تاني
ادهم: ان شاءلله هاجي علشان نورى
نور: طب هى المهمه فين
ادهم: للاسف هى بره مصر
نور: ايوه فين برضو
ادهم: المانيا فى مافيا مصريه عايشه هناك ومطلوبين
نور: طب خدنى معاك
ادهم: نور انتى عبيطه الجو هناك كله خطر اصلا ده انا مش ضامن نفسي اخدك فين يا ماما هى فسحه
نور: مليش دعوه انا عاوزه اجي معاك
ادهم: لا مش هينفع
خرج ادهم وترك نور تفكر فى طريقه لكى تذهب معه الى المانيا
نور: ماشي يا ادهم ده ممكن يكون رايح يشقط اصلا او متجوز تاني واطى ويعملها عادي بس مش عاوزه اسيبه لو هى مهمه فعلا ممكن يحصله حاجه
ابتسمت نور بسمه خبيثه: والله لعملك مفاجأة تتشل منها
بعد وقت طويل جاء ادهم الى المنزل وتوجه لنور الذى وجدها تجلس امام التلفاز وتشاهد فيلم وحولها تسالى كثيره وتشاهد باستمتاع
نور: تعالى تعالى اتفرج معايا فى فلم هنا جامد
ادهم بنظره شك: فى اى انتى مش كنتى من شويه هتعيطى
نور: ياعم بلاش نكد تعالى بس
ادهم: تعالى ياختى نتفرج ده كلها كام ساعه وامشى
ادهم فى سره: ويا عالم هتشوفى خلقتى تانى ولا لا
جلست نور مع ادهم يشاهدون التلفاز وجلسوا يتحدثوا ويضحكون لوقت متأخرّ
ادهم: نور قومى نامى بقا وانا كنت هجهز شنطتى وامشى علشان معاد الطياره قرب
نور: لا هقعد معاك وانت بتجهز الشنطه
ادهم بحب: ماشي ياقلبي
نور: بطل محن ياخويا هتموت من المحن ده والله مش من العمليه
ادهم: انا اصلا منى لله
نور: بالظبط كده 😂
جلست نور مع ادهم وبدأت تساعده فى ترتيب شنطه السفر
انتهت نور من الحقيبه: ادهم كده خلصت عاوز حاجه تاني
ادهم: نور عاوزك علطول وثقه في نفسك وعاوزك تجيبى درجات عالية ودايما تكونى رقم واحد فى كل حاجه النتيجة هتطلع كمان فتره قصيره عاوزك تطمنى ان شاءلله خير وهتكون حلوه
نوربدموع: ان شاءلله
انتهى ادهم من كل شيء وخرج من المنزل متجهه الى المطار
وبعد قليل وصل ادهم الى المطار وجلس ينتظر الطائره جلس ولفتت انتباهه امراه بنقاب وعبائه سوداء تنظر اليه كثيرا
ادهم فى نفسه: عاوزه اى دي كمان
مر الوقت ووصلت الطياره اخيرا وقام ادهم بالتوجه الى الطياره ولاكن لاحظ شئ جعله سوف يحدث له شئ منه فمن تكون غيرها مجنونته ومعشوقته فهى كانت من ترتدى العبائه والنقاب
ادهم وهو يمسكها مسكه الحرامى: بتهببى اى هنا يخربيتك
نور: شيل يدك عنى انت ما تستحى على دمك
ادهم: تستحى ااااه منك اااه وانا اقول قاعده هاديه ليه يا مصيبه هانم
نور: بعد يدك عنى فشلتنى مين انت وايش هذى الحركات الله لا يوفقك
ادهم: طب ده خليجى ولا سعودى ولا ده اى نظامه
نور بغباء: والله ما اعرف
ادهم: امشى قدامى هتأخر منك لله هنتفضح هيقولوا ماسك وليه قد امى
نور: امك مين يا حبيبى ده انا اصغر من اختك الصغيره قال امى قال والله انتوا الرجاله ملكوش امان اصلا تلاقيك رايح تشقط ولا متجوز اصلا يلا يا خويا الله يولع فيكم كلكم كده مره واحده
ادهم: امشى ورايا هتفضحينا
توجهت نور وادهم الى الطياره التى تتوجهه الى المانيا
نور عند اقلاع الطائره: ياختاااااااى يالهووووووى هنموت يخربيت امك انا منى لله انا اى خلانى اجى اصلا ما كنت متهببه فى البيت
ادهم: اسكتى اسكتى فضحتينا
نور: انا غلطانه والله غلطانه انا كان مالى ومال المرمطه دي ما كنت روحت ولا جيت حتى انا مالى انا
ادهم: خلاص اسكتى اسكتى
حاول ادهم اسكات نور بعده طرق فهى كانت تتكلم بصوت مرتفع جدا فكان كل الركاب ينظرون اليها
بعد وقت
ادهم: انكتمتى ياختى بعد ما فضحتينا
نور ببسمه بلهاء: اه
ادهم: مبسوطه دلوقتي بقا
نور: اوى اوى يا عبد الصمد
وبعد وقت جائت المضيفه لتقدم الطعام لهم فكانت المضيفه تتعامل بميوعه امام ادهم
نور بقرف: ما تتلمى ياختى اى مش لقين ليكى كلب ولا اى جايه تتمايعى على جوزى
المضيعه: فى اى يا بتاعه انتى
نور وهى تشمر يدها: بس طلبتيها ونولتيها
قامت نور بضرب المضيفه بشراسه وادهم كان يحاول ابعاد نور عن المضيفه ولاكن نور كانت تضربها بشده
نور: اى يا زباله بتبصبصى لجوزى عينى عينك كده لا وكمان بتبجحى طب وحيات امى ما رحماكى
ادهم: خلاص يا نور البت ماتت خلاص يخربيتك البت بقت شبه القطه ال داستها عربيه
نور: سيبونى عليها ام اربعه واربعين دي
وبعد وقت ابعد ادهم نور عن المضيفه
نور بعد وقت جلست تضحك بشده: البت شكلها مبقاش نافع خالص ناقصها بس عبايه مقطعه وتقعد تحت الكبارى الجديده هتلم لم
ادهم: انتى مفتريه اصلا هو انتى سبتى فيها حته سليمه
وبعد ضحك ادهم ونور علي شكل المضيفه مر الوقت ووصلت الطائره اراضى المانيا
هبطت نور وادهم واتجهوا الى الفندق
نور: بقولك اى تصبح علي خير علشان انا خلاص كده فصلت شحن وكهربه
ادهم: انا كمان والله يلا روحى نامى علشان فى حفله بليل
نور بلا وعى: ماشي ماشي
نامت نور وادهم وبعد وقت استيقظت نور وارتدت فستان احمر جميل وطويل وحجاب اسود وجزمه بكعب سوداء ووضعت بعض الميكب
ارتدى ادهم بدلته وكانت بالون الاسود وكان جميل جداً وجذاب
نور بصوت عالي: الله الله على الواد ال رايح يشقط ويتشقط
ادهم: يالا يانور الله يسترك وقبل ما نروح انا بقولك اهو الحفله كلها عصابات مافيا ف مش عاوز اى اختلاط مع حد فاهمه
نور ببراءه: هو انا بعمل حاجه برضو
ادهم: اطلاقا
ذهب ادهم ونور الى الحفل وعندما دخلوا جذبوا انتباه كل الحضور بجمالهم البسيط
نور: الا هى النااس دي بتبصلنا كده ليه اى ده غمض عينك ياواد يا ادهم فى بنات نست تلبس وهى جايه
ادهم: اسكتى يخربيتك هتفضحينا اقفى كده ومتكلميش حد هروح خمس دقايق وجاى
نور: ماشي يا عم متتأخرش
ادهم:حاضر
ترك ادهم نور فكانت بمثابه نجمه تتوهج من شده جمالها فكانت النور فى وسط الظلام الدامس الذى بالمكان
رجل: Hi
نور: Hiورحمه الله وبركاته يا حج خير فى حاجه