رواية لنرقص تحت المطر الفصل الثاني 2 بقلم نورهان حلمي

رواية لنرقص تحت المطر البارت الثاني

رواية لنرقص تحت المطر الجزء الثاني

رواية لنرقص تحت المطر الحلقة الثانية

كانت عماله تبكي بصوت عالي وحرقه كبيره وبتتشحتف زي العيال الصغيرين وانا كنت عمال اسألها ايه اللي حصل بس ما كانتش بتعمل حاجه غير انها بتعيط بقوة
لحد ما غابت عن الوعي وبعدين انا شلتها ودخلتها اوضتها وغطيتها وطلعت قعدت مع خالتي في الصالون وانا وهي مش عارفين نتصرف ازاي و بسبب سكاتها بدأنا نتخيل كل حاجه فظيعه ممكن تكون حصلت فيها عشان كده قررنا ان احنا نصبر لحد ما تقدر تتكلم
عز
وبعدين يا خالتو اعمل ايه نور ما قدرتش تقول ولا كلمه تصبرنا حتى
صفاء
ربنا بس يعلم اللي فيها يا ابني خلينا نصبر لحد ما تفوق وبعدين انا هدخل اتكلم معاه
عز
بس انا مش هقدر اصبر اكتر من كده عشان خاطري يا خالتو ادخلي فوقيها وحاولي تاخدي منها اي كلمه
صفاء
حاضر يا عز اهدى بس وانا هدخل اشوف في ايه ان شاء الله خير
دخلت خالتو وبعدين قفلت الباب وراها وانا فضلت قاعد مكاني وانا عمال افرك بإيدي بتوتر واروح واجي في الصاله كنت سامع صوتها بتتكلم بعياط بس ما كنتش فاهم ولا كلمه وبعدين طلعت خالتي وكان على وشها اثار دموع قفلت الباب على نور وبعدين قربت قعدت قدامي و حكتلي على كل اللي نور قلته لها وانا كنت عمال اسمع بصدمه وكل كلمه كانت بتطلع منها كانت بتنزل على راسي زي الصاعقه
عز بغضب
عرفت شكل الشاب!!!
صفاء
ايه ده يا عز وطي صوتك البنت مش ناقصه حرام عليك!!
عز بنفعال
وهو انا عملت حاجه انا بسألك على شكل الشاب
صفاء
بتقول ان هي كانت دايخه وما قدرتش ان هي تميز شكله
عز
طب وعنوان البنت اللي وديتها للبيت ده فين واسمها ايه
صفاء
هي ما رضيتش تقول اي حاجه عنها!!
عز
يعني ايه ما رضيتش يعني خلاص كده حق واختي راح..انا مش هسكت علي اللي حصل دا
دخل عز وفتح باب اوضه نور بغضب وهي كانت قاعده على السرير ضمه نفسها وبتبكي
عز بغضب
ما كنتش اعرف انك غبيه وساذجه للدرجه دي طب كذبتي عليا ليه قلتلي انك طالعه مع اصحابك… وازاي ما قدرتيش تميزي شكل الشاب وليه مش راضيه تقولي على اي حاجه تخص البنت دي…انطقي
ما ردتش عليا وبعدين انا مسكت المخده اللي كانت على السرير وهبدها على الارض
عز
ردي عليااااا
نور بدموع
هتهددني بالصور اللي صورتها ليا..
عز
و كمان في صور!!!!
نور
متعليش صوتك عليا يا عز لو مش هتقدر تكون اخ حقيقي في ظهري وتوسيني وتهون عليا يبقى يا ريت تطلع بره
عز
اواسيكي واهون عليكي جايلي من بره بمصيبه وفضيحه وتقوليلي اواسيكي واهون عليكي!!!!
صفاء
خلاص يا كفايه عليها لحد كده خليها تنام دلوقتي وبكره نبقى نتكلم
عز
من هنا للصبح لو ما قلتيش اي حاجه تخليني اروح اخلص على الناس دي يبقى انتي لا اختي ولا اعرفك
طلعت من اوضتها ودخلت اوضتي وانا حاسس اني عايزه اكسر كل اللي فيها كنت حاسس بالعجز والضعف بسبب اني ما قدرتش احميها… الحاجه الوحيده اللي باقيه من عيلتي ما قدرتش احميها يمكن مش اختي اللي من دمي بس دي البنت اللي انا ربتها وكبرت قدام عيني واهلها وصوني عليها ليوم الدين ازاي قدرت ان انا افرط فيها كده ازاي ما قدرتش احميها كنت حاسس ببركان غضب جوايا ومش عارف اطلعه في مين!!!
بعد مرور اسبوع
صفاء
اسبوع من غير ما تدخل عليها الاوضه ولا تطمن عليها للدرجه دي قلبك قاسي على اختك هو انت مفكر انك انت بس اللي موجوع طب تقدر تقولي انا اعمل ايه لما اقف قدام جدك واقول له ان الامانه اللي كانت في رقبتي ما قدرتش ان انا احافظ عليها لان في الاصل كل ده بسببي انا اللي قولتلها خليها تصاحبك لحد ما تشوفي منها موقف وحش بس ما توقعتش ان الموقف الوحش هيبقى بالبشاعه دي كلها!!!
عز
اللي حصل حصل والكلام والغضب والدموع كل ده مش هيقدر يرجع حاجه وبعدين ما تشيليش نفسك زنب هي اللي كانت طفله صغيره سذجه غبيه
صفاء بدموع
لو جدك عرف اي حاجه من اللي حصلت دي هياخدها مننا ويوديها البلد ولك ان تتخيل بقى حياه اختك هتبقى عامله ازاي!!!
عز
انا مش هسمع لحد يطلعها من هنا ولا جدها ولا 10 زيه يقدرو ياخدوها
صفاء بتوتر
وده اللي كنت عايزه اكلمك فيه
عز
تكلميني في ايه
صفاء
دلوقتي احنا في مصيبه كبيره ولو دخل بينا حد غريب المصيبة دي هتنكشف وجدك لو حس بأي حاجه هيجي ياخدها ولا انا ولا انت هنقدر نمنعه ده غير ان هو هيجوزها في البلد لأي واحد وهتتعامل معامله حقيره اسالني انا…. انا ما هربتش من هناك من شويه!!!
عز
بس انا قلت لك اني مش هسمح بأن ده يحصل
صفاء
بص يا عز زمان اختي لما اخذتك تكافل من دار الايتام واهتمت بيك ورعتك ما قدرتش ان هي تفرط فيك حتى بعد ما ربنا كرمها وخلفت نور… ابوها كان طول الوقت معترض على ان في حد مش من دمنا يعيش وسطينا وقال ان طول ما احنا بنعمل كل حاجه عكس اللي هو عايزها هنغرق عشان كده انا عايزه اثبت له ان احنا مغرقناش وان احنا ايدينا في ايد بعض..
كنت مش برد على اي كلمه بتقولها لحد ما ابتلع رقها وحطت ايدها على ايدي بتوتر
صفاء
انا اكتر واحده عارفه انك بتحبها وبتخاف عليها اكثر من اي حد في الدنيا عشان كده عايزاك تنقذها من مصيبه دي..عايزك تتجوز….
عز مقطعاً
ما تكمليش… مجرد الكلمه دي حستني بشمئزاز ازاي يجي في بالك حاجه زي دي اصلا
صفاء
هو انت مش طول الوقت بتقول انك مستعد تضحي بأي حاجه عشانها انا مش بقول ان الموضوع هيطول ده مجرد وضع مؤقت ولما تتخرج من الكليه ابقى طلقها
عز
انتي اتجننتي صح!!!
بصيت لها من غير ما ارد ما حاسس بغضب كبير من كلامها وقررت ان انا انسحب من النقاش الفاشل ده!!
عز
بقولك ايه انا ما عنديش طاقه بجد ان انا ارد عليكي روحي اسألي نور و قوليها الكلام اللي انت قولتهولي ده ولو هي وافقت انا موافق
طبعا قلتلها الكلام ده علشان كنت متأكد بنسبه كبيره جدا ان نور مستحيل توافق وان الرفض يكون من عندها احسن دخلت اوضتي
قعدت على المكتب بتاعي وبدات ان انا اذاكر وبعد مده من الوقت لقيت باب الاوضه بيخبط عليا وبعدين دخلت خالتي لفيت بالكرسي بتاعي وانا لسه في ايدي الكتاب وبعدين بصيت لها
صفاء
نور موافقه
برقت عيني وبعدين الكتاب وقع مني من الصدمه!!!
**************************
ريم
عز انا مش فاهمه ولا كلمه من اللي انت قولتها يعني انتوا خلاص قررتوا انه عشان تحلوا الموضوع ده لازم تتجوز نور لفتره
هزيت راسي وانا ببص بعيد وبأكد على كلامها
ريم
طب و انت وافقت!!!
عز
قولت لخالتي ان لو نور وفيت انا هوافق وبعدين اتفاجأت ان نور وافقت فعلا
ريم
انا بجد حاسه بشعور غريب جدا يعني انا زعلانه على اللي حصل لنور وفي نفس الوقت حاسه بشمئزاز من الفكره الغريبه دي انا من ساعه ما عرفتك وانا مقتنعه ان نور اختك بجد اللي من دمك ازاي في يوم وليله تبقى مراتك
عز
انا جيت حكيت لك بكل حاجه يا ريم من غير ما اخبي عنك ولا كلمه صدقيني الوضع هيكون مؤقت وطبعا من غير ما اقولك ده هيبقى جواز على الورق فهماني
ريم
اكيد انا متفاهمه جدا و وعد ان كل اللي حكيتهولي ده هيبقى سر زي ما انت طلبت بس انا زعلانه عشانك بجد شايفه انك بتعاني قوي بسبب الموضوع ده يمكن اكتر مني
عز
اياً كان الوضع مش مطول بس جدي يعرف ان احنا اتجوزنا وبعد كم شهر نبقى نتطلق ما تقلقيش الجواز ما حدش هيعرف بيه دلوقت عشان لو اهلك رفضوا الفكره ان انا متجوز طبعا هما مش فاهمين حاجه يعني انا هخطبك في ميعادنا.
هزت راسها بموافقه على كلامي
ريم
طب انت هتعمل ايه دلوقتي
عز
مش قادر ابص في عنيها حتي يا ريم بس مهما كان التمن انا هحافظ عليها لانها امانه هتسأل فيها قدام ربنا
**********************
بعد اسبوع
_ بارك الله لكما وبارك عليكما وجمع بينكما في خير
حسن جد نور
يعني وانتو بتاخدوا خطوه زي دي و قررتو مع بعض مين يتجوز مين و نسيتو ان انتو تاخدوا رأي ولا انتي خلاص يا صفاء مبقاش ليكي كبير
صفاء
حضرتك فاهم غلط يا بابا هو بس الشاب جه قالي ان هو عايز يتجوز نور و انا حسيت انه مناسب جدا ليها و بعدين رنيت علي حضرتك و حكتلك و اخد رأيك و بعدين وافقت علي طول
حسن
شوفتي بقى الاتنين اللي انتي ربتيهم مع بعض اهو طلع عينيه عليها يعني مكانتش علاقه اخوه بريئه زي ما كنتي بتقولي عرفتي بقي وفقت علي طول ليه..عشان الله اعلم حصل ايه من ورا ظهرك ما انتي عايشه معاهم زي المغفله
صفاء
اللي فات راح بقي و خلاص يا بابا المهم ان هما اتجوزوا دلوقتي وكمان الشقه بتاعتهم اللي كانت بتاعت اختي هيعشو فيها
حسن
لا يا حبيبتي هيجوا يقعدوا فترة في البلد عندي من حقي ان انا اطمن على حفيدتي ولا انتي شايفه ايه
صفاء
بس يا بابا…
حسن مقطعا
انتي هتعرضي علي كلمتي ولا ايه حضري شنطتكم انتم التلاته هتيجو تقعدوا عندي فتره وبعدين انا حفيدتي وحشتني و من حقي اشوف هي عايشه مع مين
صفاء
حاضر يا بابا بس ده مش وقته يعني دول في شهر عسل يعني
عز
وطالما هما في شهر عسل العروسه قاعده في اوضتها بتعمل ايه و العريس فين!!!
في فوضه كبيرة هما لازم تتنضف
بصيت صفاء من غير ما ترد وبعدين راحت قالت لعز
عز بغضب
لا بقى ده كده كتير انا سمعت كلامك وطلعت اخت… البنت اللي ما بقتش اختي من المصيبه الكبيره دي ،لكن مش لدرجه ان انا اسمع كلام ابوكي ال…
صفاء
عشان خاطري يا عز احنا مش هنطول صدقني يعني اسبوعين ونقول له خلاص بقى احنا هنمشي عشان خاطر دراستك ودراستها هي كمان.. اوعدك دي اخر حاجه انا هطلبها منك
نفخت بغضب وبعدين طلعت وانا قعدت على طرف السرير وانا بفتكر شكل نور في كتب الكتاب كانت حاطه عينيها في الارض وما بصتليش حتى بالغلط كانت وحشاني جدا بجد كان واحشني هزاري معاها و كلمنا سوا حتى سهرنا قدام التلفزيون قدام الكرتونه اللي كانت بتحبه ازاي في يوم وليله انا وهي نتحرم من كل ده كنت حاسس بإني خسرت حاجه غاليه قوي على قلبي
قومت من مكاني جهزت شنطتي وبعدين طلعت الصاله لقيت جد نور لسه قاعد وخالتي صفاء قاعده جنبه ونور واقفه جنب الشنطه بتاعتها قربت نحيت نور و شلت الشنط بتاعتها من جنبها وبعدين نزلتهم للعربيه وفتحت الباب علشان تدخل تقعد جنبي زي كل مرة ولكن هي قعدت ورا جنب خالتها وانا بدأت اسوق العربيه
عز
ابوكي كبرها اوي يا خالتي على الاقل كان يأجل السفريه الطويله دي لبكره الصبح
بصيت ناحيه العربيه بتاعته اللي كانت ماشيه جنب عربيتنا وبعدين ضغط على ايدي بغضب
صفاء
معلش يا عز على الاقل هنغير جو بعد فتره الضغط اللي فاتت
ما كنتش سامع صوت لنور لحد ما وصلنا بعد اربع ساعات سفر وبعدين نزلنا من العربيه واخذت الشنطه بتاعتي وبتاعتها وبعدين دخلنا البيت رحبت بينا سمر مرات خال نور وبدأ ان هما يباركوا لنا نور كانت بتبتسم بهدوء بصيت على وشها من قريب من بعد مده طويله من غير ما اشوفها لقيت تحت عينيها اسود جدا وعلى وشها ارهاق كبير قالولنا على الاوضه بتاعتنا وبعدين طلعنا الاوضه وهي كانت ماشيه ورايا اول ما دخلت قعدت في ركن من الاوضه جنب الشباك وانا ركنت الشنط وبعدين قعدت على طرف السرير وانا بقلع الجزمه
عز
ءء…عامله ايه
هزت راسه وهي بتحاول تبتسم وبعدين رجعت بصت للشباك
عز
بقلنا اسبوعين ما تكلمناش مع بعض
ما ردتش عليا وبعدين انا قربت ناحيتها وقعدت جنبها ولسه بحط ايدي على ايديها حسيت برعشه حصلت في قلبي سحبت ايدي بسرعه
كنت مصدوم من الشعور ده وكان اول مره اقعد جنبها او المس ايديها ما كنتش متخيل انسان فكره ان اللي قاعده جنبي دي مراتي بالنسبه لي دي كانت قصه خياليه عمري ما كنت احلم بيها ابدا
بصيت لي هي وعينيها اتملت بالدموع وبعدين حطيت راسها على كتفي وهي بتحاوط دراعي وبتعيط
نور
انا محتاجلك اوي يا عز
رفعت ايدي من بين ايديها وبعدين حطيت ايدي على ظهرها وهي سندت راسها على صدري بدات تبكي بكوه وانا كنت بطبطب عليها لاني حسيت اني كنت قاسي جدا معاها الفتره اللي فاتت بس كان غصب عني كنت حاسس بالغضب والعجز كنت حاسس ان ما قدرتش احميها وبعدين فضلت اطبطب عليها لحد ما فرغت كل الطاقه اللي كانت جواها رفعت راسها وبعدين بصت لي وانا مسحت دموعها ومسكت ايديها
عز
اعرفي ان مهما حصل انا في ظهرك وعمري ما هتخلى عنك ابدا صدقيني هجيبلك حقك مهما كان هما راحوا فين لو الارض انشقت وبلعتهم هجيبلك حقك ما تخافيش
ابتسمت وهي بتهز راسها وبعدين انا طبطبت على شعرها
عز
قومي نامي على السرير وانا هنام على الكنبه النهارده
قامت من مكانها وبعدين نزلت تحت الغطا وحضنه المخده وراحت في النوم وبعدين نمت انا كمان
في صباح اليوم التالي
صحيت مفزوعه على صوت زراغيط وبعدين سمحت صوت سمر مرات خالو بتخبط على الباب بصيت على عز اللي كان نايم على الكنبه وبعدين قومت جري وانا بحاول اصحيه
نور بهمس
عز…عز اصحي مرات خالي بتخبط
حاول يفتح عينيه وبعدين اتعدل مكانه وهو بيستوعب الكلمه و قام من مكانه هو كمان وانا كنت بشد الغطا اللي كان على الكنبه عشان ما تحسش انه مكنش نايم علي السرير
نور
ادخلي..
ما خلصتش الكلمه رجلي اتكعبلت في الغطاء اللي كنت شايلاه ولسه عادي بيمسكني وقع هو كمان فوقي بصيت له بصدمه وبعدين بصينا لمراه خالي اللي كانت واقفه شايله الصينيه وفاتحه بوقها من الصدمه!!!