رواية لم يكن عالمي الفصل الثالث والعشرون 23 بقلم شيماء شاكر
رواية لم يكن عالمي الجزء الثالث والعشرون
رواية لم يكن عالمي البارت الثالث والعشرون
رواية لم يكن عالمي الحلقة الثالثة والعشرون
همس روحت مع أخوها وهى مش مصدقه اللى حصل
أحمد دخل الشقه
وهمس دخلت وراه وهي تايها مش مستوعبه اللى حصل مش مستوعبه اللى هي عاملته
ماما همس لسه هتتكلم
بس همس دخلت على أوضتها على طول
أحمد بص على أوضتها وتنهد بحزن
ماما همس بحزن : هى هتفضل حابسه نفسها كده
أحمد بص لأمه : همس أطلقت….
ماما همس بصت لأحمد بصدمه : أي؟!
أحمد هز راسه بتأكيد
ماما همس أعدت على الركنه بصدمه : أطلقت؟… طيب لي؟…. مالك أنسان كويس
أحمد بضيق : ياريت أسم مالك ميتقلش في البيت تاني….. لازم همس تنسي مالك لأنه ميستهلهاش…..
ماما همس لسه هتتكلم أحمد سبها ونزا
ماما همس دخلت بسرعه لبنتها
همس كانت أعده على حرف السرير… وباصه في لأرض… ودموعها بتنزل بصمت
مامتها وقفت قصادها وقالت بصدمه : الكلام فعلآ بجد!!…. انت أطلقتي يا همس؟…. أطلقتي؟
همس بصت لأمها بدموع
ماما همس بصدمه : طيب لي… انا مش فاهمه….. ومن غير متقوليلي…. خدتي القرار من دماغك…. وخوكي بيدعمك في المسخره دي…همس…ده مالك وافق على شروط أبوكي كلها…. وداله ٥ مليون علشان تبقي ليه… ده غير شبكتك اللى شيلها معايا وعايزها تكون مفاجئه ليكي….سيبك من الفلوس.. حُبه اللى كان باين في عيونه قبل كلامه… علشان حصل شوية مشاكل هو قدر يحميكي منها… قدر أنه يحافظ عليكي ومحدش قدر يلمسك…. مش هو ده مالك اللى كنت بتعشقيه
همس قامت بنرفزه وزعيق وعياط : كفايه بقا يا ماما…. انا ومالك مينفعش لبعض… ايوا عارفه انه بيحبني ومستحيل هلاقي حد يحبني زيه….لاكن انا وهو مع بعض…. مش هينفع….
ماما همس بنرفزه : مش هينفع لي…. أنطقي…. ولا انت اللى طايشه وشوفتى شاب عاجبك غيره…..فقولتي تكنسلي مالك
همس بصدمه من كلام أمها: انا ياماما….. انا هفكر بطريقه دي
ماما همس أتنهدت بضيق : انت خسرتي مالك ياهمس……خسرتيه
ماما همس خرجت من الاوضه
همس أعدت بهده على السرير ودموعها نزلو
مسحت دموعها بجمود : لاء…..كان لازم يحصل كده…. واللى عاملته كان صح…
……………………………
تاني يوم…
بيجري بكل سرعته… الوقت بليل… وغابه كبيره…. سامع صوت نفسه العالي…. وقلقان… وخايف…..
فاجئه شاف أكمين قدامه على الارض وماسك همس وبيمص دمها وبياكل في جسمها…….
مالك وقف بصدمه….. ونفسه وقف….. مبقاش حتي قادر يتنفس…..
بصصلهم بصدمه كبيره…. قرب براحه وبخطوات بطيئه ومهزوزه : هم..همس..
أكمين بصله وبؤه كله دم…وبيضحك : قولت لك… سوف أرتشف دمائها هههههههه
أكمين سابه ومشي تحت ضحكُه الساخر
مالك جري على همس…. منظرها كان بشع…. أحشئها كلها خرجه بره…. والدم على الارض.. يدوبك رسها بس هي اللى سليمه…..
خدها في حضنه وصريخ ممزوج بعياط : لاء….همس…. لااااااء
مالك نايم على السرير…. وعرقان جامد…. وبيحرك راسه يمين وشمال… وبصوت خافت : لاء…. همس… لاء.. لاء
أبين دخل بسرعه الاوضه وشاف مالك بلمنظر ده أعد على السرير جنبه وبيحاول يفوقه : مالك …بني.. أستيقظ… أنه مجرد حُلم…
اهيب دخل بسرعه وقلق : ما به مالك….
أبين بيحاول يفوق مالك :أهيب أجلب لي الدماء على الفور
أهيب هز راسه وخرج بسرعه يجيب الدم
أبين بص لمالك : بني أستيقظ…
مالك عرقان جدآ وبيهز راسه يمين وشمال وصوته بيعلا وحده وحده : لاء… همس… لاء…. لااااااااء
مالك أعد مره وحده بفزعه… وبيتنفس بصوت عالي… وقلبه بيدق جامد.. وعمال يبص حوليه أكنه بيدور على حاجه : همس همس ….لاء …محدش هيأذيها…. محدش هيقدر
مالك قام وقف ولسه هيخرج
أبين وقفه : مالك ما بك.. أنه مجرد حلم…
مالك شد أيده بعنف :أنها في خطر…
مالك خرج وجري بكل قوه مبين شوارع المملكه… لدرجه ان محدش شيفو… وخرج من المملكه كلها وطلع على أرض البشر….
مالك بيجري في الغابه وخرج منها ووصل قدام بيت همس في أقل من دقيقتين…. وطلع على المبني ودخل من الشباك بتاع أوضة همس… لاكن مكنتش فيها
بس مالك حس بيها وهي بره
مالك أتنهد براحه… نفسه يشوفها بأي طريقه….
همس دخلت الاوضه
مالك أستخبي
همس أعدت على حرف السرير بضعف وخنقه… وعنيها محمره من كتر العياط
ماما همس دخلت عليه : يلا علشلن تكلي
همس بصوت مهزوز من كتر العياط : مش عايزه…
ماما همس بضيق : انا عايزه أفهم.. مش انت اللى طلبتي الطلاق…. بتعيطي لي دلوقتي…. ندمانه لي.. ومكسوره كده لي…
همس بعياط : يووووه بقا يا ماما… كل شويه تقولي كده… لاء انا مش ندمانه وكده أحسن…. انا أساسآ عايزه أكلمه علشان نطلق رسمي….
ماما همس بضيق : انت حقيقي مش طبيعيه…. بتعيطي على فراقه وبرضه عايزه تبعدي….
همس بصوت عالي ممزوج بعياط : أرحميني بقا…..
ماما همس بصتلها بضيق وسبتها وخرجت
همس قامت بسرعه قفلت الباب بلمفتاح… وسندت ضهرها على الباب… وحطت أديها على وشها… وبتعيط جامد بصوت… وشهقاتها عاليه…
مالك عيونه لمعت بدموع على حالتها وحالته اللى هي السبب فيها…. وقف قدمها وقال بخفوت : لي بتعملي فيا وفيكي كده
همس نزلت أديها من على وشها… وهى مش مصدقه أنها سمعت صوته…. رفعت رسها وبصت لمالك بصدمه….
مالك بضيق : لي بتعذبيني وبتعذبي نفسك… لي بتعملي فينا كده…
همس بضيق مسحت دموعها : هو انت مش ناوي تسبني في حالي… انت طلقتني… نطلق رسمي بقا وتبعد عني… علشان أشوف حياتي وتجوز
مالك قرب منها بضيق ومسكها من درعتها وسند ضهرها على الباب بحده :تت أي.. أنت مراتي وانا طلقت أجباري مش برضايه…. وانت عارفه كويس أوي الجواز او الطلاق تحت ضغط بيبقا باطل….. يعني انت لسه على ذمتي….يا مدام مالك..
همس بتحاول تحرر درعتها من قبضته : أوعي يا مالك…. وسبني بقا انا مبقتش بحبك….
مالك ساب درعتها ولف أيده حولين وسطها وقربها منه جامد لدرجه ان رجليها مش لمسه الارض.. ووشه في وشها وبيتنفس نفسها…
همس باصه في عيونه ونفسها عالي وقلبها بيدق بسرعه
مالك وهو باصص في عيونها وبصوت خافت : كنت بتقولي أنك مش بتحبيني…. وبتخافي مني…. لتصحي في يوم تلقيني ماصص دمك صح..
همس بلعت رقها… وحطه أديها الاتنين على أكتافه….ومش قادره تدي أي رد فعل… حركاته وهمسه وكلامه مبنجها…
مالك باصص في عيونها : انا قريب منك أهو مش خايفه… مش خايفه لموتك….مش خايفه لشرب دمك
همس بصاله بتوهان
مالك حضنها وغمض عينه وبيتكلم : ممكن في لحظه أدوق دمك دلوقتي…..وأمص دمك كله… دمك اللى نفسي أدوقه…
مالك ركز مع نبضات قلبها…بس نبضات قلبها مفهاش أي زرة خوف
مالك أبتسم وحضنها أكتر
همس غمضت عنيها وقلبها بيدق بسرعه ونفسها داخل خارج بسرعه
فاجئه الباب خبط….
همس فتحت عنيها وفاقت من توهانها وبتحاول تبعد عن مالك لاكن مبيتحركش
مالك بعد بس لسه قريب منها.. بصلها ورفع حاجبه : ردي
همس بتوتر : أيوا
أحمد : حببتي ممكن تخرجي بقا….انت حابسه نفسك من أمبارح….
همس بتوتر : معلش… يا احمد.. سبني ..لوحدي
أحمد أستغرب توترها : همس أنت كويسه….
همس وهى باصه لمالك اللى مبتسم ببرود : أه أه…. انا كويسه… شويه وخرجه… هغير لبسي وهخرج
أحمد أبتسم :طيب يا حببتي هستناكي
أحمد مشي
همس بصت لمالك بضيق
مالك بعد عنها وبصلها بأبتسامه : يلا علشان نروح بيتي
همس بضيق : بيتك أي؟!… انت طلقتني ….ولازم تطلقني رسمي… بلورق يا مالك…
مالك هز راسه : هممم طلقتك…
مالك بصلها : انا طلقتك تحت ضغط يعني انت لسه على ذمتي… ومراتي شرعآ وقانونآ
همس بضيق : انت لو ممشتش دلوقتي هصوت وهلم عليك الدنيا…
مالك أبتسم : صوتي وقللهم جوزي عايز ياخدني بيته…
همس لسه هتصرخ
مالك حط أيده على بؤها : بصي يا همس انا هخدك برضاكي او غصب…
همس نزلت ايده بضيق :انت متقدرش
مالك رفع حاجبه بأبتسامه :مقدرش!!
همس لسه هترد لقت مالك حدف أسدلها في وشها : ألبسي..
همس أفتكرت وبصت على نفسها لقت أنها لبسه بجامه سبونج بوب بنص كم وشعرها باين…
همس لبست بسرعه بأحراج وبضيق : انت مكنش ينفع تشوفني كده…. ويلا بقا من هنا….
مالك أبتسم ومسك همس من وسطها ونط من الشباك
همس صرخت بخوف وخضه :اااااااااااااااااااااااااااااااه
مالك بقا بينزل من على المبنا بكل أحترافيه وسرعه وماسك همس بأيد وحده لغايط منزل على الارض …….شال همس بأيده الاتنين وأبتسملها
همس بصاله بصدمه
مالك أبتسم وغمزلها
وجري بكل سرعه همس حضنته جامد وبتكتم صريخها في رقبته
مالك وصل بيته برقم قياسي
همس لقت نفسها في أوضت مالك…
مالك بهدوء أعدها على السرير براحه…. أتعدل وبصلها : نورتي بيتك يا حببتي
همس بصه لمالك بصدمه وبتحاول تستوعب كل اللى حصل في الثواني المعدوده دول….
مالك أبتسم بحب
همس بلعت رقها ووقفت بضيق وأنفعال: أي ده…. انت جبتني هنا لي… خلاص بتستعمل قوتك عليا… انا عايزه أروح…. انت أزاي تجبني كده أصلآ…. انا مصدومه بجد في أقل من دقيقتين ألاقي نفسي في بيتك… انا مش مستعده أعيش مع واحد كده
مالك ربع أيده وبصصلها بضيق
همس بصتله وتوترت شويه من ضقته وبتحاول تداري توترها
أدت ضهرها ليه وبتتكلم بتوتر :أحم..ممكن..ممكن تروحني…
مالك أبتسم : بصي يا همس انت بعد النهارده هتعيشي هنا…. خلاص البيت ده بقا بيتك…. ومش هرجع في قراري مهما حصل….
همس بضيق : انت مش طبيعي..
أبعد عني يا مالك… انا مش هعرف أعيش معاك في بيت واحد…
مالك لف عينه بضيق وشال همس وأعدها على السرير وأعد جنبها : لي مينفعش نعيش انا وانت في بيت واحد…
همس بضيق وشبه ما أنفعال : علشان خلاص…. انا مبقتش وثقه فيك… بقيت أخاف منك… بأختصار كده مبقتش بحبك…
مالك قابض أيده في الملايه وباصص لهمس بكل ضيق وبيحاول ميفقدش هدوئه
همس بأنفعال : رجعني بقا بيتي وأبعد عني… حبلك يا عم واحده من العالم بتاعك لاكن أنا لاء….
همس كملت بأنفعال : أبعد عنى بق…..
مالك قاطعها بصوت عالى وأنفعال : مش هيحصل….خلاص انت بتعتي…. ومستحيل تكوني لغيري
همس بصتله بخوف وكشت في نفسها…
مالك بيحاول يسيطر على أنفعاله…. قرب من همس ومسك خدودها بأيد واحده بعنف بسيط وقال بحده : انت مشوفتيش غير مالك العاشق… حذاري تشوفي غيرو من شخصيتي…. مالك في الطبيعه ميستحملش كل ده…. اللى مصبرني عشقي ليكي وبس
همس بصه في عيونه وحقيقي جسمها أرتجف من الخوف ….وبلعت رقها ودموعها نزلو…
مالك بصصلها في عيونها….. شال أيده من على خدودها …ومسح دموعها
وقرب منها وسند جبينه على جبينها
همس غمضت عنيها ودموعها نزلو
مالك بصوت خافت وهو مغمض عيونه : بعشقك يا همس… انا مهووس بيكي….. مش هقدر أبعد…… مش هقدر أتحمل أنك تكوني لغيري
همس دموعها نزلو ومش عارفه تقول أي
مالك : أديني فرصه أثبتلك أنى مستحيل أئذيكي…..
همس بعدت ومسحت دموعها وبصت لمالك : خلاص عايزاك تثبتلي….
مالك بسرعه : تمام….. انا مستعد اعمل أي حاجه علشان تصدقي أنك أغلى مني عندي…..
همس هزت رسها وخرجت من الاوضه……ومالك وراها….
همس بصت لمالك : أعد على الانتريه هجيب حاجه من المطبخ
مالك بصصلها بشك : هتجيبي أي؟…..
همس : هما ثواني وخرجه
مالك هز راسه وأعد على الانتريه وبصلها
همس مشيت متجها للمطبخ….
وهو متابعها بعيونه لغايط مدخلت المطبخ… بص قدامه ورجع شعره لورا ومستني همس تخرج
همس دخلت ووقفت قدام الرخامه دموعها نزلو…. حطت أديها على وشها…. وبتحاول تكتم شهاقتها مسحت وشها براحه من دموعها وبتكلم نفسها : لازم أثبت لمالك أنى مش في أمان معاه…. لازم أثبتله أنه ميقدرش يتحكم في غريزته…… لازم اعمل كده يا مالك عشانك…سامحنى
همس مسحت دموعها وفتحت درج المطبخ وطلعت سكينه
همس بدموع زي المطر : انا أسفه
راحت مسكه السكينه جامد وسحبتها مره وحده بعنف
همس تألمت بعياط : ااه
مالك وقف مره واحده وبص على المطبخ هو شام ريحة دم همس… همس أتعورت
مالك في لحظه كان قدام همس
همس قبضه أديها المتعوره…. والدم ينقط على الارض بغزاره… والايد التانيه ماسكه السكينه
مالك مسك أيد همس بقلق : لييي… لي عاملتي كده
همس شدت أديها من أيد مالك بعنف : ده علشان تثبتلي أنك مستحيل تأذيني….
مالك بنفعال : انت مجنونه… تأذي نفسك علشان أثبتلك….
مالك بيدور بعيونه على علبة الاسعافات الاوليه…..
همس بضيق : انا عورت نفسي مش علشان تعالجني….
مالك بصلها بضيق… وبعدها بص على الدم اللى مغرق أديها…رفع عينه وبصلها تاني بتوتر : تق…تقصدي أي.؟…
همس بصت على أديها وسكتت
الدم بينقط على الارض
مالك بص على أديها ريحت دمها جننته…
مالك بلع ريقه بتوتر وبقا بيدور حوليه على علبة الاسعافات
همس بتحاول تشتته : ماالك
مالك بصلها ونفسه عالي… دور وشه بسرعه… وبقا بيدور في المطبخ….بيدور بسرعه غير طبيعيه… لغايط ملقاها خدها وراح لهمس أعدها على طربيزة السفره اللى في المطبخ…. ومسك أديها
همس بصه لمالك وعيونها لمعه بدموع
مالك بيحاول يشتت نفسه عنها… بأنه يداوي جرح همس….
ولاكن وهو ماسك أديها الدم نزل على أيده… ورحته بقت قويه جدآ ….وخلاص مالك مش قادر
مالك بص لهمس بوجع : ليي….لي بتعذبيني كده… ليي بتعملي فيا كده… انا أذيتك في أي حرام عليكي.. انا بحاول أبعد عنه وانت بتقربيني ليه… أنطقي ليييي
همس دموعها نزلو ومبتتكلمش
مالك بص على أديها بوجع… وهو خلاص مش قادر يستحمل… طلع اديها عند شفايفه وطلع لسانه ولحس دمها براحه… غمض عيونه ودموعه نزلو بوجع…
همس حطت أديها السليمه على بؤها تمنع شهاقتها …وعيطت جامد أول مشافت دموعه
وكان لسان مالك مكان القطنه… ولحس دم أديها كله… وكمان الدم اللى نزل على أيده منها…. لغايط موصل للجرح الأساسي اللى في أديها….. أول محس بجرح فتح عيونه وبص لهمس….
همس أتصدمت بخوف من لون عيونه المتحوله للأسود… ونفسها بقا عالي..
مالك بص لهمس وعيونه متحوله للأسود… وبسرعه غير طبيعيه كان ضهر همس للحيطه…. ومالك واقف قصادها…. محاصرها بأيده الاتنين ….
مالك نفس عالي… وصوت ضخم عن صوته الطبيعي : علشان أثبتلك كان ممكن تضيعي نفسك…. ولو انا مقدرتش أتحكم في غريزتي كان زمانك…..
مالك صوت نفسه عالى…و سكت… وبص على رقبتها : مش خايفه مني دلوقتي…..
همس قلبها بيدق بعنف وخوف.. بل رعب من منظر مالك…. وعيونه وصوته يرعب….
مالك قرب من رقبتها ونيابه ظهرت
همس شافت أنيابه… ودموعها نزلو برعب… بس مبتنطقش مستسلمه تمامآ
مالك قرب من رقبتها بأنيابه
همس جسمها أرتجف بخوف ومسكت في هدوم مالك… وخلاص قالت أنها بقت فعل ماضي………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لم يكن عالمي )
