رواية لم يكن اخي الفصل الثالث 3 بقلم إيمان شلبي

رواية لم يكن اخي الجزء الثالث

رواية لم يكن اخي البارت الثالث

رواية لم يكن اخي الحلقة الثالثة

قالك بحبك ؟!
كانت نايمه علي رجل مامتها في آخر الليل بتحكيلها اللي حصل واللي هي لحد اللحظه دي مش قادره تستوعبه!
متقدرش تنكر انها لاول مره تحس انها متوتره ،فرحانه
خايفه، مستغربه ،حيرانه
كان جواها الف شعور وشعور !
من وقت ما قالها ” بحبك” وهي في حضنه بنبره صوته
العاشقه وهي مش في الدنيا
حاسه انها في دنيا تانيه خالص ،دنيا فيها هو وهي وبس
اتنهدت بحيره :
– قالي بحبك
– وبعدين
شالت رأسها وقامت قعدت وبصت لمامتها وهي بتسألها:

– ماما انا ليه حاسه اني متوتره
مامتها ” نسمه” وهي بتبتسم بخفه :
– يمكن يكون شعور متبادل
– مستحيل !
– وليه لا ؟!
ضحكت بذهول :
– عشان انا وانس اخوات
نسمه بخبث:
– مش في الحقيقه
– بس انا بحس انس اخويا في الحقيقه ، انا وانس روح واحده هو اخويا وابويا وكل ما ليا عمري ما فكرت فيه كزوج !
نسمه وهي بتحاوط وشها بابتسامه خفيفه:
– اعتقد انك لازم تغيري فكرتك
بعدت عنها وهي مبرقه بذهول:
– يعني ايه اغير فكرتي ؟!
– يعني انس بيحبك بس مش عشان بيعتبرك أخته هو بيحبك ونفسه يكمل معاكي حياته
قفلت عينيها نص قفله بشك واستغراب :
– وانتي عرفتي كل ده منين هو قالك حاجه ؟!
ابتسمت المره دي بغموض :
– هو مش محتاج يقول لان نظراته فضحاه من زمان
ردت بذهول :
– من زمان !!
اتنهدت وهي بتحط ايديها علي ايد ساره وبتطبطب عليها برقه :
– اعتقد انك محتاجه تقعدي مع نفسك وتفكري بقلبك شويه
قالت جملتها وقامت وسابتها وسط كم تساؤلات جت في بالها في الثانيه الواحده !

ضمت رجلها في بعض وسندت رأسها علي رجلها والابتسامه لا تلقائياً اترسمت علي وشها لما افتكرت اللي حصل من ساعتين بس بالتقريب
فلاش باك
بعدت عنه وقلبها دق بسرعه رهيبه ،وشها بقي لونه احمر ،اتوترت لابعد حد من كلمته
مع أن دي مش المره الاولي اللي تسمعها فيها!
هي سمعتها منه كتير جدا بس لاول مره تحس أنها خارجه من قلبه لقلبها مباشره ،لاول مره تحس انه طول السنين اللي فاتت دي مكانش بيحبها حب اخوي ده الموضوع اكبر من كده بكتييير
بلعت ريقها بصعوبه بالغه وقلبها بيترعش :
– ا انت قولت ايه؟
اتوتر ولف ظهره وهو بيفرك أيده :
– ق قولت ايه
قربت منه بخطوات بطيئه وهي بتحاول تاخد نفسها وحطت ايديها علي كتفه :
– انس انت بتحبني؟!
اخد نفس عميق وبلع ريقه ولف ليها مره تانيه وهو بيبتسم ابتسامه مهزوزه:
– مش احنا اخوات !
– متأكد؟!
رفع حاجبه بمراوغه:
– عندك شك ؟!
هزت راسها بتوتر :
– ل لا ا احم ا المهم انك مش زعلان مني
قرب منها وحاوط وشها بين ايديه وهو بيبص في عيونها
بنظرات اول مره تشوفها أو لاول مره تكتشفها !!
– انا عمري ما ازعل منك
ابتسمت بتوتر وبعدت نفسها عنه وهي بتحاول تخفي توترها في الهزار
– حبيبي حبيبي حبيبي لو هشحت كده محبش قدك
ضحك علي رد فعلها وهي خرجت من الاوضه وقلبها رافض يبطل يدق وكأنه بيعلن وبكل صراحه أنه عاشق لشخص ولا علي البال !
باك
الصبح الساعه ١٠

فتحت عيونها علي صوت المنبه بعد سهرتها لبعد الفجر وهي بتفكر في موضوع لاول مره يشغل تفكيرها
قامت فتحت البلكونه كان صوت الهواء بيخبط في الازاز ،السماء مغيمه علي وشك تمطر
ابتسمت لا تلقائياً علي منظر الجو المحبب لقلبها
– صباح الخير
لفت وشها كان واقف في البلكونه وماسك فنجان قهوه في أيده وروايه كانت عطتهاله يقرا فيها مع أنه مش بيحب القرايه ابدا بس وافق وبدون اي مناقشات يشاركها اهتمامتها!
سندت ايديها علي السور وابتسمت برقه :
– صباح النور
بص للسما وابتسم بمرح :
– الجو حلو اوي
– اوي بحبه جدا بجد
– وقت مناسب للحب تماما
لفت رأسها ورفعت حاجبها باستغراب :
– الحب ؟؟
هز رأسه بتأكيد:
– مش انتي دائما بتقولي أن شهر نوفمبر شهر مناسب للحب
هزت راسها بابتسامه :
– حصل
– وانا باكد علي كلامك هو فعلا وقت مناسب للحب
– اممممم ماشي ياعم الرومانسي هنفرح بيك أمتي يعني !
ابتسم ابتسامه حزينه وبص قدامه :
– لما اللي بحبها تحس
قفلت عينيها نص قفله باستغراب :
– انت فعلا بتحب حد ؟!

بصلها ورد بجديه:
– ومحبش ليه هو انا مش بني آدم
– لا مش قصدي ا انا قصدي انك عمرك ما حكتلي حاجه زي كده هو احنا مش اخوات ؟!
بصلها بغموض واتنهد بحزن :
– ادخلي جوا عشان متبرديش ياساره
– انس انت لسه زعلان مني ؟؟
– لا مش زعلان منك
– اومال في أي ،ليه حساك متغير من امبارح حساك شخص تاني غير اللي انا متعوده عليه !
ابتسم بسخرية
– يمكن لانك متعرفنيش كويس
ردت باستغراب :
– يعني ايه ؟!
بص في عيونها بقوه وقال بكل غموض :
– لو تعرفيني كويس كنتي عرفتي انا ليه متغير
ساره بجمود :
– يمكن لانك بتحبني ؟؟
انس بسخريه:
– طب مانتي شاطره اهو وبتفهمي
ساره بذهول :
– طب ازاي ؟؟
اتنهد وسند ذراعه علي السور :
-معرفش
– يعني ايه متعرفش ؟؟
– يعني لقيتني بحبك من غير ما احس
– يعني انت كل ده بتحبني مش عشان بتعتبرني اختك ؟!
– ولا عمري شوفتك غير حبيبتي
– مش معقول !!

– حتي انا مستغرب زي زيك بالظبط
– انس انا عمري ما شوفتك اكتر من اخ
-زي مانا عمري ما شوفتك اكتر من حبيبه
– انا فعلا عمري ما تخيلتك اكتر من اخ
انس انا طول عمري بحلم باليوم اللي هتزف فيه وانت اللي بتوديني لعريسي ازاي بس عايزني استوعب انك بتحبني بشكل تاني بعيد عن اخ واخته أو اب وبنته ازاي !!!!!
انس وهو ب*يهبد علي السور بغ*ضب :
– عمري ما تخيلت نفسي بزفك لحد غير ليا
ساره بدموع :
– انت خدع*تني
– انا مخ*دعت*ش حد وانتي عارفه كويس اوي ان ولا أنا ولا انتي اخوات ولا عمرنا هنكون اخوات في يوم من الايام ولا عمري هتقبل فكره اني احضر فرحك علي حد تاني غيري
نبره صوته اتقلبت مره واحده للغيره وهو بيمسك ايديها بين ايديه وبيضغط عليها وبيبص في عيونها بنظره ت*حذي*ريه وبنبره كلها وعيد :
– وبما أننا بقينا علي المكشوف فأنا بقولك من هنا ورايح مش مسموح لك تحبي أو تفكري في أي حد غير فيا
شدت ايديها من أيده بكل قوتها وهي بتص*رخ بعصبيه:
– استحاااااله استحااااله احبك بطل ج*نان بقي انت اخويا و…
– متضطرنيش ابقي م”جنون بجد واخطفك
برقت بذهول :
– تخ*طفني هي حصلت ؟؟
رد ببرود :
– مش انتي علي طول بتقولي نفسي احب واتحب نفسي اتخ*طف
– انت متخلف انا قصدي حد يخ”طف قلبي مش ي*خ*طفني انا ايه الجن*ان ده يابني آدم ؟!
شرب بوق من فنجان القهوه اللي في أيده وبص للروايه اللي كان بيقراها وهو بيرد ببرود :
– وماله اخط”فك واخ*طف قلبك مش حوار يعني
– انت مخك لحس يالا ولا ايه ؟!
رفع حاجبه :
– يالا

شدت الروايه من أيده بغيظ وهي بتجز علي اسنانها :
– باين كده الروايات اللي عطتهالك لحست مخك انا مش زي الابطال اللي فيها ياعسل فوق
– هه كل البنات بتقول كده والله في الآخر كلكم البطله بس بطرق مختلفه
” ابغي اقولك يا انس ياخويا انك عندك حق بس استحي 😂”
صرخ*ت بصوت عالي :
– عااااااا مستفز مستفززززز
-ساره مالك يابنتي في ايه ؟؟
قالتها نسمه وهي بتدخل اوضتها بفزع وقلق
ساره وهي بت*جز علي اسنانها :
– في ان البيه خد*ع*ني وخد*عك وخدعنا كلنا في أنه مفهمني كل ده أنه اخويا وطلع بيحبني
نسمه بذهول:
– هو ده السبب اللي صوتي عشانه!!
انس وهو بيضحك بتريقه:
– اومال لو عرفت السر هتعمل ايه؟
ساره باستغراب :
– سر ، سر ايه ده كمان
انس ببرود وهو بيشرب بوق قهوه :