رواية كيد النساء وقهر الرجال الفصل الثامن عشر 18 بقلم منى محمود

رواية كيد النساء وقهر الرجال الجزء الثامن عشر

رواية كيد النساء وقهر الرجال البارت الثامن عشر

رواية كيد النساء وقهر الرجال الحلقة الثامنة عشر

منار قرت الرساله مرة واتنين وتلاته … للحظات حست ان دماغها وقفت مش عارفه تفكر مش عارفه لو الكلام اللي بعته دا حقيقي حصل هي ممكن تطلع منها ازاي … واول ما حست بدربكة برة اوضتها … قامت بسرعه وخبت كارت الفيزا بتاعها في مكان محدش يقدر يوصله ولسه هترجع جمب بنتها علي السرير الباب اتكسر بعنف ودخل اخواتها وأبوها
منار بخضه
في ايه !
صلاح بغضب
في ايه … بقا مش عارفه في ايه يا فاج ـرة … فضحتينا …
وقبل ما تنطق بكلمة واحدة دخل محسن ومصطفي ونزلو فيها ضرب … كانت بتصرخ وبستنجد ب امها لكن امها كل اللي قدرت تعمله أنها دخلت وهي مقهورة خدت تيا اللي نايمة ومش حاسه باي حاجة وخرجت من الاوضه كلها
❈-❈-❈
في بيت نوال كان امير قاعد قدام الاب ومركز في دراسه الجدوي للمشروع اللي هيجمعه ب اخواتة وفي وسط تركيزه تلفونة رن بصوت رساله علي الوتساب من رقم غريب فتحها وكانت المفاجأة
سكرين شوت بمحادثه بين هبة ومنار من اول معرفتهم ببعض لحد ما في يوم اتفقوا يفبركو محادثه بين امير و هبه وكانت بتستني منار لما امير ينام وتمسك تلفونة تكلم منه هبه علي أنها امير ولما تخلص تاخد اسكرينات تبعتها ل نفسها وتمسح المحادثه كلها من عند امير
اسكرين باليوم اللي حصل فيه الطلاق وهي بتكلمها بسرعه وتقولها تعمل ايه لأن امير كشفها
اسكرين وهي بتعلمها ازاي محدش يمسك عليها حاجة وازاي تدخل ع واتس جوزها من غير ما يعرف وتتجسس عليه
اسكرينات بشاتات بينها وبين رجاله كتير جدا من علي مواقع دردشه اباحيــ ـه
واخيرا فتح الفيديوهات اللي كانت من جوة شقته وفي منها من اوضتها في شقه ابوها
كان عمال يتفرج والدم بيغلي في عروقه … كان غضبان غضب ممكن يولع في الدنيا كلها أنفاسه سريعه عيونة احمرت
كل اللي حصل كوم واللي سمعه منها كوم
وأنه يسمع ويشوف بنفسه كوم تاني
قفل اللاب بعنف وقام بسرعه خد موبايل ومفاتيحة ونزل من البيت بسرعه ومهما نوال تندة عليه مبيردش
نزل ركب تاكسي وطول الطريق وهو فاتح الرسائل وعمال يقراها مرة واتنين وتلاته وكل مرة غضبه بيزيد مش بيقل ابدا
❈-❈-❈
في شقه منار كان اخواتها الاتنين تعبو من كتر ما ضربوها وهي من كتر الضرب اغم عليها
أما صلاح كان قاعد علي السرير وحاطط رأسه بين أيديه ومش عارف يتصرف ازاي ولا يعمل ايه …
قعد مصطفي ومحسن علي الناحيه التانيه من السرير والغضب والتعب متملكين منهم
ثواني بسيطة وجرس الباب ضرب بعنف ومعاه خبطات شديدة علي الباب
صلاح
مين اللي بيخبط كدة
مصطفي بوجع
اقطع دراعي أن مكنش دا امير واللي وصلنا وصله
محسن خرج يفتح وخرج وراه مصطفي وصلاح
أما والدة منار ( فتحية ) فضلت في الاوضه حضنة تيا ودموعها نازله وعماله تفكر يا تري اللي وصلهم دا وصل لمين تاني ؟ يا تري مين عرف ؟ ولو اللي وصلهم وصل لكل معارفهم وقرايبهم هيتصرفو ازاي ؟ ازاي هيقدرو يواجهو الناس ؟ هيقولو ايه ؟
أما في الصاله كان امير واقف قدامهم والغضب باين علي وشه
صلاح
نعم ! جاي ليه يا أمير ؟
امير
لا والله يعني حضرتك مش عارف انا جاي ليه ؟ علي العموم انا وصلي كل اللي بنتك المحترمة كانت بتعمله صوت وصورة الحمد لله ربنا كشف الحقيقة والحق ظهر وبأن
محسن
أيوة وعايز ايه يعني ؟ هي دلوقتي بقت طليقتك مش مراتك يعني الفضيحه دي متخصكش اصلا
امير ضحك بوجع
بجد متخصنيش ؟
مصطفي بتعاطف
اه يا امير انت خلاص طلقتها وال يكلمك قول انك لما اكتشفت كل دا رميت عليها اليمين بس محبتش تفضحها لأنها في الاول وفي الاخر هي ام بنتك
امير بغضب
ايوووووة جبت انت كدة مربط الفرس … بنتي … انا جاي هنا وعايز بنتي ومش بس كدة لا دا بكرة الصبح نطلع ع الشهر العقاري ومعانا المحامي تتنازل عن كل حقوقها وعن حضانة تيا للابد والا والله هطلع ع القسم واقدم الحاجات دي مع بلاغ محترم أنها غير أمينة علي بنتها وخلي اللي معرفش يعرف بقا
محسن بغضب
انت جاي لحد بيتنا تهددنا يا امير ولا ايه
امير بغضب اكبر
اه يا محسن … جاي لحد بيتك وبهددك وعايز بنتي … دا حقي … اختك افترت عليا وانتم صدقوتها ورفعتو عليا قواضي وفضحتوني وظلموتوني … ف دلوقتي يا محسن أقل حقوقي اني اخد بنتي من البيت دا يا هتعملوها ودي يا نروح للمحاكم زي ما انتم عملتم اختاروا بقا
صلاح بتعب
ومالو يا أمير … ومالو … هديك البنت دلوقتي وبكرة نتقابل ونعملك كل اللي انت عايزه … ها اي طلبات تاني ؟ ولا تسيبنا نشوف هنتصرف ازاي في المصيبه اللي احنا فيها
امير للحظات صعبو عليه أهلها بس افتكر اللي عملوه معاه رجع ل جموده تاني
امير
لا يا عمي مليش اي طلبات تاني … بعد ازنكم حد يجيبلي تيا وكام غيار ليها
مصطفي اتحرك وطلع كزا غيار ل تيا وحطهم في شنطة صغيرة وخرج من اوضه منار دخل اوضه أمه
مصطفي
هاتي البت يا ماما
فتحيه بدموع
لية يا مصطفي … ليه وافقتو تتخلو عن البنت بسهوله كدة … حرام عليكم يا بني بتعدو اختكم عن ضناها حرام يا بني
مصطفي كشر
حرام علينا ؟ بجد ؟ دا اللي انتي شيفاه ؟ امي الله يباركلك هاتي البت وسيبنا نشوف هنتصرف ازاي في المصيبه اللي احنا فيها دي معني أن الحاجات دي وصلت لامير أنها وصلت لناس تانيه يعني اتفضحنا يا ماما فاهمة دي ولا لا بنتك فضحتنا خلاص … هاتي البت يا ماما هاتي الله يرضي عليكي
فتحيه مردتش علي مصطفي وناولتة تيا خرج وهو شايلها واول ما شافها امير جري ناحيتها بلفهه وخوف
امير
مالها عامله كدة ليه ؟ في ايه ؟
مصطفي بارتباك
ا مفيش هي. هي نايمة بس شويه
امير
لا لا نايمة ايه تيا اصلا نومها خفيف جدا البنت رايحة خالص في ايه ؟ حد فيكم يفهمني
صلاح بصوت ضعيف
والله ما عارف اللي عرفناه هو اللي حصلها فعلا ولا دي كانت كدبه من امها .. قصره البت كويسه هي بس واخدة حاجة منيماها بالشكل دا قلقان عليها اطلع علي مستشفى ولا اي دكتور يطمنك وسيبنا بقا في اللي احنا فيه
امير خرج بسرعه وهو خايف علي بنته اللي حاسس انها مش طبيعيه وفيها حاجة غريبه ومصطفي قفل الباب وراه وبص لابوة بحزن وقهر
مصطفي
هنعمل ايه يا بابا ؟ معني أن الحاجات دي وصلت لامير أنه
قاطعه صلاح
أنها وصلت لناس تاني عارف عارف يا مصطفي … بس اللي مش عارفه هو هنعمل ايه دا السؤال اللي ملوش عندي اي اجابه يا مصطفي اتصرفو انتم اعملو اللي تعملوه انتم
❈-❈-❈
امير نزل من عندهم دخل علي طواريء في مستشفى جمب البيت وبعد الفحص والتحاليل الدكتور قاله أنها خدت جرعه كبيرة من دوا بينيم وأنها علي بكرة الصبح هتبقي كويسه جدا
حضن بنته بخوف ورعب عليها وعلي اللي حصلها وهو بعيد عنها ووعدها بينه وبين نفسه أنه استحاله يسيبها تبعد عنه تاني ابدا
ركب تاكسي وافكارة مش بتوقف يا تري اي حصل ل بنته ؟ وازاي خدت الدوا دا ؟ وازاي هما مش عارفين ؟ اسئلة كتير ملهاش اجابه للاسف حاليا لكنة كان مصمم يعرف ايه حصلها بالظبط وأقسم أنه مش هيسامح ابدا في حقها مهما حصل
❈-❈-❈
محمود نزل مع هند عشان يتعشو سوا واتفاجا ب ياسين وكامل اخوة موجودين
محمود بتفاجأ
اهلا اهلا … دا ايه المفاجأة الحلوة دي
كامل
اهلا بيك يا حبيبي انا قلت اجي اطمن علي هند وامشي علي طول بس ياسين وهناء اصرو اني افضل واتعشي معاكم
محمود
وانت كنت عايز تمشي من غير ما نقعد معاك ؟ ايه يا كامل والله ازعل منك كدة وانت يا سي ياسين معرفتنيش ليه لما جيت
ياسين ابتسم
والله كنت هطلعلك بس نونا قالتلي أن هند عندك وهتجيبك وتنزلو سوا قلت استني هنا بقا
دخلت في الوقت دا الاء
الاء
يلا يا جماعه العشا جاهز
ياسين بمرح
لا متقوليش أن انتي اللي محضراه كدة همشي بكرامتي احسن
الاء كشرت
ليه بقا أن شاء الله يا خالو حد قالك اني مش بعرف اطبخ ولا ايه لااااا دا انا ست بيت شاطرة جدا جدا جدا اه اوعي حد يقولك غير كدة
هناء برفعه حاجب
لا والله ؟
الاء
ايه يا ماما البصه دي في ايه انا بنتك حتي جاريني كدة في الكلام متخليش شكلي وحش
كامل
لا يا حبيبتي هي مش محتاجة تجاريكي كلنا عارفين كويس اوي اللي فيها
هند ضحكت
شكلك وحش اوي اوي
الاء كشرت وسكتت
محمود بحنيه
بس منك ليه في ايه … بنوتي شاطرة وبتعرف تعمل حاجات واللي انهاردة مبتعرفش تعمله بكرة تعرف هي لسه صغيرة والعمر قدامها تتعلم علي مهلها احنا مش مستعجلين
الاء بحب
حبيبي يا باباتي ربنا ما يحرمني منك ابدا يا قلبي انت
هناء
بكاشه اوي
ضحكو كلهم وبدؤ يتعشو في جو أسري هاديء وجميل كان محمود مفتقدة بقاله كتير اوي
حتي البنات وهناء كانو مبسوطين اوي ودا كان واضح اوي اوي عليهم
محمود
اومال فين عاصم مجاش معاك ليه
الاء اول ما سمعت اسم عاصم ضربات قلبها زدات اوي والتوتر اتملك منها
كامل
والله قلتله يا محمود بس هو الايام دي مشغول اوي عايز يخلص القضيه اللي معاه بسرعه عشان يا سيدي قرر اخيرا أنه يخطب ف أجل المراوح للناس لحد ما يخلص القضيه اللي معاه وبعدها نروح نتقدم بقا
محمود بسعادة
بجد ! مبروك يا حبيبي ربنا يتممله علي خير يارب
هناء
مبروك يا كامل
كامل
الله يبارك فيكم عقبال بناتنا الحلوين أن شاء الله
الكل أمن علي كلامه الا الاء اللي حست ان الهوا خلص من المكان وبدأت تعرق جامد واستاذنت منهم طلعت جري علي اوضتها وسط استغرابهم كلهم
دخلت اوضتها ودموعها نازله ولاول مرة متتصلش باميرة عشان تقولها تتصرف ازاي طلعت رقم عاصم واتصلت مرة والتانيه وفي التالته رد اخيرا
عاصم
الو
الاء بصوت مكتوم
انت صحيح هتخطب يا عاصم
عاصم سكت ثواني وبعدين اتكلم ببرود
عاصم
اه يا الاء هخطب اخت زميل ليا واكيد وقت الخطوبه كلكم هتكونو موجودين علشان تتعرفو عليها وتشاركوني فرحتي
الاء ببكاء
ا انت بتتكلم جد يا عاصم ؟ انت مش بتهزر ؟ قول انك بتهزر عشان خاطري ؟ متعملش كدة
عاصم بوجع
بعمل ايه يا الاء ؟ انا بعمل ايه عرفيني انتي ؟ انا كل اللي بعمله اني بشوف حياتي بتحرك من مكاني بدل ما انا بقالي سنين واقف في نفس المكان مش بتحرك كل اللي عملتة اني سمعت كلامك وبعدت عن طريقك يا بنت عمي وشوفت طريق تاني بعيد عنك … ايه اللي انا عملتة
الاء مردتش عليه كان صوت عياطها عالي جدا حاولت تتكلم بس مقدرتش وفي الاخر قفلت السكة وثواني ورقم عاصم ظهر تاني لكنها كنسلت وقفلت التلفون كله خالص وانهارت من العياط
❈-❈-❈
روح امير وقالبتة نوال اللي كانت قاعدة قلقانة بسبب طريقه خورجة وعدن ردة علي التلفون طول الوقت دا
شافت تيا نايمة علي ايديه وقبل ما تتكلم قاطعها هو
امير
امي سيبيني بس الله يخليكي ادخلها الاوضه انيمها وهاجي احكيلك كل حاجة … عن ازنك
فضلت نوال قاعدة في الصاله مستنيه خروج امير في الوقت دا دخل شريف من الباب
شريف
مساء الخير يا نونا مالك قاعدة كدة ليه ؟
نوال
مستنيه اخوك يطلع ويفهمني في ايه بالظبط
شريف بعدم فهم
في ايه ف ايه ؟
نوال
من شويه خرج يجري من البيت ومهما انده علية مبيردش وفضلت اكلمو علي التلفون مبيردش ودلوقتي راجع وشايل تيا بنته نايمة علي ايديه لسه هتكلم قالي استني هنيمها واجي احكيلك كل حاجة واديني مستنيه اهو
خرج امير وقعد وسطهم وبدء يحكيلهم كل اللي حصل واللي اتفق عليه كمان مع صلاح واخوات منار
شريف
برافو عليك يا امير … انت كدة اتصرفت صح … المهم البنت تكون معاك وفي حضنك مش مهم اي حاجة تاني
نوال بحزن
لا حول ولا قوه الا بالله … ربنا يصبرهم يارب
امير بدهشه
ماما انتي بتدعيلهم ؟ انتي نسيتي اللي عملوة معايا ولا ايه ؟
نوال
لا يا حبيبي منستش … بس الفضيحة وحشه دول سمعتهم كدة ادمرت دول رجاله هيمشو موطين رأسهم بين الناس … اه انا ليل نهار كنت بدعي ربنا في كل صلاة أن الحق يظهر بس عمري ما تمنيت ابدا ابدا الفضيحه ليها … ربنا يستر على ولايانا يا رب
شريف
يلا ربنا يسهلهم بعيد عننا … المهم انا هستاذن من شغلي بكرة وهكون معاك لحد ما نخلص كل الإجراءات دي
امير
ملوش لزوم يا شريف انا
قاطعه شريف بإصرار
بقولك ايه انا هاجي معاك يعني هاجي معاك مفهاش نقاش دي
نوال
خليه يكون معاك يا امير اخوك وعايز يكون معاك سيبه يا حبيبي
امير
ماشي يا شريف زي ما تحب
❈-❈-❈
الليل عدي ومنار محبوسه في اوضتها كل شويه حد من اخواتها يدخل يضرب فيها ويخرج تاني
كانت بتنزف من كل حتة
كدمات في كل جسمها
عينيها مقفوله من الورم
صلاح
وبعدين ؟ انا قفلت التلفون من كتر ما رن ومش عارف ارد علي الناس اقول ايه … هنعمل ايه دلوقتي ؟
محسن
مفيش غير حل واحد …
منار في الوقت دا كانت فاقت قامت بصعوبه بسبب الوجع اللي حسه بيه تحاملت علي نفسها واتحركت براحة اوي خدت اتنين مسكن من شنطتها وقربت من الباب عشان تسمع هما بيقولو ايه
واول ما سمعت الحل اللي محسن قاله برقت بصدمة وخبطت علي وشها ودموعها لاول مرة تنزل بخوف ورعب من اللي سمعته منهم