رواية كيد النساء وقهر الرجال الفصل التاسع عشر 19 بقلم منى محمود

رواية كيد النساء وقهر الرجال الجزء التاسع عشر

رواية كيد النساء وقهر الرجال البارت التاسع عشر

رواية كيد النساء وقهر الرجال الحلقة التاسعة عشر

منار في الوقت دا كانت فاقت قامت بصعوبه بسبب الوجع اللي حسه بيه تحاملت علي نفسها واتحركت براحة اوي خدت اتنين مسكن من شنطتها وقربت من الباب عشان تسمع هما بيقولو ايه
واول ما سمعت الحل اللي محسن قاله برقت بصدمة وخبطت علي وشها ودموعها لاول مرة تنزل بخوف ورعب من اللي سمعته منهم
محسن
مفيش غير أن نبعتها ل جدي مجاهد في الصعيد يجوزها لاي غفر من اللي عندة ونخلص منها ومن مشاكلها واللي يسأل يقول دي اتجوزت وغارت وجدي لما يعرف اللي احنا فيه هيوافق علي طول
صلاح
يعني نفضح نفسنا في الصعيد كمان يا محسن
مصطفي بسخريه
دا علي أساس أن الخبر مش اكيد وصلهم … بابا احنا اتفضحنا واللي كان كان خلاص
محسن
ارجوك يا بابا وافق خلينا نخلص منها بقا
صلاح
لله الامر من قبل ومن بعد موافق موافق
منار لطمت علي وشها وبدأت تكلم نفسها بصوت مسموع
معقوله تكون هي دي نهايتي ؟ معقوله دي آخرتي ؟ عمري ما كنت أتخيل أن دي تكون نهايتي … ايه خلاص كدة هستسلم وارضي ب اللي بيحصل فيا … لا والله ابدا ما يحصل ولا يكون … انا دي عمرها ما تكون نهايتي مش انا اللي اتذل أو اتهان ما عاش ولا كان اللي يذلني … انا هرجع وهبقي اقوي من الاول ويا انا يا انتم
غيرت هدومها وخدت مسكن تاني وحطت الفيزا في شنطتها وخرجت بهدوء علي المطبخ الاول كانو همافي اوضه الصالون بيتفقوا علي الكلام اللي هيقولوه ل جدهم … خدت سكينة كبيرة وخرجت تتسحب بهدوء وفتحت الباب براحة قبل ما يحسو بيها لكن اللي معملتش حسابه أنها تلاقي تهاني مرات محسن ومعاها مؤمن ابنهم عندة خمس سنين في وشها
تهاني بصت للسكينه ول منار وراحت مصوتة جامد
لحظة هي كانت مجرد لحظة حصلت فيها كل حاجة
شدت منار مؤمن من جمب تهاني بسرعه وحطت السكينة علي رقبته … في نفس اللحظة اللي خرج فيها صلاح ومصطفي ومحسن من اوضه الصالون والصدمة كانت علي وشوشهم
تهاني بصراخ
ابني … حرام عليكي يا منار سيبي الواااااد الحقني يا محسن اتصرررررف
صلاح بتوتر
انتي بتعملي ايه هه اتجننتي خلاص
منار بجنون
أيوة اتجننت أيوة … انا هخرج من هنا سامعين هخرج ومحدش هيقرب مني … ايه فكريني ضعيفه وهسكت واستني لما تشحنوني علي الصعيد لااااااا دا مش هيحصل ابدا مهما كان التمن
محسن بخوف
ط طب سيبي الواد … دا عيل يا منار … سيبي مؤمن وغوري مكان ما انتي عايزة
منار ضحكت
هههههههههههههههه عبيطة انا بقا عشان اصدقك صح ؟ … لا لا يا حبيبي انا هخرج بيه من هنا واول ما ابقي في الشارع تحت وسط الناس هسيبه هيطلعلكم بس لو لمحت حد نازل ورايا اقسم بالله العظيم لأكون دبحاه يا محسن انا مجنونة واعملها والله
مصطفي
ما قلنا لك غوري في داهيه بس سيبي الواد
منار
وانا قلت اللي عندي ( بصت ل تهاني) وسعي كدة من قدام الباب … يلااا اتحركي واوعو حد يجي ورايا …
اتحركت تهاني بسرعه من قدام الباب ونزلت منار وهي حطة السكينة علي رقبه مؤمن
محسن جاي يجري وراها مسكة صلاح
صلاح
يا بني هي قالت هيطلع بلاش تنزل انت
محسن بوجع وخوف
وان مطلعش وان فكرت تاذيه عشان نتلهي فيه وهي تهرب… سيبني يا بابا سبني بالله عليك
صلاح بصله بخوف من أن منار فعلا ممكن تعمل كدة وساب دراعه وجري معاه هو مصطفي علي تحت منار كانت وصلت الحوش وهتسيب مؤمن لمحتهم نازلين علي السلم رجعت شدت الولد عليها تاني بس ملحقتش تمسكة كويس يادوب مسكت ايديه وهي بتشدها الولد كان بيحاول يجري منها
مؤمن
بابا بابا بابا
منار
تعالي هنا بقولك ياواد مش عايزة اعورك تعالي اسمع الكلام
منار بصت لاقت أنهم خلاص قربو مفضلش بينها وبينهم كتير زقت مؤمن جااااامد علي الارض وطلعت تجري علي برة
محسن ومصطفي جريو وراها وتهاني وصلاح جريو علي مؤمن اللي كان بيصرخ من الوجع من شدة الوقعه
منار كانت بتجري واخواتها وراها الجيران كان عندهم حاله زهول من اللي شايفنيه خصوصا لما شافوا السكينة اللي في ايد منار
منار لما حست ان اخواتها اسرع منها وأنهم خلاص هيمسكوها وقفت في نص الشارع
منار بصوت عالي وهيستريا
اوعو حد يقرب اللي هيقرب هموتة والله العظيم هموتة سبوني امشي بقا عايزين مني ايه تاني سبوني في حالي بقا
مصطفي بغضب
احنا اللي حرام علينا يا فاج رة احنا اللي فضحناكي وبهدلناكي معانا احنا اللي رفعنا السكينة علي عيل صغير انتي ايه معجوونة من ايييييييه
منار بغضب
انا قلت اللي عندي اللي هقرب هقتلة
محسن
انتي احسنلك تقتلي نفسك عشان ترحميها من اللي هنعملو فيها لما نمسكك
منار بسخريه
اقتل نفسي ؟ عايزني انتحر يا محسن ؟ تؤ تؤ مش منار اللي تموت نفسه ابدا ابدا عشان اي حد
واحد من الشارع
استهدو بالله يا جماعه الكلام مش كدة اطلعو شقتكم اتكلمو فيها ميصحش كدة
ست تانيه
اكسرو دماغها قليلة الربايه اللي رافعه السكينه علي اخواتها دي
راجل تالت
يا جماعه الأمور متتحلش كدة انتم اخوات
محسن بشر
محدش يدخل دي مجنونة وممكن تأذي اي حد …. احنا هنتصرف
محسن همس ل مصطفي
احنا نقرب عليها وقدام الناس كلها هي قالت اللي هيقرب هقتله خليها تحاول تقتلنا وبعدها ندب السكينة دي فيها وتموت وبيقي دفاع عن النفس قدام كل الناس دي
مصطفي بصله بتركيز ومحسن بصله بإصرار وقدام إصراره وافق مصطفي
قربو عليها الاتنين وهي كانت بترجع لورا والخوف باين علي ملامحها
منار بتوتر وخوف
ا انتم بتقربو ليه … بقولكم ارجعوا … ا انا انا هقتلكم بجد مش بهزر علي فكرة
كانو كل ما بيشوفو الخوف علي ملامحها بيزدادو هما قوة وثقه
وصولولها واول ما حاولت منار تضرب السكينة في بطن محسن فجاءها محسن أنها كسر كف ايديها ومسك منها السكينة ودبها في بطنها جامد ومصطفي واقف مداري عليه وسط صدمة الكل في الشارع
❈-❈-❈
عاصم طول الليل بيحاول يكلم الاء مش عارف تلفونها مقفول ومكنش عارف يتصرف ازاي …
اول ما النهار طلع الاء فتحت تلفونها عشان تكلم اميرة بس قبل ما تدوس اتصال تلفونها رن برقم عاصم خدت نفس طويل وردت
الاء بصوت ضعيف
الو
عاصم بلهفه
انتي مبترديش ليه وقفلتي تلفونك ليه حرام عليكي قلقتني
الاء
انا كويسه مفيش حاجة فصل شحن وسبته علي الشاحن ونمت واهو لسه صاحيه
عاصم بحزن
الاء انا مش عارف اقول ايه
الاء
ولا اي حاجة يا عاصم … انا لازم اقفل معلش معايا ويتنج من أميرة عشان نشوف هننزل امتي انهاردة مش عايزة ازعل بابا مني تاني عن ازنك
عاصم
مع السلامة
الاء
مع السلامة
قفلت معاه واتصلت علي أميرة اللي اول ما سمعت صوتها فهمت أو توقعت اللي حصل وطلبت منها تتماسك لحد ما ينزلو الجامعه وهناك يتكلمو براحتهم … قفلت معاها وقامت تجهز … مهما كانت مضايقه أو موجوعه لازم تنزل الجامعه بدل هند لازم تكون قد المسؤوليه ومتزعلش ابوها منها تاني ابدا مهما حصل
❈-❈-❈
عند نوال كان الكل صحي وفطر وبدؤ يشوفو اشغالهم … جلال نزل الاستديو يخلص شغل وامير وشريف راحو يشوفو مواقع لامكان تنفع للمشروع بتاعهم وفضلت نوال وجودي ومعاهم تيا في البيت …
تلفون نوال رن برقم غريب وردت
نوال
الو السلام عليكم
اسماء
وعليكم السلام ازي حضرتك عامله ايه ؟
نوال
الحمد لله يا حبيبتي… بس انتي مين معلش سامحيني الرقم مش متسجل عندي ومش عارفه الصوت
اسماء بتردد
قبل ما اقولك انا مين هستحلفك بالله ما تقفلي الخط وتسمعيني للاخر احنا ملناش حد ومحتاجين مساعدة والله مش اكتر من كدة
نوال بفضول
وانا عمري ما ارد حد محتاجلي ابدا … قوليلي انتي مين ؟
اسماء
انا اسماء اخت احلام طليقه شريف ابنك
نوال لا رد
اسماء
بالله عليكي ما تقفلي احنا مش عايزين اي حاجة منك غير النصيحة بس والله
نوال بجمود
سمعاكي اتفضلي اتكلمي
اسماء
احلام من اخر مرة كانت عند الزفت مندوه وهي حصلها ….
وبدأت اسماء تحكي كل حاجة ل نوال من اليوم اللي احلام كانت فيه عند مندوه لحد زيارة زيزي حماتها ليهم وكلامها
اسماء ببكاء
دا كل اللي حصل … احنا توبنا والله وندمنا واستغفرنا ربنا علي كل اللي عملناه وخايفين ندفعلها الفلوس نكون بنشارك تاني في عمل الشر وخايفين نقول لا اختي تتأذي اكتر ما هي مأذيه مش عارفين نعمل ايه ومش عارفين نلجاء لمين احنا منعرفش حد والله ما لينا حد خالص كل اللي طالباه منك تقوليلي نعمل ايه ؟ ويبقي شكرا جدا ليكي وجميل في رقبتنا العمر كله مش هننساة ابدا
نوال طول الوقت كانت بتسمعها وبتحاول تكون قاسية وجامدة بس غصب عنها ما قدرتش نوال بطبيعتها حنينه ما بتعرفش ترد اي حد سائل او محتاج … بتصعب عليها كل الناس كانت متخيلة انها هتفضل قاسيه عليها لقيت نفسها بتتكلم بصوت كله حنيه عكس ما هي كانت عايزاه يطلع جامد لكن صوتها خانها وطلع بكل حنيه
نوال
طبعا لو دفعتو الفلوس دي تبقوا بتشاركوا معاهم في الدجل اعوذ بالله ويبقى ولا كانكم توبتم ولا ندمتم ولا رجعتوا عن اللي انتم عملتوه انتوا لازم تقطعوا علاقتكم بيها هم ما يقدروش يضروكوا لازم يكون عندكم ايمان بربنا ويقين … عموما انا هكلم شيخ هنا امام الجامع اللي جنبينا وهحكي له كل اللي حصل وهشوف رايه ايه وهتصل ابلغك بعدها
اسماء
بجد يعني انتي هتساعدينا وتقفي جنبنا بجد ؟ ولا مجرد ما هقفل معاكي هتعملي لرقمي بلوك ومش هتعرفيها تاني ؟
نوال
لو مش عايزه اساعدكم كنت قلت لكم ان انا مش عايزه اساعدكم انا عمري ما قدرت ارد حد قصدني وان شاء الله ربنا يقدرني واكون سبب في ان الكابوس اللي انتم بتمرو بيه ده ينتهي تماما
اسماء
شكرا شكرا بجد من كل قلبنا
نوال
العفو يا حبيبتي العفو انتم زي جودي بنتي بس يعني معلش في السؤال هي احلام مش عايزه تكلمني ولا ايه
اسماء بسرعه لخبطة
لا ازاي هي بس والله العظيم مكسوفه منك جدا وقالت لي ممكن تكوني حضرتك مش هتبقي عايزه تساعدينا بسبب اللي هي عملته فما رضيتش ان هي اللي تتكلم عشان ما تحرجكيش يعني ففرصه ان حضرتك ترفضي او توافقي تبقى اكتر يعني وتبقي براحتك لكن والله ابدا هي بس مكسوفه منك
نوال ابتسمت
طب اديها لي يا اسماء لو هي جنبك انا عايزه اكلمها
اسماء
ايوه هي قاعده جنبي اهي حاضر ثواني
احلام بخجل
صباح الخير يا طنط نوال ازي حضرتك عامله ايه ؟
نوال
صباح النور يا احلام انا الحمد لله كويسه انت عامله ايه ؟
احلام
الحمد لله على كل حال الحمد لله كويسه انا متشكره جدا على مساعده حضرتك لينا
نوال
ما فيش شكر بينا يا احلام انتم زي جودي بنتي بالظبط خلي بالك من نفسك ومن اختك وانا انهاردة هكلم الشيخ أسامة أن شاء الله وهرد عليكم علي طول
احلام
تسلملي يا طنط ربنا يخليكي وما يحرمنا منك ابدا هنستني اتصالك أن شاء الله
نوال
ماشي يا حبيبتي مع السلامة
احلام
مع السلامة يا طنط
قفلت نوال التلفون اللي كانت مشغلاه علي الاسبيكر ولسه هتقوم من علي الكرسي لاقت جودي واقفه قدامها ومبتسمة اوي
نوال كشرت
بت انتي ايه قومك من مكانك مش قلتلك لو احتاجتي حاجة اندهي عليا انتي متعبه كدا ليه هه
جودي بحب
انتي عارفه انك اطيب ام في الدنيا كلها ولا لا وعارفه اني بحبك اوي اوي وفخورة انك امي ولا لا
نوال فهمت أنها سمعتها قامت وقفت وحضنتها
عارفه … وانتي لازم تعرفي اني بحبكم اوي انتم نور عيوني ربنا يخليكم ليا وما يوريني فيكم حاجة وحشه ابدا يا حبايبي
جودي
ويخليكي لينا يا احن ام في الدنيا
( بعدت عن حضنها وسألتها بتوتر)
ماما هتقولي ل شريف ولا لا ؟
نوال
لا يا جودي …. شريف لسه مجروح ومش هيصدق ولا كلمة من كلامهم وانا مضمنش رد فعله ايه يمكن يحلف عليا اني مساعدهمش يمكن يخيرني بين مساعدة وبينه انا مش ضمنة رد فعله ف لا لا مش هقولة الا لما اساعدهم الاول واتاكد أنهم بقو بخير وقتها هحكيلة علي كل حاجة مش هخبي عليه اه بس مش هقوله دلوقتي
جودي
صح يا ماما شريف مش مضمون معاكي حق بس خلي بالك من نفسك أنا اه صعبانين عليا ونفسي تساعديهم بس أن جيتي للحق يعني أنا بردو خايفه عليكي من الدجال دا
نوال
سيبها علي الله يا حبيبتي… يلا ادخلي ارتاحي في سريرك وانا هدخل اطمن علي تيا وبعدين اتصل بالشيخ أسامة قبل ما حد من اخواتك يرجع ومعرفش اتكلم في وجودة
جودي
مع اني زهقت وقرفت من نومة السرير بس حاضر يا ماما حاضر بس بقولك ايه لو البت تيا صحيت هاتيها تقعد تسليني ف اوضتي وانتي ادخلي اوضتك اتكلمي براحتك قشطة
نوال
ماشي يا ست جودي حاضر
جودي دخلت اوضتها ونوال دخلتلها تيا ورجعت اوضتها وقفلت عليها
اتصلت علي الشيخ أسامة أمام الجامع وحكتله ملخص للحوار كله وهو طلب منها أنه يشوف احلام بنفسه بس شرط وجود راجل في القاعدة وأنه مش هيدخل مكان كله ستات سواء بيت نوال أو بيت احلام
قفلت معاه نوال وهي محتارة تتصرف ازاي في الموضوع دا ولما لاقت نفسها محتارة دخلت ل جودي وحكتلها اللي حصل
جودي
بصي يا ماما مش قدامك غير اختيارين
يا تقولي ل امير وهو يكون موجود واحلام تيجي هي واسماء هنا يا تقولي ل جلال وبردو احلام واسماء اللي يجو هنا وهو شريف في الشغل طبعا
نوال
وافرضي يا فالحة شريف اخوكي رجع في اي وقت يبقي ايه العمل بقا
جودي
يا ستي مش هيرجع أن شاء الله انتي تحددي معاد معاهم الصبح بدري اول ما شريف ينزل علي طول عشان نكون في الامان
نوال
ماشي … طب اقول ل امير ولا جلال
جودي بتفكير
بصي هو جلال انا واثقه أنه هيوافق وجدا كمان بس عشان نكون حاطين كل الاحتمالات قدامنا لما شريف يعرف زعله من امير مش هيكون كبير زي زعله من جلال واحراجة اصلا من امير مش هيكون زي احراجة من جلال ف خلينا في امير
نوال باقتناع
تمام علي خيرة الله هقوله انهاردة ولو وافق هتصل ب الشيخ أسامة اخليه يجي بكرة الصبح وهتصل بيهم ابلغهم هما كمان
❈-❈-❈
في احدي النوادي الكبري كانت قاعدة ياسمينا في انتظار أحد ما كان باين عليها الملل … وفجأة قعد قصادها شاب في الثلاثينات من عمره
الشاب
سوري يا مينا اتاخرت عليكي شويه
ياسمينا بغيظ
ساعه الا ربع بقو شويه يا شادي انت هتستهبل ولا ايه من اولها
شادي ببتسامة
ما قلت سوري بقا متقبيش قفوشة واطلبيلي فطار يلا انا ميت من الجوع
ياسمينا
مش لما نتكلم الاول واقولك أنا عايزاك في ايه
شادي
اكل الاول واحنا بنشرب القهوة اسمع منك انتي عايزاني في ايه وانا تحت امرك
ياسمينا ابتسمت
اوك يا شادي نفطر الاول
طلبت فطار ليهم وفطرو في صمت تام وبعدها طلب شادي قهوة وطلبت هي عصير فرش
شادي
ها يا ستي قوليلي بقا عايزة مني ايه
ياسمينا
انت طبعا عارف اني أطلقت من ياسين
شادي
اه عارف
ياسمينا
احنا بقا عايزين نرجع ل بعض
شادي
طب كويس اوي
ياسمينا
بس في مشكلة صغيره ودي اللي انا عايزاك تساعدني في حلها
شادي باهتمام
مشكلة ايه دي ؟
ياسمينا
ياسين في لحظة غضب طلقني بالثلاثه رسمي علي يد مؤذون وعشان نرجع ل بعض لازم محلل وانا كنت عايزاك انت تكون المحلل دا
شادي بغضب
نعم !!! انتي شكلك اتجننتي يا ياسمينا عشان تطلبي مني طلب متخلف زي دا عن ازنك انا غلطان أن جيت من الاول
جه يقوم قاطعته ياسمينا بقوة
بقولك ايه متعملهمش عليا انت من يوم ما ابوك فلس ومن الصدمة مات وامك باعت اللي وراها واللي قدامها وبردو مش لاقين تاكلو وانت مبرشط علي كل واحد في الشله شويه دا غداا فطار دا سجائر وانا عشان صحبه جدعه اخترتك انت قلت نفع واستنفع وبدل ما اجيب حد يعملي خدمة اجيبك انت واديك قرشين تعمل بيهم مشروع بدل ما انتم مفلسين وشحاتين كدة ف اظبط كدة واقعد وخلينا نتكلم يلاااا