رواية قسوة العشق الفصل الرابع 4 بقلم سولييه نصار
رواية قسوة العشق الجزء الرابع
رواية قسوة العشق البارت الرابع
رواية قسوة العشق الحلقة الرابعة
-ربنا يصبرك يا حبيبتي …
قالتها لي واحدة وهي بتحضنني في عزا عمر …كنت ساكتة وانا مصدومة لسه مش مستوعبة خبر مو*ته …مش مصدقة اني اتحررت من الع*ذاب ده …كانت مشاعري متلخبطة مش عارفة حاسة بالحزن ولا الفرح بس فيه راحة كبيرة كانت في قلبي اني مش هتض*رب بعد النهاردة مش هتها*ن بعد النهاردة …اخيرا هحس بالأمان …كنت في عزا جوزي ورغم كده منزلتش ولا دمعة كنت وخلاص …ساكتة من برا بس جوايا كان ضجيج كتير …جوايا اصوات مبتسكتش ….
..
خلص العزا ومر يومين وانا قاعدة في البيت رافضة استقبل اي حد حتي أهلي …بوضوح قولتلهم ان محدش يجي عندي بس أصروا يتقربوا خصوصا لما عرفوا بموضوع الوصية ….
……
في يوم ام عمر والمحامي جم عندي فجأة عشان يقولولي علي حاجة صدمتني …
-نعم!!ازاي يعني مش فاهمة ؟!
قولتها بذهول فقربت مني ام عمر وقالت:
-يعني زي ما سمعتي يا دنيا عمر كتبلك كل حاجة…فلوسه اللي في البنك والعربية بتاعته حتي البيت ده وبيت المزرعة بقا ليكي ….
سكتت بذهول فقام المحامي وقال:
-جهزي نفسك يوم اعلان وصيته لانك المالكة الوحيدة ليه …
وبعدين مشي ..
مسحت ام عمر دموعها وقالت:
-عمر كان بيعشقك اووي …
اول ما قالت كده ضحكت بسخرية وقولت بوجع:
-بيحبني ؟!! متقنعنيش أن حضرتك متعرفيش الج*حيم اللي أنا كنت عايشاه بسبب ابنك …ايه مش باين علي وشي كمية الكد*مات اللي سببها بسبب ضر*به ليا كأني بهي*مة …
بكت ام عمر وقالت:
-بس كان بيحبك…كان بيعشقك
صرخت بقه*ر وانا بقول:
-عشق ايه اللي يخليه يضر*بني بالطريقة دي لحد ما يك*سر عضمي …يشو*ه جسمي ويشك اني علي علاقة بأخويا في الرضاعة !!!ده حب برأيك؟!!
مسحت دموعها وقالت:
-هو مكانش طبيعي ..انا عارفة ده من زمان ..عمر دايما كان بيلجأ للعن*ف وده بسبب والده الله يرحمه ويسامحه …جوزي محمود مكانش طبيعي برضه ..كان عن*يف بيضر*بني انا وعمر لدرجة أنه مرة ك*سر ايد عمر وهو عنده خمس سنين …ابني طلع معق*د زيه ..وهو عنده عشر سنين اكتشفت أنه بيمسك الحيوانات ويقت*لها …بيفضل يخنق فيها لحد ما تم*وت …فضلت في المعاناة لحد ما جوزي ما*ت بس عمر مرجعش لطبيعته ..
حطت عينيها في الأرض وكملت بكسوف؛
-كنت خايفة اوديه دكتور نفسي ليتف*ضح ويقولوا عليه مجن*ون عشان كده لما شوفتك فكرت انك انتي هتصلحي حاله …
-ليه هو انا مفك هصلح اللي اتك*سر جواه…أنا إنسانة وابنك د*مر حياتي …
مسكت أيدي وقالت:
-بس ابني الله يرحمه مات …وكلامك عن الماضي مش هيغير …عيشي الحاضر …طلعي ابنك او بنتك اللي جاي في الطريق اسوياء نفسيا متغلطيش غلطتي …
بعدين سابتني ومشيت …
……
أعلنوا الوصية واخدت كل الفلوس …طبعا ابويا بدأ يعاملني بحنان عشان ياخد فلوس مني بسبب ديونه اللي كتبت رفضت تماما اديه حاجة لأن دي كانت فلوسي وفلوس ابني وغير كده مقدرتش انسي اني في يوم كنت هم*وت وهو اتخلي عني …قررت فعلا مبكيش علي الماضي واعيش الحاضر بسعادة …بعدت عن اهلي …وروحت لأخصائية نفسية عشان تعالج الض*رر النفسي الرهيب اللي حصلي بسببه وتابعت معاها لشهور …
…….
وطبعا الفلوس الكتيرة اللي سابهالي عمر قررت استغلها في حاجة افضل ….
….
بعد سنتين ….
كنت مبسوطة وانا بشوف حلمي اخيرا اتحقق…كنت شايلة بنتي وضماها ليا قبل ما اطلع الاستيج …اديت رحمة بنتي لمنال دكتورتي النفسية وقولت:
-خلي بالك منها
هزت راسها فطلعت انا بسرعة علي الاستيج تحت يافطة ( مؤسسة واخيرا أصبح للنساء صوت للمع*نفات) …
ابتسمت وانا بشوف عشرات الستات قدامي بتسقف ليا وهما مبسوطين …اتكلمت وقولت:
-انا اختارت اسكت زمان لأن محدش كان معايا …لأن ابويا اللي هو سندي اول واحد تخلي عني …رغم اني كنت حاسة بالقه*ر اني ساكتة وبتض*رب بس دايما كنت بدعي ربنا ينجيني …كنت بطلب اي فرصة عشان اصحح حياتي ودلوقتي أنا حاسة ان حياتي بقت احسن …أنا زمان سكت عشان مليش حد الا ربنا عشان كده استنجدت بيه وهو نجدني وخلاني سبب لانقاذ ستات مع*نفة كتير …عشان كده بقول دايما لكل ست مع*نفة في بيتها متسكتيش احنا بعد ربنا معاكي …احنا هنساعدك …مؤسستنا هتفضل تدعمكم للأبد لحد ما نقضي علي العن*ف ضد الستات …
صقف الكل ليا وانا مبسوطة اوووي…حسيت اخيرا أن حياتي بقت ليها معني …قصتي بقت مغزي للكل عشان ميسكتش …وانا واثقة أن بعد النهاردة مفيش ست هتسكت عن الظ*لم♥️
تمت
لقراءة الرواية كاملة اضغط على : (رواية قسوة العشق)
