رواية غريب عني الفصل الثاني 2 بقلم ريم محمد
رواية غريب عني الجزء الثاني
رواية غريب عني البارت الثاني
رواية غريب عني الحلقة الثانية
_فارس بحدة:ايه الشُغل دا يا آنسة ملك
_ملك بوجل:أسفة، كُنت تعبانة ومقدرتش اعمله كويس
_فارس:مليش فيه، أنا شغلي يكون كويس
_ملك:أسفة ومش هيتكرر تاني
^^^^^^^^^^^^^^^^^^^^^^^^^^^^^
_شجن:ماما، أنا عايزة نتنقل من هنا واستقر وأدوّر على شُغل كُلّ المراكز اللى هنا رافضة تشغلني
_هانم:نسيتِ التخرج يا شجن؟
_شجن:بعد التخرج علطول
_هانم:ان شاء الله هنعزل ومش هنعرف حد
^^^^^^^^^^^^^^^^^^^^^^^^^^^^^^
“فى مكان آخر”
_مازال هناك!
_أجل
_بحنق:يبدو أنَّ القادم ممتع
_بخبث:وبشدة
^^^^^^^^^^^^^^^^^^^^^^^^
_مريم:ازيك يا شجن، معلش فون آدم فاصل ومش عارف يردّ
_شجن:يعني هو كويس؟
_مريم:اه الحمد لله
_شجن:طيب هو موجود اكلمه؟
_مريم بتوتر خفي:في الشغل
_شجن:خلاص سلميلي عليه
^^^^^^^^^^^^^^^^^^^^^^^^^^^^^^
*رحت الكلية، وبحاول أنسى اللى حصل مش قادرة أستوعب أنه لحد دلوقتي ح*رق اللوحة! *
*قعدت في المدرج ولمحت بنتين قاعدين بيدردشوا سوا وسمعت كلامهم بالغلط، لأن صوتهم عالي*
_الفتاة الاولي:أنا اتقبلت فى المركز بتاع تصميم المجوهرات اللى اسمه
***
_الفتاة الثانية:الف مبروك يا حبيبتي
_شجن:اسفة أنّي سمعت كلامكم بالغلط بس، ممكن اعرف عملتي ايه عشان يقبالوكِ؟
*حكتلي كُلّ حاجة حصلت معاها
وورتها تصاميمي؛ انبهرت واستغربت ازاي رفضوا التصاميم دي، وكُلّه بسبب فارس؛ مانع اي حد يوظفني عقابًا ليّا عشان استقلت من الشُغل*
*بس قررت هعيش حياتي، بعيد عنّه مش هيخوفني، او بمعنى أصح دا اللى اقنعت نفسي بيه*
*خلصت محاضرات، وبعدها لاقيت عربية سودة فخمة وكبيرة، وقفت قدامي وبعدها نزل شخص ولابس نضارة شال النضارة لمحت عيونه المزيج، مكنش غير فارس
تجاهلته وكملت مشي عشان اطلع من بوابة الجامعة، كأنه مش موجود بالنسبالي بمعنى اصح مُهمتش*
*جالي فضول أعرف، جي ليّا ولا رايح فين بالضبط، لاقيته عدّى من جمبي وكأني ما موجودة ومبصليش حتّى! *
*قررت همشي، ومشغلش دماغي بيه*
^^^^^^^^^^^^^^^^^^^^^^^^^^^^^^
_شجن بقلق:فى ايه يا ملك؟، حصل حاجة!
_ملك بذُعر:أنا خايفة اوي يا شجن
_شجن:فى ايه انطقي
_ملك بمزاح:سمعت فيلم رعب، ومن ساعتها خايفة
_شجن بغضب:الحق عليَّ، انّي صدقتك سلام
^^^^^^^^^^^^^^^^^^^^^^^^^^^^
_فارس بغضب:ألم أكلفك بهذة المهمة!
_سيدي، أعتذر فقد هربوا
_فارس بمكر لا يليق سوى به:أغلق الهاتف، فإن اعتمدت عليكم سوف يفشل كُلّ شئ، بالطبع لم أخسر
^^^^^^^^^^^^^^^^^^^^^^^^^^^^^
_شجن بغضب:اتجاهلني كأني هوا!
_سيلين:فارس دا طبعه غريب، شوية متعرفيش بيحبّك ولا لأ
_شجن:عيزاه يبعد عني وبس، بس عرفتي منين طبعه
_سيلين:كلامك عليه، مرة يهتم ومرة لأ
^^^^^^^^^^^^^^^^^^^^^^^^^^^^^
_شجن:افتحي يا مريم
*رحت ازور مريم واطمن على آدم بعد ما فارس ضربه*
*كنت برن الجرس، ومستنية تردّ
فجأة لاقيت حد كتم نفسي وبعدها محستش بحاجة! *
^^^^^^^^^^^^^^^^^^^^^^^^^
_شجن:هو أنا فين؟، وليه المكان ضلمة
_فارس بنبرة مُبهمة:فين، مش مهم
_شجن:أنت مخلي المكان ضلمة ليه أنا خايفة
_فارس:يعني مردّش على فونه تقومي تطمني عليه وتروحي البيت!
_شجن:وأنت مالك، بصفتك مين؟
_فارس بثقة:أنا مالي، أنا الوحيد اللي ليّا الحق فيكِ
_شجن بخوف:شغل النور
_فارس بغموض:استني شوية
_شجن بقلق:هيفضل الوضع دا كتير؟
*مردّش عليَّ وطلع برا، بس دخلت بنت وشغلت النور وحطت قدامي أكل*
_بالتأكيد سيدتي، أنتِ جائعة
_شجن:لا مش جائعة ولا حاجة وخلي الاستاذ فارس يطلعني من هنا
_أنا لا أفهمك سيدتي؟، ماذا تقصدين
_شجن:هل تتحدثين الإنجليزية؟
_سيدتي، أنا
*لسه هتكمل كلامها فارس جه، واول ما بص طلعت علطول*
_فارس بإبتسامة:مبتكليش ليه؟
_شجن بذهول:أنت مبتسم!
_فارس بملل:عادي ببتسم ايه المشكلة
_شجن:سبحان الله طلعت بني آدم زينا
_فارس بإستفزاز:لا أنا مش زيكوا
_شجن برعب:اوعا، تكون منهم
_فارس:اه منهم
_شجن:طب طب أنا عايزه أطلع من هنا
_فارس:طلبك مرفوض
_شجن:أنت ازاي ظاهرلي كدا!
_فارس بإستخفاف:أصلي شفاف فمش ظاهر، انجزي كُلي
_شجن بنبرة مرتعبة:أنا خايفة، أنت أنت واقف قدامي ازاي!، يعني زي ما فكرت مش بني آدم وظاهر لكل
_فارس بإمتعاض:الصبر، شجن مش عايز جنان، قال ظاهر ازاي وزيهم
كُلي وأنتِ ساكتة
_شجن:بقولك مش عايزة اكل، عايزة أمشي
_فارس:قولتلك مبحبّش العِند، أنتِ واقفة بالعافية مش قادرة تصلبي طولك، وأنتِ فى الجامعة كنتِ هتتكفي على وشك
_شجن:يااه وأخدت بالك منّي
_فارس ببرود:هو أنتِ منهم!، عشان مشفكيش ولا شفافة؟
_شجن:حرام عليك لو مستفزتش اللى قدامك هيحصل حاجة
_فارس:ممنوع تطلعي من هِنا، كُلي وخلاص
_شجن:وبصفتك مين؟، واخدني هنا وبتدي أوامر
_فارس بنبرة هادئة:اظن المرحلة دي اتخطيناها يا***
_شجن بإستغراب:اشمعنا نادتني بكدا
_فارس:اصلي بعز الاسم دا شوية
_شجن:بس الاسم دا مش عربي!
_فارس بتهكم:ايه الذكاء دا، عرفتي تفرقي، عشان مُميز
*سابني وقفل الباب، وكنت جعانة فأكلت ومستغربة ليه ماما حاولت تتصل بيا ولا تعمل اي محاولة، بس اكتشفت ان فوني مش موجود معايا اصلا زمانها ميتة من الرعب عليّ
وليه فارس مراقبني! *
*لاقيته بعد فترة دخل تاني، وفي ايده مجين فيهم ليمون بالنعناع*
_فارس:اشربي المج دا؛ ينعنشك شوية وأنتِ شبه العواجيز كدا
_شجن بغضب :وطالما شبهم بتراقبني ليه!، وكمان خاطفني ليه ومش عايز حد يقربلي ليه
_فارس بإبتسامة:عجوزة بس عجباني ومبحبّش حد يقرب من العجوزة بتعتي
_شجن:عايزه افهم، أنا هنا ليه وبتراقبني ليه!
_فارس بتلذذ:حلو صح، دا فيه كمية طاقة رهيبة
_شجن بصوت عالٍ:أنا مُهمشة ما ترد عليّ أنا هنا ليه!
_فارس:ايوا براقبك، فكرتيني اعاقبك ازاي رايحة برجلك لعنده!
_شجن:ابن خالتي وبطمن عليه
*لاقيته فجأة قرب منّي؛ ودخل فى حالة الرُعب وخلى اعصابي تخور
لحد ما وصل لمستوى وشي وقال*
_فارس:أنتِ ممنوع عليكِ تكلمي جنس راجل، او تفكري مجرد تفكير فيه
_شجن بشجاعة مُزيفة:انا مش هكّرس حياتي عشانك
_فارس:محدش طلب رأيك، هي كدا كدا متكّرسة ليّا بس، وبما أن الليل حل، نامي عشان بكره الصبح ورانا مشوار مُهم
_شجن بتقليد صوته:محدش طلب رأيك هي كدا كدا متكّرسة
_فارس:بس صوتي أحلى برضو، تصبحي على خير
^^^^^^^^^^^^^^^^^^^^^^^^^^^^^^
“بداخل الغابة”
_شجن بتنهيدة:معتش قادرة تعبت
_فارس:مش بقول عجوزة
_شجن بنبرة مشحونة:عجوزة فى عينك
_فارس:شدي حيلك، ولا تحبّي أشيلك؟
_شجن بخجل:لا رجلي تشيلني أحسن
_فارس:أنتِ حرة
*وصلنا لكوخ فى وسط الغابة، دخلناه، ولاقيته على أحدث طُراز وشيك خالص، دا مش كوخ دا بيت*
*لاقيت فارس غسل ايده وشمر اكمام القميص، وقعد يحضر فطار
وانا مذهولة من تصرفاته!، ليه بيعمل كدا*
_فارس:الفطار جاهز قومي غسلي ايدك، عشان تاكلي
_شجن بتيه:أنت ليه كدا!، وليه بتعمل كدا وخطفتني ليه وجينا هنا ازاي
_فارس بجدية:فى أمور عقلك الصغير مهيقدرش يستوعبها
فسيبي كُلّ حاجة تسير فى مجراها الطبيعي
_شجن:عايزه امشي من هنا
_فارس:هتمشي، متقلقيش
*فضلنا فى الكوخ وهو بنفسه عمل الغدا برضو، وعمل ليمون بالنعناع شكله واقع فيه*
_فارس:أتمنى تاخدي بالك من نفسك كويس
_شجن:ما أنا واخدة بالي من نفسي امال منك أنت
_فارس:ممكن
_شجن ببرود:لا مش ممكن، هحبّ واحد خاطفني ليه!، وكُلّ شويه يخوف فيا
_فارس بهدوء:مش مطل منك تحبّيني
_شجن بسُخرية:شكرا لكرمك دا
_فارس:لان مع الوقت اجباري هتحبّيني
_شجن:هتجبرني، عامة متوقع منك كُلّ حاجة
_فارس:لأ، اجبرك ليه الحبّ لازم بتراضي مينفعش فيه إجبار
_شجن:ما تقول لنفسك، ليه كُلّ واحد بيتقدم تعمله حاجه
_فارس ببروده المُعتاد:لا مبموتوش بضربه بس
_شجن:يسلام، لأ موته أحسن
_فارس:ياريت
_شجن:كفاية كدا عايزة اروح
_فارس:استني حاجه أخيرة
_شجن بنفاذ صبر:ايه هي
_فارس:نسمع فيلم وبعدها هروحك
_شجن:هتسمع ايه
_فارس:اختاري أنتِ
_شجن:امممم، خليه رومانسي
_فارس بملل:الرعب أحسن
_شجن:مش أنت قولت أختاري!
_فارس بنفور:خليها رومانسي
_شجن:خلاص، مش مهم رومانسي اصلا انت ولا خطيبي ولا جوزي هسمع معاك رومانسي ليه
_فارس:قولي لنفسك
_شجن:روحني مش مهم الفيلم
*لاقيته شغل فيلم رومانسي! *
^^^^^^^^^^^^^^^^^^^^^^^^^^^
*روحني البيت وبعدها نظرلي نظرة مش مفهومة ومشي*
^^^^^^^^^^^^^^^^^^^^^^^^^^^^
_فارس:كُلّ ما اطلبه منكِ هو الحذر لا أكثر
_هانم:سأفعل ذلك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية غريب عني)
