رواية عشقت منتقبه الفصل الثالث 3 بقلم وفاء رشدي

رواية عشقت منتقبه الجزء الثالث

رواية عشقت منتقبه البارت الثالث

رواية عشقت منتقبه الحلقة الثالثة

صوت جاي من بعيييد هييييييييييييييييييييييثم !!!!!
بيلتفت هيثم لقي مين
حضنه جامد جداً ( وحشتني ياحبيبي اخبارك ياقلبي كدا اسبوع بحاله ماشوفكش فيه هنت عليك يا وحش ) …..
رانيا ( طليقة هيثم شخصيه مستهترة ومش بتحب غير نفسها وحقودة جداً وهيثم بالنسبة لها صفقه بس للاسف خسرتها)
هيثم واقف ببرود وايديه جنبه مش مبادلها الحضن ولما اتخنق منها شال ايديها من على رقبته
هيثم:- انتي ايه اللى بتعمليه دا
رانيا:- وحشششتني ياقلبي
هيثم:- انتي اكيد مجنونه مش طبيعيه
رانيا:- مجنونة بحب جوزي
هيثم:- عندك جوز مين انتي مش مراتي انتي طليقتي وانا مش جوزك واللى بتعمليه دا حرام انك تحضني واحد غريب عنك فهمتي يا بتاعة الموضه اوعي بقي
رانيا مانطقتش ولا كلمة بس احرجت جامد جداً من اللى حصل خصوصاً ان الحفله كلها بتبص عليهم وعلى صوت هيثم العالي
……هيثم باشا مالك بس يا نجم انت نجم الحفله النهاردة زعلان كدا ليه ( وليد عز رجل اعمال وهو صاحب الحفله شخصيه غريبه مره كويس وعشرة وحش )
هيثم:- وليد باشا مفيش حاجه يا ياباشا ومين دا اللى نجم الحفله
وليد:- انت طبعاً بص كدا لنفسك الحفله اهي كلها بتتفرج عليك
رانيا فى الوقت دا انسحبت وقعدت فى ركن بعيد ومساكه كاس بايدها وعيونها على هيثم وبتكلم نفسها هترجع يعني هترجع بالذووق بالعافيه هترجع والذووق مانفعش معاك يبقي نستخدم العافيه مش رانيا الشهاوووي اللى تعمل فيها كدا وتخلي الكل يتفرج عليها…
…………… تستاهلي، والله تستاهلي وتستاهلي اكتر من كدا كمان
بتلتفت رانيا… بابا ارجوك لو سمحت انت كمان انا مش ناقصه كفايه اللى فيا
(عصمت الشهاووري والد رانيا شخصيه متسلطه مش بيحب حد زي بنته وشريك هيثم فى اكبر مصنع بيتعمل )
عصمت باشا :- ايوه تستاهلي قولتلك خلاص دا عنيد ودماغه ناشفه زي الحجر انا اعرفه اكتر منك طالما رماكي مستحيل يرجعلك فتريحي نفسك وسيبك من الهبل اللى بتعمليه دا
رانيا:- انت شايف كدا لا انا مش بستسلم بسهوله وانا يا هو يا يرجع يا الدنيا تتقلب عليه هو دا اللى عندي
عصمت باشا :- شرانيه من يومك
رانيا:- ههههههههههه طالعالك يااا والدي
***************
هيثم: – حفله ايه اللى بتبص عليا
وليد:- اهو ياباشا انا عزمتها مخصوص هنا عشان اهدي النفوس انت وهي، وانت قفشت ?
هيثم :- مش عايز اغلط فيك لان عمري ماغلط فى حد
وليد:- بس بس ايه كل دا هو العرق الصعيدي هيطلع ولا ايه بضحك ياعم معاك والله
هيثم: – اه بحسب اه نسيت هزارك بايخ ومالكش دعوة بالصعايده
************************
عند رحمة فى البيت
رحمة:- ماما انا هتصل بندى اشوف اخبارها ايه
الحاجه عليه:- ياريت يابنتي انا قلقانه عليها اووي ( ندى اخت رحمة متجوزه فى المنيا وحامل فى الشهر السابع)
رحمه:- ماتقلقيش ياست الكل عليها انا هجيبها تولد هنا وماليش دعوة بجوزها يضرب دماغه فى الحيط مش هسيبهاله
الحاجه عليه:- براحه يابنتي انا عارفه ان دماغك ناشفه واللى بتقولي عليه هتعمليه ناخده بالسياسه والهدوووء كدا لحد ما يوافق
رحمه:- مين دا اللى بالسياسه والله اخدها غصب عنه ومالوش عندي حاجه انا عارفه انه بيحبها ومش بيقدر على بعدها بس انتي مش هتسافري هناك ولا انا يبقي الافضل انها تيجي ماتقلقيش انتي انا هعرف اخلعها منه
الحاجه عليه:- ياريت يابنتي ياريت نفسي اكون معاكم انتوا التلاته كفايه اخوكم البعيد عني ???
رحمه:- ربك كبير ياست الكل والله انا حاسه ان عادل اخويا لسه عايش وابقي شوفي
الحاجه عليه:- يارب يارب
*************************
هناك فى الحفله قاعد هيثم ولا هامه حد والبنات هتتجنن عليه وحاولت تاني رانيا معاه وموضوعها فشل فضل يتكلم هو وصاحبه فى الشغل لحد معاد الحفله ما انتهي وكل واحد روح على بيته
***********************
رحمة فى الوقت دا كانت فى البلوكونه من غير نقاب فى نص الليل دلوقتى ومافيش حد …. شمت الهوا وشويه ودخلت على اوضتها تنام
رجع هيثم بيته ونااااااام لحد الصبح
**********************
تاني يوم الصبح فاقت الحاجه عليه على صوت صراخ جامد جداً جاي من عند اوضة رحمه .. طلعت جري لقيت رحمة فى حاله هيستريا من الصريخ والعياط ضمتها لحضنها
الحاجه عليه :- بنتي حبيبتي اهدي ياقلبي مش كدا اهدي
رحمه:- بعياط بصوت عالي زي الاطفال … مش قادرة ياماما تعبت تعبت يااااارب يااارب ???
الحاجه عليه:- ايه اللى حصل يابنتي انتي رجعتي تحلمي تاني ولا ايه
رحمه:- اااااه يا امي اااااه. مريم يا امي مريم بتقولي انا قولتلك خديني معاكي ياماما ماردتيش ااااااااه يا امي ???
الحاجه عليه:- يابنتي اهدي اهدي وانسي بقي كفاياكي لحد كدا هم راحو للى احسن مني ومنك واللى احن عليهم مننا كلنا اجلهم كدا هنعمل ايه بس
رحمه:- انسي انسي ايه انسي ايه بس انسي كريم وعقله اللى سابق سنه وكان عارف عمايل ابوه كلها
ولا اياد وشقاوتة ولا مريم ورقتها وحنيتها عليا وهي بتطبطب عليا وتمسح دموعي ماتزعليش ياماما انا مش مسامحة ابوهم على اللى عمله والله (علي) ما مسامحاه ليوم الدين
الحاجه عليه:- اهدي يابنتي مش كدا وسامحي سامحيه وماتنسيش ان هو السبب فى اللى انتي فيه دا والمكانه اللى وصلتيلها دي
رحمه:- تغور المكانه والمركز ما هو كل دا على حساب حرماني من اولادي طول العمر ??
الحاجه عليه:- يابنتي اجلهم على كدا ونصيبهم هنعمل ايه هم كانوا امانه عندك وصاحب الامانه اخدها تاني انا اللى هقولك وانتي اللى عارفه لوحدك
رحمه:- ونعمه بالله يا امي
الحاجه عليه:- اهدي اهدي بقي وقومي صلي وادعي ان ربنا يجمعك بيهم فى الاخرة. وكلميلي اختك اطمن عليها
رحمه:-حاااضر يا امي .
قامت رحمه وهدت نفسها وسلمت امرها لله واستعوضت كل شئ ودعت ربنا انه يجمعها بيهم تاني فى الاخرة
*************************
عند هيثم فى بيته
عم عبده:- هيثم يا ابني قوم يلا عشان شغلك
هيثم: – حاضر ياعم عبده هقوم اهو
عم عبده:- انت رجعت امتي ما شفتكش لما جيت
هيثم:- بالليل حوالي الساعة 2 بالليل
عم عبده:- ياااه كل دا ها قولي عملت ايه وقابلت فعلاً طليقتك زي ما توقعت
هيثم:- هههههههههههههه دي حاجه اكيدة انا مش قولتلك
حكى هيثم لعم عبده اللى حصل منها ورد فعله عليها
عم عبده:- سبحان الله ووالدها عصمت باشا فين من كل دا
هيثم:- دا راجل ديوث اللى يسمح لبنته انها تحضن وتبوس واحد غريب عنها لا وايه الحفله كلها كانت فى حضن كل واحد شويه وفاكرة اني هغير عليها…… غلطانه انا اصلاً بستحقرها جداً باللى عملته وبندم على كل لحظه كانت فيها مراتي وبلوم نفسي ازاي انا كنت متجوزها
عم عبده:- ربنا يصلح حالها ويهديها يابني
هيثم:- يارب يا عم عبده يارب
عم عبده:- قوم بقي فوق كدا هحضرلك الفطار
هيثم:- لا يا راجل يا طيب هفطر فى المكتب هقوم دلوقتى الحق لان عندي معاد
عم عبده:- ماشي يابني
قام هيثم واخد شاور وخرج على شركته
****************************
عند وائل فى بيته
هند: -قوم بقي بطل كسل انت رجعت امبارح من الحفله من غير ماتقولي اللى حصل ونمت
وائل : – يووووه عايزه ايه بس
واخدها فى حضنه هو ونايم وقال : هااا قولي عايزه ايه
هند:- ايه اللى حصل قابل هيثم طلقيته فعلاً رانيا زي ما توقعنا
وائل :- يووووووه يااااااااااه على اللى حصل
هند:- ها ايه اللى حصل
وائل :- لما ارجع ابقي احكيلك
هند:- لا قول قول قول وقعدت تضرب فى صدره بدلع كدا لا قول بقي
وائل :- قعد يضحك وحكي اللى حصل
هند:-? يخربيتها دي اكيد مجنونه ايه اللى عملته دا بس تستاهل احسن اللى عمله فيها هيثم
وائل : – لو تشوفي شكل هيثم وهو جامد وبعدها بصوته العالي انتي مش مراتي ويستحيل ارجعلك شيلي الفكرة دي من دماغك
هند:- يالهوووووي دا لو انا كنت مُت فيها
وائل :- اوعي تقولي كدا تاني انتي عكس رانيا تماماً هو انا حبيتك واتجوزتك ليه يا بنت قلبي
هند:- ربنا يخليك ليا ياحبيبي ولا يحرمني منك ابداً
قوم يلا احضرلك الفطار
وائل :- لا هفطر فى المكتب هجهز وانزل الحق هيثم عندنا اجتماع
قام وائل ولبس هدومه وخرج
****************************
عند رحمة فى البيت
الحاجه عليه:- قومي ياحبيبتي ماتقعديش كدا اخرجي زي امبارح شمي هوا
رحمه:- لا ياماما مش دلوقتى هخرج اه عشان اشوف المحلات اشتري الفون اللى قولتلك عليه
الحاجه عليه:- ماشي ياقلبي
(الحاجه عليه حاسه ببنتها بس مش عارفه تعملها ايه ولا حاجه فى ايدها نصيبها كدا تدوق من نفس الكاس اللى شربت منه امها وهو حرمانها من ضناها يمكن الحاجه عليه عايشه على امل يرجع ابنها عادل فى حضنها، انما رحمة ربنا يصبرها اولادها ماتوا)
****************************
عند هيثم فى مكتبه
علا:- صباح الورد يافندم اجيبلك فطار
هيثم:- لا متشكر
علا:- بس شكلك يافندم مفطرش وكدا غلط على صحتك انا عايزاك اقصد احنا عايزينك عشان الشغل
هيثم: – ببرود قولت متشكر صحتي وانا حر فيها مالكيش دخل
عملتي ايه فى المعاد اللى مع عميل الشركة العربيه
علا:- اخدتلك معاد معاه بكره الساعة 10 الصبح يناسبك يا فندم
هيثم:- تمام جداً
بقولك ياعلا ركزي فى شغلك يا هجيب غيرك ??
علا:- حاضر يافندم
وسابته وخرجت، شويه هو كمان وخرج
علا:- تحت امرك يافندم
هيثم :- انا رايح لوائل بيه مكتبه لو فى جديد اتصلي هناك
علا:- ماشي يافندم
خرج هيثم على مكتب وائل لقاه جايب فطار وبيفطر
وائل:- حماتك بتحبك
هيثم:- وانا بعشق بنتها بس هي فين
وائل:- دلوقت تيجي بس اصبر الصبر حلو اقعد افطر
هيثم:- هقعد هو انا محتاج اتعزم واديني صابر اهو لحد ماشوف اخرتها ايه
ضحكوا الاتنين مع بعض وفطروا ودردشوا شويه
وائل:- تيجي تتغدا معايا النهاردة لو رجعت من غيرك هند هتقتلني
هيثم:- ههههههه ليه بقي انا مالي
وائل:- موصياني عليك من امبارح ان اجيبك نتغدا سوا
هيثم:- الواد كريم حبيب عمه اخباره ايه
وائل: – نفسه يشوفك والله
هيثم:- حاضر من عنيه باذن الله
هاجي اتغدا عندكم واحشني والله ابن ال…… نفسي اشوفه وهند كمان اشوف اخبارها ايه معاك تعرف لو كنت بتزعلها والله
وائل:- بااااااس اوعي تحلف روح ياخويا وشوفها ازعل مين وانا اقدر
****************************
عند رحمة فى البيت صلت العصر وخرجت قعدت فى نفس المكان اللى ارتاحت فيه ونفس المشهد بتاع امبارح اتكرر
هيثم راجع من شغله و……