رواية خطيبتي واخواتها التوأم الفصل التاسع والعشرون 29 بقلم رحاب القاضي

رواية خطيبتي واخواتها التوأم الجزء التاسع والعشرون

رواية خطيبتي واخواتها التوأم البارت التاسع والعشرون

رواية خطيبتي واخواتها التوأم الحلقة التاسعة والعشرون

#خطيبتي_واخواتها_التوأم
_البارت التاسع والعشرين
ــــــــــــــــــــــــــــــــــــــ
ناني ابتسمت وقالت
عادي شيفاك عادي علي عكس ما كنت متوقعه اني هاجي واتأثر وادايق وابقي لسه بحبك زي الاول، بس الحمد لله اني قدرت اتخطاك هو ده اللي انا جيت عشانه…
_اياد اتملت عيونه دموع وبص لفؤاد اللي مبتسم وقال لناني…
اياد بنرره حزينه
في حد في حياتك يا ناني؟…
ناني بهدوء ردت عليه وقالت
ايوه في حد ليه الفضل بعد ربنا في اني اتعافي من علاقتي بيك، حد بيحبني بجد وواقف جنبي ومحسسني ديما انه عمره ما هيتخلي عني لاي سبب، وانا متأكده ان عمره ما هيأذيني…
وقف فؤاد قصادها وقال وهو مبتسم
انا جيت ما قدرتش ما اجيش وهستناكي بره اوكي…
وقفت ناني ومسكت ايده وقالت
لا خلاص قولت كل حاجه وخلصت الموضوع يلا نمشي…
وبصت لاياد اللي كانت نظرته ليها كلها حزن وقالت
فرصه سعيده يا اياد، وشكرا انك جيت عشان تشوفني…
_ ومشيت ناني مع فؤاد وهي ماسكه ايده، واياد بصلهم بدموع فعلا نزلت علي وشه، وافتكر كل ذكرياته معاها مقابلتهم في البدايه ولما اتضرب عليهم نا*ر واول مره قالتله فيها انها بتحبه وضحكهم وهزارهم مع بعض، وقام مشي بس راح لابوه في المركز التدريبي…
معتز
اياد خير يا حبيبي في ايه؟..
اياد بدموع
حبيبك هو انت ليه كده، ليه باصص للي يرضيك ومش شايفني ولا شايف راحتي؟..
معتز بحزن
يمكن طريقتي كانت غلط في الاول بس انا عمري ما كرهتك انت واخوك كنت فاكر اني اللي بعمله صح والله والله تاني كان قصدي اخليكم احسن ناس في الدنيا…
اياد بدموع
انا اتكسرت زمان ودلوقتي زمان لما جيتلك وقولتلك عايز ابقي دكتور وحلمي ابقي دكتور جراح واتريقت عليا وقولتلي اني لتزم ادخل شرطه عشان يفضل اسمك مرفوع وسط زمايلك والناس، ودلوقتي لما حبيت بجد وجيت قولتلك وانت خليتني ابقي اوحش بني ادم في نظرها وكل ده ليه عشان بحترمك وبقولك حاضر ونعم خليتني في نظر الكل ما عنديش شخصيه وضعيف ومش عارف اخد قرار…
وقف معتز قصاده وقال
هنصلح كل حاجه انا مستعد اروح اعتذر لبهاء وبنته ومش هفتح في القديم بس بلاش النظره اللي في عينيك دي…
بعد عنه اياد وقال
ما فيش حاجه اتكسرت هتتصلح هيبقي شكلها سخيف وده قلبي اللي كسرته، انت هتفضل ابويا وهحترمك بس وانت بعيد اخرنا نتقابل زي الناس الغريبه وبس حياتي بعد كده مش هسمح لحد يتدخل فيها غيري تمام يا بابا…
معتز بهدوء
تمام يا اياد انا مش هعيش اد اللي عيشته ولو ده هيخليك مبسوط اعمل كده، بس ورحمة امك خليك فاكر اني موجود يا اياد واني بحبك وانت واخوك ومريم عمري كله وماليش غيركم…
_ سابه اياد ومشي ومعتز قعد حزين جدا علي الوضع اللي وصل اولاده ليه ومش عارف يصلحه..
ــــــــــ #بقلم_الكاتبه‌_رحاب_القاضي ــــــــــ
ـ وفي بيت امجد البحيري..
_كان قاعد في اوضة مكتبه ونايم علي الكنبه اللي فيها، ومغمض عينيه وشكله يبان هادي بس من جواه هيتجنن عليها وخصوصا انه خلاص مش عارف يتصرف ازاي ولا يلاقيها ازاي… وقام بسرعه لما موبيله رن برقم غريب ورد وقال…
امجد
الو…
فوزي
والله انت ما تعرفش يا ابن اخويا انا جيبت اد ايه خطوط موبيل عشان اكلمك، المهم..
امجد بحده
رجع نسمه وانا هسيبك تعمل فيا اللي انت عايزه بس طلعها بره الموضوع اللي بينا..
فوزي
انت ليه قلقان يا حبيبي دي مع عمك هي مع حد غريب ولا ايه، يعني امان تعبت هاخد بالي منها او اا…
امجد بعصبيه
فووووزي بلاش تخليني ازودها عليك وانت اكتر حد بتعرفني انا لو قلبت الكل هيروح فيها…
فوزي بحده
هششش اهدي يا ولد وبعدين ده انا حتي مكلمك عشان اعمل خير، المدام يا سيدي بتقولي امك وحشتها وعايزه تشوفك…
امجد بدموع
نسمه فين يا فوزي او انت عايز ايه خلصني؟…
فوزي بجمود
هبعتلك اللوكيشن في رساله واعمل حسابك الفون بتاعك متراقب يعني بلاش تعمل حاجه كده ولا كده وتطلع دلوقتي من بيتك تاخد عربيتك وتيجي ورجالتي وراك..
امجد بجديه
اوكي ابعت وانا جايلك..
_ وقفل معاه فوزي وبعد شويه بعت ليه الرساله اللي فيها مكانه وطلع وكان هيطلع من البيت بس رجع وراح اوضة صفاء وكانت قاعده بتقرأ قرآن ولما شافته قفلت المصحف وقال…
صفاء
طمني يا ابني في اخبار جديده عن نسمه…
قرب منها امجد ومسك ايدها باسها وقال
مش عايزك تزعلي مني في اي مره زعلتك فيها..
صفاء دموعها نزلت وقالت
انت ليه بتقول الكلام ده، اوعي تكون اا..
امجد بحزن
هروح اجيب مراتي نسمه هترجع يعني هترجع ولو انا مرجعتش خليها تسامحني وخلي بالك منها ومن بنتي..
صفاء بحده
اسكت خااالص اوعي تقول كده ما. حدش هيربي بنتك غيرك انت فاهم ولا لا، مش هتروح اي مكان كلم الشرطه بس انت ما تسبنيش ما تقهرنيش عليك يا ابني…
امجد بدموع
لو ما روحتش هيعملهم يا ماما هو عايزني انا وانا لازم اروح عشانها كفايه اللي شافته مني…
_‌قال كلامه وسابها وطلع وصفاء طلعت وراه وقالت ببكاء هيستيري..
صفاء
لا يا امجد ما تحرقش قلبي عليك والنبي ما تروحش يا امجد…
_ طلع امجد بره البيت واخد عربيته ومشي لوحده من غير اي حد من الحراس..
_ كانت صفاء واقفه بتعيط ومش عارفه تعمل ايه، بس في الاخر افتكرت خالد وراحت غيرت هدومها وطلعت قالت للسواق..
صفاء
تعالي معايا وديني بيت الظابط خالد فتحي..
السواق
انا اسف يا هانم احنا عندنا اوامر من امجد بيه ان حضرتك ما تخرجيش..
مسكت صفاء السلا*ح بتاعه وزعقت فيه وقالت
بقولك ايه انا ابني بيروح مني لو ما سمعتش كلامي مش هتردد افضيه فيك…
خاف السواق ما فيش اصعب من شعور ام حاسه بان ابنها هيروح منها، وسمع كلامها السواق وراح معاها…
ـ تفتكرو بقي ايه اللي هيحصل؟..
ــــــــــ #بقلم_الكاتبه_رحاب_القاضي ــــــــــ
_ في الاسكندريه…
في بيت بهاء كان قاعد في مكتبه..وخالد ومحمد كانو قاعدين قدام التلفزيون بيتفرجو علي الماتش، وملك وسما في المطبخ…
ملك بخبث
طيب وكان لازمته ايه العند من الاول، والله اللي من حقه يطفش هو…
سما بغيظ
انتي اخر واحده تتكلمي، ده انتي يوم ما بس شكيتي فيه فتحتي دماغه وبهدلتي الدنيا، ما بالك انا جوزي كان مع واحده في بيتها وفي اوضة نومها وبس مش عايزه افتكر عشان ما اطلعش اولع فيه..
ملك ضحكت وقالت
والله احنا فعلا تافهين يعني سيبتي ان ابنك الله يرحمه من قبل ما يجي علي وش الدنيا وحماتك ضربتك بالقلم وانتي كل اللي كان مزعلك انه خانك..
سما بحده
ما خانيش هو اتحط في موقف غلط، ولو علي ابني يعلم ربنا انا حزينه عليه ازاي انما حماتي دي كومها كوم معايا ومحمد ده في حته لوحده..
ملك بخبث
كان فين الكلام ده وانتي ما كانش علي لسانك غير مش عايزااه…
سما ابتسمت وقالت
يمكن انا ومحمد اتجوزنا صالونات وبسرعه بس بصراحه حبيته بسبب حبه ليا وقلبه الطيب ومتاكده مليااار في الميه ان مهما حصل بينا هو هيصلحه لانه بيحبني..
ملك بقلق
انتي سخنه يا سما انتي بتعرفي تتكلمي برومانسيه والروقان ده..
_ قبل ما ترد عليها سما سمعو صوت خالد ومحمد بره بيصوتو وطلعو بسرعه وسما قالت..
سماء
في ايييه مالكم؟..
محمد
لا يا حبيبتي ما تاخديش في بالك ده الاهلي جاب جون..
ملك باتنهدت وقالت
الله يخربيتكم طيب ما بالراحه ده انا قطعت الخلف خلاص..
خالد ضحك وقال
لا هو مقطوع لوحده اصلا…
ضحك محمد وسما وملك حدفته بالمخده وقالت
انا اتريق علي نفسي ما حدش يتريق عليا اتلمووو…
طلع في الوقت ده بهاء من مكتبه وقال بحده
ايه الصوت ده يا بيه منك ليه؟..
ملك بغيظ
ده خالد يا بابا ما حدش بيعمل دوشه غيره…
بصلها خالد بغيظ وقال لبهاء
يا دكتور احنا بنحضر الماتش والله..
محمد
تعالي يا عمي اتفرج معانا ده الاهلي عمل مباراه للتاريخ..
بهاء بحده
كفايه انت وهو بتتفرجو وبعدين ما اسمعش صوت تاني احنا مش ساكنين لوحدنا في العماره، احنا هنا ما حدش بيسمعلنا صوت من بعد ما ملك اتجوزت..
ضحك خالد وملك قالت بغيظ
بقي كده يا بابا انت كمان هتسف عليا..
_ قبل ما حد يرد عليها الباب خبط وراحت ملك فتحت وكانت صفاء وعيونها حمرا من كتر العياط…
ملك بقلق
طنط صفاء خير في ايه تعالي اتفضلي..
صفاء بصوت مهزوز
جوزك هنا يا بنتي خالد.. الظابط خالد؟..
ملك بقلق
ايوه هنا بس خير في ايه؟..
صفاء
معلش بس خليه يجي كلمني بسرعه ارجوكي…
وطلع في الوقت ده خالد وقال
صفاء هانم حضرتك بنفسك هنا خير في ايه؟…
الكل طلع في الوقت ده وبهاء قال
اهلا اهلا يا مدام صفاء اتفضلي جوه…
صفاء بدموع
مش وقته والله انا جيالك يا خالد عشان تنقذ ابني فوزي كلمه وهو راح لوحده..
خالد بصدمه
اييه ازاي يعمل حاجه زي كده هو غبي..
صفاء ببكاء
ابوس ايدك اتصرف فوزي ده مش طبيعي وممكن يعمله حاجه…
مسكت ملك ايدها وقالت
طيب عشان خاطري اهدي وتعالي جوه ارتاحي…
خالد بجمود
اتفضلي معاهم جوه يا صفاء هانم وانا هتصرف….
_ دخلت صفاء مع ملك وسما ومحمد وبهاء، وخالد نزل تحت وطلع موبيله وحاول يحدد موقع امجد، وفي الوقت ده نزلت ملك وقالت..
ملك
يا خالد ما تروحش والنبي…
بصلها خالد وقالت
انتي ايه اللي نزلك دلوقتي يا ملك اطلعي فوق…
ملك بدموع
ما انا عارفه الجو ده كويس انت هتروح وما ترجعش…
ضحك خالد وقال
هههه يا شيخه ملافظ سعد، وبعدين انا طلعت حاجات اصعب من كده بكتير وبرجع وما كنتش بلاقي حد مستنيني ولا يعرف اني كنت في مواقف صعبه، فتخيلي دلوقتي وانا في ارق واجمل واحده في الدنيا مستنياني فاكره اني مش هرجع، طبعا لازم ارجعلك واخاف علي حياتي عشانك..
حضنته ملك وقالت
عشان خاطري بلاش تروح انا لو حصلك حاجه هموت فيها يا خالد والله..
ابعدها خالد عنه شويه وقال
ما فيش حاجه اسمها بلاش اروح اولا امجد ما يستاهلش اني اسيبه وما فيش غيري يقف جنبيه،، وده شغلي وواجبي يا ملك…
نزلت دموعها وقالت
هستناك وعارف لو ما جبتش انا مش هكلمك تاني ابداً…
ابتسم خالد وقال
ربنا يسترها اطلعي فوق، مش همشي غير لما انتي تطلعي…
_ وطلعت ملك فوق وخالد اخد عربيته ومشي، وراح عشان ينقذ صاحبه الجديد بس ما كانش يعرف انه راح لوضع ابشع مما يتخيل…
ــــــــــ #بقلم_الكاتبه_رحاب‌_القاضي ــــــــــ
_ في عربية فؤاد…
كانت ناني معاه وراجعين الاسكندريه، وهي بصتله وقالت..
ناني
لا قول اي حاجه بقي ما تسكتش….
فؤاد بجديه
اقول ايه بس يا ناني ما انتي قولتي كل حاجه..
ناني بقلق
وانت كده مبسوط ولا زعلان طيب عشان اعرف اتعامل؟..
فؤاد
انتي شايفه ايه كلامك كان يزعلني ولا يفرحني..
ناني بضيق
يا فؤاد بطل رخامه لو سمحت…
ابتسم فؤاد وقال
انا ما كنتش هجيلك علي فكره بس ما اتحملتش ووجيت وكويس اني جيت لان لاول مره في حياتي قلبي يفرح كده بسبب حد..
ناني ضحكت وقالت
والله انت وفرت عليا كتير كنت شايله هم ازاي اصالحك، انت الحاجه الصح في كل العك اللي حصلي ده يا فؤاد..
وقف فؤاد العربيه ومسك ايدها وقال
بحبك علي قد ما كنت بخاف اقول الكلمه دي لاي حد بس حبيتها وحسيتها بجد معاكي، وربنا يقدرني واعوضك عن كل لحظه حزينه شافها قلبك..
ابتسمت ناني وبصت لاارض وهو قال
لا عايز رد حلو بقي ده انا وقفت العربيه مخصوص..
ناني ضحكت وقالت
هتروح تكلم بابا امتي بقي؟..
فؤاد بقلق
اااه بالمناسبه طيب انا عايز اقولك علي حاجه..
ناني بقلق
في ايه انا كنت حاسه ان الخزوق هيجي من اي خته، بص بقي جو انك مشغول ومش فاضي وتفضل تأجل انك تخطبني رسمي ده مش هيجي سكه معايا انا…
فؤاد
انتي اتحولتي كده ليه ما كنتي كيوت ولطيفه من شويه..
ناني بضيق
اهو انا كده وبتدين شوف طريقتك..
فؤاد
طيب ما تقلبيش وشك عليا بس، انا كل الموضوع اني روحت اتكلم مع باباكي شويه وهو كان بيساعدني اقولك اني بحبك واخليكي تحسي بدت..
ناني بصدمه
انت بتهزر يعني بابا كان عارف انك بتحبني وبيساعدك كمان..
فؤاد بقلق
لا ما كانش يعرف انا قولتله انك واحده تانيه،وده اللي قالقتي لما هروح اقوله..
ضحكت تاني وقالت
ههههههه يالله علي اللي بيحصل يعني بابا ساعدني اتعافي وخلاني اشوفك وابقي كويسه من غير ما يعرف، الراجل ده انا بعشقه ده اعظم راجل في الدنيا كلها…
فؤاد
يا بخته دكتور بهاء ربع حظه يارب..
ناني
طيب اتفضل بقي اتحرك عشان نوصل بدري، ودور بقي علي طريقه مع نفسك تقول لبابا بيها الحقيقه..
فؤاد بقلق
ربنا يستر..
ــــــــــ #بقلم_الكاتبه_رحاب_القاضي ــــــــــ
_ وفي القاهره تحت بيت علا…
طلعت منه من بيتهم ولقيت اياد واقف بعربيته، وقفت قدام الشباك وقالت…
منه
في ايه يا اياد جاي ليه هنا في وقت زي ده؟…
اياد بهدوء
ما انا كنت كتير بجيلك في وقت زي ده عادي يا منه ايه اللي اتغير..
منه بضيق
انا مش فاضيه كل شويه اقولك ايه اللي اتغير وايه اللي مش اتغير…
_قالت كلامها وجات تمشي بس نزل هو بسرعه ومسك ايدها وقال…
اياد
انتي حره اتغيري براحتك بس انا مش هتغير معاكي ابداً..
منه بحزن
هتفضل زي ما انت صح تعاملني بمزاجك حبه تضحك وتهزر وتهتم وحبه لا تهملني وتعاملني كاني تقيله علي قلبك انت عمرك ما فكرت في الوقت ده تقول لنفسك انا حسستها بايه، ومش مستعده اكرر ده تاني، انا عملتلك بلوك من كل حاجه ابعد عني لو سمحت….
اياد بدموع
انا اسف بس ما تبعديش عشان ماليش غيرك دلوقتي الكل قفل سككه في وشي بلاش تبقي انتي كمان معاهم..
اتنهدت منه بحزن وقالت
انت اناني ليه كده، ليه ديما مصمم تخليني ضغيفه قدامك…
اياد قرب منها وقال
مش هعمل كده تاني مش هبعد ولا هشوف غيرك اصلا..
منه بتوتر
ايه الكلام الغريب ده؟..
اياد ابتسم وقال
دورت في وسط اللي حبيتهم كلهم ما لقتش غيرك مناسبه يا منه..
منه بحزن
هتقرب مني عشان مناسبه وبس صح؟…
اياد بجمود
لا طبعا مذ عشان كده بس، انا هقرب منك بجد. المره دي وقدام الناس كلها عشان انتي الوحيده اللي تستاهلي تتحبي يا منه..
منه حاولت ما تبتسمش وقالت
انت بتتكلم جد اياد والله العظيم لو كنت بتهزر اا..
اياد مسك ايدها وقال
مش بهزر يا منه انا هختار احبك انتي لانك مناسبه ليا ولقلبي، انتي عمرك هتتعبيني عشان بتحبيني بجد وانا كمان بحبك يا منه..
حضنته منه وقالت بدموع
واخيرا يا جزمه انت تعبتني معاك والله وعارف لو اتغيرت عليا المره دي انا هقتلك…
ضحك اياد وقال
والله مش هتغير المره دي وهتبقي كل حاجه بجد بكره هاجي اتكلم مع خالتو واتكلم معاها وبعدين اجيب العيله الكريمه ونقرا الفاتحه….
منه
هو انت مش شايف انه جه بسرعه قرار انك تكلم ماما؟…
اياد بجديه
لا مش بسرعه يا منه انا عايز اتجوز واستقر ومعاكي انتي مش عايز غيرك..
منه فرحت وردت عليه وقالت
تمام هستناك بكره تيجي انت تكلم ماما انا مش هقولها حاجه..
اياد بحماس
اتفقنا تعالي بقي نتمشي شويه بالعربيه وبعدين ارجعك هنا تاني…
منه
اشطا يلا بينا…
_ وفعلا راحو اتمشو بالعربيه ، وبعدين رجعت منه تاني البيت وطلعت اوضتها وهي مبسوطه وافتكرت اللي حصل من فتره لما راحتلها مريم شغلها وحصل…
_ فلاااااش بااااااااك..
ــــــــــــــــــــــ
منه بضيق
خير حضرتك جايه هنا لحد عندي ليه اكيد مش جاسه تطمني عليا..
مريم
يا ربنا علي الصفار مش معقول، علي العموم انا قررت اعمل الصح اللي في مصلحت اياد ابني هاا حطي تحتها ميت خط..
منه بضيق
حضرتك جايه عايزه مني ايه؟…
مريم بجديه
انا عارفه انك بتحبي اياد وهو بيعزك جدا ويمكن يكون بيحبك بس احنا مش عارفين، كل الحكايه انا خليته يشوفك بنت مش كويسه اووي لاني ديما بنتقدك قدامه..
منه بدموع
كتر الف خيرك بصراحه، بس علي فكره سواء اتجوزت اياد او لا هفضل انا اكتر واحده بحبه في الدنيا..
مريم
بالظبط وعشان كده جيت، انا عايزه اياد يشوفك ويعرف بحبك ده وياخد هو القرار لوحده عشان يعرف يكمل معاكي لوحدك..
منه بعدم فهم
سوري انا مش فاهمه برضو انتي عايزه ايه؟..
مريم بحده
هفهمك انا عايزاكي تتقلي تقولي كل اللي جواكي لاياد..
منه بدموع
لا طبعا هو ممكن يسيبني وقتها..
مريم
ما يسيبك هو اللي هيكون خسران، ليه مستقله بنفسك كده، هي ناني ولا غاده احسن منك في ايه عشان يحب واحده ويخطب التانيه وانتي تفضلي مركوناله علي الرف، البنت اللي ما تغليش نفسها وتعمل لنفسها قيمه مستحيل تكون مميزه في نظر حد حتي لو بقيت رئيسة جمهوريه ومش بالتناكه ولا برمي الكلام زي الناس الخايبه بالحكمه والعقل…
منه بتوتر
يعني اسيبه..
مريم بنفاذ صبر
اللهم طولك يا روح بصي يا بت انا عاصره علي نفسي شوال لمون وجايه اقولك كلمتين وامشي، طلعي كرامتك اللي ركناها دي يا ماما ونفضيها كويس واتعاملي بيها مع اي حد وقتها هترتاحي..
منه بحزن
معاكي حق انا مش هجري وراه تاني، ومش هكون تحت رحمة مزاجه تاني..
مريم وقغت وقالت
واخيراً البقره فهكت يوم ما ترتاحي طمنيني فاهمه يا بنت الصفرا…
طلعت مريم ومنه ابتسمت وقالت
اوكي يا طنط مريم..
_ بااااااااك..
ــــــــــ
فتحت منه موبيلها وقالت
طنط مريم يمكن دي اول نره اكلمك فيها علي الفون وكده، بس بجد شكرا اياد قالي انه بيحبني وهيخطبني انا بحبك اووي انا بحب الدنيا كلها ومبسوطه جدا…
_ عند مريم سمعت الريكورد وابتسمت وراحت مسكت صورة اياد وانس وهما مع بعض وقالت..
مريم
ربنا يقدرني واقدر اعوض اللي حصل زمان يا حبايب ماما…
ــــــــــ #بقلم_الكاتبه_رحاب_القاضي ــــــــــ
_ وتاني يوم الصبح في القاهره في بيت حازم ونيره..
كانو قاندين هما الاتنين قدام اللابتوب وبيتكلمو مع انس فيديو وحازم قاله..
حازم
تمام انا اصلا قريت خبر زي كده علي النت بس ما كنتش مصدق عشان انت ما قولتش..
انس
انا لسه عارف من الوكيل النهارده، هي فرصه حلوه احتراف بره مصر في نادي كبير هعمل فلوس اكتر من نفسي ومجهودي..
نيره بدموع
بس دول اربع سنين يا انس، هتغيب عني اربع سنين يا انس؟..
ابتسم انس وقال
لو ده حصل فعلا وسافرت هجيلك طبعا، وبعدين يا نيرو انا مكلمك عشان اخد رئيك مش عشان تعيطي..
حازم
طيب وجني يا انس مش انت قولت هتتجوز بسرعه، هتنجوز ازاي بقي وانت مسافر..
انس بحماس
ما هو ده الحلو اني هتجوزها واخدها وامشي بعيد عن حماتي ده القرشانه مش مخلياني اكلمها حتي في الفون دي..
ضحكت نيره وحازم قام فتح الباب اللي كان بيخبط، وكانت مريم ومعاها معتز اللي دخلو وقعدو هما الاربعه علي الكنبه قصاد انس اللي ضحك وقال..
انس
متجمعين عند النبي ان شاء الله..
نيره
عليه الصلاه والسلام، المهم انت لازم تقول لجني..
مريم
يقول لجني علي ايه؟..
حازم
هو انتو ما تعرفوش ان جاله عقد احتراف بره مصر في اوربا كمان..
مريم بغيظ
يا اخويا لما نبقي ابوه وامه نبقي نعرف، هو انا ليا غير اياد حبيبي..
نيره
ايوه كفايه عليكي انتي اياد وسبيلي حبيبي انا ده قلب امه يا ناس..
حازم
طيب المهم قولنا يا معتز ايه رئيك يسافر ولا، وخصوصا انه هيقعد اربع سنين..
مريم
طبعا موافقين بس ياخدني معاه والنبي..
ضحكو كلهم ومعتز قال
بص يا انس هو لو عايز رأي دي فرصه كويسه بس تشوف جني الاول لان دلوقتي حياتكم واحده وما ينفعش واحد فيكم ياخد قرار لوحده، وفي الاول والاخر القرار ليك في موضوع السفر لان ده سغلك انت والحاجه اللي انت بتحبها وما حدش هيبقي عارف الصح فين غيرك..
ابتسم انس ومريم قالت
هو انا والله لولا العيبه لكنت حضنتك وبوستك..
غمزلها معتز وقال
وعيب ليه ما انا زي جوزك برضو..
ضحكو كلهم وانس قال
شكرا يا بابا اكيد هعمل برئيك، بس انا هقفل دلوقتي عشان نازل التمرين..
نيره
ماشي يا حبيبي ربنا معاك ما تنساش تخلي بالك من نفسك..
نربم بغيظ
ايوه يا ابني يا حبيبي والبس تقيل عشان ما تاخدش برد…
ـ قفل انس وهو بيضحك ومعتز بص لنيره وحازم وقال..
معتز
انا مش عارف اشكركم ازاي بس انا ومريم كنا هنخسر انس بجد لو انتو ما اخدتوش بالكم منه زمان ودلوقتي…
نيره
انت بتشكرني علي اللي بعمله مع ابني يا معتز، ومش بقول كده وخلاص انا انس جه نساني زعلي علي الخلفه اللي ما جاتش ليا انا وحازم..
حازم
وانا كمان ذكريات طفولته كلها محفوره جوايا فلو حد المفروض يقول شكرا يبقي احنا لان انس ابنكم عوضنا عن حاجات كتير…
نيره
بس يا مريم انا قولت بيتزا..
مريم بغيظ.
لااا هناكل كريب يا نيره..
حازم بغيظ
والله انا كانت مراتي عاقله منك لاه يا معتز جيبتلنا مصيبه جننت الكل..
مربم وقفت وقالت
بص انا من اول الروايه اصلا وانا نفسي اضربك يا حازم وما حدش المره دي هيحوشني عنك…
جري حازم وقال
انا هجيبلك الكريب وجااااي شوفتي هنصفك ازاي..
معتز
تعالي اقعد يالا هنطلب يجيلنا احسن..
حازم بقلق
طيب امسكها اوعي تسيبها….
_ وقضو اليوم مع بعض زي عادتهم من زماان..
ــــــــــ #بقلم_الكاتبه_رحاب_القاضي ــــــــــ
_في الاسكندريه…
في بيت بهاء طلع من اوضته ولقي ملك قاعده مدايقه جدا، قرب منها وقال..
بهاء
في ايه يا ملك مالك، وعارفه لو طلع كد من ابطال مسلسلاتك مات وزعلانه عليه هنفخك..
ملك ببكاء
طلع في الاوحش من كده طلعت في حاجات صعبه اكتر من كده يا بابا…
قعد بهاء جنبيها وقال
يا بنتي في ايه اتكلمي علي طول..
ملك ببكاء
خالد من لما طلع امبارح وموبيله اتقفل ومش عارفه اوصله كلمت واحد صاحبه قالي انهم ما عندهمش اي خبر اصلا عن فوزي ده..
بهاء بخوف
معني كده ان خالد ما وثلش اصلا للشرطه، طيب انتي قولتي لمدام صفاء حاجه..
ملك بدموع
لا هي سالتني وقولتلها ان خالد كلمني وقالي ان امجد كويس، وقالتلي انها هتمشي ولو عرفت اخبار. جديده اكلمها…
بهاء
طيب اطلعي اقعدي عند اختك فوق، وابعتيلي محمد هنروح المدريه بتاعته ونبلغ احنا باللي حصل قدامنا..
ملك دموعها نزلت وقالت
قلبي واجعني اووي يا بابا حاسه ان خالد مش كويس وفيه حاجه حصلتله..
بهاء اتملت عيونه دموع وقال
اهدي ما فيش حاجه انا هروح اشوفه واطمنك عليه..
ــــــــــ
_ وفي بيت فوزي كان فوزي قاعد علي كرسي قصاد نسمه ودخلو رجالته وهما ماسكين امجد، اللي لما شاف نسمه قاعده ابتسم انها كويسه وهي قامت وحضنته وقالت..
نسمه ببكاء وخوف
تعالي نمشي من هنا انت ليه جيت انت ما تعرفش هو عايز يعمل فيك ايه…
بعد عنها امجد وقال بهدوء
ما تخافيش ما فيش حاجه هتحصل ان شاء الله..
وبص لفوزي وقال
اديني جيت سيبها تمشي بقي وانا وانت نصفي حسابنا سوا..
فوزي بخبث
لا لا مش دلوقتي لما تشوف حبيبك الاول اللي اتفقت معاه عليا…
_ وشاور بايده لرجالته اللي راحو جابو خالد ورموه علي الارض وكان وشه كله كدمات ومش قادر يتحرك..
امجد بصدمه
هو ماله اصلا انت ليه تعمل فيه كده انا السبب..
فوزي
يا خراشي عليك ايه الطيبه دي يا ابن اخويا، بس غريله عيال زيكم فاكرين اني مغفل انا اصلا قاصد تجيب كل واحد فيكم لوحده..
حاول خالد يقف وقاله
انت ولا ليك اي لازمه بتتحامي في الكلاب بتوعك مش اكتر…
امجد خلي نسمه واقفه ورااه وقال
انت عايز مننا ايه يا فوزي..
_فوزي طلع المسدس بتاعه ورماه قدام خالد اللي استغرب من اللي عمله، وفوزي قال بكل حقد…
فوزي
المسدس ده فيه طلقه واحده وانت عندك اختيار واحد يا تضربها علي صاحبك او علي مراته…
خالد بحده
انت حيوان انا مستحيل اعمل كده حتي لو هتمو*تني..
فوزي بخبث
لا مش هموتك انت هموت مامتك يا امجد اللي قاعده في القصر لوحدها وكده كده خربانه فخليها تخرب علي الكل..
امجد بجمود
اضرب يا خالد عليا واخلص يلا…
نسمه مسكت في امجد وفضلت تعيط. ، وفي الوقت ده ملت عربيات الشرطه المكان واقتحمو بيت فوزي..
خالد ضحك وقال
هقولك حاجه للذكره لو عايز تبقي جامد ابقي تعالي اتعلم من خالد…
_ خلص كلامه وضرب طلقه من سلاحه في كتف فوزي اللي وقع علي الارض وقرب الظابط من خالد وقال..
الظابط
يا خالد باشا ما ينفعش اللي حضرتك بتعمله ده؟..
خالد
تمام شوفو شغلكم يلا يا امجد….
_ مسك امجد ايد نسمه وكان ماشي مع خالد، بس في اقل من لحظه كان فوزي طلع سلامه وضرب اكتر من طلقه علي امجد اللي وقع علي الارض غرقان في د*مه، ورجالة الشرطه ضربو علي فوزي النار هو كمان..
نسمه وهي قاعده علي الارض جنبيه ببكاء
امجد انت سامعني انت مش هتحصلك حاجه قوم..
رد عليها بصوت متألم وقال
اوعي تموني لسه زعلانه مني، عايزك تسامحيني وتخلي بالك من بنتنا..
نسمه ببكاء
لا لا انت هتربيها معايا معايا انا ماليش غيرك اوعي تسيبني…
امجد بص لخالد ودموعه نزلت وقال
امي ومراتي علي بالك منهم انت جدع ومش هتسيبهم..
خالد بخوف
ما تتكلمش تاني وما فيش حاجه هتحصل ما. حد يكلم الاسعاف اخلصو…
نسمه ببكاء وخوف
امجد امجد اتنفس لا اوعي تسيبني…
نزلت دموع خالد و؟؟…
ـ تفتكرو ايه اللي حصل؟
ـــــــــــــــــــــــــــــــــــــــــــ