رواية عشقت سمراء الفصل السابع 7 بقلم سجدة محمد

رواية عشقت سمراء الجزء السابع

رواية عشقت سمراء البارت السابع

رواية عشقت سمراء الحلقة السابعة

اتجه عادل الي عمله و نزلت ساجي الي الجنينه مستنيه ان يعود فهد و مجد فهي طول عمرها كان نفسها ان يكون لها اخوات
أمسكت الهاتف الخاص بها
ساجي ” الو ي امير
امير ” مال صوتك انتي بتضحكي ول بتعيطي
ساجي بضحك و بكاء في نفس ذات اللحظة” الاتنين
امير ” انتي اتهبلتي ي بت
ساجي ” أمير انا طلع عندي اخوات
امير ” ازاي يعني مش فاهم
ساجي ” استني هفهمك و قصت ساجي له الموضوع كامل
امير بصدمه ” اي اللخبطه دي
ساجي ” هي فعلا لخبطه
امير ” يعني انتي كده هتفضلي قاعده هناك و مش هترجعي تاني
ساجي ” لا طبعا هرجع
امير ” و اخواتك هتسبيهم مش انتي ديما كان نفسك يكون عندك اخوات
ساجي ” اه بس انا مش هقدر اقعد هنا و بعدين اصلا انا هقدم في كليه في تركيه
امير ” تركيه اي و زفت اي انتي لسه موضوع السفر دا في دماغك
ساجي ” اه
امير ” ساجي بطلي هبل
ساجي ” ي امير هو انا بقولك هروح و مش هرجع تاني لا انا مسافره ادرس و ارجع تاني
امير ” ليلي عمرها ما هترضي تخليكي تسافري و لو سبتك هتقولك اجي اقعد معاكي انتي عارفه ليلي متعلقه بيكي قد اي
ساجي ” عارفه بس نبقي نتكلم في الموضوع دا بعدين المهم بقي انا ف فرحانه اوي دلوقتي
امير “عشان اخواتك
ساجي ” اه مستنيهاهم يرجعوا من بره
امير بغيره ” محدش هياخد مكاني عندك صح
ساجي ” بتغير
امير” لا طبعا
ساجي ” لا والله بتغير و بعدين مفيش حد يقدر ياخد مكانك اصلا انت اقرب حد ليا
امير ” طيب روحي شوفيهم بقي
ساجي ” تمام سلام بقي
كان يدلف الي الداخل و سمع اخر حديثها ثم اتجه الي الداخل و لكن اوقفه صوتها و هي تقول
” انت ي كائن الغراب انت
مراد” انتي قولتي اي
ساجي بتوتر من هائته هائته الغاضبه ” احم كنت بقول انت
مراد ” لا الي بعدها قولتي اي
ساجي” مقولتش
مراد ” جبانه
ساجي بعصبية ” لا مش جبانه انا قولت انت ي كائن الغراب
مراد” انا غراب
ساجي ” لا الصراحه انا ظلمت الغراب
مراد بعصبية ” بت ي متر ونص انتي لمي لسانك الي اطول منك دا
ساجي ” متقولش متر ونص انا مش قصيره انت اللي عمود نور علي فكره
مراد بعصبية تركها و دلف إلي الداخل و هي يكلم نفسه ” بت مستفزه
حمزه ” انت بتكلم نفسك
نظر له مراد نظره كان كفيله بأحراقه
حمزه بخوف ” والله انا بكلم نفسي مش قصدي انت
و تركه و فر من امامه الي الخارج حيث تجلس ساجي
حمزه” انتي الي عصبتي صح
ساجي ” قصدك كائن الغراب
حمزه ” اه كائن الغراب قصدي مراد الله يخربيتك لو سمعني و انا كائن الغراب هينفوخني
ساجي بضحك ” عيل جبان
حمزه” قاعده لوحدك لي
ساجي ” مستنيه فهد و مجد انا عرفت انهم اخواتي
حمزه ” اممم
ساجي ” تعالي اقعد و احكيلي عنهم شويه
حمزه ” هتدفعي كام
ساجي ” ي عم اقعد و نبقي نشوف الموضوع دا
حمزه ” ماشي بصي ي ستي انا انصحك متقربيش من مجد و لكن فهد حينين اوي و هو من زمان كان نفسه يتعرف عليكي
ساجي ” بجد
حمزه ” اه بصي فهد هادي جدا بس لما بيتعصب بيخوف اوي
ساجي” اي البيت الي كل الي في بيخوف دا
حمزه ” هما كدا خاليني اكمل بقي يعني من الاخر كدا فهد هتعرفي تقربي منه لكن مجد صعب شويه
ساجي ” طيب هو فهد هيجي امتي
حمزه ” معرفش ملهوش مواعيد
حمزه و هو ينظر ناحيه البوابه ” حظك حلو اهو جي
ساجي” فين
دلف فهد الي الداخل حيث تجلس ساجي و حمزه
فهد ” قاعدين كدا ليه
قامت ساجي و وقفت امامه و عيناها مليئة ب الدموع
فهد بقلق ” مالك ي ساجي
ساجي لا رد
فهد ” مالها ي حمزه الزفت انت زعلتها
حمزه” و انا مالي انا كل حاجه حمزه هي عرفت ان انت أخوها
فهد ” ساجي طيب لو مش حابه وجدونا في حياتك عادي اعتبريني انا و مجد زي ما كنتي معتبرنا الاول
ساجي وهي تهز رأسها ” لا انا كان نفسي يبقي عندي اخوات
فهد ” طيب انتي فرحانه ولا زعلانه دلوقتي انا مش عارف أحدد بالظبط
ساجي ” ممكن احضنك
فهد و هو يفتح لها زراعيه ” صدقيني انا الي نفسي في الحضن دا
ساجي و هي تحتضنه و تبكي في احضانه
فهد و هو يحتضنها بحتوئ كبير و شوق اكبر
قم اتجه بها الي داخل و هو يحتضنها ثم جالسوا و ظل يتحدث معاها
عند مراد و هو يتحدث في الهاتف مع جاسم
جاسم ” ي مراد مينفعش لازم انت تيجي تحضر الإجتماع دا
مراد” ماشي ي جاسم الاسبوع الجاي هكون عندك
جاسم ” ماشي ي صحبي سلام
مراد ” سلام
بدل مراد ملابسه الي جلباب صعيدي ثم اتجه الي الخارج
ساجي و هي تتحدث مع فهد بصوت منخفض ” كائن الغراب جي
فهد ” لو سمعك هيعلقك
ساجي ” ميقدرش
مراد بعصبيه ” لا اقدر و اخر مره هقولك لمي لسانك دا فاهمه
ساجي ” متعليش صوتك عليا
فهد ” خلاص ي ساجي عيب كدا
أثناء حديثهم دلفت مسك و هي تتجه إلي مراد و تحتضنه
مراد ” عامله اي ي روحي
ساجي في سرها ” دا بيتحول مش لسه كان بيزعق دلوقتي
مسك ” مراد ممكن ننزل نجيب حاجات انا و البنات
فهد ” لا
مسك ” لي بقي اهو كدا
مراد و هو يتكلم بصوت منخفض جنب أذن اخته ” متعنديش معه و المفروض كنتي تستأذني منه اصلا
مسك بنفس الصوت المنخفض ” بس هو لسه مبقاش جوزي
مراد ” بردك لازم تحترمي
مسك ” حاضر
مسك ” ممكن ي فهد ننزل انا و البنات نجيب حاجات
فهد ” قالت لا
مسك ” ي فهد لي والله ما هنتأخر
فهد ” ماشي ي مسك بس هتخدو الحرس معاكم و لينا كلام بعد ما ترجعي
مسك ” حاضر
اتجهت ساجي و مسك الي اعلي لكي يجهزو
فهد ” مراد
مراد “نعم
فهد ” اللوء محمود كلمك
مراد ” اه كلمني
فهد ” و هتعمل اي
مراد ” لسه مش عارف
فهد ” ماشي هطلع انا ارتاح
مراد ” تمام
نزل جميع الفتيات بعد أن جهزوا
مراد ” مسك
مسك ” نعم
مراد ” مستنين اي
مسك ” ساجي
اثناء حديثهم نزلت ساجي و هي ترتدي جيبه تصل الي قبل كحليها بقليل ب اللون الكشمير الغامق و بها فراشات ب اللون الازرق
و عليها بدي ابيض ب كت و معاها الجاكيت الجينز تحمله في يدها
ما ان رائها مراد ” اي القرف الي انتي لابسه دا
ساجي ” و انت مالك
مراد ” هي كلمه واحده اطلعي غيري الزفت دا
ساجي ” انت مالك ي كائن الغراب
مراد ” القرف دا مش هتطلعي بي من هنا شغل الصياعه دا في بحري مش اهناه
ساجي و الدموع في عيناها ” علي فكره انا كنت هلبس الجاكيت مش هنزل كدا و انا محترمه غصب عنك و تركته ساجي و هي تتجه إلي الخارج و تركب السياره هي والفتيات
مراد في نفسه ” غبي اي الي خلاني اقولها كدا
ثم اتجه الي اعلي
عند الفتيات في السياره
مسك” متزعليش من مراد هو عصبي شويه بس
ملك ” اه والله مراد طيب متزعليش بقي
ساجي بأبتسامه حزينه ” خلاص ي بنات مفيش حاجه
عند ليلي تجلس هي و ساميه يتحدثون
ليلي” بس انا حبيتك اوي ي سوسو
ساميه ” وانا ي حببتي والله
دلفت عفاف وهي تجلس ماعهم ظلوا يتحدثون
انتهاء اليوم دون احداث تذكر
صباح يوم جديد
يجلسون جميعا في غرفه الطعام بما فيهم ساجي
ليلي و هي تتحدث مع ساجي ” صاحيه بدري يعني غريبه
ساجي ” انا منمتش اصلا
ليلي” ليه ي روحي
ساجي ” عشان عاوزه اتكلم مع بابي قبل ما ينزل
عادل” خير ي حببتي في حاجه
ساجي بتوتر ” انا كنت في بصراحه ي بابي انا عاوزه اسافر تركيا
عادل ” تعملي اي هناك ؟
ساجي ” هكمل تعليمي هناك
شمس ” اي الكلام الفارغ دا اقعدي ي بت مكانك بلا سفر بلا زفت
ساجي” هااا ي بابي قولت اي
عادل ” نبقي نتكلم بعدين
ساجي ” ما هو ي عدوله لازم ابداء في تجهيز الورق
عادل ” لا ي ساجي مفيش سفر
ساجي ” يعني اي ي بابي
عادل ” يعني مفيش سفر
ساجي ” طيب انا عاوزه ارجع اسكندريه
عادل ” لا ي ساجي احنا هنعيش هنا
ساجي بهدوء مصطنع ” بس احنا متفقناش علي انتي قولتلي هنيجي زياره و نمشي
عادل” انتي عاوزه ترجعي اسكندريه لي و انتي اهلك و اخواتك هنا
ساجي ” بس حياتي هناك انا متعوده علي العيشه هناك و بعدين امير هناك
عادل ” زي ما اتعوتدي علي العيشه هناك تتعدوي هنا و لو علي امير ممكن تبقي تروحي تشوفي يومين و ترجعي
ساجي ” بس انا مش هعيش هنا
فهد ” ساجي ممكن تهدي
ساجي بعند ” لا
فهد ” تعالي ي ساجي عاوزك
اتجه فهد و ساجي الي الخارج
فهد ” ممكن اعرف انتي عاوزه ترجعي اسكندريه لي
ساجي” كدا انا مش عاوزه اقعد هنا
فهد ” ي حببتي احنا كلنا هنا وجنبك لي بقي تسافري
ساجي” عشان انا مش بحب التحكمات انا بحب الحريه انا لما كنت في اسكندريه كنت علي راحتي
فهد ” اي رأيك اوديكي انا اسكندريه اقعدي يومين و تغيري جو و وبعدين نبقي نشوف موضوع انك تعيشي هناك دا
ساجي” اوك هتوديني امتي
فهد” عندي شغل اخلصه و كمان يومين هوديكي
ساجي” وعد
فهد ” وعد اطلعي نامي بقي انتي منامتيش من امبارح
اتجهت ساجي الي غرفته و خرج مراد الي فهد
مراد ” هطلع عينك
فهد ” عنيده اوي
مراد” خليك شديد معاها
فهد ” لا هي مش بتيجي بطريقه دي
مراد” طيب ي حينين خلينا نمشي ورانا شغل
و اتجه مراد و فهد الي عملهم
انته اليوم دون احداث تذكر
ساجي و هي تقف في غابه كبير مليئا ب الحيوانات والطيور
” انا اي الي جابني هنا ظلت تصرخ و تقول حد ي لحقني و فهددد
فجئه ظهر لها شاخصين تعرف واحد فقط و التاني لا يظهر وجه
مجهول 1″ تعالي ي ساجي انا هخرجك من
ساجي ” لا طبعا عمري ما هاجي معاك انت دمرت حياتي
مجهول 2الذي لا يظهر وجه” تعالي معايه
ساجي بتوتر” بس انا معرفكش
مجهول 1″ تعالي و متخفيش
ساجي ” لا انا بكرهك اطلع من حياتي بقي
مجهول 2 و هو يمد يده لها ” تعالي انا هاحميكي
اتجهت ساجي اليه و مسكت يده و فاجأه اختفي
استيقظت ساجي من نومها و هي تقول اي الحلم الغريب دا نظرت في الساعه كانت 1ليلا
ساجي ” انا نمت كتير اوي
انا هطلع اشم هواه
نزلت ساجي لكي تجلس في الجنينه و تشم بعض الهواء النقي
كان حمزه يتسحب لكي يخرج خارج القصر
ساجي” رايح فين؟
حمزه ” هو انتي الله يخربيتك خضتيني بحسبك مراد ول فهد
ساجي” رايح فين
حمزه ” هروح اسهر مع صحابي مش متقوليش لحد
ساجي” مش هقول بس بشرط
حمزه ” شرط اي
ساجي ” هتخدني معاك
حمزه” لا طبعا
ساجي ” انا قولت هاجي معاك
حمزه ” لا طبعا انتي عاوزه فهد يقتلني
ساجي” متخفش محدش هيعرف و بعدين لو حد عرف هبقي اقول ان انا اللي اصريت
حمزه بتفكير” اممم
ساجي ” يلا بقي والله زهقانه
حمزه” يلا و أمري لله بقي
ساجي ” هطلع البس بسرعه و اجي
حمزه ” خمس دقايق لو مخلصتيش هسيبك و امشي
ساجي” فليله(فريره )
حمزه و هو يضحك” مش لما تنطقيها عدل روحي اخلصي
نزلت ساجي بعد وقت قليل
هي ترتدي بنطلون اسود ضيق و تيشرت بنص كم اوفر سايز اسود و به خط رمادي من النص يصل الي نصف فخذيها و أطلقت شعرها
ساجي” يلا
حمزه ” يلا يختي
اتجهت ساجي مع حمزه
بعد قليل وصله الي حيث يجلسون أصحاب حمزه
عمر صاحب حمزه ” مين المزه دي
حمزه” احترم نفسك يلا دي بت عمي
عمر” انت هتكدب ي عم ما انا عارف بنات عمك كلهم محجبين
حمزه ” انتي بنت عمي عادل الي كان قاعد في اسكندريه
عمر ” اممم تمام يلا ندخل
حمزه بتوتر ” ساجي يلا نروح عشان انا مش مطمن
ساجي” لا نروح اي انا مصدقت خرجت يلا نخش المكان باين عليه حلو اوي و سحبت حمزه من يده و دخلت به الي هذا المكان الذي يدعي كافيه
ساجي ” الله الكافيه دا حلو اوي
عمر ” آه انتي اسمك اي
ساجي ” ساجي
حمزه ” تعالي ي ساجي نقعد هنا
اخذه حمزه الي مكان لا يوجد به أحد ” اقعدي هنا و متتكلميش مع حد
علي الجه الاخري كان يجلس جاسر و معه صديقه طارق
جاسر” مين الي مع حمزه المهدي دي
طارق ” مش عارف تلاقيها واحده من البنات الي بيمشي معاهم
جاسر ” لا البت باين عليها بنت ناس
طارق ” استني اعرفلك دي مين
بعد وقت قليل
جاسر ” هااا عملت اي
طارق ” دي تبقي بنت عادل المهدي
جاسر ” يعني دي بنت عم مراد و اخت فهد بس ازاي انا اعرف ان فهد عنده مجد بس
طارق ” معرفش بقي الواد عمر قال ان هي بنت عمه
جاسر ” طيب اروح اتعرف بقي
اتجه جاسر الي ساجي الذي تجلس لوحدها
جاسر ” القمر قاعد لوحده لي
ساجي ” مستنيه ابن عمي مش عارفه راح فين
جاسر ” ممكن اقعد لو مش هزعجك
ساجي ” لا مش بقعد مع حد معرفهوش ممكن تمشي بقي لو سمحت
جاسر و هو يقعد بجانبها ” ما احنا هنتعرف وبعدين انا اعرف العيله كلها