رواية عشقته فدمر حياتي الفصل الرابع عشر 14 بقلم مي أحمد
رواية عشقته فدمر حياتي الجزء الرابع عشر
رواية عشقته فدمر حياتي البارت الرابع عشر
رواية عشقته فدمر حياتي الحلقة الرابعة عشر
(بالعقد ده عقدتني والسلسله دي حبل وانت خانقني بيه بص الخاتم في ايه اسمك مكتوب عليه ده لوحده ليه ذكرى ما كانليش حظ فيه
خد اللي ليك ونفضها ووعد اللي بيقول كلمه ويطلع قدها
وصلتني لمرحله ما بقتش قادره خلاص ومش تحمله
استحلي عذابي فيك ولا ذريت رحمه ليك وده شيء طبيعي لواحده عاشت مهمله لو جبت لي شنط ذهب ما تكفيش عمري اللي اتسرق ) غناء اليسا
جواد //مايا الخاتم اللي في ايدك ده معناه ايه
مايه بتوتر /مش معناها حاجه لو انت عايزه انا ممكن اقلعه عادي واديه لك
جواد بحزن /ده اللي فهمته انا بقول لك على الخاتم ا علشان عايزك تخلعي طب بلاش الخاتم انت لسه بتحبيني ردي عليا الخاتم اللي في ايدك ده معناها اني ليا مكان في قلبك رد عليا وقولي لي
مايا بصراخ /لو سمحت يا جواد لو انت عايز الخاتم انا ممكن
اقلعه لك بس ما تقولش اني بحبك والكلام ده! لان
كده انا انا بخون زوجي وانا مستحيل اخون زوجي بعد اذنك كانت لسه راح تمشي لقيت ايده بتشدها
ليه وبيمشي بيها وبيزنقها في الحيط اللي في الجنينه وقرب وشه من وشها جدا واتكلم بفحيح وهمس”/ مايا لاخر مره هسالك الخاتم اللي في ايدك ده معناه ايه مش انت قلتي ان اللي بينا انتهى! ليه محتفظه بالخاتم بتاعي؟ ليه ما قلعتهوش؟ ورمتيه ليه ما لبستيش خاتم الراجل اللي انت شايله اسمه؟ بص في عينيا وقولي انك مش بتحبيني قولي اني خلاص طلعت من قلبك حط ايده على قلبها اللي بيدق بسرعه قولي ان ده بطل يحبني ساكته ليه انا بحبك بعترف بدها قدامك وقدام الكل مستعد اتحدى العالم كله عشان نرجع لبعض بس انت سامحيني وصدقيني في كل الكلام اللي قلته لك قلبي رافض ان هو يحب غيرك بعندك وغرورك ورفضك ليا هو اللي بيخليني اجرحك غصب عني انا بتقطع كل ما اشوفك زعلانه مايا انت مش حبيبتي بس انت بنتي وكل حياتي بعد كل اللي قلته لك ده برده مصممه انك ما ما تدينيش فرصه
كانت بصه في عيونه والكلام اللي بيقوله كان بياثر فيها جدا قلبها المريض بحبه بيحاول يعمل له اعذار عشان يسامحه قربوا منها كلامه ليها خطر كبير على قلبها مش قادره تتنفس وهو بالقرب ده الضعف سيطر عليها كل القوه اللي بتحاول ترسمها راحت ما بقتش غير مايه اللي بتحب جواد وبس راحت كل محاولات منها ان هي تبقى قويه ذكريات الوجع اللي هو سببها لها وقوف محمد معاها كل ده راح ما بقاش غير جواد وكلامه اللي بيقوله لها
اتكلمت بوجع وبدون اراده منها/ ايوه بحبك يا جواد وعمري ما حبيت غيرك والخاتم اللي انت بتقول عليه ده بيذكرني لليوم اللي انت سبتني فيه يوم ما كانش ليه حظي فيه وهيبقى لوحده غيري الحب عمره ما كان بيبني حياه وزواج ويواجه المشاكل لازم يكون في ثقه واحترام بين الاثنين وللاسف الموضوع ده مفقود في علاقتنا يا جواد عشان كده بقول لك انساني وابدا حياتك مع واحده بتحبك وانا مع الوقت هنسى حبك وما فيش حد بيموت من الوجع يمكن اكون زعلانه منك بس انا مش بكرهك وانا دلوقتي مرات اخوك ولازم تكون عارف اني مستحيل اسيبه بعد ما هو اللي مد لي ايده
جواد الكلام ده عصبه اكتر ضغط على ايديها جامد وبص لها بغل وحقد/ تمام يا مايا انت اللي بداتي انت اللي مش عايزه ترجعي لي وبتقولي اكمل حياتي مع ندى اللي انا اخترتها طيب اثبتي لي واثبتي لنفسك ان اللي بينا انتهى خلاص واني ما فرقش معاكي حاجه
ماياباستغراب/ اثبت لك ازاي
جواد بهدوء/ تجهزيني وتلبسيني يوم الخطوبه وتوقفي جنبي وانا بلبس خطيبتي الخاتم ساعتها بس هصدق ان اللي بينا انتهى واللي ما بقتش فارق معاكي قلت ايه موافقه ولا لا
يا لك من قاسي يا حبيبي تريد ذبحي بسكين في منتصف قلبي لا تشعر بقلبي الذي ينزف حبا لك وحدك تشعر فقط بغرورك وكبريائك الاعمى
مايا وجع وحزن وقلبي بيتقطع/ موافقه اعتبر كل حاجه هتبقى كويسه يا ابن عمي ممكن اطلع اوضتي عشان ارتاح اليوم كان متعب عليا النهارده
جواد/ تمام اطلعي يا مايا بس قبل ما تطلعي عايزك تجهزي لي الخاتم بتاع الخطوبه بتاعتنا علشان البسه ندى في الخطوبه عشان هو عاجبها وبما انك الخاتم ما يعنلكيش حاجه نديه للي هي عايزه ولا انت ايه رايك
مايا بوجع/ تمام مسكت ايدها وحاولت تخلع الخاتم لكن الخاتم ما كانش راضي يطلع من صباعها
جواد/ مش ضروري دلوقتي بس المهم يكون جاهز قبل الخطوبه
مايا تمام طلعت مايه بسرعه على غرفتها وهي مش مصدقه كل اللي حصل بينها و بين جواد هي دلوقتي نهت كل حاجه بينهم حتى لو كان في امل ان هم يرجعوا لبعض هي داست عليه ونهته خالص
اما جواد كان واقف بيبص على اثاره وهي داخله قلبه وجعه كتير من الكلام اللي هي قالته ليه مش راضيه تصدقه ليه مش راضيه تحط له عذر ليه عايزه تبعد عنه وتروح لغيره مهما بيحاول يكرهه ويجي عليها ويلاقي قلبه بيحبها اكتر ويتعلق فيها مش قادر يكرهها ولا يقسى عليها ندم على كل الكلام اللي قالها
ندم ان هو طلب منها ان هي تدي له الخاتم
قطع حبل افكاره رنين تليفونه كان صاحبه اخو ندى
جواد/ الو عامل ايه يا فارس
فارس/ كويس يا صاحبي كنت عايزه اعزمك على حفله خطوبتي على بنت تعرفت عليها وحبيتها
جواد باستغراب/ الف مبروك بس ندى ما قالتليش يعني انك انت هتخطب ولا حاجه
فارس بحزن/ ماما وندى ما كانوش موافقين عليها عشان هي يعني مش من مستوانا بس انا اصريت عليها وبحبها وهم اقتنعوا ان هم مش هيقدروا يمنعوني عشان كده وافقوا ان هم يحضروا الخطوبه بعد ما بلغتهم بيها من شويه وعشان انت صاحبي واخويا فعايزك تبقى واقف جنبي في اليوم ده
جواد بحب/ اخوي الف مبروك يا حبيب اخوك ان شاء الله بكره هتلاقيني عندك وما تخليش حد يبوظ فرحتك افرح انت واللي بتحبها وما تهتمش بكلام الناس وان شاء الله بكره هتلاقيني عندك سلام
قفل تليفون مع فارس وراح على اوضته عشان يرتاح من هم اليوم اللي كان طويل على قلبه وعقله
محمد رجع وهو مبسوط من بره ما يعرفش ليه بس الشعور غريب سيطر على قلبه وعقله خليها حاسس بالفرحه والدفء غريب اول مره يحس بيه
وهو طالع على اوضته شاف جواد وهو طالع على اوضته التنين بصوا لبعض بصات مليانه بالحقد والكره محمد كان بيبص له بحقد على حب مايا وحب العيله اللي بعد كل اللي عمله لسه بيحبوه جواد كان بيبص له لان هو شايف ان هو اللي خد حبيبته منه وحرموا منها كل واحد راح على اوضته وفي دماغه مليانه بالافكار
😠😠😠😠😠😠😠😠😠😠😠😠😠😠
في صباح يوم جديد مليء بالمفاجات
كلهم متجمعين على الفطور
الجد صلاح/ ميرفت اخت ناديه عزمتنا على خطوبه ابنها فارس واللي حابب يروح يروح انا مسافر النهارده في شغل عشان كده مش هقدر احضر
ناديه بخبث /عادي يا جدي اختي هتتقبل الموضوع الاولاد يروحوا كفايه وانا هعتذر لها بالنيابه عنك
جواد كان نازل عشان يقعد معاهم على السفره الفطور/ صباح الخير
الجد بحب/ صباح النور كل ده نوم كنت لسه بقول على موضوع الخطوبه هتروح ولا لا
جواد/ اكيد هروح فارس قبل ما يكون ابن خالتي فهو صاحبي واخويا وشاركي في الشغل ومتربيين سوا فانا مش هسيبه في يوم مهم زي ده
ناديه بحب/ ربنا يخليكم لبعض يا حبيبي وبصت ناحيه محمد واتكلمت وانت يا محمد انت ومايا رايحين ولا لا
محمد/ ما اعرفش انت رايك ايه يا مايا نروح ولا لا
مايا/ نروح ما نروحش ليه انا بحب الحفلات جدا بالمره نغير جو
محمد بحب/ تمام يا حبيبتي نروح اتردد شويه بعدين سال مايا هو ايمان وشريف وسهر مش جايين معانا في الحفله
مايا ما اعرفش عزموهم ولا لا بس انا هعزمهم عشان انا ما احبش اروح مكان من غير ايمان بعد اذنكم طلعت ماياي عشان تكلم ايمان وتعزمهم على الحفله
ناديه /طيب اقوم انا دلوقتي عشان الحق اروح اساعد اختي في الحفله بص ناحيه جوادمش هتوصلني يا جواد
جواد بص لها باستغراب ونظره هي فهمها كويس اعذريني عندي مشوار مش هقدر سلام سابهم وخرج وكلهم بصوا لبعض باستغراب
الجدي صلاح/ الولد ده بقى حاله مش عاجبني خالص بيعامل امه معامله وحشه جدا
عبد الله ابو جواد /معلش يا ولدي هو مشغول في الشغل اليومين دول واكيد ناديه مش هتزعل من ابنها ولا ايه يا حبيبتي
ندى اه معاك حق هو اكيد مشغول بقول لك ايه يا محمد تعال انت وصلني
محمد بحزن على حاله والدته/ خلاص قومي يا ماما انا هوصلك وخرج هم الاثنين عشان يوصلها على بيت خالته
وعدى اليوم لتجهيز الحفله وكل واحد بيمارس اعماله وجواد كان مع فارس اليوم كله عشان يرتب الحفله
❤️♥️♥️♥️❤️❤️♥️♥️❣️❣️❣️❣️❣️❣️
في بيت ندى في الحفله
جواد كان جاي بيطلته للي تخطف الانفاس هو ومحمد ومايا اول ما دخلوا من باب الحفله
ندى جريت عليهم ومسكه ايد جواد
جواد بصلها بضيق بس ما رضيش يتكلم
ندى وهي بصله ماياه بحقد نورتونا الخطوبه نورت بحضوركم تعالوا نقعد مع بعض جوه لغايه ما يجي العرسان من الكوافير
محمد بحب/ حط ايده على وسط مايا وشدها ليه لا خليكم انتم مع بعض وانا ومايا هنخش سوا وخد ماياه ودخلوا كل ده تحت انظار جواد اللي هيفرقع من الحركه اللي عملها محمد هتحكم في ضيقه ودخل هو وندى وابتدى المعازيم يدخلوا ويجوا من العائلات المرموقه وجواد واقف مع ندى بيه حي المعازيم
لحد ما جاء العروسين والموسيقى اشتغلت والاحتفال بيهم ابتدا وكلهم ابتدوا يسلموا عليهم
جواد راح عند صاحبه مبروك يا عريس فرحت لك جدا يا صاحبي
فارس بحب/ الله يبارك فيك يا حبيبي عقبالك لما نفرح بيك احب اعرفك سهى خطيبتي
جواد باحترام/ الف مبروك يا انسه سهى
سهى
الله يبارك فيك هو انا شفتك قبل عن كده اصل انا بشبه عليك جدا
في في الوقت ده دخلت مايا ومحمد عشان يباركوا لهم واول مايا شافت العروسه اتصدمت
ميه بصدمه /مش معقول سهى
سهى بحب /مايا يخرب عقلك وحشتيني يا مجنونه والتنين حضنوا بعض حضن كبير تحت أنظار لكل المستغرب
سهى/ الفارس احب اعرفك مايا صديقتي الانتيم كنا مع بعض في الثانوي صح دخلت ايه يا مايا مش قلت لي ان انت هتكملي بعد ما تتجوزي انت وجواد
وبصت ناحيه جواد واتكلمت دلوقتي افتكرتك شفتك فين انت خطيب مايا ودلوقتي بقيت جوزها صح
مايا وجواد بصوا لبعض بتوتر
مايا بحب/ لا يا حبيبتي انا وجواد ما اتجوزناش انا اتجوزت محمد وهو خطب ندى اخت خطيبك
سهي باسف/ انا اسفه جدا يا حبيبتي ما كنتش عارفه على العموم الف مبروك ليك انت ومحمد مش ناويه تكملي تعليمك
مايا /اكيد ناويه ان شاء الله هدخل كليه اداره اعمال وانت دخلت ايه
سهى دخلت كليه حقوق انت عارفه اني بحب الحاجات دي عشان كده دخلتها
فارس /مش وقته يا حبيبتي تعالي معايا بعدين ابقي تكلمي انت وصاحبتك مش المفروض تهتمي بيا النهارده انا خطيبك واليوم ده بتاعي اسف يا مايا بس لازم استفرد لحبيبتي النهارده
سهي بحب بس يا مجنون
فارس /مجنون مجنون المهم انا مجنون بك انت بس يا قلبي واخذها وراحوا على ستيتش الرقص
ماياه بصت بحزن لنفسها ما حققتش اي حاجه من اللي كانت بتحلم بيه حياتها اتدمرت لا اتجوزت اللي بتحبه ولا كملت تعليم كله بسببه هو وعايزه تنسانه وترجع معاه زي الاول انسان ما عندوش قلب
وهي واقفه بتفكر جت صاحبتها ايمان عليها
ايمان بحب/ واقفه وحدك كده ليه يا حبيبتي يلا تعالي نقعد ندردش شويه مع بعض شريف ما قدرش يجي عشان عنده شغل مالك زعلانه ليه
مايا هو انا ليه بيحصل معايا كده يا ايمان ما فيش حاجه بحبها وبتحصل انت عارف انا قبلت مين دلوقت صاحبتنا اللي كانت تحكي لنا على قصه حبها المستحيله وشوفي دلوقتي تتخطب هي وحبيبها
وكملت تعليمها ودخلت الكليه اللي بتحبها وانا ما عملتش اي حاجه لنفسي فيها ليه بيحصل معايا كده اهل سابوني وانا صغيره حبيبي سابني يوم فرحي حتى التعليم ما قدرتش اكمله عشان الحمل ليه كل حاجه وحشه بتحصل معايا انا
ايمان بحب /استهدي بالله ربنا شايل لنا حاجه كبيره واكيد كل حاجه هتتصلح مع الوقت وربنا يا ما بيحب حد بيختبره وده اكيد اختبار من عند ربنا عايزك قويه وعندك صبر عشان تعدي الاختبار اتفقنا
تنهيدت تنهيده طويله اتفقنا يا حبيبتي
ايمان بحب/ طب انا هروح اجيب لك عصير فريش يفوقك من اللي انت فيه
مايا بابتسامه ماشي
سهير كانت جات وبتدور على محمد بعنيها لقيته واقف بيجيب عصير راحت عنده
سهر بحب/ عامل ايه يا محمد
محمد /الحمد لله تعالي يلا بينا نروح عند مايا وايمان
اول ما وصلوا على الترابيزه اللي قاعدين عليها ابتدت الاغاني والرقص محمد مد ايده الميه عشان يرقص معاها
مايا تعبانه شويه يا محمد ممكن شويه كده ولا اقول لك خذ سهره ارقص معاها هي بتحب الرقص
محمد حس ان قلبه بيدق لما مد ايده لسهر وحطت ايديها في ايديه وراحوا على ستيتش الرقص
كانت قاعده سرحانه وحزينه فجاه لقيت جواد واقف قدامها وكان لابس لبس كاجوال فظيع كان شكله بيهلك قلبها مثلت ان هي مش مهتمه وان هو مش بياثر فيها
مايا برود ولا مبالاه في ايه يا جواد واقف كده
جواد تسمحي لي يا بنت عمي بالرقصه دي بما ان جوزك بيرقص مع واحده غيرك والكل مشغول عنك
مايا مين قال لك اني عايز ارقص انا مرتاحه كده روح ارقص مع خطيبتك
جواد بمشاكسه خايفه تضعفي قدامي يا مايا وما تقدريش تقاوميني انا عارف نفسي اني حلو وما فيش اي بنت تقدر ان هي تقاومني
مايا بتحدي لا والله طب انا حثبت لك ان كل اللي بتقولي ده وهم من عندك وان ما فيش اي حاجه حقيقه وقامت وحطت ايديها في ايده وراحوا على ستيتش الرقص محمد شافها وهي بترقص والاول مره ما يغيرش او ما اهتمش كان مهتم بس بسهر اللي بين ايديه وبيرقص معاها
واشتغلت الاغنيه ( خليني في حضنك يا حبيبي
جواد حط ايده على وسطها شدها ليه وخطوه بخطوه كانوا بيمشوا مع بعض وعنيهم في
عينين بعض نسوا العالم ما افتكروش غير ان هم بينقدم بعض وبيرقصوا مع بعض ماياه الابتسامه اترسمت على وشها بدون وعي منها وجواد كان حاسس كانه بيطير و بيتمايلوا على انغام الاغنيه كانهم فوق السحاب اندمجوا في الاغنيه والرقص نسيت زعلها منه وهو نسى غضبه منها ما افتكروش غير ان هم عشاق وفجاه سمعوا صوت ضرب نار
ومجرم ملثم جاي عليهم وضرب نار جات في ايد جواد
يتابع رايكم وتوقعاتكم
تفتكروا ايه اللي هيحصل في الحفله تاني
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عشقته فدمر حياتي)
