رواية عشت حياتي الفصل الثالث 3 بقلم أنين الجارحي

رواية عشت حياتي الفصل الثالث 3 بقلم أنين الجارحي

رواية عشت حياتي الجزء الثالث

رواية عشت حياتي البارت الثالث

رواية عشت حياتي الحلقة الثالثة

-فرحككك….!
=ايوه فرحي…!
-اتكلمت بابتسامه:
“اولا الف الف مبروووك…ثانيا ده شئ ميخصنيش ولا يهمني اعرف اصلا هتتجوز ولا لا…قولتلك انت بالنسبالي ولا حاجه…انا ما صدقت اطلقت منك”
=علي القليله انا هتجوز…ومش يعيبني شئ انما انت مطلقه شوفي مين هيرضي بيكي…انا مهما كان راجل…!
-تفكيرك مريض وقديم وهتفضل زي ما انت…واي يعني مطلقه…بكره هتندم وهتشوف…والمطلقه ده هتبقي احسن منك…وممكن اتجوز من تاني يوم عادي بس بمزاجي…متفكرش نفسك محور الكون…او عشان اطلقت محدش هيتقدملي…لا بيتقدموا بس انت بس مريض محتاج تتعالج…اتمني مشوفكش تاني…!
=ولا انا عاوز اشوفك…انا هعيش مع مراتي ومش عاوزك لا انت ولا ابنك…!
-متجيبش سيره ابني علي لسانك…وهو مش محتاجك…انا معاه ومعوضاه عن كل حاجه…وكفايه اوي كده خدت اكتر من مقامك…!
-مش عارفه لي اغلب البشر عندهم فكره وحشه عن الطلاق…عادي يا جماعه الطلاق مش حاجه وحشه…حاجه عاديه بين اتنين محصلش بينهم اتفاق…لي بتتحسسوهم انهم عار او ملهمش مكان وسطنا…لا ليهم…وزيهم زينا…بتيجو علي اولادكم لي…هما معملوش حاجه غلط…علي القليله بيبنو نفسهم من تاني…وبيعملو ليهم اسم…ومش اسمها مطلقه او مطلق…ومش معني كده انهم مش هيتجوزوا تاني وهيعنسوا لا ابدا…مش عارفه اي فكره انهم هيعنسوا تفكيركم غلط…كل واحد بياخد نصيبه…ونصيبهم لسه مجاش…ولو جه وانفصلوا مكنش خير ليهم…ياريت متضغطوش علي حد متعرفوش ظروفه…هما زينا بالظبط واحسن كمان…!
-روحت البيت بتعب ظاهر علي وشي…
=انت كويسه يا عائشه…!
-اتنهدت وانا برسم ابتسامه علي شفايفي:
“انا زي الفل واحسن كمان يا ماما متقلقيش”
=مش باين عليكي انت بنتي وحفظاكي اكتر من نفسي،
-حاولت اغير الموضوع وقولتلها:
“امال يزن فين يا ماما”
=باباكي خده معاه وهو خارج،
-هزيت راسي ب ماشي’
=قوليلي مالك متتهربيش من وجعك واحكيلي،
-مفيش يا ماما انا كويسه يا حبيبتي محتاجه بس انام شويه،
=مش هضغط عليكي بس بالله عليكي يبنتي ما تزعلي نفسك…ادخلي اوضتك ارتاحي…
=ماااامااا مامااا ماااااماااا ماااامااا مامااا مااامااااااا…!
-اي يا يزن في اي سيبني نايمه…
=اصحييي انت بقالك كتير نايمهههه….!
-حاضر يا حبيبي شويه وهقوم،
=ماشي يا ماما يا حبيبتي ناميي براحتكك’
-يييييزننن تعالييي يا معفن بقي بترش علي مامتك ميه،
=هههه خلاص خلاص يا ماما بطلي تزغزينييي بقااا،
-لااا عشان ترشني اويي وتزعجنيي…!
=تيتههه جدووو الحقونيييي….
=ملناش دعوه ياا يزنن بقا انت حر انت قولنالك مسمعتش الكلام…خليها تزغزك بقي…
“لحظه صمت ثم ضحك…يلااا ناكلل اخر واحد هيفضل في مكانه حمار كبيييرر”
=ماما انا هشوف بابا امته…!؟
-هاخدك بكره يا حبيبي وتشوفه…!
=بجد يا ماما ولا بتضحكي عليا…؟
-اضحك عليك…انا لما بقولك علي حاجه بعملها ياض…!
“اقوله ازاي ان باباه مش عاوزه…ولا عاوز يشوفه…لو كان اب قادر يشيل المسئوليه حتي ولو بعد الطلاق وكان بيراعي ابنه…بس هقول اي…نتيجه فاشله..!
-باباااااا وحشتنييييي….،
=اتكلم ببرود…عامل اي يا يزن…!
-كويس يا بابا…انت مبتجيش تشوفنا لي يبابا…
=مشغول والله مش فاضي…
-انا عاوز اشوفك واخرج معاك كتير…
=بعدين بعدين…الايام دي مش فاضي…!
-طب هات حضن يبابا…
=مش بحب جو الاحضان ده يا يزن اجمد كده…!
-يلا يا يزن هنمشي…
=ياريت والله…وفهميه ان مسافر عشان يسكت ويبطل صداع انا مش فاضي للجو ده…عاوز اشوف بابا….وحضن…الكلام ده مش عندي….لازم يجمد كده…..!
-عندك حق لواحد معندوش مشاعر وقاسي زيك وابني مش عاوزك تاني…يلا يا يزن يا حبيبي….!
=افضلي انت دلعيه كده مش هيجيب نتيجه ف الاخر…
-هدلعه وهعمله كل الا نفسه فيه وهتشوف ابني بكره يبقي حاجه تشرف…يلا يا زيزو نمشي…!
-بتعيط لي يا يزن…!
=ماما هو بابا مش بيحبني…!
-اي الكلام ده هو فيه حد ميحبش يزن….!
=انا بشوف صحابي دايما هما وباباهم بيلعبو معاهم وحاجات كتير وانا لا….
-اخص عليك يا زيزو وانا فين يا حبيبي انا هعملك كل الا نفسك فيه…وقدمتلك هنا في المدرسه الا كانت عجباك…يلا عشان بصراحه كده انا هشتريلك اللعبه الا كان نفسك فيها بس مقولتليش….
=عرفتي منين يا ماما؛
-ده انا ماماا يا زيزو…
=انا بحبك اوي يا ماما….
-انا اكتر….!
=اتفضلي يا ماما…
-بصتله باستغراب وقولتله:
“اتفضل اي…..!
=الورده دي عشانك….
-بصتله بحب وانا عيوني بتدمع من التأثر…
” ربنا رزقني ب يزن طفل جميل حنين بيداوي الجروح…ازاي في ناس مش عارفه قيمه اطفالهم…علي رغم صغر سنه بس عارف حاجات كتير وقادر يفرحني…الحاجه الوحيده الا مندمتش عليها هيا ابني يزن….الدنيا عوضتني بيه…
-يلااااااااااا يااااااااا زفتتتتتتت….!
=يخرابي عليكي لما تتعصبي….اهدي علي الولد…
-شايفه يا ماما هنتأخر وانا لسه هروح الكليه…
=جرا اي يا شعنونه خلصت اهو الله….!
-نهارك اسوح انت هتشرشحلي ياض…
=برئ يا بيه والله…
-قدامي يا قرد يلا….عن اذنك يا ماما…بابا هيفرمنا تحت،
=يلا بينا يا جدو….
-يلا يا حبيبي مع السلامه….خد بالك من نفسك…وجدو هيوصلك علي البيت لان انا هتأخر في الكليه…!
=حاضر يا ماما…
=عائشههه احنا مبسوطين اوي…هنرجع نرغي تاني سوا…الكليه نورت بوجود عائش…فرفوشه الشله…
-ابتسمت وقولتلهم:
“وحشتوني ووحشني ايامنا اوي”
=خلاص هترجع تاني عشان انت بقيتي معانا”
-يلا اشوفكم في البريك بقا عندي محاضره لازم اديها للطلبه،
=واحنا كمان يلا عن اذنك،
=دكتوره عائشه….!
-ايوه رجعتلكم من تانيي فكرنيي والا لسه ميعرفونيش هتعرفوني…!
=احلي واجمل دكتوره والله اخيرا رجعتي اختفيتي لي وسبتينا نتبهدل من بعدك بس…
-ضحكت وقولتلهم:
“يبت انت وهو…الظروف بقا هنعمل اي بس رجعتلكم اهو”
=وحشتينا بجد والدفعات الا قبلنا كان نفسهم يشوفوكي تاني،
-الحمدلله رجعتلكم من تاني ويلا نبدأ بقا مهما تاكلو بعقلي حلاوه هنشرح برضوا….
=اي حاجه منك احنا عاوزينك وهنسمع…
-وبكده خلصت المحاضره بتاعتنا ومتنسوش اي حد محتاج حاجه او اشرحله حاجه تاني انا موجوده…مش هسيبكم…!
=اول مره اشوف دكتوره طيبه كده،
=دكتوره عائشه من احسن الدكاتره في الكليه،
-هلااا يا بناوويييتتتتتت….احم انت بقيت بنوته وسطنا يا يوسف…معلش اقصد يوههه،
=اتكلم بسخريه:
“اسكتي يا عائش جيتي تكحيلها عمتيها خالص”
-ثانيهه واحده ده قالي عائش..سرحت في ذكريات…يوسف كان دايما بيدلعني ب عائش…كنت بحب الكلمه دي منه اوي…عشان كنت بحبه يمكن…..كنا قريبين لبعض في فتره لكن كل ده اختفي والاماني والاحلام اتهدت…!
=سرحتي فين…
-هاا ولا حاجه…رجعتلكم من تاني الساحره الشريره رجعت نياهاها…!
=شريره اتوكسي يا عائشه…
-علي رايك يواد يا يوسف والله”
=واااد….. بقا شحط قدامك وتقوليلي واد…
-خلاص متزعلش يا شحط…متراضي كده…
=هنموت بجد مش قادرين وحشتنا خنقاتكم اوي…
=ماشي يا شعنونه ماشي؛
-معلش بقا يا يوسف؛
=لا خدي راحتك،
-اوعي تكون اتقمصت ازعل واجيب ناس تزعل؛
=مبقدرش ازعل منك،
-الا قولي مش عاوز تتجوز لي الله”
=الا كنت بحبها راحت مني…معتقدش انها هتوافق بيا تاني؛
-حاولت ابلغ الغصه الا جوايا وقولتله:
“يعم هتوافق هيا تطول”
=فكرك…
-اها والله تبقي غبيه لو خسرتك،
=الغبيه دي تبقي….
-قاطع كلامنا صوت ابني…
=ماما ماما انا جيت هاهاها،،،
-يا معفنن انا مش قولتلك تروح علي البيت علطول،
=هاتي حضن اوي وحشتينيي’
-ابتسمت وانا ببادله الحضن…برضوا ههزقك قولتلك ان انا هتأخر صح وقولتلك روح علي البيت ومتتعبش جدو…..!
=انا قولت لجدو يوديني عندك ويروح هو…
-وانت سيادتك خدت علي هناا كتير هنطرد سوا’
=بحبك يا ماما عاوز افضل جنبك الله”
-وعشان انا بحبك مش هقولك لا”
=ههه كفايهه بقا تزغزيني احناا مش في البيت’
-واي يعني الله…ببص جنبي فكرت يوسف مشي لكنه كان جنبي ومبتسم….!
-سلم علي عمو يالااا….!
=عمو يخربيت عمو…انا حبيتك اوي يا يزن…انا هجيلك يوم اجازتي وهنخرج سوا….
-بجد يا عمو،
=ايوه بس لو بطلت عمو دي قولي يا يوسف”
-حاضر…
-ملوش داعي مش عاوزين نتعبك،
=تعب اي انا هاجي وهاخده وهنخرج وبصراحه حاسس انا الا محتاج الخروجه دي،
-هزيت راسي ب ماشي’
=ماما احنا هنصلي امته عشان منتأخرش…
-ابتسمت وقولتله حالا يا زيزو مصحفك معاك وسبحتك ويلا يبطل،
=ثانيه هو انا سمعت صح….!
-ايوه يا يوسف اي الغريب؛
=الاطفال في سنه مش كده يعني،
-انا ربيته علي كده من صغره عشان يتعود ويتعلم’
“ناس كتير بتسيب اولادها وبتقول لما يكبروا لسه صغيرين لكن غلط…احنا ممكن نزرع جواهم الفكره من صغرهم وبطرق بسيطه ومحبه بحسب انهم ميزهقوش…ممكن نشجعهم لو صليتو وحفظتم هنجبلكم لعبه…هنخرجكم…. هكذا وننفذ الوعد…وافتكروا ان هما لووشافونا بنعمل كده هيقلدونا…!
=ما شاء الله انا فخور بيكي وبتربيتك يا عائش’
-تسلم يا يوسف يلا علي الصلاه يا عيال كلنا’
_________________________________________
-حاضر حاضر نازلينن يخربيتك فضحتنااا…؛
=يلا بيناا يا عمو يوسف…
=عمو تانييي قولتلك يوسف بس ولا احنا مش صحاب…
=لا صحاب طبعا…
-ااي يا يوسف الحفله دي هو فرح،
=احم لا ابدا بررحب بيكم،
-انت فعلا رحبت بينا بالطبل والتزمير والاغاني الله يفضحك”
=عجبتك عجبتك انا عارف وبعدين يلا عشان انا عاوز اقضي اليوم مع حبيبي يزن…!
-ابتسمت وانا شايفه يوسف وهو مع يزن وبيضحكوا سوا صوت ضحكهم عالي…بيلاعبه وبيشاغبه…وبيأكلو ايس كريم…اتنهدت بحزن المفروض ابوه هو الا يعمل كده…لكن لا بيسأل ولا حتي بيبعت نفقته ولا اي حاجه لولا شغلي واهلي مكنتش عارفه هعمل اي…بس الحمدلله ربنا معايا وواقف جنبي ومش سايبني،
=عائش تعالي واقفه عندك لي تعالي العبي معانا انا ويزن،
=اجرواا ورايااا يا شعنونه انت وسفندي،
=اي ده بيقولك شعنونه زيي ده ابني ده”
-ايوه بيدلعني بيه…
=طب يلا نمسكه،
-اقف عندك ياض مسكناك نياهاها”
=اتنين علي واحد ظلممم،
-لا عدل نياهاها صح يا يوسف”
=صح يا قلب يوسف…. احم مقصدش ”
-ولا يهمك حصل خير”
=يلااا هنجريي انا ويوسف وشوفي بقي هتقدري ولا لا،
-اه يا بياع ماشيي،
-سلم نفسك انت وهو محاصر،
=الاتنين في نفس واحد:
“برئ يا بيه”
“وقعنا علي الارض من الضحك”
=يلا قوموا انت هنجتوا اليوم مخلصش…
-هنروح فين تاني يا يوسف…
=علي البحر مكانك المفضل”
-ابتسمت بحب وانا بمسك ايد يزن ومن الناحيه التانيه يوسف ماسك ايده”
=مامااااااااااا
-نعم يا يزن”
=يلا نتصور بليز،
-حاضر يلا يا سيدي’
=كمان صورتين ويوسف معانا…
-بس يا يزن يا حبيبي مينفعش،
=لا ينفع انا عاوز اتصور معاكم لاما هعيط،
-ضحكت وقولتله طب يلا يا سيدي وقف يزن في النص وكل واحد فينا في جهه؛
=حلوين اوي انا بحبكم،
-وانا بحبك مبسوط…؟
=طول ما انا معاكي مبسوط يا مامي….انا هلعب قدام البحر ماشي!
-ماشي بس متروحش بعيد”
=تعالي نقعد سوا شويه”
-حاضر،
=اتفضلي،
-اتفضل اي،
=خد الجميل عارف انك بتحبيه اوي،
-ابتسمت بحب وانا باخدها:
“لسه فاكر يا يوسف ان انا بحبها’
=وهو انا عمري انسي برضوا بالذات اخر مره…لما اتخانقتي مع الراجل عشان خلصت وقعدتي تعيطي…
-يوهه متفكرنيش بس هو الا غلطان ازاي يخلصها الله،
=مسك ايدي واتكلم وهو بيبص لعيني وقالي:
” لسه زي ما انت جميله…لسه ملامحك وطريقتك الطفوليه…متغيرتيش”
-شديت ايدي منه بسرعه باحرج وقولتله بابتسامه:
‘شكرا يا يوسف’
=انا اسف مش عارف انا عملت كده ازاي متزعليش،
-ولا يهمك حصل خير’
=بس برضوا انت جميله’
-ضحكت وقولتله:
“مفيش فايده”
=وضحكتك برضوا وكفايه كده هناخد ذنوب”
-طب يلا يا سيدي عشان هنروح،
=حبيت اليوم اوي بوجود يزن اتمني تسمحيلي اشوفه تاني ونخرج انا وهو،
-معنديش مانع…!
-يلا يبطل عشان تنام،
=اقولك علي حاجه…
-قول يا حبيبي،
=كان نفسي يوسف يبقي بابا”
-اتعدلت وقولتله:
“بص يا حبيبي انت كبير الوقتي ولازم تفهم انا وبابا اطلقنا…عشان بابا مكنش حلو مع ماما…وبابا بعد عننا…بس برضوا مهما كان بابا وحش هيفضل باباك في النهايه…ولكن عمو يوسف…هو اه كويس وكل حاجه وبرضوا من حقك عشان شوفته كويس تقول انك عاوزه باباك بس مينفعش،
=اتكلم بدموع:
“بس انا مبحبش بابا لانه مش بيلعب معايا ولا بيشوفني وبيضربني وبيزعقلي ولما بروح اشوفه بيبقي وحش معايا،
-حضنته وقولتله:
“انا معاك وجنبك وهعملك كل الا نفسك فيه المهم مشوفش دموعك دي ابدا ولا تزعل نفسك،
=بحبك يا ماما”
-اكيد هنقول ده طفل ازاي فاهم…وعارف للاسف الاطفال بيحسوا وبيعرفوا…وبيشوفوا اصحابهم… وبكده بيبقي جواهم شعور ان فيه حاجه ناقصه مهما كانو مبسوطين بس علي قدر الامكان هعوض ابني يزن”
بعد مرور فتره زمنيه طويله….
=انت كويسه يا عائشه،
“اتكلمت بارهاق”
-ايوه يا يوسف كويسه،
=لا يا عائشه انت مش كويسه انا عارفك،
-بصتله ودموعي علي خدي،
=احكيلي مالك يا عائشه بقالك كام يوم متغيره”
-انفجرت في العياط وانا بقوله:
“رجع رجع تاني عاوز ياخد ابني عشان يكسرني…انا حاسه ان انا مش مكفيه يزن وهو عاوز اب مهما كان…انا تعبانه اوي يا يوسف…خايفه ياخده…خايفه من كل حاجه…ومش حابه اضغط علي اهلي اكتر من كده واشيلهم همومي كمان مع انهم شيلني فوق راسهم ومش مخليني محتاجه حاجه..!
=تتجوزيني…!
-انت بتقول اي،
=تتتجوزيييني وانت عدتك خلصت مرت شهور..وهنرفع قضيه عليه وانت الا هتكسبيها وانا واثق ويستي تتجوزيني بشرط:
” لو كسبتيها وافقي لو مكسبتيهاش متوافقيش”
-ماشي يا يوسف،
=ابتسم وقالي في كلام عاوز اقولهولك:
” انا لسه بحبك يا عائشه مكانك في قلبي من ساعه ما شوفتك هنا محدش خده غيرك…وانت البنت الا كنت بتكلم عنها…مقدرتش اعيش بعدك…حتي لما عرفت وبصراحه مش فارق عندي موضوع الطلاق عشان تكوني عارفه انت بس الا انا عاوزاها والتفكير بتاع الناس ده مش عندي…وما صدقت ترجعي واقرب منك…وانا بحب ابنك ومش همنعه منك وهيعيش معانا وياريت لو يقولي يا بابا…ارجوكي اديلي فرصه…انا بحبك زي ما انت…انت في عيني اجمل واحده شافتها عيني..مشوفتش بعدك اجمل…
-بصتله بدموع وقولتله:
“بس انت مدخلتش دنيا…طب اهلك…انا مستعده اديلك فرصه لاني انا كمان بحبك…والا حصل زمان كان غصب عني…انا كنت ببني احلام واماني معاك فجأه اتهدت يا يوسف…مش عارفه ارد علي كلامك بس انت مفيش زيك،
=هدخلها معاكي انتِ اهلي موافقين وراضين بيحبوكي احنا ناس عاقله وفاهمه…انا مبسوط اوي الكلمه الا طلعت منك دي كفيله تنسيني اي حاجه وحشه شوفتها في بعدك،وهنبني الاحلام من تاني سوا…
=وانتهت القضيه بحكم رد الابن الي امه…ومع شهاده الجيران بذلك بأن الاب يعنفهم ويقوم بالشتائم البذيئه والضرب والاهانه ومنعه من التعرض لهم مجددا وايضا من شهاده زوجته الجديده التي لم تستحمل العيش معه…!
-اابتسمت بانتصار وانا شايفه حقي وحق ابني بيترد قدامي اتكلمت وقولتله:
” دموعك هتفيد ب اي انتهت خلاص… قولتلك هيجي وقت وهتندم… وحقي هيجي قداام عيني… حتي لو بعد سنين ولو موت وده حصل بس وانا عايشه…انت طلقت لتاني مره والعيب منك…وسمعت وعرفت الا مراتك عملته فيك وف اهلك…وده حقي والا عملتوه فيا قولتلك كما تدين تدان…
=ااتكلم بدموع وندم:
“انا اسف سامحيني…حياتي ادمرت بسبب الا عملناه فيكي.
“سامحينا يبنتي ابوس ايدك من ساعه ما خرجتي من حياتنا واحنا كل يوم في مستشفي ل ف مصيبه كله بسبب عمايلنا”
-اتكلمت بدموع:
“انا مسامحه ومش ضعف مني…لا عشان ربنا بيسامح مين انا عشان مسامحش…بس انا بالنسبالي معرفكمش ناس غريبه…ابعدو بس عن حياتي…”
=ربنا يسعدك يا بنت الاصول،
-تتجوزيني يا شعنونتي،
=اافكر…!
-وحياه امك”
=موافقههه طبعاااا…نزلني يا بجره دوختني…”
-زيزو كان نفسك يوسف يبقي بابا صح؟
=اايوه يا ماما”
-طب يوسف هيبقيى بابا… عشان انا وهو هنتجوز وهنعيش سوا كلنا…!
=بجد يا ماما”
-اها والله يا حبيبي،
=انا مبسوط اوي اخيرا هيبقي عندي بابا لا وكمان يوسف،
-ابتسمنا بحب واحنا شايفين فرحته…!
______________________________
-هااا جاهزييين…
=يا ماما يلا انت هتذلينا مخرجانا بقالك ساعه بتقولي كده،
=اها والله يا يزن يا ابني،
-ولد عيب ولا عشان كبرت حبتين تلاته هتعلي صوتك كده…تصدقوا انا غلطانه؟
-طب قولي يا حبيبتي يلا وادي راسك ابوسها،
=فيه حمار قاعد معاكم يا حج لو مش واخد بالك…
=احلي حمار في حياتنا”
=يلا قولي يا شعنونه هتذلينا”
-اتكلمت بابتسامه ودموعي علي خدي:
“انا حامل”
=الف مبروك…ثانيه عيدي كده انت قولتي اي…!
-انا حامللل…يوسفففف نزلنييي كفايهه هنقعع،
=بجد انا مش مصدق نفسي والله يعني انا هبقي بابا للمره التانيه،
-ابتسمت ودموعي علي خدي وانا بهز راسي..مكسرش بخاطر يزن وحسسه ان هو مش ابنه…كل مدي بيثبتلي انه احسن عوض ربنا عوضني بيه بعد يزن ابني،
=بعد اذن اللحظه السعيده الا بينكم انا كمان مبسوط اوي يا ماما…هيبقي عندي اخ او اخت…بالمناسبه السعيده دي يلا ناخد صوره بس واحنا بنحط ايدنا علي بطنك عشان لما تتنفخ ناخد صوره كمان”
-تصدق ياض انا الا هنفخك”
=انا محظوظ بيكم وعيلتنا هتكبر وهتنور فرد،
“بعد مرور فتره زمنيه”
-يلاااااااااااا يااااااا زفتتتت انت واختككككك،
=اي يماما صوتك عالي لييي كدههه،
-بتتت هتجبيلي الضغط،
=بس عيب كده يا زينه ماما هتجبيلها الضغط لوحدك،
-ابني العاقل الحكيم الهادي،
=ااحنا هنجيبلها الضغط سوا؛
-روح يشيخ ادعي عليك ب اييييييي،
=ااييي يا حبيبتي صوتكم عالي ليه،
-حبيبتتتك هتتشل من العيال هنتأخر علي حفله تخرج ابنك…انت لسه ملبستتتش امشيييي من قدامييييييي،
=اجروااا يعيييال انبطحوااا امكم هتموتنا مالها دي”
=مش عارفين والله”
=هاتي راسك ابوسها اي الحلاوه دي…كل مدي بتزيدي حلاوه،
-بجد يعني حلوه،
=حلوه بس قمر مفيش كلام”
-وانت كمان جنتل مان”
=احم احم نحن هنااااا،
-امشي يا جموسه منك ليه،
=ماشي يا بابا ماشي،
-يلاا يا زيزو انت وزيزي عشان نروح حفله تخرجك”
=حابب اوجه الرساله دي لامي واقولها:
شيلتيني فوق راسك ولحد الان…. محققالي كل الا نفسي فيه ومش مخلياني محتاج حاجه…كنتيلي ام…واب واخ…واخت وصديق…وصديقه…عوضتيني وضحكتيني وفرحتيني ومسحتي دموعي استحملتيني لحد الوقتي انا معنديش غيرك وبس…انا مش فاكره ولو افتكرته…مبحبوش ومبحبش سيرته…محدش يستغرب ويقول عليا قاسي..لكن الا شوفته كان اقوي وخلاني كده…بالنسبالي هو واحد غريب…انا فاكر كل حاجه كان بيعملها فيا وفيكي …مهما اقول واشكرك مش هيكفيكي حاجه…!
وكمان لبابا يوسف:
“مش نسيك ولا هنساك..انت عوضتني وكنت ليا الاب…وقفت جنبي فيى صغري…مسبتنيش.. شجعتني… قوتني… خدتلي حقي من اي حد يضايقني…انت كنت الاب بمعني الكلمه…فرحتني ولعبتني وحققتلي كل الا نفسي فيه،
نيجي بقي لاختي الصغيره مش صغيره اوي الفرق مش كبير بينا..
” انت جيتي نورتي حياتنا كلنا بس انا اكتر طبعا…انت اكتر واحده بفضفض ليها…وبكلمها…وبحب انكشها…واتخانق معاها صدقيني انت من ساعه ما جيتي وانا مبسوط بيكي…وفخور بيكي…دايما عامله للبيت بهجه…واوعدك ان هكون فيى ضهرك دايما وهحميكي…!
-اتكلمت بعياط وانا ببادله الحضن:
“انت ابني وسندي وروحي يا يزن انا عايشه عشانك…وبقيت شاب زي القمر وتربيتي طلعت صح….مخذلتنيش…كلهم بيتباهو بيك… وفخورين فيك وعاوزين يرجعولك…انت بيهم كلهم…انا هفضل دايما فيى ضهرك وسندك…انت الحاجه الحلوه في الدنيا…انت رزق ويا بختي بيك ويا بخت اي حد بيك…!
=انت ابني يا يزن…ويعلم ربنا ان حبيتك من اول مره شوفتك فيها…ومش بعتبرك الا ابني وبس…..وده واجب الاب قصاد ابنه…وانا هفضل جنبك علطول وسندك يا حبيبي….!
=اخويااا وحبيبي…شق الشقايق…الا معلمني السرسجه…ربنا يخليك ليا…وتفضل دايما سندي…وافضل ارخم عليك يا حبيب ها اقول هه خلينا ساكتين الوقتي…انا بحبك اوي يا يزن…انت اخ جميل…انت مفيش كلام يوصفك..،
=طب يلاا نتصور…صوره جماعيه الاول…
-شكلهم حلو اوي مع بعض وهما بيتصوروا لسه زي ما هما في عيني يزن الطفل وزينه برضوا ما زالت طفله لسه،
=وفيت بوعدي ليكي ان اكون زوج واب لاولادنا تفتخري بيه،
-بصتله بدموع وقولتله:
“كنت الاول والاخير فيي قلبي مكنش لحد غيرك مهما بعدنا”
=اتكلم وهو بيحضني وبيبوس ايدي:
“بحبك وهفضل احبك للابد”
=احم احم نحن هناااااا”
-معرفش استفرد بمراتي شويهه عيال تخنق”
=ضحكنا واحنا بنحضن بعض في جو ملئ بالسعاده…
كنت عاوزه اقول مهما كانت صعوبه الدنيا ومشاكلها مسيرها في يوم تفرج…وتتحل والدنيا تضحكلنا من تاني…المهم الصبر…ان بعد الصبر جبر…وربنا بيعوض…والعوض حلو اوي كفيل ينسي هموم الدنيا…والحق بيرجع لاصحابه♥”.

لقراءة الرواية كاملة اضغط على : (رواية عشت حياتي)