رواية طموح امرأة الفصل الثاني عشر 12 بقلم حنين الماضي
رواية طموح امرأة الجزء الثاني عشر
رواية طموح امرأة البارت الثاني عشر
رواية طموح امرأة الحلقة الثانية عشر
بعد مكالمة حنين لزلابيا ،الدنيا اتغيرت خالص عند حنين ..
بوسى : مالك
حنين : تخيلى انها عندها شك انى اكون على علاقة بحازم اللى المفروض حبيبها وبالرغم كدة لما طلبت مساعدتها مرفضتش
بوسى : طب كويس ، ودى حاجة متزعلكيش !!
حنين : الفكرة مش مسألة ازعل ولا افرح ، الفكرة انى حسيت فى مساعدتها ليا احساس غريب وصوتهاو هى بتنصحني كان حد مجروح جدا
بوسى : طيب انتى ناوية على اية
حنين بتنهيدة: هقف معاها ،انا اصلا مش بقتنع بحاجة اسمها حب واهو واحد متأكد وواثق انها بتحبة وعاوزاة وبدل ما يروح يقولها انا عاوزك رسمى ،قاعد عمال يخطط على حساب مشاعرها وعاوزها تستسلم وتقع قدامة عشان يجى بعد كدة يذلها ويقولها فاكرة لما كنتى هتموتى عليا وعملتى وعملتى ،لأ وكمان عاوزنى اساعدة فى خططتة دى
بوسى : طيب ما هى تسيبها منة ،مدام من جواها مقتنعة انة بيحبك انتى .
حنين : انا معرفش دماغها فيها ايه بس واضح انها شخصية كتومة ومبتحبش تبين انها مكسورة
بوسى : يعنى بردوا هتعملى ايه
حنين : يومين كدة واكلمها بحجة الطقم واشوف كانت بتقولى كدة تسكتنى ولا فعلا هيمها اللى قولتهولها وتهتم … اية دة دى رنا بتتصل
بوسى : طب ردى شوفى
حنين : الو
رنا : عاملة ايه
حنين : الحمدالله معلش متزعليش انى كلمت زيزى وقفلت
رنا : انا لسة نازلة من عندها وسمعت المكالمة
حنين : طيب وهى طلعت جدعة ومكنتش متخيلة انها هتقف معايا
رنا : حنين
حنين : نعم
رنا : ممكن بلاش زلابيا ،ممكن تتصلى بيها وتقوليلها خلاص مشكلتك مع صاحبتك اتحلت وتشكريها وتخرجيها برة القصة دى لو سمحتى
حنين : طيب لية !؟ مش يمكن فرصة نقرب كلنا من بعض
رنا : معلش انتى غيرنا وليكى حياتك ،يعنى مش هنيجى دلوقتى ونقرب
حنين : اومال لية لما انتى كلمتينى قولتى انك عاوزانا نقرب واهو لما بدأت اقرب انتى بتطلبى منى ابعد ،ممكن تفهمينى كان قصدك ايه ؟ لان انا مش على مزاج حد شوية قربى وشوية ابعدى
رنا : طيب هفهمك كل حاجه بس اتمنى يفضل بينا ،بس مش هعرف اتكلم دلوقتى فالموبايل ،قدامى عشر دقايق واوصل البيت ،ممكن اكلمك على التليفون الارضى لان الكلام كتير
حنين : خلاص تمام ،وانا لما اوصل البيت هرن عليكى ونتكلم مافيش مشكله
رنا : خلاص تمام ..مع السلامة
—————-
بوسى : فى ايه
حنين : واضح انها بتحبها اوى ومكالمتى جرحت زلابيا وهى طبعا بسبب قربهم لبعض اكيد هتدور على الحاجة اللى تساعد بيها زلابيا ومش هتفكر فيا لان انا بالنسبالها ولا حاجه
بوسى : طيب لو صارحتك هتقوليلها ايه
حنين : هسمعها الاول وعلى حسب الطريقة والكلام هتعامل ،،هقوم بقى انا
بوسى : وانا كمان يالا
———————–
ابو رنا : عمتك عاملة ايه
رنا : الحمدالله
ابو رنا : اومال يعنى راجعة بدرى مش عادتك
رنا : مافيش يا بابا انت زهقت منى وعاوزنى افضل هناك على طول ولا ايه ههه
ابو رنا : شوفى الكلام انا بردوا ازهق منك ،مش انتى اللى حايشة امك عنى ههه
رنا : يا سلام يا بابا يعنى انت عاوزنى بس عشان كدة
ابو رنا : ههههه بضحك معاكى بدل ما الواحد من ساعة ما طلع عالمعاش وهو قاعد زهقان
رنا : ربنا يخليك لينا ،دة كفاية افتح باب الشقة الاقيك قاعد بس كدة ، بحس بالامان
ابو رنا : نفسى اشوفك فى بيتك واشيل ولادك ،ساعتها بقى هقول الحمدالله انى طلعت معاش
رنا: هههههه ان شاء الله
————–
حنين رنت على رنا وقفلت
—————
حنين : استنى يا سما انا هرد من جوة هتلاقيها بوسى
حنين : الو
رنا : انا رنا
حنين : اة عارفة عاملة ايه
رنا : الحمد لله
حنين : ممكن تفهمينى انتى لية كلمتينى المكالمة اللى فاتت
رنا : اوعدينى يفضل الكلام بينا ،ولولا ان زلابيا غالية عليا انا مكنتش عملت كدة
حنين : اوعدك
رنا : بصى انا هدخل فالموضوع على طول
حنين: يا ريت
رنا : حازم اخويا كنت فاكرة انة معجب وبيحب زلابيا ،لانى كنت بشوفة دايما عينة عليها من ايام الجامعة وحتى لما كانت بتيجى البيت عندنا ،كان يتعمد يبص عليها من غير هى ما تشوفة ولما كنت اقولة اى حاجة فيها تلميح عنها عشان يقولى ،كان دايما بيهرب
حنين : لية
رنا : معرفش وكنت بضايق منة اوى لان سهل يقولى انا مثلا اتأكدى من مشاعر زلابيا ناحيتى ،لكن كان بيعاملنى كأنى اخت زلابيا مش اختة هو ودايما يهرب ،لحد يوم الفرح زلابيه كانت قمر ولما حصل الموقف بتاعك وفى وسط الكلام قولتى انة مش مركز وعمال يبص على زلابيا ،انا فرحت وقولت خلاص كدة ،اكيد هيعترف ويطلبها للجواز وانا شوفت نظراتة ليها فالفيديو بتاع الفرح وعينة هتطلع عليها
حنين : طيب لحد دلوقتى كويس ،لكن انا مالى بكل دة؟
رنا : بصراحة بعد موقفك والفرح ،حازم اتغير وبقت مكالماتة كتير وزاد شكى ناحيتك ولما اتصلت بيكى كنت بصراحة بتصل عشان اعرف منك اذا كان بيكلمك ولا لا ومن غير زعل ،لما انتى أكدتيلى انة كلمك انا زعلت ورحت على زلابيا قولتلها لانى حسيت انها خسارة فيه بالرغم انة اخويا
حنين : اممم طيب وزلابيا فين فالقصة دى ،يعنى ممكن كل دة اوهام عندك ؟
رنا : طبعا انتى عاوزة تعرفى هى لسة بتحبة ولا لا عشان حازم بقى يخصك صح ؟
حنين : لا عشان ممكن ميكونش فى حاجه من ناحيتها خالص وانتى متهيألك
رنا : زلابيا طموحة جدا يمكن اكتر بنت فى عيلتنا دماغها حلوة فالشغل وبتحب تتحرك وتعمل حاجة لكن هى كمان كان ليها مواقف تبين ان جواها مشاعر ناحية حازم بس اكيد محرجة من اللى بيحصل معاها وخصوصا ان كان فى عريس متقدم وحازم بنفسة ظبط ميعاد عشان يجمع زلابيه مع العريس وطبعا زلابيا فهمت ونزلت يومها من عندنا منهارة ومرجعتش البيت قبل ساعتين ولما خليتة يروحلها بحجة عبيطة للأسف كمل عليها وهى من يومها بقت تتجاهلة لكن اكيد مشاعرها غصب عنها وقافلة عليها
حنين : امم وانتى طبعا شايفة انى طلبى منها دة هيزود الجرح
رنا : انا اديتك مختصر عن الموضوع والمفروض انك فى جامعة والفرق بينا مش كبير لكن اكيد هتفهمى كلامى المفروض ونراعى بعض لاننا دم واحد ولا اية ؟
حنين : طيب زلابيا تعرف انك هتكلمينى
رنا : لا طبعا ولو عرفت ممكن تاخد موقف منى واكيد الموضوع بينا سر وانتى وعدتيني
حنين : كدة فهمت ،ماشى
رنا : ماشى اية؟
حنين : زى ما انتى همك مصلحتها انا كمان يهمنى ان مافيش بنت واحد يذلها على حساب مشاعرها ليه
رنا : مش فاهمة
حنين : يعنى انا كمان عاوزة وعد منك ،انى هكلمك بصراحة ويفضل بينى وبينك الكلام دة؟
رنا : قصدك انك مش حابه حازم
حنين : هههه متزعليش منى لا حازم ولا غيرة ،انا دماغى غير كدة خالص ولعلمك حازم ولا كلمنى من يوم الفرح ولا انا كلمتة
رنا : نعمم
حنين : انتى يا رنا للأسف اللى وقعتى بالكلام قصادى وخلتينى افهم ان حازم عامل حوار على حسابى وبيتمنظر فحبيت اجاريكى الكلام عشان افهم ويوم ما اتصلت عندك فالبيت كنت قاصدة فعلا اكلمة
رنا : يعنى كلمتية اهو
حنين : اة كلمتة ،عارفة لية؟ عشان يجى يقابلنى عشان اشوف اية قصة انة بيكلمنى دى
رنا : وقابلك !!!؟؟
حنين : اة وفهمت وعرفت كل حاجة وحكالى كل حاجة
رنا : جابلك سيرة زلابيا
حنين: هو طول القاعدة متكلمش غير على زلابيا ولعلمك هو عارف كويس ان كل حاجة انتى بتوصليها لزلابيا ولعب عليكى عشان توصليلها والغيرة تزيد عند زلابيا قال كدة هيخليها تتجنن وتقع قدامة
رنا : استنى استنى قصدك ان فعلا هو بيحب زلابيا ؟؟
حنين : وواقع كمان
رنا : انا مش فاهمة حاجة
حنين : هقولك كل حاجه حصلت بينى وبينة بصى ………………..
رنا : انا مش مصدقة ،كل دة يطلع من حازم
حنين : هو بيحبها لكن حب فى انانية شوية
رنا : طيب المفروض اقولها ولا ايه بقى
حنين : لا متقوليش دلوقتى ،بس هنقلب خطة حازم ،يعنى بدل ما انا انقلة اخبار خططتة ،لا هنقلة اخبار خطتنا احنا وبدل ماهى اللى تقع وتعترف لا هنخليه هو اللى يعترف
رنا : ياريت بجد
حنين : انا هقولك هنعمل ايه
رنا : قولى
حنين : مش انتى بتقولى ان زلابيا طموحة وشغل الاكسيسريز دة هى بتحبة
رنا : اة
حنين : خلاص انا بكرة هتصل بيه واقولة انى اتصلت بيكى عشان موقف بتاع صاحبتى دة وانك قولتيلى ماشى وزلابيا رحبت جدا وانى كلمتها وهرجنا عادى ،كدة اول صدمة ليه لانة متوقع انها هتصدنى ومش هتقف معايا
رنا : وبعدين
حنين : كل يومين هتصل بيه واقولة انا حاسة انك واهم نفسك بحب زلابيا لان واضح ان دماغها مش فيك واحساسى كبنت ببنت ان فى حد فى حياتها بس مش انت
رنا : وافرض بقى سمع كلامك دة وسافر
حنين : هو كدة كدة هيسافر بس لازم يحس ان طريقتة غلط وانة بطريقتة دى بيضيعها منه بكل سهولة
رنا : انا قلقانة يا حنين ،لحسن الموضوع يبوظ خالص
حنين : متخافيش اول لما احس بمنطقة الخطر ههدى الدنيا وشوية كدة ولازم نفهم زلابيا
رنا : انا خايفة بردوا من الحكاية دى وخايفة اخسرها
حنين : احنا بنعمل كل دة عشانها اصلا
رنا : خلاص ماشى وانتى كل لما تكلمية عرفينى
حنين : ماشى بس خليكى بقى بعيدة عن حازم وخلية يخرج من دماغة انك لسة بتراقبية عشان يقتنع
رنا : ماشى ولا هخلية يشوفنى اصلا
حنين : خلاص كدة تمام
رنا : شكرا يا حنين
حنين : على ايه ربنا بس يكرمهم ونوصل لمرحلة الفرح وهنفضل بعد كدة نفتكر كل دة ونضحك
رنا : ان شاء الله،مش قادرة اقولك انتى ريحتينى ازاى
حنين : الحمدالله
——————-
بعد يومين حنين اتصلت بحازم
حازم : انا قولت لحد بكرة لو متصلتيش هتصل انا اشوف فى ايه
حنين : لا انا وعدتك وقولتلك معاك بس كنت بدور على سبب مقنع ادخل بيهم علية
حازم : يعنى كلمتيها
حنين :
حازم: الو انتى معايا
حنين : ايوة يا حازم معاك بس بجد مش عارفة اقولك ايه
حازم : مش فاهم
حنين : انت متأكد ان جواها مشاعر ناحيتك وغيرانة فعلا
حازم : انا واثق كمان
حنين بغيظ مكتوم: ماهو انت لو واثق كدة كنت رحت كلمتها على طول بدل اللفة دى
حازم: حنين متخلنيش اندم انى كلمتك بصراحة
حنين : عاوزنى اقولك ايه، اقولك انى اتلككت فى حاجة كدة تخص صاحبتى وطلبت مساعدة من زلابيا وخليت رنا تكلمها تسألها وكلمونى وهما مبسوطين بمكالمتى جدا
حازم : زلابيا كلمتك !!
حنين : اة وكانت فرحانة جدا ومحستش انها غيرانة زى انت ما بتقول خالص ،بالعكس دى قعدت تهرج على الفرح واتكلمت عن موقفك يومها وهى بتضحك عالاخر ،لالا يا حازم شكلك واهم نفسك وهى دماغها مش فيك اصلا
حازم :
حنين : الو انت معايا
حازم : طيب كدة اية
حنين: سيبنى اقرب اكتر عشان لو فى واحد فالموضوع يبقى انت بقى فكر فى حياتك وسافر وانت مطمن ،مش انت كنت عاوز تسافر وانت مطمن وكل حاجه واضحة
حازم : امم
حنين : خلاص يومين كدة واتصل بيهم تانى
حازم : لية يومين ما بكرة مثلا
حنين : خلاص بكرة وهتصل بيك لما اخلص معاهم وانت بردوا شوف رنا كدة
حازم : اغلب الوقت بقت عندها هناك
حنين : يعنى هى كمان مبقتش بتراقبك
حازم : مش عارف ،حاسس انى مش عارف افكر
حنين : اهدا واسمع ان الزواج دة مكتوب ،لو ليك نصيب فيها هتتجمعوا لو ملكش يبقى ..
حازم : خلاص يا حنين ماشى لما تكلميها بلغينى وانا كدة اصلا مقرر السفر لان صعب اضيع فرصة كدة
حنين : خلاص كمل اجراءات سافرك عادى ولو فى جديد هبقى اقولك
حازم : سلام
حنين : باى
———————–
حنين اتصلت برنا بلغتها باللى حصل بالضبط واتفقوا يبلغوا زلابيا لان هى اللى ليها الحق فالخطوة الجاية واكيد لما تعرف ان حازم اعترف بحبها لحنين اكيد موقفها هيزيد ثقة وتعرف تفكر معاهم وتتكلم بصراحة بعد ما كانت كتومة.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية طموح امرأة)
