رواية طموح امرأة الفصل الأول 1 بقلم حنين الماضي

رواية طموح امرأة الفصل الأول 1 بقلم حنين الماضي

رواية طموح امرأة الجزء الأول

رواية طموح امرأة البارت الأول

رواية طموح امرأة الحلقة الأولى

زيزى : انا نازلة يا ماما لو عوزتى حاجة كلمينى عند خالو عصام

الام : متتأخريش علشان مش عاوزة خناقة مع ابوكى

زيزى : مش هتأخر ،سلام

الام : سلام

👇👇👇👇👇👇👇👇👇👇👇👇👇👇

زيزى زى كل يوم بتحب تختصر الطريق اللى بيودى على موقف الميكروباصات وتمشى فى الممشى الاخضر الطويل وبتحس براحة نفسية وهى ماشية فية واى قرار بتحب تاخدة ، تنزل تتمشى فالممشى دة وتفكر بهدوء وترجع البيت التانى .

زيزى كانت اكتر حاجة بتحبها الزلابيا واى مكان يفتح زلابيا كانت لازم تروح عندة وتجربة ومن كتر حبها فالزلابيا ،بقت تجيب طريقتها وتعملها فالبيت بكل انواعها 😍

زيزى ركبت الميكروباص اللى هيوصلها لبيت خالها وكلهم ساكنين فى العاشر …

🚪🚪🚪🚪🚪🚪🚪🚪🚪🚪🚪🚪🚪🚪

رندا : اخيرا شرفتى

زيزى : متأخرتش على فكرة

رندا : طيب ادخلى خلينا نلحق نخلص

زيزى : خالو فين

عصام : انا اهو ازيك يا زلابيا

زيزى : يا خالو يااااخالو انا كبرت هتفضل لحد امتى تقولى يا زلابيا

عصام : هههههههه وهى الزلابيا وحشة

زيزى : لا طبعا دى احلى حاجة فالدنيا هههههههه

رندا : يا بابا سيبها خلينا ندخل

عصام : طيب ادخلوا ولما عزة تخلص الغدا هندهلكوا

رندا : ماشى

🌹🌹🌹🌹🌹🌹🌹🌹🌹🌹🌹🌹🌹

رندا : زعلانة اوى من اسم زلابيا ههههه

زيزى : مش اوى ولا حاجة اهو احسن من اسم زيزى دة

رندا : هههههه يا بنتى مش هتبطلى العقدة دى

زيزى : يرضى مين يعنى ،، يعجبهم حتة عيلة فالفيلم اسمها زيزى فأمى تحلم تتجوز وتخلف بنت علشان تسمى زيزى على اسم الفيلم

رندا : هههههههه طب عالاقل انتى عارفة سبب اسمك ،اومال انا اعمل ايه فى اسم رندا دة ، لا موجود فى فيلم ولا فى مسرحية هههههه

زيزى : بس دلعك أية ؟

رندا : رنا هههههه

زيزى : يعنى اسم معقول جدا مش أسمى ودلعى تحسى انى رقاصة هههههه

رندا : هههههههه ومالها الرقاصة تعرفى تجيبى فلوسها يا ناصحة

زيزى : ادينى فرصتى واوريكى

رندا : لا خلى ابوكى يديكى هو الفرصة ههههه

زيزى : طيب لية كدة ،ما كنا ماشين كويس لازم تفوقينى هههههه

رندا : خلاص ههههه قولى بقى يا أم العريف هنعمل أية ؟

زيزى : انتى فكرتى يعنى

رندا : فكرت وموصلتش لحاجة

زيزى : مممممم

رندا : انتى شكلك مفكرتيش

زيزى : عيب عليكى فكرت طبعا

رندا : كويس ووصلتى لاية

زيزى : ولا حاجة هههههههه

رندا : هههههه كدة تهريج

زيزى : طيب بصى أية رأيك ناخد نهى معانا ؟

رندا : ياريت دى شاطرة جدا

زيزى : طب كلميها

رندا : لما نتفق على كل حاجة علشان اعرف افهمها

زيزى : طيب معاكى كام دلوقتى ؟

رندا : ٥٠٠ جنية

زيزى : وانا معايا ٦٠٠ ،يبقى كدة ١١٠٠

رندا : هنعمل ايه بقى

زيزى : هكلم على واكتبلة الحاجات بالضبط واخلية يجيبها

رندا : ماشى بس انا خايفة نخسر كل الفلوس واحنا بقالنا كتير بنحوش فيهم

زيزى : بصى أصحابنا كتير وعلاقاتنا حلوة بكل المحلات اللى بنتعامل معاها يعنى لو عملنا حاجات حلوة اكيد هياخدوا مننا

رندا : خلاص نبتدى امتى

زيزى : اخر الاسبوع ويكون على جاب كل الحاجات علشان هو اللى عارف الاماكن دى

رندا : اتفقنا

زيزى : بصى انا فى كذا حاجة فى دماغى هاتى ورقة وقلم وانا ارسملك افكارى

رندا : ماشى يا فنانة اتفضلى

زيزى : هههه بكرة تعرفى انى فنانة

رندا : ارسمى ورينى افكارك

زيزى : طيب اسكتى عاوزة هدوء

رندا : ههههه حاضر ،،هروح اشوف ماما على ما تخلصى

زيزى : ماشى

🚶🚶🚶🚶🚶🚶🚶🚶🚶🚶🚶🚶🚶🚶

رندا : خلصتى

زيزى : بصى كدة

رندا : 😳

زيزى : قولتلك أنا فنانة

رندا : ودة هنعرف نعملة !!!؟؟

زيزى : وهنبيعة ونكسب الضعف فية كمان

رندا : يعنى يتباع بكام ؟

زيزى : ٥٠ مثلا

رندا : 😳 العقد الواحد ب ٥٠ جنية

زيزى : اة وآية يعنى

رندا : ومين دى بقى اللى هتدفع ٥٠ جنية مرة واحدة على عقد

زيزى : العروسة

رندا : العروسة !!!؟؟

زيزى : عارفة اتيلية ليلة العمر

رندا : طبعا هو فى حد ميعرفهوش

زيزى : هنجيب علب شيك ونرص فيها العقد والخاتم وأسورة ونروح هناك نوريهم

رندا : ااااااة فهمتك ،على كدة دى هتبقى مش احجار دى هتبقى فيها فصوص الماظ

زيزى : ايوة طبعا ،،بقولك حاجات للعرايس

رندا : اهم حاجة ابوكى ميعرفش علشان مينكدش علينا هههههه

زيزى : متخافيش عاملة حسابى

رندا : ههههه مش عاوزين كلام بقى انتوا متخرجين من كليات وتعليم عالى ويبقى اخرتها عمالين تعملولى سلاسل وشوية تعملوا مفاتيح وتسرحوا بالسلاسل فالشارع ههههه

زيزى : ههههه زى ابوكى معلش هههههه

رندا : ماشى هههههه

زيزى : هنزل بقى قبل ما بابا يرجع البيت ويقولى اتأخرتى لية والحق اكلم على علشان يجيب الطلبات

رندا : طيب استنى اتغدى معانا

زيزى : لا ماليش نصيب بقى والبامية مفحفحة كدة وانا عارفة حظى هرجع البيت هلاقى ماما عاملة فتة وهى عارفة انى مش باكلها

رندا : هههههههه

زيزى : يالا باى

رندا : باى

🚶🚶🚶🚶🚶🚶🚶🚶🚶🚶🚶🚶🚶🚶

زيزى نازلة عالسلم وخارجة من باب العمارة لقت حازم اخو رندا ويبقى ابن خال زيزى ، نازل من عربية والدة ..

زيزى مجرد ما لمحتة اتوترت وعملت نفسها مش شيفاة ومشيت 😊

حازم خد بالة من زيزى وفضل شايفها لحد ما مشيت اخر الشارع وبعدها طلع البيت ..

رندا : رجلك وجعتك طبعا

حازم : قصدك ايه

رندا : انا اقصد نزلت من العربية وفضلت واقف يعنى يعنى ….

حازم : هى مشيت لية بدرى كدة

رندا : عشان ابوها كالعادة

حازم : ماشى

رندا : هو أية اللى ماشى

حازم : عاوزة اية انتى ؟ عملالى محضر لية ؟

رندا : كدة يا حازم طب ماشى انا غلطانة وهقولها

حازم : اهو الجنان اشتغل

رندا : يا ابنى خليك صريح معايا عشان اساعدك

حازم : خليكى انتى سرحانة مع نفسك وراسمة الوهم كدة

رندا : ماشى يا حازم

حازم : ماما عاملة اكل أية ؟

رندا : كمان مش بتشم هههههه بامية يا مستر

حازم : واقع من الجوع

رندا : ماما هتحط هروح احط معاها الاكل

حازم : روحى يالا

رندا : بس هقولها بردوا هههههههه

😅😅😅😅😅😅😅😅

زيزى رجعت البيت وعندها شعور غريب وهى حمدت ربنا أن حازم مشفهاش ولا كلمها وفى نفس الوقت ازاى حازم مخدش بالة منها وبقى عندها شعور متضارب.

👇👇👇👇👇👇👇👇

زيزى كلمت على وحضرت طلبات مشروعها ورتبت كل حاجة لكن من غير ابوها ما يعرف وكانت مفهمة مامتها انها هتعمل اكسسوارات ليها ولقرايبها كنوع من التسلية لحد لما تلاقى وظيفة كويسة تشتغل فيها وخصوصا انها متخرجة بقالها سنة من خدمة اجتماعية وطول عمرها كانت بتحلم تعمل مشروع خاص لنفسها ..

☎️☎️☎️☎️☎️☎️☎️☎️

زيزى : الو

رندا : أية يا زلابيا عملتى أية

زيزى : خلاص جهزت كل حاجة وهجيبها واجيبك بعد بكرة نقعد نعملها

رندا : كويس انك لحقتى

زلابيا : انتى بس ظبطى الدنيا عندك عشان نعرف نعمل الحاجة

رندا : تيجى نخلى حازم يساعدنا ؟

زلابيا : …………

رندا : الو الو زلابيا الو

زلابيا : مش عاوزين تريقة علينا يا رنا خلينا كدة مع نفسنا فالاول

رندا : هو انتى سكتى لية ؟

زلابيا : بفكر

رندا : النهاردة وانتى نازلة حازم كان وصل وانا كنت ببص عليكى من البلكونة لقيتة وصل بس انتى مشيتى وهو خد بالة أو تقريبا كان شاكك انتى ولا لاة

زيزى : شاكك !؟

رندا : اة اصلة فضل واقف كتير لحد انتى ما عديتى الشارع وبعدها طلع وسألنى انتى مشيتى بدرى لية ؟

زلابيا بابتسامة : طيب بطلى رغى وفكرى فى ٤ اشكال نعملهم فالاول

رندا : مممم بتوهى فالكلام ،ماشى

زلابيا : لا بس تلاقى اخوكى مش مطمنلنا كالعادة

رندا : تفتكرى !؟

زلابيا : اومال هيكون أية ؟

رندا : اهو لما نشتغل هنشوف هيقول اية

زلابيا : لما الحاجة توصل هكلمك ماشى

رندا : ماشى باى

زلابيا : باى

📞📞📞📞📞📞📞📞

زيزى حضرت كل حاجة وجهزت شنطة هاند باج وحطت كل الماتريال فيها ونزلت تروح عند رندا بنت خالها وهى عمالة تفكر وبتتمنى أن حازم ميكونش هناك

🚪🚪🚪🚪🚪🚪🚪🚪

عصام : اهلا اهلا بأحلى تحلية عالصبح

زلابيا : هههه ازيك يا خالو

رندا : تعالى تعالى انا مستعدة جدا ههههه

زلابيا : يا بنتى أهدى ههه

رندا : بصى بابا وماما نازلين رايحين مشوار وانا وأنتى بقى هنبقى لوحدنا ونعمل براحتنا

زلابيا : طب كويس يالا نطلع الحاجة عالترابيزة وقوليلى رأيك ؟

حازم : رنا

زلابيا بضربات قلب سريعة : 🙄

حازم : صباح الخير

زلابيا : صباح النور

رنا : انت هتنزل زيهم

حازم : اة ساعتين كدة

رنا : طيب خد مفتاحك معاك

حازم : ماشى ،بالتوفيق يالا سلام

رنا : سلام

🤔🤔🤔🤔🤔🤔🤔🤔🤔🤔🤔🤔🤔🤔

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية طموح امرأة)