رواية طموح امرأة الفصل الثاني 2 بقلم حنين الماضي

رواية طموح امرأة الفصل الثاني 2 بقلم حنين الماضي

رواية طموح امرأة الجزء الثاني

رواية طموح امرأة البارت الثاني

رواية طموح امرأة الحلقة الثانية

رنا : اهو حازم كمان نزل وهنبقى براحتنا اكتر

زلابيا : امممم 😊

رنا : مالك ! مسهمة كدة لية !؟

زلابيا : ولا حاجة سرحت فاللى بنعملة ومتحمسة

رنا : ممم طب يالا نبتدى

زلابيا : بصى انا كبرت الرسمة على ورقة اكبر وهنجيب الخيط ونحط فية ماشى

رنا : طيب دة مش هيتقطع لو شدينا علية

زلابيا : لا خالص واصلا بعد ما نخلص مش هيبان خالص

رنا : ماشى يالا بينا

💪🏻💪🏻💪🏻💪🏻💪🏻💪🏻💪🏻💪🏻

رنا : واو يا زلابيا طلع حلو اوى

زلابيا : أية رأيك بس معوج حتة صح

رنا : استنى كدة اعدل دى

زلابيا : ايوووة كدة بقى مظبوط جدا

رنا : بقى شكلة حلو اوى

زلابيا : تخيلى دة بقى على عروسة والفصوص دى تلمع فالاضاءة جامد هيبقى تحفة

رنا : هاتى كدة اجربة

زلابيا : هههه ماشى انتى مرة وانا مرة

رنا : استنى هطفى النور واجيب الكشاف وانتى وجهية ناحية العقد وانا هبص فالمرايا ههههه

زلابيا : هههه ماشى هاتى

رنا : الله بجد بصى بيلمع ازاى فالضلمة

زلابيا : هاتى ألبسة واجربة انا كمان

رنا : خدى بس براحة احنا تعبنا على ما خلص هههه

زلابيا : تخيلى بقى لو عملنا معاة اسورة وحلق وخاتم واحد

رنا : حلق وخاتم طب ازاى بقى

زلابيا : بنفس الطريقة هنعمل الخاتم ونعمل من جوة زى قفل جامد على درجتين بحيث يناسب مقاسات مختلفة مش مقاس واحد أية رأيك

رنا : طب جربى كدة وورينى

زلابيا : تعالى بصى كدة

رنا : انتى عارفة بقالنا اد ايه بنعمل طقم واحد ؟

زلابيا : محستش بالوقت كام ؟

رنا : ٣ ساعات

زلابيا : فالاول بس وبعد كدة لما يكون معانا فلوس فى حاجات هنجيبها هتساعدنا نعمل فاليوم بدل الطقم عشرة

رنا : انا فرحانة اوى وحاسة أن المشروع دة هيمشى

زلابيا : باب الشقة قفل شكل خالو رجع

رنا : هشوف

زلابيا : ماشى وهاتيلى اشرب معاكى

رنا : أية دة انت رجعت

حازم : انزل تانى لو مضايقة

رنا : لا يا عم مش مضايقة بس انت قولت ساعتين واتأخرت عن ساعتين ،كنت فين يا مستر هههه

حازم : انتى مالك امشى هو انتى هتعمليلى محضر 🤔 روحى شوفى بتعملى أية

رنا : انا غلطانة انا هدخل عشان زلابيا متتعصبش عليا بس لما تمشى هعرف شغلى معاك عشان كل شوية تكبسنى

حازم بهدوء : 😊😊

رنا : ما تيجى تشوف عملنا حاجة جامدة جدا

حازم : لا

رنا : احسن

😏😏😏😏😏😏😏😏

حازم زى ماهو بهدومة فتح التلفزيون وقعد يتفرج على فيلم شوية وشوية اخبار ومبيتحركش من مكانة خالص

🙄🙄🙄🙄🙄🙄🙄🙄

رنا : كدة ناقص أية

زلابيا : العلبة اللى نحط فيها الطقم وهاخد الحلق هظبطة عند واحد عشان يركب القفل كويس وناخد الطقم بعد بكرة نروح الاتيلية بتاع ليلة العمر ونقولهم دى عينة من شغلنا لو حابين تتعاملوا معانا

رنا : انا متحمسة جدا

زلابيا : وانا كمان ،بصى شغل العرايس وانك تعملى حاجة مختلفة وشيك هيخلى الكل يجرى عليكى واهم حاجة الشكل الخارجى فالاخر

رنا : بس احنا كدة لازم نحسب الماتريال بكام ونشوف المكسب

زلابيا : بصى مثلا الطقم دة اتكلف ماتريال ب ٤٠ جنية ، احنا هنبيعة ب ١٠٠ جنية

رنا : 😳 ١٠٠ جنية كتير محدش هياخد كدة

زلابيا : لا هياخدوا ودلوقتى تشوفى

رنا : المكسب ١٠٠ المية

زلابيا : ان شاء الله ومتنسيش لازم نجيب علب شيك عشان هى دى اللى هتكمل الشكل فالاخر

رنا : احنا يوم فرحنا هنعمل لينا واحد زية صح ههههه

زلابيا : لاااااا هنبقى ساعتها شوفنا وعرفنا اشكال جديدة واحلى كمان هههه

رنا : أية دة باب الشقة اتقفل

زلابيا : اة طب شوفى يمكن خالو وانا كمان لازم انزل عشان متأخرش

رنا : ما تنامى معايا النهاردة

زلابيا : خليها يوم الخميس يبقى صابح الجمعة واكون قولت لبابا عشان يوافق وساعتها ننتهز الفرصة ونروح كذا اتيلية ونعمل كذا طقم

رنا : ماشى ، استنى لما اشوف بابا جة هو وماما ؟

زلابيا : ماشى

🤔🤔🤔🤔🤔🤔🤔🤔

رنا : لا محدش جة دة حازم نزل

زلابيا : 😊😊

رنا : مالك

زلابيا : خايفة أتأخر ،همشى بقى باى

رنا : باى

🤔🤔🤔🤔🤔🤔🤔🤔

نزلت زلابيا عالسلم وهى سرحانة

ورنا وقفت فالبلكونة تبص عليها ولقت حازم واقف مع واحد صاحبة تحت العمارة وخدت بالها أن حازم اول لما لمح زلابيا راح لافف بضهرة عشان هى متاخدش بالها أنة شافها 🙄 لكن هى لمحتة وخدت بالها من الحركة وتعمدت تمشى بسرعة جدا كعادتها واضايقت من الحركة جدا جدا بس حاولت تخرج نفسها من مود الضيق عشان تركز فى مشروعها وعشان كدة وهى راجعة البيت نزلت الممشى اللى بترتاح فية لما بتمشى وتفكر بهدوء ..

وقررت تتجاهل مواقف حازم خالص وتحاول تروح فى وقت هو مش فية

😊😊😊😊😊😊😊😊

زين : رجعتى اخيرا

زلابيا : يعنى اية أخيرا دى

زين : بابا وماما نزلوا راحوا مشوار وقالوا هيطلعوا يشتروا حاجات وكانوا عاوزينك معاهم وفالاخر نزلوا

زلابيا : كويس أنهم نزلوا مكنش ليا مزاج أخرج وراجعة عاوزة انام

زين : طيب فكرتى

زلابيا : تانى يا زين

زين : صدقينى وعلى ضمانتى

زلابيا : انا دماغى مش كدة خالص يا زين

زين : انا عارف بس بقول حاولى

زلابيا : خلينى براحتى معلش

زين : طيب انا قولتلة هرد عليك ،اعمل أية دلوقتى ؟

زلابيا : ماهو دة مافيهوش احراج ،رد علية وقولة هى عاوزة تشتغل الاول وتجرب حياة الشغل شوية ومش فى دماغها الجواز خالص دلوقتى

زين : اخر كلام يعنى

زلابيا : اة بس من غير زعل

زين : لا انتى حرة هزعل لية

زلابيا : عقبالك انت ونور بقى وتبقى خطوبة رسمى

زين : لسة كنت بكلمها وشكلنا كدة قربنا ناخد الخطوة

زلابيا : بجد هههههه يالا وعندى ليها هدية حلوة اوى

زين : هههه هدية أية دى

زلابيا : بقول هدية اقولك عليها لية

زين : هههه صح عندك حق

زلابيا : اخيرا بقى عندنا فرح فالعيلة دى

زين : هو شكل شباب العيلة هما اللى هيتجوزوا قبل البنات ههههه

زلابيا : يبقى حظكوا هههه

زين : يالا ربنا يسهل ليكوا انتوا كمان

زلابيا : يارب .. انا هدخل انام

زين : ماشى

📞📞📞📞📞📞📞📞

زين : الو الو الو هههههه

رنا : يا ابنى هو انت كل ما تتكلم تحسسنى انك بتكلم من افلام الابيض والاسود لية هههه

زين : برخم

رنا : هههه عارفة

زين : قوليلى حازم عندك

رنا : واقف قدام العمارة

زين : طب انداهيلة عاوزة

رنا : طيب بس زلابيا وصلت ولا لسة ؟

زين : اة جت ودخلت نامت

رنا : ماشى استنى هندهلك علية

زين : ماشى

رنا من البلكونة : حازم حااازم اطلع كلم زين عالتليفون عاوزك

حازم : طيب طالع

حازم : مش قولتلك كذا مرة متناديش وانا واقف مع حد

رنا : هو عاوزك اناديلك ازاى بالاشارة ولا اشاور بمنديل ابيض 🙄🙄

حازم : لا سقفى

رنا : 😬 حاضر المرة الجاية

حازم : الو

زين : أية يا عم كل دة

حازم : معلش كنت تحت

زين : طيب بقولك موضوع اشرف كنسلة

حازم : ……..

زين : الو

حازم : معاك لية

زين : كلمتها من شوية وهى رافضة الفكرة اصلا وبص الموقف محرج ليا والكلام كان قدامك فقولة انت أن مافيش نصيب عشان انا ممكن يتحرج منى

حازم : طب ما تحاول معاها تانى

زين : لا خلاص هى مصممة وانا مش هغصبها وصاحب النصيب لسة مجاش

حازم : طيب ماشى انا هكلمة واقولة

زين : ماشى ، بقولك ما تيجى نلف شوية

حازم : لسة راجع خليها بكرة واعدى عليك بس مش هطلع ابقى انزل على طول

زين : ماشى ،سلام

حازم : سلام

🙃🙃🙃🙃🙃🙃🙃🙃

حازم مدرس علم نفس وعندة صبر على اى حاجة لأقصى درجة ،شخصية غامضة وكتومة ،لية كاريزما تخلى اى حد يعملة حساب واللى ساعد على كدة شخصيتة الرزينة ، عندة اهداف وطموح فى حياتة بيسعى لتحقيقها زى أنة نفسة يسافر إعارة ويرجع يكون عندة مشروعة الخاص بعيد عن مهنة التدريس لانة كان بيستحرم الدروس الخصوصية وعشان كدة كان بيدى الدرس للطلبة بنص التكلفة وقتها ، يعنى لو الحصة طبيعى ب ٣٠ كان هو بيديها ب ١٥ جنية فالحصة وأوقات يعمل حصة خامسة فالشهر على حسابة الشخصى وعشان كدة كل أولياء الأمور كانوا بيحترموة وبيقدروة

👍🏻👍🏻👍🏻👍🏻👍🏻👍🏻👍🏻👍🏻

رنا : انا نازلة يا ماما هقابل زيزى ومتخافيش مش هتأخر

حازم : ………

رنا : لو نازل يا حازم وهتاخد عربية بابا وصلنى معاك

حازم : شوفية طيب لو مش هيحتاج العربية ،اخدها واوصلك فى طريقى

رنا : مش هيحتاجها

حازم : طيب يالا

👍🏻👍🏻👍🏻👍🏻👍🏻👍🏻👍🏻👍🏻

رنا : خليك جدع ونستنى ناخد زلابيا وتودينا مشوارنا

حازم : مع نفسكوا انا عندى دروس وطلبة

رنا : نفسى مرة تكمل جميلك للآخر معايا

حازم : اهى جت يالا عشان هتأخر

رنا : سلام

🚗🚗🚗🚗🚗🚗🚗🚗

زلابيا : دبستى اخوكى يوصلك

رنا : اتحايلت علية يوصلنا مرضيش

زلابيا : 🙂🙂

رنا : مالك

زلابيا : الحمدلله أنة مرضيش

رنا : لية

زلابيا : عشان نتحرك براحتنا وميقعدش يسأل بتعملوا أية

رنا : مممم عندك حق

زلابيا : يالا نستلم الطقم من الراجل ونشوف عمل فية زى ما قولتلة ولا لاة ؟ وبعدها نطلع على الاتيلية

رنا : ماشى يا رب المشروع ينجح

🥰🥰🥰🥰🥰🥰🥰🥰

زين : نور خلاص

نور : خلاص أية يا زين

زين : خلاص قررت نحدد ميعاد وننهى الفوضى دى ونتلم

نور : ههههه نتلم

زين : اقصد بيتنا يعنى

نور : بجد

زين : انا عارف انى عريس لقطة وشاب قمر وصعب حد يلاقى زيى وانك طايرة من الفرحة دلوقتى عشان انا كنت حلم بالنسبالك ههههههههه

نور : نعم نعم طب اقفل يا زين ومافيش عندنا بنات للجواز

زين : لالا خلاص بهرج معاكى بس متنكريش بردوا انى عريس جامد ههههه وانتى عروسة جامدة

نور : ايوة كدة اعدل كلامك هههه

زين : هكلم ابوكى خلاص افرحى هههه

نور : ابوكى يا زين اسمها ابوكى

زين : يا بنتى بهرج معاكى مالك بس

نور : لا بس لحسن تفتكرنى واقعة عليك عشان مستنياك كل دة يا زين

زين : هو فى واحدة عاقلة تستنى ٣ سنين بردوا 😂

نور : عندك حق وعشان كدة هتجنن عليك يا زين مدام العقل مش عاجبك

زين : اقفلى يا نور انتى شكلك هتطلعى من الستات النكدية وهيجى اليوم اللى ادعى على المأذون والشهود اقفلى

نور : لا هدعى انا عليهم عشان شكلك هتطلع من الرجالة اللى بتحدف دبش وطوب كأنة بلسم

زين : ههههه طب خلاص نتكلم جد شوية ممكن

نور : هااااا

زين : لا لا عيب تكلمى جوزك كدة

نور : ههههه جوزى مش لما نتخطب الاول

زين : لا انا عاوز اتجوز على طول

نور : وانا كمان

زين : مش بقولك واقعة فيا هههههههههه

نور : سلام يا زين

زين : الو الو .. نور عيب كدة ،الو ،المجنونة قفلت من الفرحة 🤔🤔 ماشى اخلص اللى ورايا واكلمك يا مجنونة

🌹🌹🌹🌹🌹🌹🌹🌹🌹🌹🌹🌹🌹

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية طموح امرأة)