رواية طفله للبيع الفصل الأول 1 بقلم صباح غمري

رواية طفله للبيع البارت الأول

رواية طفله للبيع الجزء الأول

رواية طفله للبيع الحلقة الأولى

_كان ماسك ايدي و طلع يجري بيا ،كان جسمي كله وجعني من الض*رب ، اخدني حتي من غير ما البس طرحتي
هو : انا خلاص جبت اخري كل خطوبه ، يجي العريس يرميكي ليا بعدها بيومين .
_قلتله بعياط : انا ذنبي ايه بس ، من عند ربنا، نصيب اعمل ايه ، ونبي يا بابا سبني ، طب انت موديني فين ، طب أنت مش فاهم ليه ، انا لسه صغيرة لسه حتي مكملتش ال١٧سنه .
_وداني بكل جبروت لحاتم ، حاتم يبقي زي ما بيقولو بلطجي المنطقه ، الماسك المنطقه ، اكتر واحد كرهته ف حياتي و خوفت منه و من شكله من وانا عيله صغيرة ، وانا كل ما بشوفو بترعش بجري ، دايما كل مرة كنت بشوفو فيها كان لازم يكون بيعمل مصيبه ، بيضرب حد ، بيكسر محل ، و كالعادة المرادي كان برضو بيضرب حد
_محمد : انا عاوزك ف موضوع يا حاتم يابني
حاتم بصله ببرود و بصلي بنظرة كنت هموت منها وانا منهارة و ببكي : خير و ايه المبهدل البنت كدا
محمد : انا عاوزة أبيعها
بصتله بصدمه و بكيت ، بكيت يمكن لسنين قدام ، فيه أب يعمل كدا ؟ ، و ليه ، كنت عارفه طول عمري أننا مجرد سلعه لوالدي بس متوصلش للدرجادي و كان الاصعب لما بصيت لحاتم الكان وشه خالي من اي صدمه أو تعابير
حاتم : بالحلال و لا عاوز تشغلها
محمد : هسيبهالك و هاخد فلوسها و اعمل الانت عاوزة ، بس نتفق علي المبلغ الاول .
بصلي بحقارة اكنه بيشتري بضاعه ، غمضت عيني مكنتش قادرة اتحمل كل البيحصل ، اتمنيت لما افتحها ، اكون ف حضن ماما بتلعب ف شعري و بتحكيلي حدودته زي زمان وانا نايمه ف حضنها مطمنه و اختي جايه تنادي عليا ، لكن فوقت علي صوته البشع وهو بيقول .
حاتم : تمن حلو الكلام
محمد : قفلهم ١٥٠ علي طول
حاتم : يااااجعفر ، انت يا زفت
جعفر : نعم ياريس
حاتم : هات تمن من جوا
و بص لبابا و قاله : ولا ميجبش جعفر
محمد : لا خلاص خليه يجبهم
حاتم بصلي : وانتي ياحلوة تعالي ادخلي المخزن هنا
مسكت ف بابا و اترجيته بكل الطرق : ارجوك ، ارجوك هشتغل هجبلك فلوس ، هعمل اي حاجه بس عشان خاطري متسبنيش ، هتسيب بنتك يابابا ، ازاي تسبني ، طب الفلوس دي هجبلك اضعافها و هتشوف بس ونبي ما تسبني ، قعدت ابكي ابكي وقعت علي الارض و مسكت ف رجله : عشان خاطري يابابا ، عشان خاطري متكسرنيش
كان اخر كلمه قولتها متكسرنيش يابابا و من بعدها بابا كان اخد الفلوس و اختفي ، كان كل ما بيبعد و بيختفي عن نظري ، قلبي كان بيوجعني اكتر .
بصيت ورايا ، بصيت لي ،بابتسامته الوحشه و جبروته ، و بصيت معاه لمستقبلي و حياتي الجايه .
هو : اسمك شمس مش كدا
شمس : …..