رواية ضحية زواج الفصل الخامس عشر 15 بقلم إسراء الاتربي
رواية ضحية زواج الجزء الخامس عشر
رواية ضحية زواج البارت الخامس عشر
رواية ضحية زواج الحلقة الخامسة عشر
تاني يوم كانو قاعدين بيفطره وشهد كانت نازله م ع السلم وفجاءه ايد بتزقها بتقع وهي بتصرخ و مبقتش شايفه حاجه…غير صور واحداث حصلت وفقدت الوعي.
بيقومه كلهم م ع السفره بيجرو عليها… بيقرب يونس بيلاقيها فاقده الوعي و دم تحت راسها.
بياخدها يونس المستشفى…. وبعد شويه بيخرج الدكتور.
يونس بيجري عليه بخوف وهو بيقول: شهد كويسه حصلها حاجه هي كانت فاقده الذاكره و
الدكتور قاطعه: اهدي بس هي الحمدلله كويسه كسر في دراعها و رجلها و دماغها اتجرحت ولما تفوق هنطمن عليها اكتر
يونس اخد نفسه براحه… كان حاسس قلبه هيقف من خوفه ان يحصلها حاجه.
عدا وقت وشهد فاقت…فتحت عنيها بتعب وهي بتمسك دماغها و اصوات واشخاص بيمرو قدامها بوضوح… وبعد شويه بيدخله علشان يشوفوها.
يونس واقف جنبها ومسك…. ايديها بس اتفجاء لما شهد نتشت ايديها منه.
شهد: انت ازاي تمسك ايدي !
يونس بيبصلها وهو مش فاهم حاجه.
شهد جت تقوم وبتحس بدوخه… ايد يونس بتلحقها.
يونس: انتي رايحه فين لسه تعبانه
الدكتور بيدخل وبيطلعهم كلهم علشان يفحص شهد ما عدا يونس بيفضل واقف مبيتحركش وبعد ما بيخلص.
شهد: انا افتكرت كل حاجه يا يونس متستغربش!
يونس بصدمه: افتكرتي يعني الذاكره رجعتلك
شهد: ايوا رجعتلي
يونس مكنش عارف يتصرف ازاي ومية حاجه جت ف دماغه اولها انها خلاص هتسيبه: احم شهد انتي عارفه كمان اننا متجوزين صح!
شهد: عارفه يا يونس وبعفيك من الجوازه
يونس بنبره حزينه: ممكن نأجل كلام في الموضوع لحد ما تخرجي.
شهد: يونس انا مش عايزه حد يعرف اني افتكرت
يونس باستغراب: ليه يا شهد!
شهد بغموض: مش هقدر اقولك دلوقتي.
يونس: حاضر يا شهد محدش هيعرف
شهد ابتسمتله بتعب: شكرا يا يونس
…..
مر كام يوم شهد… كانت خرجت م المستشفى.
يونس: شهد انا نسيت اسالك انتي وقعتي م ع السلم ازاي!
شهد سرحت شويه وهي بتفتكر: لا انا بس دوخت و وقعت لوحدي
يونس بشك: ده بجد شهد انتي مخبيه عني حاجه
شهد بارتباك: لا ابدا هخبي عليك اي
يونس: طيب بصي يا شهد انا مش عايزك تطلعي م باب اوضتك دي نهائي
شهد: بس ده ليه يعني
يونس: شهد حمزه موجود معانا هنا احنا صحيح جوازنا كان بسبب تعبك بس برضو انتي مراتي بس كنتي مرات حمزه ومتحملش وجودك او كلامك معاه.
شهد: يونس من غير ما تتكلم انا مش طايقه ابص في وش حمزه بس مش لدرجة اني اتحبس ف الاوضه
يونس بغيره: لا يا شهد انا مش عيزه حتي يلمحك
شهد بعصبيه: انا مسمحلكش تتحكم فيا كدا متفتكرش اني مراتك واني معتبراك جوزي انت بالنسبالي شخص غريب عني
يونس اتعصب وفي نفس الوقت كلامها جرحه: انا قولت اللي عندي يا شهد انتي لسه متعرفنيش، لما بقلب ببقا عامل ازاى وكمان احنا هننقل م القصر خالص
شهد: وانت مين قالك اني هفضل ع ذمتك مفيش داعي ل كل ده عشان احنا هنطلق!
يونس بصلها وقلبه اتقبض و وجعه م فكرة طلاقهم وخرج م الاوضه.
….
عند زينه ومالك.. كانو مبيتكلموش ولا بيتعمله مع بعض و
زينه: مالك طلقني!
مالك رفع وشه وبصلها: زينه تعالي اقعدي
مالك سحبها م ايديها… وقعدها جنبه زينه كانت متفجاءه م هدوءه معاها
مالك بهدوء: احكيلي يا زينه اللي حصل انا عايز اسمعك
زينه: مالك انت مرضتش، تسمعني وضربتني حاولت كتير ابررلك واقولك بس خلاص دلوقتي معدش ينفع
مالك: زينه انتي لازم تقدري احساسي يعني كنتي فاكره اسمع كدا وابقا هادي بعدها انا حسيت بناار يا زينه
زينه بدموع وعتاب: علي الاقل انت عارف تربيتي كويس ما احنا برضو اتربينا مع بعض ومش معني اني بعدت وسفرت ابقا اتغيرت وممكن اعمل حاجه غلط كنت سمعتني وبعدين حكمت عليا حتي لو بموتي
قامت زينه م جنبه وهي بتكتم… شهقاتها بيسحبها مالك بتقع في حضنه.
مالك بحنيه: زينه والله انا كنت محتاج وقت اهدي الموضوع كان صعب اني اتقبله واكون هادي ساعتها
زينه: ده علي اساس انك بتحبني وغيرت بقا وكدا!
مالك: بت انتي هبله شكلك ومبتفهميش… وبعدين بحبك او لا اي راجل مكاني مكنش هيتحمل.
زينه: هبله زيك اوعي، كدا
مالك بزهول: هبله زي دي بتشتمنيى!
زينه: ايوا بشتمك
مالك: زينه لازم تقوليلي اللي حصل علشان ارتاح
زينه بدموع: لا علشان انت ظالم يا مالك اوعي كدا
زينه فلتت م حضنه… وسبته قاعد محتار مكانه.
مالك بغموض: ماشي يا زينه انا هعرف قصتك بطريقتي.
زينه راحت نامت ع السرير.. و دفنت راسها وكانت بتبكي مالك قرب وحضنها م ضهرها: زينه ممكن تبصيلي
زينه بصوت باكي: مالك ابعد عني
مالك: زينه انا زعلان زيك ويمكن اكتر ياريتني كنت موت قبل ما ايدي تتمد عليكي.
زينه بتتعدل وبتحط ايديها ع بقؤه وبتتكلم بسرعه: بعد الشر
مالك بحنيه: حقك عليا كان لازم اسمع منك الاول بس انا طبعي عصبي ومبقدرش اتحكم ف غضبي
زينه: مالك مش عايزه نتكلم دلوقتي في الموضوع ده ومش هحكيلك حاجه عايز تطلقني يكون احسن
مالك بيضمها ليه اكتر: سيرة الطلاق مش عايزاها يا زينه انتي بتاعتي انا ومش هسيبك.
…..
شهد كانت لسه هتقوم علشان تاخد دوش. ويونس كان لسه راجع م برا و
شهد بخضه لما لاقته قدامها فاجاءة: انت متعود تدخل اوض النااس م غير ما تخبط وبعدين انا شايفاك داخل خارج كدا براحتك
يونس بعصبيه: شهد انا شايف انك صوتك بيعلي و بتقلي ادبك كتير معايا وبعدين انا حسبتك نايمه كنت داخل اطمن عليكي وهخرج تاني.
شهد: بس برضو انا مش متعوده عليك متدخلش قبل ما تخبط
يونس بخبث: هو مش المفروض انك مش عايزه حد يعرف ان الذاكره رجعتلك طيب ازاي وانتي عايزاني انام ف اوضة تانيه وبعدين مانتي كنتي بتنامي معايا ف نفس الاوضه وف حضني كمان.
شهد افتكرت انه كان بينام معاها ف نفس الاوضه ف فترة تعبها وشها احمر بخجل م كلامه واتكلمت
بعصبيه: انت قليل الادب اللي انت بتقوله ده لما كنت فاقده الذاكره حاجه و دلوقتي حاجه تانيه مش من حقك تدخل وتخرج علي مزاجك.
شهد سابته واقف وجت تقوم… علشان تدخل تاخد دوش بس مقدرتش م رجليها.
يونس: سيدتك رجلك مكسوره هتقومي ازاي قوليلي وانا اساعدك
شهد: فين الممرضه اللي كانت بتساعدني هي مشيت
يونس هز راسه: ايوا حصلها ظروف ومشيت.
شهد فضلت قاعده مكانها… وفاجاءة لاقيت يونس شالها و
شهد بعصبيه: نزلني انت بتعمل اي
يونس مردش عليها… دخلها الحمام ونزلها ف البانيو وشهد عماله تزعقله وتضرب فيه:
شهد ببكاء: حرام عليك اخرج بررا
يونس مسح دموعها: هشش اهدي هو انا عملتلك حاجه انا مش حمزه يا شهد مفهوم خلصي هروح اطلعلك هدوم واجي.
يونس جبلها الهدوم… وسابها لما خلصت دخل وشالها وكانت هتموت م خجلها.
يونس بحنيه: اسف علشان خليتك تعيطي بس والله مكنتش اقصد.
شهد بصتله وعنيها جت في عنيه… شافت فيهم حنيته وحست بأمان رهيب اول مره تحس بيه.
يونس: احم انا هخرج تصبحي على خير
يونس جه يمشي شهد ندته واتكلمت بكسوف: يونس استني ممكن تفضل هنا لحد ما انام
يونس ابتسملها هز راسه وفضل جنبها.. لحد ما نامت. وبعدين خرج.
Esraa Eletrby
….
شهد كانت نايمه حست… بحد بيمشي ايده ع وشها ونفسه قريب منها جامد بتقوم بفزع ووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ضحية زواج)
تعليق واحد