رواية ولد للايجار الفصل الثاني 2 بقلم محمد مالك
رواية ولد للايجار البارت الثاني
رواية ولد للايجار الجزء الثاني
رواية ولد للايجار الحلقة الثانية
صباح ترتعش من الصدمة والخوف وتتصل ب فاطمة
صباح .. الحقيني يا فاطمة البنت ماتت !!
فاطمة لا تصدق .. بنت مين اللي ماتت ؟!
صباح .. بنتي اللي لسة والداها علي ايدك من اسبوع
فاطمه .. لا حول ولا قوة الا بالله ودي ماتت ازاي ؟! اوعي تكوني عملتي في البنت حاجة يا صباح ؟!
صباح .. لا والله ما جيت ناحيتها انا دخلت الاوضة عشان اشوفها هي والولد بصيت لقيتها مبتتحركش خالص قولت يمكن نايمة شلتها لقيتها قاطعة النفس
فاطمة .. يا ساتر يارب
صباح .. وادي كمان مصيبة حلت فوق دماغي .. بنتي ماتت !! والولد اختك عاوزاة انهارده وانا مش عارفة اتصرف ازاي
فاطمة .. ما احنا اتفقنا انك هتقولي ان الولد مات وانا هتصرف واجيبلك ولد في سنه وشبيه ليه
صباح .. يعني البنت ماتت فعلا واروح كمان اقول ل نور ان ابنك كمان مات .. ازاي الاتنين يموتوا في وقت واحد !! فكرك نور يصدقني ؟!!
فاطمة .. بصراحة مش عارفة رد فعله هيكون ايه يا صباح بس هو هيشوف بعينه واكيد هيسلم امره لله لأن الحياه والموت دول بتوع ربنا مش بإيدينا
صباح .. بقولك ايه مينفعش اختك تسيبلي الولد يومين تلاته كفاية علي نور صدمة البنت اللي ماتت دي
فاطمة .. بس احنا متفقين يا صباح مروة تاخد الولد انهارده
صباح .. ما انا عارفة بس مكناش عاملين حساب البنت اللي ماتت فجأة دي .. كلميها عشان خاطري وخليها تسيبلي الولد كام يوم كمان
فاطمة .. هاشوف وارجعلك وربنا يصبر قلبك يا صباح فعلا انتي في بلاء شديد والله
فاطمة تغلق الخط وصباح تحضن ابنتها المتوفاه وتبكي
صباح ببكاء والم .. عيني عليكي يا بنتي .. ربنا يصبرني علي فراقك
فاطمة تتصل ب مروة
مروة .. مينفعش يا فاطمة احنا متفقين الولد يرجعلي انهارده
فاطمه .. معلش سيبية يومين تلاته كمان ما انا قولتلك بنتها ماتت فجأة ودي حاجة مكناش عاملين حسابها
مروة .. ربنا يصبرها بس انا مالي ومال الكلام ده كله .. انا مش عارفة وافقتك ازاي علي حاجة زي دي من الاول . ابني واحشني جداا يا فاطمة وبعدين ابوه راجع من السفر بكره مخصوص عشان السبوع بتاعة لما يرجع بقي ويسألني هو فين اجاوبه اقول ايه ؟!
فاطمة .. هو عصام راجع بكره ؟!!
مروة .. ايوه
فاطمة .. هي مالها المواضيع بتتعقد ليه كده ؟!
مروه .. عشان صاحبتك وجوزها معترضين علي حكمة ربنا ورزقه .. سبحان الله ده في ناس مش لاقيه ضفر عيل !!
فاطمة .. طيب والعمل ايه ؟!
مروة .. معرفش مشكلة صاحبتك وتحلها انا كتى خيري لحد كده وعاوزة ابني يبات في حضني انهارده يا فاطمة .. سامعاني ؟؟
فاطمة .. ماشي
فاطمة تحاول الاتصال ب صباح وصباح فونها مغلق ثم تعاود الاتصال ب مروة
مروة .. ايه قالتلك ايه ؟!
فاطمة .. للأسف فونها مغلق
مروة .. يعني ايه ؟؟!
فاطمة .. نستني للصبح وانا هاروحلها البيت
مروة .. وانا لسه هاستني للصبح ؟! انا عاوزة ابني يبات في حضني انهارده وبعدين بقولك عصام جاي الصبح
فاطمة .. انا مش عارفة اتصرف ازاي اكيد دلوقتي عندهم حالة حزن بسبب وفاة البنت الاخيرة دي
مروة .. يعني انتي فكرك راجل زي جوزها ده هيفرق معاه بنته تموت ولا لا !! ده تلاقيه ولا في دماغه وقاعد حاضن الولد
فاطمة .. يا شيخه حرام عليكي دي مهما كانت بنته بردوا
مروة .. شوفي انا ماليش دعوه بالحورات دي كلها انا عاوزة ابني دلوقتي حالا هاتجيبه ولا لا ؟
فاطمه .. صعب دلوقتي بصراحة
مروة .. تمام خلاص انا هاتصرف
فاطمه .. هاتتصرفي ازاي يعني ؟!
مروة .. هروحلها واجيب ابني بنفسي
فاطمة .. لا يا مروة انتي كده هتسبيبلها مشكلة
مروة .. وانا مالي .. انا عاوزة ابني سلام
ثم تغلق الخط وتنزل مسرعة الي الشارع متوجه نحو منزل صباح وتصل البرج الذي تسكن به وتصعد الي الشقة وتطرق الباب ويفتح نور وهو حاضن الولد
مروة .. مساء الخير
نور .. مساء النور يا افندم .. تحت امرك اتفضلي
مروة تنظر للولد نظرة حنين واشتياق ونور يلاحظ ذلك ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ولد للايجار)
2 تعليقات