رواية صعب ولكن مش مستحيل الفصل السادس 6 بقلم آمنة غباشي

رواية صعب ولكن مش مستحيل الجزء السادس

رواية صعب ولكن مش مستحيل البارت السادس

رواية صعب ولكن مش مستحيل الحلقة السادسة

الأستاذ رشاد وقف قدامي وكان بيبصلي وانا ماكنتش واخدة بالي منه افتكرته حد وهيعدي عادي زي الناس اللي معدية في الشارع وفجأة لقيته بيكلمني : …
= أمل ؟! هو دا انتي ؟!
أنا اتزغفت ووقفت فجأة فخبط راسي في السلم ( منتهى الإحراج والله “كسفة” 🙂 ) وقفت وقلتله :
_ مين حضرتك ؟!
= إزاي مش عرفاني يا بنتي أنا الأستاذ رشاد اللي كنت واقف في مكتب المدير ساعة ما جيتي تقدمي للمدرسة …
( أنا كنت مكسوفة لأني مش فاكرة شكله أو بمعنى أصح ما كنتش ببص عليه في المكتب بتكسف والله مع إن قلبي ميت وعندي جرأة رهيبة بس بتكسف ابص في الناس وبالذات الرجاله فمش متذكرة شكله أوي ففضلت ساكته من الكسوف ) …
= يا بنتي انتي ازاي مش فاكراني بس دا انا حافظ شكلك من اول ما شفتك عرفتك على طول ، انتي مالك كدا ساكته ليه ؟!
_ أناااااا مش عارفه أقول لحضرتك إيه بصراحه 😐😐😐….. أهلا وسهلا بحضرتك يا استاذ رشاد للأسف مش عندي مكان تتفضل فيه ، أنا آسفه جدا ☹️💔💔💔
= لا لا ولا يهمك أنا بس كنت جاي أقولك لو احتاجتي أي حاجه أنا موجود 💙
_ أشكرك جدا يا أستاذ رشاد دا من ذوق حضرتك
= مش محتاجه أي حاجه؟؟
بقول لنفسي : ( انا محتاجه ايه؟ محتاجه ايه؟ فلوس ومعايا الحمد لله وأكل بقدر اشتريه الحمد لله ومكان انام فيه موجود الحمد لله ، اعتقد أنا مش ناقصني حاجه! وحتى لو ناقصني حاجه مش هطلب من حد !)
= بتقولي ايه يا امل علي صوتك شوية
_ لا لا يا استاذ شكرا جدا والله أنا مش محتاجه أي مساعدة ولو احتاجت حاجه هقول لحضرتك 😊
= طيب يا بنتي اتركك في رعاية الله مع السلامه
_ مع السلامه 🙂
الأستاذ قال في نفسو : ( يااااه دي بنت غلبانه خالص ومسكينه إزاي ما حدش حن فيها ولا الدولة سائلة عليها!! ، دي بتكلم نفسها يا عيني من قسوة الحياة عليها…)
هو مشي من هنا وانا قعدت أعيط من هنا طب ليه بعيط مش عارفه أنا كانت دموعي في الفترة دي بتنزل على طول من غير سبب مع اني والله مش بحب ابكي قدام حد بس للاسف أحياناً دموعي بتخوني ….
المهم رحت تاني يوم على طول للمدرسة وكان معايا 30 جنيه اشتريت بيهم كشكول وقلم جديد ، طبعاً رحت المدرسة بنفس لبسي اللي اتقطع من النوم في الأرض تحت السلم ورقعته وخيطه ….
المهم رحت المدرسة وكنت ماسكه الكشكول والقلم في ايدي وداخلة وأنا مكسوفة أوي ولقيت الكل بيبص عليا ، وسمعت أصواتهم حوليا …
= ايه دا مين دي ؟
– دي باين عليها متسولة من الناس اللاجئين بتوع سوريا !
~ يا جماعة دي متشردة من هنا شفتها قبل كدا !
= آآآآه افتكرت مش دي الخياطه بتاع سلم العمارة؟!
– آه بصوا بس شايفين لبسها عامل ازاي !
~ ولا جزمتها المقطعه 😂
= جاية تعمل ايه هنا دي
– يمكن جاية تشحت ولا حاجه
~ يا جماعه مالناش دعوه ربنا يسهل لها طريقها
– على فكرة حرام عليكم ايه اللي بتقولوه دا ! المفروض نروح نساعدها لوجه الله ..
= أنا هاجي على نفسي واروح اكلمها واديها فلوس مع انها مش من مقامي بس يلا صعبت عليا ..
أنا كنت بسمع كلامهم وبتحرق من جوة وكان كلامهم أحيانا بيبقا جارح جدا ، رحت بعدت عن كل الطلبة وقعدت في مكان فاضي ووحيد وشوية لقيت بنت جاية وبتديني فلوس!..
_ ايه الفلوس دي بتاع ايه دي !
= خديها ربنا يسهلك
_ نعم!!!.. احب اقولك اني مش محتاجه الفلوس يا آنسة مستورة والحمد لله! لكن متشكرة جداً لتعاطفك ومساعدتك لكني الحمد لله احسن من غيري بكتير
= تصدقي ان انا غلطانه أني اشفقت عليكي!
_ اشفقتي!! وعليا!! أنا!! لا لا لا أنا مش محتاجه شفقة من حد! فرصة سعيدة ومبسوطه اني قابلتك ممكن نبقا صحاب عادي…
= ها انا مش بصاحب الناس الفقيرة المشردة يا نكرة ..
(أنا اتخنقت لما قالت كدا وبالذات لأني مش بحب حد يتكبر عليا عشان باين عليها متكبرة اوي وواخدة مقلب في نفسها فرديت عليها:..)
_ الشيء الوحيد الفقير هنا هو عقلك للأسف لا يستوعب إن الفقر عمره ما كان عيب أبدا وبعدين مين قالك اني نكره! انتي مش شايفة انسانه واقفه قدامك ولا ايه
= ايه الكلام اللي بتقوليه دا يا خياطة السلالم المشرده انتي انا مش شايفه غير نكرة ، انتي اللي فقيرة وعقلك فقير مش أنا !
_ للأسف الكلام معك بلا فائدة لأنك شخصية غير متفتحه فكرياً سلام …
= ها ازاي استني بس يا مغرورة انتي ازاي تكلميني بالطريقة دي انتي عارفه أنا مين؟!
_ بصراحه مش عارفه ولا عايزة اعرف استأذن أنا بقا ..
= استني لحظه ازاي مش عارفاني دا انا سلمى بنت مدير المدرسة، يا شحاته استني يا شحاته رايحه فين طب اسمك ايه
(بصراحه أنا مشيت وما اتلفتش ورايا بس كلامها بجد كان مأثر جدا لدرجة اني اتخنقت جامد اوي)
وشوية والطبور جمع وكله وقف طابور وقبل ما أقف عادي معاهم في مدرس باين عليه عصبي جدا وصعب التفاهم معاه ….
= انتي يا بت … ايوا انتي يا ام لبس مقطع تعالي هنا بسرعه … تعااالي !
_ نعم يا مستر
= دا زي تيجي بيه المدرسة ؟!
_ أنااااااا ..
= انتي ايه انطقي ايه القرف اللي انتي لبساه دا ؟! أنتِ ما تعرفيش أن دي مدرسة محترمه ؟! وليها زي محترم !
_ ……….
= مش هتردي صح ؟! طب ما اشوفش وشك هنا تاني من غير زيك الرسمي يلا غوري روحي البيت يلا …
سلمى كانت بتضحك عليا وفرحانه حدا..
( أنا بقا دمي فار بصراحه لما الاستاذ قالي روحي ومش عايزك في المدرسة تاني بعد ما صدقت اني دخلت المدرسه ، أنا اتأثرت بكل الكلام وبكيت لكن كلام المستر دا مش بس أثر فيا لا دا كمان نرفزني وعصبني وخصوصا اني مش بحب حد يغلط فيا ولا يبعدني عن المدرسة وانا لما اتعصب بقول كلام مش كويس ، فرديت عليه برد حاد جدا ولكن بطريقة محترمه ) ….
_ استاذي … لو سمحت ممكن تسمحلي بالكلام … أولا بعتذر على طريقة كلامي ثانيا مش من حق حضرتك تطرد طالب من المدرسة لأي سبب كان لأن المدرسة الحكومية دي مش بتاع حضرتك ، وبعدين أنا متفهمه للقوانين كويس جدا وعارفه اني لازم أحضر بزي رسمي نضيف وشيك ، ولو خالفت القانون من حقك تعاقبني لكن مش من حقك تطردني من المدرسة لأن كدا حضرتك تخالف القانون الوزاري ولو انا ك أمل طالبة عادية عملت في حضرتك بلاغ انك طردتني من المدرسة وحرمتني من التعليم لعدم قدرتي على شراء زي جديد فممكن حضرتك تقع في مشاكل مع الإدارة العليا للتعليم وانا مش بحب اسبب مشاكل لحد بصراحه وعمري ما هعمل كدا ….
حاجه تانيه مهمه جدا وهي أن ظروفي ما تسمحش اني اشتري لبس جديد ، مش حابة احكي عن حياتي الشخصية حتى لا تدمع عيناك وحتى لا يشفق عليا احد لاني بصراحه مش بحب شفقة حد ولكن كل اللي عايزة أوصله اني مش معايا فلوس اشتري لبس جديد ومش من حقك تعاقبني بالطرد على سبب مش بإيدي ولا ليا ذنب فيه ……
= انتي مش بس شكل مشردين لأ وكمان لسانك طويل وأهلك ماعرفوش يربوكي ، ايه انتي متربية في زريبة ! لا وكمان ماعندكيش ذوق ولا حياء ! فين حياءك كبنت يا شحاته انتي !
( المدرسة كلها بتسمع حوارنا ومستنيين ردي وبعض الطلبة كانوا بيضحكوا عليا وفرحانين فيا والبعض الآخر كان زعلان عشاني أنا رديت على المستر:… )
_ بالنسبة لشكلي كمتشردة يا فندم فدا مش بمزاجي ولو بأيدي أنا أحب اطلع في اجمل واحلى صورة وانا الحمد لله مش بشحت وبجيب فلوسي بنفسي وبعرق جبيني وظروفي اللي بمر بيها دي ابتلاء من ربنا وقداء وقدر ومش بإيدي اقف قدام قداء ربنا ، وما اسمحش لحضرتك تتكلم عن اهلي الله يرحمهم بأي شكل لأنهم ربوني كويس جدا والحمد لله وإلا ماكنتش حافظت على نفسي دون أن اسرق أو افعل الحرام لأجل أن اعيش، وبصراحه احب اقول لحضرتك اني كنت متربية مش بس في بيت عادي لا كمان أنا نشأت في قصر ومش عارفة اسلوبي بالنسبة لحضرتك ازاي لكن اظن اني بتكلم مع حضرتك بكل ذوق وبكل احترام ومش بغلط وبتكلم بكل منطقية ، اما بالنسبة للحياء فأحب اقول لحضرتك البنت ماهي إلا حياء وإن ضاع حياؤها ضاعت هي نفسها ولكن في مواقف لا يجوز فيها الحياء والسكوت ، في مواقف استفزازية ، في مواقف غير منطقي بالمرة انك تسكت وتقول احافظ على هدوئي.. لا يا مستر مش المرة دي هتكسف واسكت مش المرادي هقول لازم احافظ على هدوءي مش المرادي ابدا ، مش عايزة اضيع مستقبلي وتعليمي بكسوفي الغير منطقي بالمرة في كل موقف أقابله في حياتي لا مش المرادي … وبعدين حضرتك كمدرس محترم وقدوة لطلابك ونموذج من المفترض يكون نموذج مشرف ! فين تقديرك لمشاعري! فين تعاطفك معايا! فين اسلوبك كمدرس يا استاذ! من المفترض كمدرس أن تكون سند لطلابك والهام ليهم وأب ! المفروض تكون بمثابة الأب في التعامل والتوجيه !
( أنا خلصت كلام من هنا ولقيت طابور المدرسة كله كان بيصقفلي حتى الأستاذ صقفلي وفي ناس بكت وعنيها دمعت والمدير كان واقف وسامع الحوار وقعد يصقفلي )
= يا بنتي أنا ما شفتش حد بجرأتك دا انا لو بصيت في طالب بيبقا مرعوب من الخوف!
_ لما بيكون ليا الحق مش بقدر أتراجع وبعتذر لحضرتك لو كان اسلوبي غير لائق ولكن أنا استفيد من حضرتك طبعا يا استاذي لازم حضرتك تعلمني وانا أن شاء الله هكون عند حسن ظنك وهستفيد من حضرتك …
= بصراحه انا اللي استفدت منك ، تعرفي أنا كمدرس فلسفة دي المرة الأولى اللي انبهر فيها بكلام حد من 10 سنين ..
( بعدها الأستاذ رشاد جه وكان جي متأخر وماسمعش حاجه من اللي حصل وشافني مع الأستاذ دا وقال :
~ ازيك يا أستاذ منير، مالها أمل عملت ايه؟
= كنت بكلمها عن زيها المخالف بس خلاص هسامحها المرادي لأنها بنت مميزة …
~ روحي انتي يا أمل الطبور طلع ، وتعالى انت يا أستاذ منير هقولك على حاجه كدا ….
( وانا مشيت واقعدوا يتكلموا واعتقد الأستاذ رشاد كان بيكلم الاستاذ منير عني )
المهم الاستاذ منير كان بيعاملني كويس بعد كدا وكل المدرسين حبوني وكانوا بيعاملوني في منتهى اللطف والجمال وقابلت البنات بتوع الرسمه اللي بيحبوا رسمي وكنا صحاب ولكن وضعي مع الطلبة التانيه كان مختلف وكان في بعض الطلبة بيحاولوا يجرحوني نفسيا بكلام بصراحه مش عارفة اقولوا ازاي وكانوا بيحاولوا يتنمروا عليا بكل الطرق بس دا ما سببليش اي مشاكل لأني كنت بتجاهل الجميع والمشكله الوحيدة اللي كانت مضايقاني هي اني مش عارفه اشتري كتب واذاكر منها وكنت محتاجه اني اشتغل شغل جامد غير الخياطه لانها مش هتعيشني بردو دي فلوسها بسيطه ….