رواية صدفه الفصل العشرون 20 بقلم حبيبة علاء

رواية صدفه الجزء العشرون

رواية صدفه البارت العشرون

رواية صدفه الحلقة العشرون

عند حور كانت صحيت من النوم بتبص حواليها مش بتلاقي نوح بتقوم تدور عليه في الشقه كلها وبتفضل تنادي مش بتلاقيه الخوف بيتملك منها وجريت تدور علي مفتاح الشقه لقيتو علي التربيزه وتختو ورقه
ودي كانت رساله من نوح ومحتواها كان….
(حور انا اسف اني مشيت بالطريقه دي بس انتي مش ذمبك تستحملي كل ده انتي جميله وبريئه اووي يا حور تستاهلي حياه حلوه انا اوعدك اني هتعالج وهرجع احسن من قبل بس مش هستحمل اني اءذيكي الموت عندي اهون من اني اشوف دموعك اسف على كل حاجه وانا اوعدك اني هرجع يا حور…خلي بالك من نفسك
نوح)
حور وقعت منها الورقه وقعدت علي الارض تعيط
حور بعياط: ليه يا نوح ليييييييه
حور قامت من الارض وجابت فونها وفضلت ترن علي يعقوب لكنو مكنش بيرد
حور بعياط: ارجوك يا مستر يعقوب…رد ونبي..
لكن مفيش فايده
*******
عند اريچ كانت غيرت هدومها وجت تقعد مع فريال
فريال: هااا يلا احكيلي بقا
اريچ: بصي يا ستي مش انا قولتلك جالي فون مهم وحاجه تخص اسيم
فريال: ايوا ونزلتي علطول
اريچ: اهو الرقم ده بقا كان سليم هو اللي كلمني وطلب مني اخلي اسيم عندي عشان هو مسافر
وحكت اريچ كل حاجه حصلت بينها هيه وسليم لفريال
وبس ياستي اخدت من اسيم وجيت
فريال بحزن علي اسيم: يا حبيبي لسه صغير واتحرم من امه
اريچ: نصيبو يا ماما الحمدلله
يلا انا هدخل انام شويه
فريال ماشي يا حبيبتي
******
عند يعقوب كان راكب عربيتو وصل اللي مكان فاضي تماما
يعقوب فضل واقف يستني شخص
الشخص من ورا يعقوب: والله زمان يا يعقوب
يعقوب التفت وابتسم: واحشتني يا صاحبي
الشخص: وانت والله اي الاخبار
يعقوب بحزن: مفيش حاجه كويسه خالص يا اسر
اسر بابصه غير مفهومة: ليه
يعقوب بحزن شديد: سليم مات وثويبه مش عارف مكانها ونوح بقا مدمن وانا حاسس اني تايه ومش عارف اعمل اي وضايع خاااالص يا اسر
اسر ببتسامه هادئه: مين قالك انو سليم مات وثويبه في أمن مكان أما نوح بصراحه ف في اخبار مش كويسه
يعقوب بصله بصدمه:انت بتقول اي يا أسر
اسر: زي مبقولك كده
يعقوب بعدم بفهم: اسر بالله عليك انا مش ناقص
قول علطول أزاي سليم عايش ونائل قال انو مات في حادثه
اسر: كلامو صح..بس اللي انت متعرفهوش أنو سليم عايش هو ابنو كمان
يعقوب بحده: اسر انت تقعد كده وتحكيلي عشان انا مبقتش فاهم حاجه
اسر: طب اهدي بس هحيلك
من شهرين ونص بالظبط كنا قاعدين في مكتب جابر المنفلوطي وكان بيتكلم في التلفون وباين عليه الفرح وبعدين خلص المكالمه وكان في قمه الانبساط
ف جيت بسألو..
اسر: اي اللي مفرحك كده يا باشا
جابر بفرح: تعالي يا اسر اسمع الاخبار الحلوه
اسر: قول يا باشا
حابر بكره وفرح: اخيرا خلصت من سليم الهواري والخطه نجحت ومات
اسر بصدمه مكتومه،: مات ؛!!
جابر بفرح: ايوا الخبر جالي مات هو ابنو
اسر بمكر: طب ازاي يا باشا قتلتو
جابر: هقولك…….وحكالو كل الخطه اللي سميه وامل ونائل نفذوها
اسر بغضب مكتوم: دماغ انت يا باشا
جابر بضحك صفراء: اومال انت فاكر اي ده انا جابر المنفلوطي
اسر في سره: اخرتك علي ايدي يا منفلوطي
جابر:انت اجازه انهاره انت والرجاله يا اسر
اسر: تسلم يا باشا
رجعت البيت وانا حزين علي فراق سليم واتوعدت ليهم باشد انتقام عشان ارجع حق سليم
يعقوب: طب انت ازاي عرفت أن سليم عايش وازاي عرفت مكان ثويبه وازاي عرفت ادمان نوح
اسر ببتسامه هادئه: هقولك
من اسبوعين بالظبط: كنت رايح لمكتب جابر بيه وسمعتو بيتكلم في الفون وسمعت المكالمة
جابر: اي لسه بتديلو حبوب الهلوسه
سميه بخث: اه يا باشا متقلقش
جابر: طيب ابعتي حد عشان لما تخلص تحطي غيرها
سميه: هو فاضل كام جرعه ويبقا مدمن وميقدرش يتعالج
جابر: فاضل تلات جرعات ويبقا كده خلاص فقد عقلو
سميه بشرر: تمام هحاول ازود الجرعه عشان ننجز
جابر بعصبيه: اوعي تعملي كده هيموت خلنيا زي محنا
سميه بخوف: حاضر يا باشا
من هنا بقا عرفت انو نوح مدمن وكل اللي هو فيه ده بسبب حبوب الهلوسه
واما بقا موضوع عرفت انو سليم عايش في كنت في يوم رايح لجابر وكان علي اخرو ومكسر كل المكتب
ف بسألو مالك ف قالي…
اسر: مالك يا باشا مين مزعلك بس
جابر بغضب أعمي: ازاي طلع عايش مستحيل
اسر بعدم فهم: هو مين يا باشا
جابر بغضب: سليم.طلع عايش
انتو شويه اغبيه مش قلتو ميت و شوفتو جثتو
رجال جابر: لا يا باشا احنا معرفناش نشوف الجثه عشان حواليه ناس بس شوفنا العربيه كانت مدمره خالص يستحيل يطلع منها عايش
جابر بغضب: اومااااااال ازاأااااااي طلع عايش
اسر بفرح من جواه: اهدي بس يا جابر
احنا مش مشكلتنا دلوقتي أن طلع عايش ولا ميت بس في بضاعه لازم تتهرب
جابر: ايوا معاك حق…هبعت الرجاله المخزن يشوفو اي اللي حصل
اسر بمكر: تمام
من هنا بقا عرفت انو سليم عايش وفضلت ادور لحد ما عرفت مكانو وقبلتو واتكلمنا
يعقوب بفرح: بجد شوفتو طب هو عامل اي وابنو
عاوز اشوفو قول مكانو
اسر: هو كويس وابنو كمان كويس بس كالعاده اختفي ومش عارف هو فين
يعقوب: طب ثويبه فين مكانها
اسر: اه عرفت من سليم انو وصل لمكانها قالي انها عند واحده اسمها اريچ المحمدي وهو مطمن عليها هناك
يعقوب بصدمه: انت قولت اريچ المحمدي
اسر: ايوا انت تعرفها
يعقوب: ايوا اعرفها…طب اريچ وصلت لثويبه ازاي
اسر: مش عارف بصراحه بس سليم قال إن اريچ لقيتها وانقذتها زي ما انقذت سليم وابنو
يعقوب بحيره: مش عارف افرح ولا احزن ولا اعمل اي
اسر: اجمد يا صاحبي احنا لسه في البدايه
يعقوب: لو سليم ظهر كلمني علطول
اسر: تمام خد بالك من نفسك
يعقوب: حاضر وانت كمان
اسر مشي ويعقوب اخد عربيتو وراح باتجاه بيت اريچ..
وصل يعقوب عند بيت اريچ ولسه هينزل فونه رن وكانت حور وبيص لقي انها متصله اكتر من عشرين مره رد علطول
يعقوب بقلق: خير يا حور اتصلتي كتير
حور بعياط: الحقني يا مستر يعقوب نوح ساب الشقه ومعرفش راح فين
يعقوب بصدمه: اي!!!!!ازاي ده حصل
حور بعياط: مش عارفه انا كنت نايمه وصحيت ملقتهوش وساب رساله
يعقوب: طب اهدي يا حور انا جاي مسافه الطريقه
قفل يعقوب مع حور واخد عربيتو وانطلق بيها علي الشقه
وصل يعقوب الشقه وطلع خبط وحور جريت فتحتلو
حور بعياط: نوح مشي يا مستر يعقوب وساب الورقه دي
يعقوب اخد الورقه وقراء كل المكتوب فيها
يعقوب بغضب: ليييييييه يا نوح
حور بعياط: نوح هيبقى كويس صح يا مستر يعقوب
يعقوب: اهدي يا حور انا هدور عليه
تعالي عشان اروحك البيت
حور مسحت دموعها واخدت شنطتها ومشيت مع يعقوب
حور بحزن: ممكن لما وصلت لنوح تقولي
يعقوب: اكيد يا حور
اطلعي ارتاحي انتي تعبتي معنا اووي مش عارف اشكرك ازاي
حور ببستامه هادئه:متقولش كده يا مستر يعقوب انا عملت كده بحب نو….احمممم قصدي يعني
يعقوب ببتسامه: انا عارف انك بتحبي نوح وهو كمان عفكره بيحبك
وانطلق يعقوب بالعربيه وساب حور واقفه مصدومه
حور لنفسها هو قال نوح بيحبني ولا انا بحلم لا قال بيحبني معقوله طب ليه كان بيبعد عني لييييه طلامه بيحبني لييييه مقاليش اسأله كتير في بالي اجابتها كلها عندك يانوح
حور طلعت شقتهم ودخلت تتسحب براحه عشان اهلها ميحسوش بيها وحمدت ربنا انو في الوقت ده اهلها بيكونو نايمين
دخلت خور اوضتها واترمت علي السرير ومن كتر التعب محستش بنفسها ونامت
******
ياتي صباح يوم جديد يحمل الكثير والكثير من الأشياء
بتصحي علي اريچ علي حركه اسيم
اريچ بحب: يالهوي يا ناس احلا صباح ده
اسيم بيبصلها وبيضحك
اريچ ببتسامه: طب اكلك ولا اعمل فيك اي هااا
اسيم بيلعب معها وبضحكلها
اريچ بحب: مهو مش هتبقي انت وابوك عليا قلبي الصغير لا يتحمل
اريچ اخدت اسيم عشان تغير هدومه
غيرتلو وحطيتو علي السرير وحطت جمبو مخدات عشان ميوقعش وحطت الالعاب بتاعتو معاه ودخلت تاخد شاور..
ثويبه صحيت من النوم وكانت حاسه براحه مكنتش بتحسها في بيتها اللي اتولدت فيه وقامت واتوضت وصلت وخرجت لفريال
ثويبه ببتسامه: صباح الخير
فريال بحب: صباح النور يا حبيبتي نمتي كويس
ثويبه: ايوا…مش عارفه اشكرك ازاي بجد
فريال بحب: متقوليش كده انتي زي اريچ بالظبط
ثويبه ببتسامه: اوماال هيه فين اريچ
فريال: تلاقيها لسه نايمه
معلش يا ثويبه روحي صحيها
ثويبه ببتسامه: حاضر
راحت ثويبه اوضه اريج وخبطت مره والتانيه ومفيش رد
ف فتحت الباب براحه وبتنادي علي اريج لكن مش بترد فتحت ثويبه الباب ودخلت
وانصدمت!!!!!!؟؟؟