رواية سجينتي فتاة الفصل الثلاثون 30 بقلم أميرة مراد

رواية سجينتي فتاة الجزء الثلاثون

رواية سجينتي فتاة البارت الثلاثون

رواية سجينتي فتاة الحلقة الثلاثون

ذهبت نور الي العمل في يومها الثاني كانت في اتم الاستعداد الي العمل .
نور:صباح الخير
ردت لارا وهي تتثائب :صباح الزفت علي دماغك
صدمت نور من هذا الرد كم تكره نور هذه الفتاه
لارا:ايه مش بترد ليه
نور وهي تسبها داخل عقلها :اقول ايه يعني ؟!
قبل ان ترد لارا نادت جومانه علي نور : نور تعالي حالا
ذهبت نور الي مكتب جومانه:صباح الخير
جومانه:خير ايه بقا ، اتأخرت ليه ؟!
ردت نور تلقائياً دون التفكير :كريم طفي المنبه
استغربت جومانه من رد نور:نعم؟!انتم عايشين مع بعض؟!
هنا فهمت نور الامر ، يا لهذه المصيبه منذ الصباح الباكر.
ردت نور محاولةً تتويه الامر: لا انا مقلتش كده ، انا قولت اني طفيت المنبه بدري
ردت جومانه غاضبة:لا بطلي كذب وقولي الحقيقة، انا اصلا كنت شاكة فيكم من الاول
ارتبكت نور وقررت ان تعترف بكل شيء:بصراحة
جومانه:بصراحه من غير كذب
ردت نور عليها قائلةً:بصراحة هو اجبرني اعمل نفسي بنت عشان اقابلك علي اساس اني حبيبته ومعرفش هو عمل كده ليه
استوقفتها جومانه قائلة:لحظة ..لحظة بس انتي
قولتي انه خلاكي تعملي نفسك بنت
“اه”ردت عليها نور مستغربةً
نظرت جومانه لنور بنظرات متفحصة لاحظتها نور
جومانه:انت ولد
نور:متتريقيش علي خلقة ربنا
جومانه:هو انا قولت حاجة ؟!
لترد نور عليها:نظراتك بتقول كده
انتبهت جومانه لترد عليها :انا اسفة
نور:متقوليش لكريم اني قولتلك حاجة، عشان ميزعلش مني
جومانه :خلاص متقلقيش ..قصدي متقلقش مش هقوله حاجه
نور:وعد
جومانه:وعد ، روح علي شغلك يلا
ذهبت نور لتمارس عملها وبقت جومانه تفكر لما فعل كريم هذا ، هل يكرهها لهذا الحد
…… ……… …………………
نعود مره اخري الي اصدقائنا القدامة~
سامر:تعالي بس انا هوديك مكان جميل
يامن :كل اماكنك زي الزفت
سامر:تعالي بس
دخلوا الي المطعم الذي يعمل بيه نور حديثا

سامر:ايه رايك
يامن:المكان نضيف اول مره تودينا حته عدله ، توبت من اخر علقة خدها هههه
سامر:عيب عليك، علقة تفوت ولا حد يموت
انت عارف البنات دول اساس الحياه من غير البنات مكناش هنعرف نعيش ،دول نسمة الهوا ال بنتنفسه
يامن بتريقة : والله؟!
سامر:اه ، وكمان دول …….ياساتر يارب
يامن بإستغراب:ايه وقفت ليه ، ونظر يامن الي المكان الذي ينظر اليه سامر :في ايه
وجد فتاه تقترب منهم
جومانه:ايه يا سامر الكلب
سامر بإحراج:احمم عيب كده
جومانة: والله
سامر:انتي بتعملي ايه هنا
ضمت جومانه يداها حول صدرها وقالت:مطعمي مثلا
ليرد عليها سامر:منا عارف ،بس مش انتي المفروض واخده اجازه منه
جومانه:اه…واسبهولك بقا ….وتاخد ال انت عايزه من غير ما تدفع الحساب
كل هذا ويامن يتابع الحديث ، هو لا يفهم ماذا يدور بالظبط ولكن اعجبه هذا الحوار الساخن
نعود الي الحوار مره اخري
سامر:مكنوش الف جنيه ال يذلوا صاحبهم كده
جومانه: والله..طب متدفعهم
سامر:احمم
جومانه:ايه ..راحت فين الشجاعه من شويه
ليرد عليها سامر قائلا :عيب عليكي انا بؤ علي الفاضي
1
لترد عليه جومانه وعلامات الغضب احتلت ملامحها :هديك مهلة خمس ايام …خمس ايام بالظبط يا تدفع ال عليك ..يا تشتغل بالعليك
ليرد سامر غاضبة:خلاص هبقي ادفع غوري بقي جبتيلي صداع
جومانة:لما نشوف
ذهبت جومانه اخيرا
ليقول يامن :مين دي
ليرد عليه سامر قائلا:للاسف اختي
يامن:اول مرة اعرف ان عندك اخوات
سامر:انا اصلا مش معترف بيها ،دي مش من فصيلة الكائنات الرقيقة ال بحبهم
المهم عايز تاكل ايه
يامن بسخرية:مش لما تدفع ال عليك الاول
ليرد عليه سامر بكل ثقة :لا مهو الاكل علي حسابك النهارده ههههه
يامن بصدمة:نعم؟!
سامر:خلاص فات الاوان، لارا هاتي المنيو
لتذهب له لارا وتحدف له المنيو وتغادر مره اخري
سامر :بحب النوع الخشيم
ليرد عليه كريم:مش كنت بتحب النوع الرقيق من دقيقة
سامر :انت ذات نفسك قولت من دقيقة، يلا. تعالي نشوف هنطلب ايه

بعد الانتهاء من طعامهم
سامر :روح ادفع يلا وانا هستناك في العربية
يامن:مستغل ..حقير
ليرد عليه سامر وهو يأخذ مفاتيح السياره :ربنا يسامحك
نظر يامن ليه نظره احتقار وذهب ليدفع المال قبل ان تمسك به جومانه وتفعل به كما فعلت بأخيها
ولكنه تفاجئ عندما وصل الي مكان الحساب بوجود نور
كيف لم ينتبه ليه منذ دخوله ، يا لهذا الكائن الصغير
نور:الحساب كده ….
يامن بتفاجئ : نور
نظر نور له وشعر بالخوف قليلا يعتلي قلبه:انت…انت هنا ليه …انا معملتش حاجة
ضحك يامن ضحكة خفيفة ورد عليه:ايه ..خايف كده ليه ، انا جاي ادفع الحساب
نور :ادفع الحساب وامشي ، ومتجيش هنا تاني
ضحك يامن مره اخري وقال:انت بتطردني
نور:حاجة زي كده
ضحك يامن للمره الثالثة ودفع الحساب وغادر
…….. ………. …………
في السيارة~
سامر :اتأخرت ليه

يامن:تخيل شوفت مين
سامر :مين؟!
يامن:نور
سامر:نور مين
يامن:الولا ال كان محبوس عندي
سامر:ٱااااه افتكرته ، هو اشتغل امتي في المطعم
يلا شكله ناوي يتوب
…….. ………… ………
نذهب الي بطل قصتنا الكسول الذي يساهد التلفاز وامامه طبقًا من المكسرات
6
كريم:يااه علي الراحة اول مره احسن براحة كده
الخمول ده حاجه حلوه كده ياااه
كلها كام اسبوع وارجع للمرمطه تاني ، للاسف
بس لوقتها استمتع بقا بشبابي ال ضاع .

بينا كريم يستمتع بحياته نور يمر بأسوأ ايام حياته فهو اصبح يقابل يامن كل يوم يالهذا الوغد الم يخبره ان لا يعود مجددا ،وبالطبع لم يسلم من تعليقاته السخيفة مثل
“ايه يانور بعدت عن عالم الاجرام هههه”
“اشتغل بذمه وضمير ههه”
“الزي هياكل منك حته ههههه”
“طب تصدق الزنزانه المنفرده بتقولي نور هيجي امتي تاني ههههه”
تبًا لهذا الشخص و لضحكة السخيفة بعد كل جملة يقولها ، وهل الزنزانه تتحدث ما هذه السخافه
اكره رؤيه هذا الشخص
1
مر علي نور خمس ايام عذاب من هذا العمل ، ولكنه علي الاقل اصبحت علاقته جيده مع جومانه ،واكتشف كم هي فتاه لطيفه وجميله
هذا كان يزرع الشك في قلب كريم كيف اصبح نور وجومانه كسمنة علي العجين بهذه السرعة
فهو زاره مره في المطعم ليطمئن علي الاحوال وجد
الامور بين جومانه ونور تحسنت تحسن واضح
كيف لهذه الايام ان تفعل هذا
كريم بشك:نور
نور:كريم بالله عليك سبني انام انا مش قادر
كريم :هو سؤال واحد
نور بنعاس:ايه
كريم:انت بتحب جومانه
نور بصدمه:ايه ..لا طبعا مين ال قالك كده
كريم :محدش ، انا مستغرب بس علاقتك بجومانه بقت احسن
نور:. ……..
كريم :نور ،انت نمت
نور:…….
كريم :تبقي نمت
في اليوم التالي في المطعم ~
نور :ليه عايز رقم تليفوني
يامن :مش احنا بقينا صحاب
نور:لا
يامن :ليه الاحراج ده
نور:امشي عايز اشوف شغلي
يامن:مش ماشي غير لما تديني رقم تليفونك
نور بإستسلام :طيب هات تليفونك
يامن:خد
نور:امشي بقا
يامن: see you later
نور:يييييييي واخرج لسانه له لكن كان يامن توجه لباب الخروج لم يلحظه
بعد يوم طويل عاد نور الي المنزل مرهقا
كريم :مالك
نور:انا زهقت ، انت هتخف امتي بقا
كريم :خليك شوية كمان ،سبني استمتع بالحياه يا اخي
نظر اليه نور نظره استحقار
يا لهذا المغفل الاخر يلعب هو و يستمتع بينما نور يعاني ، يا له من بطل شرير
رن هاتف نور فجأه
نظر كريم الي الهاتف ووجد ان هاتف نور هو من يرن
كريم :نور تليفونك بيرن
واعاد نظره مره اخري الي جهاز البلاستيشن وبدا باللعب من جديد .
انتبه نور ان الهاتف الذي يرن هو هاتفه
اجاب نور:الو
من الجهة الاخري كان يامن يقف في المطبخ يعد له كوبا من القهوة :الو يا نور
نور بغضب:انت
يامن وهو يحاول مضايقة نور:انت متفاجئ ليه ، كنت مستني حد تاني يرن عليك
كان هناك حوار يحدث داخل عقل نور
داخل عقل نور~
يا لحماقتي لما انا متفاجئ اذا كان الرقم الاول الذي سجل في هاتفي هو رقم كريم ، وكريم جالس بجواري
اذا المتصل سيكون هذا المغفل الذي يدعي يامن
ردت نور:لا ،عايز ايه
كان كريم يستمع لمحادثة نور وبدي كأنه لم يعجبه الامر فنور صديقه هو . ..هو فقط
يامن:انا عازمك بكره علي الغدا عشان نقوي صداقتنا شوية
حاول نور ان يمسك اعصابه:اولا بكره ورايا شغل
ثانيا احنا مش صحاب
رد يامن :اولا بكره الجمعة
ثانيا مش بمزاجك هبقي اتصل بيك اقولك علي المعاد
سلام
نور:ننييييييي
ثم اقفلت الخط
ليأتي لها صوت كريم :مين ده
نور:دا الظابط ال كان حابسني قبل كده ، شوفته صدفة في المطعم ،وبقي ييجي علي طول وخد رقمي و…
كريم:نور انا هنزل الشغل من الاسبوع الجاي
نظر له نور وشعر ان كريم تضايق من شئ هل هي من اجل صداقته ؟!
لم يجب نور عليه واكتفي بالصمت