رواية سارة وحسن الفصل الثاني 2 بقلم آية

رواية سارة وحسن الفصل الثاني 2 بقلم آية

رواية سارة وحسن البارت الثاني

رواية سارة وحسن الجزء الثاني

رواية سارة وحسن الحلقة الثانية

لقيته مسك ايدي فرجعت ابصله : لو روحتي وراه دي هتبقي نهاية علاقتنا !!
سارة : في ايه يا حسن..ايه اللي خلاك توصل لكدا…
فجأة خالتو دخلت في الحوار :ادخلوا يا عيال مش هينفع تتكملوا ع الباب كدا ..
سارة : دا صاحبنا وابن خالتنا ..عمرنا ما هنقطع علاقتننا بيه لمجرد اننا بنحب بعض
حسن : يعني انتي شايفه ان حبنا مش كفايه يخلينا نقطع علاقتنا بيه ؟
سارة فسحبت ايدي : انت اتجننت يا حسن ؟؟..هنقطع علاقتنا ببه علشان بنحب بعض ..فين المنطق في كدا ..
فخرجت وانا ماسكه ايد اختي ..وكنت ماشية اتلفت في الشارع يمكن اشوفه ..بس ملقتهوش..فاتصلت بيه ومكنش بيرد ..
فرجعت البيت وانا مش عارفه اعمل ايه انا مش عاوزه اخسر حد
مش عاوزه اخسر حسن ولا احمد ..دول صحابي وعيال خالاتي اللي وقفوا معايا من ايام ما كنت في ثانوي لما بابا وماما ما*توا ..اللي عمرهم ما سابوني وكانوا دايما معايا ..عمري ما هقطع علاقتي بحد فيهم علشان بحب التاني ..
نيمت اختي وجهزت اكل بكرا وروحت اطمن ع اخويا في اوضته لقيته نام ع المكتب ..فخليته ينام ع السرير ورجعت اوضتي ..بعد يوم طويل ومتعب اوي…فضلت افكر في اللي حصل ..ومقدرتش6 انام …طول الليل
……

اليوم التاني في الكليه كنت بدور ع احمد ..بس ملقتهوش برن عليه مش بيرد …مكنش معايا وقت اني اروحله البيت …لانه معايا شغل في كافيه ..وانا بشتغل اتصلت بيه ..لقيته رد اخيرا …
احمد ..انت فين من امبارح برن عليكي وانت م بترد
في حاجه ولا ايه ؟
ااه في حاجه ..تعالي الكافيه اللي بشتغل فيه عاوزه اتكلم معاك
معلش يا سارة مش هقدر ..ورايا …
قاطعته : مش وراك حاجه يا احمد ..انا عارفه انك بتتحجج علشان متقابلنيش ..لو سمحت تعالي ..
حاضر…
واول ما خلصت المكالمه لقيت حسن داخل من باب الكافيه وجاي عليا …كنت متضايقه منه ..علشان كان سهل عليه يفرط في علاقتنا لمجرد حبه ليا ..
سارة : عاوز ايه ؟
حسن : قهوه ساده

فجبتله القهوه وحطيتها قدامه وكنت ليه همشب لقيته مسك ايدي: عاوز اتكلم معاكي …اقعدي ..مش هاخد خمس دقايق
سارة : نعم ؟
حسن ؛ روحتي وراه امبارح ؟
سارة : اه (وبعدت عيوني عنه )
حسن : نتي عارفه كل دا غلط مين ؟
سارة : غلطي انا…اني خبيت من الاول ..بس انت مش شايف انك غلطت ؟؟؟
حسن ؛ في ايه ؟؟
سارة : امبارح..كنت بتهددني بحبك يا حسن ؟؟؟..امبارح قولتلي اني لو روحت وراه كنت هتنهي علاقتنا
حسن ؛ طب ما انا بغير يا سارة ..حتي لو احمد ..بغير برضو لما الاقي البنت اللي بحبها مهتمه بحد غيري ..
سارة : بس انت عارف ان اهتمام عن اهتمام يفرق ..احمد اخويا ..انما انت …(فاتكسفت وسكتت )
حسن : انا ايه ؟؟.
سارة : حبيبي ..
فمسكت ايدها وبوست راحت ايدها : انا أسف لو ضايقتك امبارح ..
احمد….دخلت الكافيه وسألت عليها قالتلي صحبتها انها ع ترييزة ٧ ..فروحت لتربيزة ٧ لقيته ماسك ايدها وبيبوسها ..
فاتضايقت وكنت هرجع امشي ..بس سمعتها بتنادي عليا
..
سارة…اتبسطت ان زعلي كان فارق مع حسن…فجاة عيني جات ع احمد وهو ماشي ..فسحبت ايدي وناديت عليه ..
حسن : انتي جبتيه هنا ليه ؟
سارة : اسكت بقا جاي علينا ..
احمد : ازيكم …في حاجه جديده ولا ايه لينا كتير متجمعناش كدا ؟
سارة : كذااب ..اتجمعنا الاسبوع اللي فات ..

احمد ؛ ااه نسيت …في حاجه ولا ايه ؟
سارة. : لازم يكون في حاجه علشان نتجمع يعني ؟
سارة : استنوا..هروح اشوف شغلي وارجع….تاني متمشوش ..
سارة …كنت لسه هقوم لقيت المدير جاي ناحيتي ؛ انتي بتعملي ايه يا استاذه سارة …همشي ورا كل واحد انا علشان اقوله شغله
سارة : انا اسفه..انا راجعه دلوقتي ..
المدير : انجزي..احنا هنصاحب كل زبون ولا ايه ؟
سارة : لا حضرتك فاهم غلط…بس…
سارة…كنت لسه ما كملت كلامي لقيت حسن ضر*به بوكس : اتكلم معاها باسلوب احسن من كدا
سارة : حسن ..ايه اللي عملته دا …انا أسفه والله
المدير : انتو متعرفوش انا مين ؟…انا من الاول قولت انك متنفعيش في الكافيه بتاعي كل زبون توقفي معاه
فعيوني اتملت دموع لانه مش اول مره يكلمني بطريقة وحشه
لقيت احمد قام وتني دراعه ورا ضهره : ما قولنا كلمها بطريقة احسن من كدا ..(ورماه ع التربيزة )
فرميت المريله بتاعت الكافيه ومشيت وانا بعيط
لقيتهم جايين ورايا

حسن : سارة استني ..
سارة..مكنتش عوزاهم يشوفوني وانا بعيط…لقيت احمد جه ووقف قدامي : سارة انتي بتعيطي ليه ؟؟..دا واحد زبالة..مش دا اللي ممكن يزعلك
سارة : انتو بوظتوا كل حاجه ..هلاقي فين شغل دلوقتي ..
حسن : يعني كنا نسيبه يغلط فيكي ؟؟
سارة : هو قليل الادب مع الكل مش معايا لوحدي
حسن : وانتي مش زي الكل
سارة : تقدروا تقولولي هصرف منين دلوقتي ..وانتو اكتر ناس عارفين حياتي عامله ازاي ..
فزقيتهم عن طريقي ومشيت : انا مش عاوزه اعرفكم تاني
…
روحت البيت وانا متضايقه ..كنت خلاص هقبض انهردا…دا اخر الشهر ..
كنت قاعده ع التربيزة بذاكر لهبه ومروان بيذاكر جنبنا
مروان : سارة !

سارة : ايوا
مروان : معاكي فلوس ؟
سارة : انا دايما معايا فلوس ..قولي بس انت عاوز ايه ؟
مروان : فلوس الدرس..المفروض بكرا هدفع ..
ساره : تمام بكرا قبل ما تروح الدرس فكرني ..
يلا يا بوبا ..علشان تنامي ..
مروان : انا عاوز اشتغل
سارة : احنا اتكلمنا في الموضوع دا قبل كدا ..وقولتلك لا
مروان : ليه يا سارة ..المفروض انا اللي اصرف ع البيت ..انا الراجل ..
سارة : راجل ونص يا حبيبي ..بس انت دلوقتي في تالته ثانوي وعوزاك تركز علشان تجيب مجموع حلو
سارة : وبعدين لو اكون حرماك من حاجه تبقي تقول انم عاوز تشتغل بقلب مليان ..
سارة..نيمت هبه ..وروحت اوضتي ..فضلت افكر هعمل ايه وهجيب فلوس منين ..الشغل واهو راح ..والكليه مش مركزة فيها ..
افتكرت اني لابسه حلق دهب …فقررت ابيعه علشان اقضي بيه الشهر دا لحد ما الاقي شغل…
_______

احمد : دا كله بسببك انت اللي ضربته الاول
حسن : اصمله ما انت كملت عليه ..وبعدين دا رد فعل طبيعي ..هي مش زي حد
احمد : هنعمل ايه ؟…كدا راح عليها الشغل
حسن : ننزل ندورلها احنا ..علشان نضمن انها تحت مدير كويس مش حيوان زي دا
احمد : كل واحد يدور لوحده ولللي يوصل لحاجة يقول للتاني
احمد…مكنتش طايق حسن ..اول مره احس بكدا ..كان اقرب حد ليا وفجأة بقيت حاسه بينافسني ..بينافسني ع حبي لسارة..
حسن…اول مره كل واحد فينا يعمل الحاجه لوحده فب الغالب كنا بنعمل الحاجه مع بعض …بس مش هتفرق..انا مش فارق معايا غير سارة
اليوم التاني ..
روحت بيعت الحلق ورجعت البيت ..
مروان …خد الفلوس اهي ..
مروحتيش يعني شغلك انهردا ؟؟
ااه…ما انا اخدت انهردا اجازة ..تعبانه شوية …

سارة…اسالة مروان كتيرة..وزدات الفتره دي…هو مبقيش صغير زي زمان ..وطول الوقت بيعترض ع شغلي وعاوزني اركز في كليتي لكن لو عملت كدا ممكن منلاقيش ناكل ..اي نعم خالاتي دايما بيساعدوني بس انا مش عاوزه حد يساعدني ..عاوزه اعتمد ع نفسي ومكونش عائل ع حد ..
مسكت الفون لقيت مكالمات من الاتنين ..فقفلته تاني..انا زهقت منهم..مكانوش كدا زمان ..فجأة اتغيروا ودايما حاسه انه بيتنافسوا ع حاجه ..
_____
حسن …كنت في الشغل في المستشفي ما انا دكتور ..كنت مشغول ومعرفتش ادورلها ع شغل..وطول الوقت حاسس بالذنب انها خسرت شغلها بسببي..كنت ببعتلها وبكلمها مش بترد ..
فبعت لاحمد رسالة : (لقيت شغل ؟؟)
_______
سارة…لقيت الباب بيخبط ..ففتحت لقيته احمد ..
كنت رابطه شعري لورا بس فردته وجبته ع الجنبين …علشان مياخدش باله اني قلعت الحلق ويعرف اني بعته ..
لقيتلك شغل
بجد ؟
اه ..كول سنتر ..براتب اكبر من اللي فات ..تحفه
ع فكرا مكنش لازم ..مش علشان انتو سبب اني اسيب الشغل فتدورا ع شغل تاني..كدا كدا كنت نازله ادور لوحدي
احمد : في ايه يا سارة ..من امتي بينا الكلام اللي في تكلف دا ؟؟
سارة لنفسها…من لما عرضت عليا الجواز..مبقتش مرتاحه من سعتها..من لما سبتك ومشيت ..وتناسينا الموضوع وكأنه محصلش…كان لازم نتكلم ..علشان كل واحد يحس بالراحه ..

سارة : لا طبعا تكلف ايه وهبل ايه ؟
سارة..لقيت مروان بينادي عليا : ايوا يا حبيبي جايه ..
روحتله لقيته متعصب وباين عليه : في ايه ية مروان ؟؟
مروان : عاوز اروح الدرس ..
ما تروح يا حبيبي في ايه ؟
هروح واسيب احمد هنا…مش هينفع طبعا..انتو الاتنين تقعدوا في البيت…
ما هبه موجوده وبعدين ايه الجديد ما دايما نعمل كدا ؟
لا معلش..انا كبرت وعرفت ان دا غلط ..
اعمل ايه يعني..اقوم اقوله امشي…
فجأة سمعنا صوت الباب بيخبط
فخرجت وانا بتمني ان اللي في بالي يبقي غلط ..
لقيته مشي…
فرجعت ازعق لمروان : يوووه…صوتك كان عالي وسمعنا ينفع كدا ؟؟؟؟؟
مروان : والله هو كدا معملش حاجه غلط …دا الصح
سارة : وايه الجديد ما دايما هم بيكونوا معايا وبنقعد في البيت لوحدنا ..وبعدين دول ولاد خالتي
مروان : الجديد اني كبرت وعرفت ان دا غلط…

فخرج من البيت وكرب الباب …
قعدت ع التربيزة وانا بعيط ..حسن ومروان ميتطاقوش..انا مبقتش متوافقه مع احمد …خسرت شغلي ..مش مركزه في كليتي…لقيت حد بيشد في بنطلون البجامه فبصيت لقيتها هبه
هبه : انتي بتعيطي ليه ؟؟؟..خلاص والله هاكل لسان عصفور
فضحكت من الهم ..
هتاكليه بجد ولا بتضحكي عليا ؟
هبه ؛ هاكله بجد بس متبكيش
حاضر ….
لقيت تلفوني بيرن …ولقيته حسن ..مقدرتش امنع نفسي ورديت عليه وبدأت اعيط
حسن : مالك يا سارة في ايه ؟؟؟..حصلك حاجه ؟؟
حسن…هي مش راضيه ترد..هي بتعيط بس..
حسن : ردي عليا طيب…حصلك ايه ..طيب انتي فين..انا جايلك حالا ..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية سارة وحسن)