رواية زواج من أجل الورث الفصل الثالث 3 بقلم سحر أحمد
رواية زواج من أجل الورث الجزء الثالث
رواية زواج من أجل الورث البارت الثالث
رواية زواج من أجل الورث الحلقة الثالثة
استيقظ ادم من النوم وبعد قليل رن هاتفه وكانت سوزى : صباح الخير يابيبى
ادم: صباح الخير ياحيبيتى
سوزى: صحيتك من النوم ياقلبى
” جاكى وجع فى قلبك ياشيخة:
ادم: لا ياروحى انا صحيت خالص وشوية وهانزل اقابلك فى المطعم عشان نفطر سوا
سوزى بدلع : اوكى يا بيبى ممممموووووووووووووةةة
بدل ادم ملابسه لبدلة انيقة من احدى الماركات المعروفة من اللون الازرق وكان وسيم جدا حيث عيونه بلون الرمادى وطول قامته وجسمه الرياضى المتناسق ورش عطره المفضل ولم يرى امه بالمنزل وغادر البيت متجه الى المطعم دخل الى المطعم وجد سوزى كل من بالمطعم ينظر اليها من شدة جمالها بفضل المستحضرات التجميل بالاضافة الى شعرها الاشقر
الصناعى وعيونه الملونة بلون اخضر بفضل العدسات وملابسها على احدث موضة ولكن تظهر جميع جسمها وان كانت مرتدية ملابس طويلة من ينطلون جينيز وبلوزة كات بلون الموف ولكن ضيقة الى اقصى درجة
سوزى : حيبيبى اتاخرت ليه واحشتنى
” وحش ام يلهفك”
ادم بضيق: ايه ال انتى مش لابساها ده
سوزى : عجبك صح اهو زى ما انت عايز طويل ومحترم
ادم: عجبنى اية وزفت اية بس هى فكرتك عن الاحترام
سوزى: بقة كدة يابيبى انا بتغير علشانك وانت عارف وكمان ده احدث موضة ومحتشم
ادم: محتشم من انهى حتة بس وكمان عارف بس انتى كمان لازم تسمعى الكلام وكمان انتى عارفة انى بحبك
سوزى : وانا كمان يابيبى بحبك وهسمع الكلام بس خليك فرى شوية
ادم: حاضر انا مش عارفة بسمع كلامك ازاى يالا نفطر بقة يا قمر
كان مصطفى البنهاوى
فى الشركة الخاصه بها و بعائلته حيث هو مدير الشركة فقط ورئيس مجلس الادارة هو ابوها محمد البنهاوى وكان احمد اخوها شريك لها وادم يعمل كمدير تنفيذى للشركة حيث كان مصطفى البنهاوى فى اجتماع ودخلت السكرتيرة وقالت له ان الحاج محمد البنهاوى على الهاتف
مصطفى: وحشنى ياحاج انت وامى واحمد ويايسن والعفريت تونة
محمد: وانت كمان ياولدى كليتهم اتوحشوك اخبارك اية انت ومراتك وعيالك
مصطفى: كويسين ياحاج
محمد: بص يا ولدى انى عايزك تاجى اسيوط يوم الجمعة ال جاى وتجيب ادم وندى معاك
مصطفى: خير ياحاج فى اية حد تعبان ولا امى تعبانة
محمد: لا ياولدى محدش تعبان بس انى عايزك ولازم تجيب الاولاد معاك ضرورى ولا امهم هترفض كمان حرام ياولدى بقالى سنتين ماشوفتهومش عشان مش قادر اروح مصر وانى لو مروحتش هما مش بيجيوا عشان مراتك كل مرة تقول حجة عشان مش يجوا عندنا
مصطفى: لا ياحاج حاضر هجيبهم من عنيى
محمد: خلاص ياولدى هستناكم واعمل حسابك انك هتقعد معانا كام يوم انت والاولاد سلام
مصطفى: سلام يا حاج . اغلق الخط وتوجه لكى يكمل الاجتماع وعقله مشغول بسبب طلب والده بالسفر الى اسيوط هو واولاده . بعد انتهاء افطار ادم وسوزى تركها ادم لكى يتوجه الى عمله على وعد بالسهر ليلا مع بعض فى احدى الحفلات
وصل ادم الشركة وتوجه الى مكتب ابيه وطرق الباب
مصطفى: ادخل
ادم: صباح الخير يا بوس وحشتنى
مصطفى: صباح اية الساعةدلوقتى 12 يا بيه
ادم: اية ده يعنى الاجتماع خلص
مصطفى: لا مش خلص احنا مستنين حضرتك تخلص فطور وتيجى على ما حبيبة القلب تسمحلك
ادم: اسف والله يا بوس مش هتكرر تانى
مصطفى : ياريت ترجع تنتبه لشغلك تانى واقعد عايزك فى موضوع
ادم: خير يابوس مالك انت هتجوز على ثريا هانم والا اية
مصطفى: بطل يازفت واخرس خالص كنت عايز اقوالك ان انا وانت وندى مسافرين يوم الجمعة الصعيد
ادم: صعيد ليه ولمين
مصطفى: يعنى اية ليه ولمين انت نسيت اصلك يا زفت
ادم: اه لا يابا خالص بس اصلى مستغرب احنا بقالنا حاولى 15سنة مروحناش هناك
مصطفى : عارف بس جدك اتصل وقال انه عوزنا نسافر اسيوط
ادم: ليه يابابا ما جدو هو ال بيجى اشمعنا المرة دى
مصطفى: انت بقالك قد اية ماشوفتش جدك ولا كلمته
ادم : مش فاكر اخر مرة شوفته بس كلمته فى التليفون من شهرين تقريبا
مصطفى: يا ماشاء الله طبعا من يوم ما عرفت الست زفتة ال نستاك اهلك اعمل حسابك مسافرين يوم الجمعة والكلام انتهى
ادم: مالها بس سوزى يابابا على العموم ماشى يابابا مجاتش من يوم حنسافر فيه
مصطفى : لا احنا حنقعد كام يوم هناك
ادم باستغراب: لية بس
مصطفى : انا قولت كلمة ولازم تسمع ويالا هوينا على مكتبك شوف اية اخبار الصفقة الجديدة
خرج ادم من مكتب ابيه وهو منزعج من السفر الى الصعيد والبقاء به وتوجه الى مكتبه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زواج من أجل الورث)
تعليق واحد