رواية زواج مع ايقاف التنفيذ الفصل الرابع 4 بقلم عادل عبدالله

رواية زواج مع ايقاف التنفيذ الجزء الرابع

رواية زواج مع ايقاف التنفيذ البارت الرابع

رواية زواج مع ايقاف التنفيذ الحلقة الرابعة

بعد ما رجعت سهام لقيت اسلوبها وطريقتها معايا اتغيرت بشكل نهائي .
بقي حركاتها و كلامها معايا كلها دلع .وغيرت من طريقة لبسها في البيت .وبقيت بتقعد علطول بقمصان نوم وملابس بيت مغرية جدا .
معرفش ايه االي غيرها بالشكل ده ولكن حسيت ان ماما ومامتها هما اللي شجعوها تعمل كده .
المهم ان بدأت افكر ان اخلي زواجي منها زواج طبيعي .
بدأ يبقي جوايا صراع بين شعوري بالذنب تجاه اخويا ياسر الله يرحمه وبين تفكيري ان ممكن اضعف و اخلي زواجي منها زواج طبيعي .
بقيت احاول اهرب من المواجهة وبقيت اقعد بره البيت اطول فترة ممكنة .
ولكن شعوري بالذنب ناحية اخويا وشعوري انها لسه مرات اخويا هو اللي اتغلب وكان الاقوي .
استمرت سهام في اسلوبها وطريقتها الجديدة باغرائي فترة .
كانت بتحاول بكل الطرق انها تحرك مشاعري تجاهها .
لحد ما زهقت ورجعت تاني زي الاول وبعدت عني ورجعت تاني حزينة وكئيبة زي الاول او اكتر بعد ما فقدت الامل .
من وقت ما اتجوزت سهام .وبقيت الاء مبتكلمنيش خالص .
حاولت كذا مرة اني اكلم الاء لحد ما كلمتها بعد محاولات كتير .
لما سألتها عن سبب تهربها مني قالت ان النصيب والقدر حكم علي حبنا بالنهاية .
لما حاولت افهمها ان جوازي من سهام جواز صوري وكان تحت ضغط كل اللي حواليا حتي هيا نفسها .
كان ردها عليا ان مفيش حد بيقف قدام القدر .واني لازم اتعايش مع ظروف حياتي وانها هي كمان هتبتدي تتعايش مع حياتها .
موقف الاء كان غريب بالنسبالي ولكن اكيد كان باباها هو اللي وراه.
بعدها بفترة قصيرة عرفت ان الاء اتخطبت وانها هتتجوز بعد فترة قصيرة .
بدأت الدنيا تسود في وشي اوي واحس ان حياتي بقيت ضلمة .
حبي الوحيد راح مني واخويا مات واتجوزت مراته .
حياة غريبة مش قادر استوعبها .
في الوقت ده عرفت ان في اشاعة في عيلتي وعيلة سهام االاشاعة دي اصابة رجولتي في مقتل وهي اني عاجز جنسيا .
بقيت هتجنن ومش عارف اعمل ايه .خصوصا ان مفيش حد واجهني بالكلام ده .
حصلت مشكلة كبيرة بيني وبين سهام لاني ظنيت انها هي اللي نشرت الاشاعة دي .
وبسبب المشكلة دي سهام سابت البيت ومشيت تاني وراحت عند اهلها .
وفي ليلة والدنيا سودا في وشي قلت اخرج اسهر في اي نايت كلوب يمكن اخرج من حالة الكأبة والحزن اللي انا فيهم.
وفعلا روحت سهرت في نايت .
انا مش متعود اني اسهر في الاماكن دي او اشرب او اني اصاحب بنات من النوع ده .
الجو كله كان غريب عليا .
قعدت وشربت وجت واحدة تقعد جنبي .
قعدنا نضحك ونهزر وكانت القعدة لذيذة .
فضلنا قاعدين لحد الصبح واتفقنا انها هتيجي معايا البيت .
معرفش ايه اللي خلاني افكر في كده .يمكن علشان اثبت لنفسي اني مش عاجز جنسيا زي ما قالوا من ورايا .
وفعلا البنت اللي اتعرفت عليها في النايت جت معايا البيت .
انا كنت مطمن لاني عارف ان مراتي غضبانه ومش هتفكر تيجي .
الشئ الغريب ان واحنا في البيت لقيت مراتي داخلة من الباب .
المفاجاة كانت كبيرة ليا لدرجة اني مكنتش عارف اتصرف او اتكلم .
الصدمة كانت كبيرة علي سهام وقعدت تشتم فيا .
الصراحه كنت ملتمس ليها العذر لأني جرحت كرامتها كتير .
سبتها تشتم فيا وتقول كل الكلام اللي في قلبها من غير ما ارد عليها .
بعدها مشيت سهام والبنت اللي كانت معايا مشيت وقعدت لوحدي افكر .
انا حاسس ان المشكلة اللي انا فيها كل شوية بتتعقد اكتر ومش لاقي لنفسي حل او مخرج من المشاكل دي .
حالتي النفسية ساءت جدا وخصوصا ان امي عرفت اللي حصل وزعلت مني وقاطعتني .
ده غير ان سهام طلبت الطلاق .وجي باباها طلب مني اني اطلقها .
قلت في نفسي ان دي فرصتي ان اخلص من الجوازة دي اللي امي غصبتني عليها وخصوصا ان امي بردو زعلانه مني .يبقي زعل بزعل اطلق سهام واخلص .
في الوقت ده ماما تدخلت وحاولت تقنع سهام ان اللي انا عملته ده بسبب حالتي النفسية علشان الظروف اللي انا عايشها ومش قادر اتعايش معاها .
وكمان هددت سهام انها لو اتطلقت مني واتجوزت تاني هتاخد منها اسر .
سهام خافت ناخد منها ابنها .فتراجعت عن طلب الطلاق ولكن رفضت ترجع البيت تاني .
حالتي النفسية ساءت جدا كل يوم عن التاني لدرجة ان بدأت اهمل شغلي .
فكرت اروح لطبيب نفسي يمكن يلاقي حل يخرجني من الاكتئاب اللي عندي .
فعلا روحت لطبيب نفسي وبدأ يسمع مني مشكلتي جلسة بعد جلسة ومع الادوية اللي كنت باخدها وكلامي معاه وكلامه معايا بدأت احس بتحسن كبير .
وقدر الطبيب النفسي انه يقنعني بطريقته بأني لازم اعيش حياتي واتعايش مع ظروفي .
وان جوازي من سهام لازم يبقي جواز حقيقي وان مع الوقت احساسي بالذنب تجاه اخويا ياسر ( وهو احساس غلط لاني مليش ذنب زي ما قال الدكتور وان اللي حصله قدره زي ما جوازي من سهام قدري ) ان الاحساس ده هيبعد عني خالص وهعيش حياتي عادي .
بالفعل بدأ تفكيري يتغير وافكر في كلام الطبيب واني انفذه .
وفعلا كلمت سهام علي الموبايل وقلتلها اني هتغير للاحسن .وقعدت اتأسفلها علي اللي حصل مني قبل كده .وعاهدتها اني هكون انسان تاني احسن كتير .
سهام اقتنعت بكلامي وحست منه بالصدق .خصوصا بعد تعهدي ليها ان غلطتي اللي حصلت مش هتتكرر تاني .
طلبت من سهام انها تقف جنبي و انها ترجع البيت وندي لبعض فرصة نقرب من بعض فيها لحد ما نتجوز بشكل طبيعي مع الوقت .
كل يوم يتم نشر حلقة او حلقتين