رواية زواج بالإجبار الفصل السادس 6 بقلم تسنيم قاسم

رواية زواج بالإجبار الفصل السادس 6 بقلم تسنيم قاسم

رواية زواج بالإجبار الجزء السادس

رواية زواج بالإجبار البارت السادس

رواية زواج بالإجبار الحلقة السادسة

انا: هاااار اسوود ياشمس انتى بتدلقى ماية متلجة على زوجك قرة عينك
شمس:طب افهم الاول انت مشكلتك دلوقتى مع انى دلقت عليك ماية ولا مع ان الماية متلجة
انا: لأ طبعا ان الماية متلجة
شمس: يعنى لو ماية عادية كان هيبقى عااادى بالنسبالك
انا: اه طبعااا
شمس: طيب ياحبيبى حقك عليااا…
ولاقيتها نازلة بجردل ماية عااادى وبتقولى
شمس: يلااا ياحبييى ادينى حليتلك مشكلتك انى اسف😂😂😂
جات تجرى اتزحلقت ووقعت ومسكت فياا وقعتنى معاهااا😂
انا: شوفى بقى هنقوم ازاااى دلوقتى ننشف الماية ديه قبل مالشقة تغرق😂😂
شمس: الله وانا مالى يالمبى 😂
سندنا بعض وقومنا نشفنا الشقة مع بعض وعملنا الغدا سواا واتغدينا واتفرجناا على التليفزيون وحقيقى كل ثانية بحبها اكتررر بكتييير من اللى قبلهاااا ومبقتش متخيل فكرة فراقنا…. عدت فترة كبيرة بحزنها وفرحهاااا وكنا قاعدين نتغداا وبعد ماخلصنا شمس كانت قايمة ووقعت من طولهااا…
انا: شمس قومى ياحبيبتى مالك فيكى ايه اللى كان مطمنى انى لسة سامع نفسهااا انا تقريبا بقيت بخاف من المشاهد ديه وبترعب لما حد يفقد وعيه جريت بيها على المستشفى..

الدكتور: اتطمن يا استاذ محمد خير الحمدلله
انا: ونعم بالله مالها يادكتور طمنى بالله
الدكتور: اتطمن يا استاذ محمد هيا دوخة بسيطة تقدر تاخدها وتروحوا البيت متقلقش
انا: انت بتتكلم بجد
الدكتور: اه متقلقش
انا: شكراا جدااا استأذن حضرتك……
اخدت شمس وروحنا على البييت وفضلت معاها يومين مش بخليها تتحرك من مكانها بس اضطريت انزل لشغل مهم جداااا فى الشركة وده لسبب انى كنت واخد اجااازة بقالى فتررة كبييرة جداااا فا استأذنت شمس ونزلت …… رجعت بالليل لاقيت الشقة متزينة ومكتوب على الزينة Baby بس مكنتش فاهم انا افتكرتها بتدلعنى وبتقولى بيبى😂لان كان فيه تورتة عليها صورتى فا افتكرت فى اللحظة ديه ان ده عيدميلادى اللى معرفش اصلا هيا عرفتوا ازاااى بس مش مهم هنعرف الموضوع ده منهاا(ملكوش دعوة انتوا ده سر بينى وبين مراتى) 😂😂.. شمس جات بتدينى شوز صغير جداااا وبتقولى ديه علشانك لاقيت نفسى بقولهاا…
انا: علشانى ايه ياشمس ماتتلمى هو انتى جايبانى تهينينى فى عيدميلادى
شمس: ليه ياحبيبى بس..
انا: هيا ديه مقاسى يعنى .. 😂
شمس: محمد بطل ضحك واتأمل لحظة فيهااا..
انا: ايه ده بجد ياحبيبتى
شمس: اه ياحبيبى.. ولسة هتكمل كلامها
انا: جبتيهالى علشان فيها نفس رباط الشوز بتاعتى اللى اللى رباطها ضاع مش عارف اقولك ايه بجد ياحبيبتى🥺
شمس: ربااط ايه وزفت ايه يامحمد ماتتعدل كدة وافهم والا والله هدخل اناام وابقى احتفل لوحدك ده ايه القرف ده
انا: مالك ياحبيبتى اهدى طيب انتى اتعصبتى ليه كدة… طب حاولى تفهمينى بالراحة واحدة واحدة وانا هفهم ان شاءالله
شمس: بقولك ايه بلا تفهم بلا ماتفهمش ان شالله مافهمت ياعم.. بص بقى من الاخر كدة انا حامل
انا: يعنى ايه برده فهمينى بالراحة ياشمس طيب مش فاهم مش عارف احل اللغز
شمس: ياشيخ اوعى كدة من وشى بلا لغز بلا قرف…. وراحت قعدت على الكنبة وسابتنى واقف لوحدى وبعد ثوااانى كنت بجرى عليها وقفتها…..

انا: شمس احلفى
شمس: والله ياحلوف… 😂
انا: بتهزرى صح
شمس: لأ والله… فاكر لما روحنا المستشفى الدكتور قالى بس مردتش اخليه يقولك علشان اعملهالك مفاجأة فى عيد ميلادك
انا: يااحلى مفاجأة فى حياااتى وشيلتها لفيت بيهاا وبوست راسها وايديها ونزلت عند بطنهااا…
انا: بص بقى ياعم انت ولا ياست انتى متتعبوش ماامى فاهميين وانا بحبكوا اوووى من قبل حتى ماتيجوا هاانت كلها شهوور واشوفكوا يانن عيونى انتوا المهم ماتتعبوش ست مامى علشان هتطلعوا على عينيكوا وعيونى لما تنزلوا فاهميين… رد ياواد انت وهى فااهميين
شمس: محمد هيردوا عليك ازاااى هاااا😂استنى بس انت خليتهم اتنيين 😂
انا: لأ بس خايف اتكلم بصيغة الولد تبقى بنت وتزعل منى وخايف اتكلم بصيغة البنت ويبقى ولد ويزعل منى😂😂اناااا حقيقى فرحااان اووووى تعاالى نصلى ركعتيين شكر لربنااا
شمس: يلااا ياحبيبى..
صلينا ركعتيين شكر لربنااا وكنت فرحاان اوووى كنت عاامل زى العيل اللى فرحاان بلعبة جديدة اتعلقت باللى فى بطنها من قبل مااشوفه اصلا مبقتش بخليها تشيل معلقة كل حاجة بوديهالها لحد عندها حقيقى بقيت بحبها اضعااف مابحبهااا ومش هتكسف اقول للعالم كله انى بحبهااا انا بعشقهاا عشق لا ينتهى 🥺🖤
شمس: محمد بقولك ايه
انا: نعم ياحبيبتى
شمس: انت جيبت رماان صح

انا: لا ياحبييتى انتى عااوزة
شمس: ااه طبعااا اجرررى بسرعة يبقى ده وحم ويااخرااابى لو مأكلتهوووش هيطلع فى عين البيبى يامحمد يرضيك ابنك ولا بنتك يبقى عندهم رمانة فى عينيهم علشان امهم مأكلتش رماان علشان ابوهم المفترى مرضيش ينزل يجييب لأمهم رمااان….. وفضلت تعيييط وانا مصدووم من اللى بيحصل طب انا دلوقتى اضحك ولا اعيط جنبها ولا انزل انا مش فاااهم حقيقى
انا: طب اهدى ياحبيبتى طيب هنزل اهووو…. وقربت من بطنهااا وقعدت اتكلم مع البيبى… عاوز رمااان ياحبيبى فى الوقت ده حسيت بحركة البيبى وكأنه بيقولى ايوة عااوز كنت فرحااان اوووى بجد نزلت جرررى فضلت ادور على رمااان لحد مالاقيت وروحت فصصته وروحت أكلنا سوااا.. شمس مسكت بطنها وكلمت البيبى
شمس: شوفت ياحبيبى بابا بيحبك قد ايه وبيسمع كلامك
حضنتهااا…. تانى يوم روحناا للدكتووور وعرفناا ان البيبى بنوتة فرحت جدااااا بقى عندى بنتين مش بنت واحدة
وبعد فترة شمس ولدت وسمينا البنوتة ياسمينااا😍🖤كنت فى الشغل ورجعت فتحت باب الشقة وسمعت صووت عيااط جايب لأخر الشقة قلقت عليهم دخلت اشوف مالهم.. لاقيت شمس واقفة وشايلة ياسمينا والاتنين بيعيطوا
انا: اهدى ياحبيبتى مالك فيه ايه…
شمس: اعاااااااااا
ياسمينا: اعااااااااا
انا: اعاااااااااااا……. بسسسسس خلاص عيطت معاكوا اهو قوليلى مالك ياحبيبتى وسايباها بتعيط ليه كدة
شمس: مش عاوزة تسكت وانا مش عاوزة اشوفها بتعيط يامحمد
انا: طب اهدى طيب… اخدت ياسميناا واول ماشيلتهاا سكتت وضحكت
شمس: شوفت بنتك وعمايلهاا شووفت انا غلطانة انى عيطت عليهاا اصلا
انا: ياحبيبتى هيا لما عيطتى جنبهاا خافت اكتررر كان المفروض تسكتيهااا مش تعيطى جنبهااا وقعدنا نتفرج على التليفزيون وانا واخد شمس فى حضنى ومنيم ياسمينا على رجلى…
عدت فترة وكانت ياسمينا بتكبر قداام عينى بس الحقيقة انها مكنتش بتكبر لوحدها انا كنت بكبر معاها مع كل خطوة بدأت تمشيها كنت بحس نفسى طفل لسة بادئ المشى الحقيقة انى اتولدت من جديد يوم مااتولدت كلمة بابا المقطعة اللى طالعة منهااا محاولتها للمشى لما بفتح باب الشقة علشان تجيلى هياا تبان تفاصيل صغيرة بس حقيقى ديه احلى تفاصيل مرت عليااا فى حيااتى كلهاااا….. فى يوم كنت راجع من الشغل لاقيت ياسمينا بتعيط..
انا: مالك ياعيون بابا فيه ايه ياحبيبتى… اتكلمت بحروف مكسرة وما اجمل الحروف المكسرة منهااا..
ياسمينا: سمس قالت محمد مس جيب مصاصة
انا: لأ محمد جابلك مصاصة اهى بس فين المصاصة اللى جيبتهالك امبارح
ياسمينا: سمس الوحسة كلتها

شمس: شمس ال ايه سمعينى كدة تااانى
ياسمينا: الوحسة
شمس: يعنى انا اشيلك ٩شهور فى البطن ديه مرار ليل نهار ومعرفش انام على جنبى ده ولا جنبى ده علشان سعاتك وفى الاخر تقوليله سمس وحسة طب تعالى بقى اوريكى الوحاسة
ياسمينا: الحق يا محمد سمس العفريتة بتجرى وراناا
فضلت انا بلف هنا وهنا علشان اشوف سمس العفريتة والحق ياسمينا من سمس العفريتة وفى اللحظة ديه قررت ارجع ياسمينا بطن سمس اقصد شمس 😂سورى وارجع شمس البلد وابقى ارتاحت من المرار الطافح ده😂
شمس: بتقول حاجة ياحبيبى سمعاك بتدردش مع نفس فى حاجة
انا: لأ ياعفريتة قلبى هو انا اقدر ياست😉😂مبرجعش عن كلامى انا ابداااا😂
وياسمينا جاات قعدت فى النص بيناااا وفى اللحظة ديه بقيت مسؤل عن بنتين…
وفى النهاية …
“زواجى منكِ ما كان اجبارى عليّ ولكن كان اجبارى على قلبى الذى أحبك يا محبوبتى❤❤”

لقراءة الرواية كاملة اضغط علي : (رواية زواج بالإجبار)