رواية رفق الفصل الأول 1 بقلم روح الفؤاد
رواية رفق الجزء الأول
رواية رفق البارت الأول
رواية رفق الحلقة الأولى
عمر : صراحة ولا جرأة ؟
رِفق : صراحة
عمر : لسه بتحبيني ي رِفق ؟
انا رفق ودا عمر ابن خالي وهو مقتنع اني بحبه . حقيقي ربنا يشفيه عشان هتشل
كعادتنا بنتجمع كل جمعة ف بيت جدو وتيته بيبقي نفسنا نخرج مع صحابنا . نقعد ف بيتنا مثلا بس ازاي . لازم امي تسحبنا ونروح وخالتو برضو وخالو كدا كدا عايش عند جدو . المشكله اكيد مش ف جدو وتيته . المشكله ف باقي عيلتنا الجميله
روحت انا وامي واخواتي الصغيرين واتفاجأت بجدو بيفتح الباب
رفق : جدو حضرتك بتفتح بنفسك لي . مش ولاد خالو هنا ؟
جدو مهتمش لكلامي وسلم ع ماما واخواتي وبعدين قالهم ادخلوا انتوا وسلم عليا وقالي : رِفق هاتي موبايلك
انا : اي ؟
جدو: موبايلك مش هتدخلي بيه واخلصي
طبعا طلعت الفون وانا هعيط عشان هقعد اعمل اي ف البيت الممل دا . انا واثقه ان جدو بيعمل كدا عشان يقعدنا مع بعض لأنه الأسبوع اللي فات شال الراوتر وقال ان ف مشكله ف النت بس طبعا اتصرفنا ومحدش ساب موبايله اللي كان معاه باقه فتحها واللي رن ع اصحابه يكلمهم واللي قعد يلعب ع الموبايل بس برضو متكلمناش مع بعض
احنا ٥ يعتبر من سن بعض كلنا ف جامعة يعني واخواتنا فِ منهم اطفال و فِ ف اعدادي بس وكل شله بيقعدوا مع بعض الا احنا . يمكن زمان كنا بنحب يوم الجمعه عشان بنتجمع بس لما كبرنا تفكيرنا اتغير وبقينا مختلفين وكل واحد له حياته وصحابه وبعدنا تماما عن بعض ف جدو حاول يقربنا تاني . انا رفق وعمر ابن خالي واخته رحمة توأمه و تيم ابن خالتي واخته بتول ودي الوحيدة اللي بطيقها ف العيلة دي
بعد م جدو خد مني الموبايل دخلت سلمت ع اللي قاعدين ولقيته واخده م عمر ورحمة برضو والباب خبط ف جدو قالي افتحي واعملي اللي عملته
فتحت الباب وسلمت ع خالتو وولادها الصغيرين ودخلوا وبعدين قولت : تيم وبتول طلعوا موبايلتكوا
تيم بإستغراب: لي بقا إن شاء الله
رفق : والله أوامر جدك ولو تقدر تعترض انا معاك
تيم : لا اعترض اي بس اتفضلي ي حبيبتي
سوري مكنش قصدي بس بقولها كتير
رفق بتوتر : حصل خير ولا يهمك
دخلنا وقعدنا كلنا . جدو من عاداته الجميلة انه بيقعد مع تيته وولاده لوحدهم يفضلوا يفتكروا ايام زمان . يتكلموا ف اي حاجه بس من غيرنا . بس قرر انه يقعدنا معاه شوية بعد م كان كل احفاده اتفرقوا الا احنا وبدأ جدو يفتح مواضيع واحنا بنتجاوب معاه وبعدين قال انا هدخل اقعد مع عيالي جوا عايز ارجع الاقي حد اتحرك من مكانه . لا ونسيت اقول ان جدو شال التلفزيون م الصالة كمان وقام مشي وسابنا
فضلنا كل واحد باصص ف اتجاه م الزهق لحد م عمر اتكلم : م نلعب ي جماعة اي حاجه
رحمة : نلعب صراحة ؟
ف الكل وافق وبدأ تيم يلف الازازه ف جه ان
تيم يسألني
تيم : حبيتي كام مرة
رفق : ولا مرة
وتيم يسألني تاني
رفق : هو مفيش غيري ولا اي
تيم : معلش استحملينا . ف سر محدش يعرفه غيرك واي هو ؟
رفق: فيه ايوا بس مقدرش اقوله لحد معلش
وبعدين بتول تسأل تيم
بتول : بتحب حد ؟
تيم : احلفلك ع المصحف انه لا
بتول : عايزاك تتجوز وافرح بيك واكون عمتو
تيم : بس ي حبيبتي اسكتي
عمر يسأل رفق
عمر : صراحه ولا جرأة
رفق : صراحه
عمر : لسه بتحبيني ي رِفق
رفق بصدمة : انت اهبل ولا حاجه
رحمة : او ماي جاد طيب مش تعرفوني شكلي هكون عمتو قبلك ي بتول
بتول قربت مني وقالت : رفق انتي فعلا بتحبي عمر ؟
الوحيد اللي متكلمش كان تيم وبصيت بإتجاهه لقيته مبتسم ومش فاهمه بيضحك ع اي العبيط دا . هو كمان صدق دَ انا قولت انه اللي بيفهم فيهم
عمر : اي مش هتردي ي رورو
رفق : يع متقوليش رورو دا
عمر : تنكري انك قولتي كدا
رفق ببرود : قولتها بس قولتها زمان وانا عندي ١٠ سنين ولو افتكرت انك هتدايقني بكدا يبقي دور ع حاجه تانية . وانا هجي ع نفسي واقعد عشان جدك بس
انا مليش علاقه ب عمر بس دايما بيغتت عليا لما يشوفني ع عكس تيم ع الرغم من اننا متكلمناش من وقت م دخلنا جامعة تقريبا بس انا بحترمه لا انا بكدب انا بحبه ومحدش يعرف خالص انا اصلا مش قادره اواجه نفسي عشان اقول لحد و ااه لو يعرف ان هو السر اللي مخبياه عن الكل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رفق)
