رواية رفق الفصل الثاني 2 بقلم روح الفؤاد
رواية رفق الجزء الثاني
رواية رفق البارت الثاني
رواية رفق الحلقة الثانية
جدو جه ندهلنا وف العادة بيتغدوا كلهم مع بعض واحنا كل واحد بياكل ف جمب بس جدو قعدنا كلنا تاني سوا عشان الاكل ولأن العيلة كبيرة ف قعدنا ع ترابيزة تانية
عمر : رفق اوعي تكوني زعلتي مني عادي يعني انا مقولتش قدام حد غريب دا تيم ابن خالتك وزي اخوكِ يعني واكيد متكسفتيش من رحمة وبتول
رفق : ولما اقوم اضربه ب السكينة دي ف دماغه ونخلص منه هيبقي حلو
بتول : خلاص ي رفق اهدي
عمر : خلاص قريب هتبقي مراتي
انا لو قعدت والله هضربه بجد ف اضطريت اقوم امشي
ف لقيت اللي بيشدني من إيدي كنت هضربه ع وشه بس لقيته تيم وانا عارفه انه اتصرف بعفوية ف هديت نفسي ف اتكلم : والله اسف مكنش قصدي
رفق : وانا مدتش رد فعل عشان عارفة كدا بس متتكررش تاني
وجيت اخرج وقفني صوت جدو وهو بيقول : راحه فين ي رفق ؟
رفق : اكلت ي جدو هدخل البلكونة شوية . ممكن اخد تلفوني ؟
جدو : خديه علي م الباقي يخلص اكل وترجعيه مكانه
هي الفكرة مش ان جدو مخبيه لا هو موجود قدامنا عادي بس الراجل يحركه م مكانه بقا
ف خدت الفون ودخلت لبست الايربودز وسمعت قرآن انا يمكن مش قريبة من ربنا اويي بس الحمد لله لبسي كويس و بحفظ قرآن وبجاهد نفسي ومبسلمش ع ولد اجنبي عني ودي حاجه هتشل عمر كل مره يمد ايده واقوله نفس الكلمه مبسلمش ع رجاله ويتقمص والمفروض يفرح اني وصفته انه راجل اصلا . ع عكس تيم تماما لما جه مد إيده وكنت خدت قرار اني مش هسلم ع حد ف رفعت إيدي وحييته وقولتله معلش انا مبقتش اسلم ع رجاله ابتسملي وقال : دي مش حاجه تعتذري عليها دا ديننا و ربنا يثبتك ويهدينا.
ودا بإختصار الفرق بينه وبين عمر مش انا اللي بتحيز ل تيم عشان بحبه
فجأة سمعت صوته ورايا
تيم : تشربي قهوه؟
رفق : لا متتعبش نفسك
تيم : عملتها خلاص اتفضلي
خدتها منه وشكرته وفرحت بيها انا ك واحدة لما بحب حد بعمله قهوة وهي مشروبي المفضل ف لما يقدمهالي طبيعي هفرح بيها
تيم : القهوة دي اعتذار مني ع اللي حصل من شوية
رفق : بالله عليك مش كل شوية تفكرني انا عارفة انك اتصرفت بعفوية وحصل خير خلاص
تيم :بتتعاملي مع عمر كدا لي
رفق : والله انت تسأل ابن خالك عشان انا ع اخري
تيم : اعتقد ان محدش قالك لسه بس هو طالب إيدك
رفق بتريقه : ربنا يبشرك بالخير دايما ي تيم زي م بتبشرني
تيم : اعتقد انها حاجه هتفرحك
رفق : لا دا العيلة كلها هبلة بقا انا ماشيه ولو جدو سأل عليا قوله مشيت احسن م ترمي نفسها من البلكونة
ونزلت وانا هموت م العياط هو للدرجه دي غبي ومش مدرك لأي حاجه يمكن انا مببينش بس هو مينفعش يعرف لوحده وبعدين اي تناحته دي طيب يغير عليا زي اخته ع الأقل وازاي ساكت ل عمر كدا لا وجاي يسألني بتتعاملي مع عمر كدا لي . يارب اخلص منهم الاتنين
عند تيم
تيم : هي رفق فعلا بتحب عمر ؟
بتول : هو انت اعمي مبتشوفش بتتعامل معاه ازاي
تيم : بس عمر قال إنها بتحبه وهي مأنكرتش دا
بتول : اهه عندك حق فعلا كان عندها ١٠ سنين وواعية وكبيرة برضو . انت هتشلني ي ابني
تيم : وعمر بيقول انها لسه بتحبه لدلوقت
بتول : وياتري بتتعامل كدا لي
تيم : عشان بتغير عليه مثلا وفاكرة انه بيحب غيرها
بتول : اكيد اللي قال العبط دا عمر وانت صدقته
تيم : لا سمعتها بودني
بتول : مستحيل رفق تكون بتحب عمر وبعدين انت مهتم كدا لي
تيم : بنت خالتي عادي
بتول : انا عارفه انك بتحبها .اتقدملها ي تيم قبل م تروح منك
تيم : مقدرش اعمل حاجه زي كدا . عمر كلم خالتو خلاص
بتول : خلاص جهز بدلة عشان تحضر خطوبتها
سابها ومشي هي لي بتلومه ع حاجه مش بإيده يعمل اي يعني هو بيحبها من زمان بس كان كاتم ف قلبه لأنه مكنش مستعد بس لما قرر يتقدملها لأنه اتخرج وجهز شقته وجه يحكي ل عمر
Flash back
تيم : أنا قررت اتجوز
عمر : مين المحظوظة دي
تيم : رفق بس انا اللي محظوظ بيها مش هي
عمر : بصراحه مش عارفة اقولك ولا لا
تيم : اخلص ي عمر هتقول اي
عمر : أنا ورِفق بنحب بعض من زمان اويي وهي اعترفتلي بحبها ومن وقتها محصلش جديد بس انا عرفت انها بتحبني لحد دلوقت
تيم : وعرفت ازاي ؟ وكمان انتوا اخر مرة اتخانقتوا عند جدو ف لو بتحبك بتتخانقوا لي
عمر : بتغير ي عم . حتي استني اسمعك ريكورد بعتاه ل رحمة بعد خناقه الأسبوع اللي فات رحمة سألتها اي اللي حصل وبدأ يسمع رفق وهي بتقول : بصي ي ستي عمر معملش حاجه انا اللي اتعصبت عليه عشان كنت غيرانه لأنه كان بيتكلم مع بنت ع الفون وهو عارف اني بحبه كويس اويي وقولتله مرة ميتكلمش مع بنات
Back
تيم وهو مستغرب هو عارف رفق كويس حتي لو حبت مش هترمي نفسها ع حد ولا هتقلل م كرامتها بس هو فعلا صوتها اللي مش ممكن يتوه عنه وطبعا كان عمر مفبرك الصوت عشان تيم ميتقدمش ل رفق وفعلا لما عرف هيتقدملها لي بقا وقرر يحافظ ع علاقة الأخوة بينهم وخلاص وطبعا كان منهار الأسبوع كله بس قرر انه هيروح ويشوفها عادي وطبعا حصل كل اللي قولته دا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رفق)
